好耐都冇嘆一盅兩件, 得知尖沙咀站上蓋iSquare開左間新酒樓, 交通方便。 酒樓面積唔算大, 環境舒適, 有種高雅氣派感覺。近窗邊可以遠望維港景色, 嘆住美食+高高遠望, relax!~  Menu上有幾款點心曾經獲香港旅遊局頒獎為最受歡迎款式, 價錢亦唔會因而特別貴,  揀左其中一款【原隻鮑魚燒賣皇】HK$35
鮑魚仔令整體賣相更為吸晴, 更顯氣派, 鮑魚仔沒有額外調味, 食到原汁原味。燒賣皇足料, 入面有鮮甜爽口蝦粒, 同埋鮮甜豬肉, 燒賣外皮唔會太乾, 不愧是人氣點心! 【彩福蝦餃皇】HK$36
每粒蝦餃脤卜卜, 皮薄餡靚, 入面有大大隻鮮甜爽口既蝦, 非常高質! 【XO醬花姿片蝦球炆伊麵】HK$94
夠大碟! Share食就最岩! 炒得好有穫氣, 配有韮菜, 增添香口。伊麵濕潤唔油, 呢款伊麵唔辣, 花姿片爽口, 蝦球鮮甜彈牙。  最後食埋甜品【金箔芝麻卷】HK$20
賣相精緻, 口感好滑, 只係微甜, 入口細味先食到淡淡既芝麻味~  食物質素高質又足料, 點心即叫即蒸, 等待需時, 但好食既野唔怕等, 食過就知值得!  遠望維港景色兼有高質美食, 價錢唔會特別貴, 值得ENCORN!

平時酒樓多數是地下個層或者上一二樓，外面比廣告牌遮蔽陽光，但是這間彩福就位於26樓，景觀開揚光猛，而且還對住個無敵大海景，真係食都食得開心d。 原隻鮑魚燒賣皇：得獎點心一定要試啦，雖然鮑魚唔係好大隻，但都幾有咬口，燒賣的豬肉肥瘦均勻。 黑松露帶子鳳眼餃：淡淡的黑松露香，有帶子的鮮甜及爽口的蝦仁，鳳眼餃餡料十足。 咸菜胡椒豬肚：原煲胡椒豬肚上枱，咸菜又不會太咸，豬肚爽腍，湯底有濃香的胡椒味，味道都幾辣。 鹹水角：炸至金黃煙韌，比一般的較細粒，但有四件，餡料有肉碎及菇等。 海螺片滑雞扎：雞扎裏面有片爽口的螺片，味道都正常。 XO花姿片蝦球炆伊麵：伊麵大碟而且有很多人花姿片及蝦球，海鮮十分新鮮，伊麵亦都不會太腍，還有些金菇芽藥木做配料，不過XO 醬略嫌較少。

姊妹想係到擺酒，貪新同話屋企人喜歡彩福系列哈哈。嚟到有花海，靚呀！可能佢之後可以做埋嘉賓影相位，唔洗另外做背景。 好多人飲茶，要等一等。見到今晚都有人擺酒，姊妹影相偷師之時，就入得座。 下午茶小餐 $118 上湯龍鳳球淮山麵 湯底唔咸，幾好。酒樓都有淮山麵啦，有d似公仔麵口感少少但係滑d既感覺。一碗兩份食都夠。 蝦球一定無蝦腸既、雞肉片厚滑、有雞鮮味！ 濃湯浸菜遠 大大條，綠粗粗。濃湯菜浸入味得嚟又無太咸，控制ok，爽。 欖菜肉鬆四季豆 依個比菜吸引，份量雖話小食，但有小菜份量。四季豆炒得收哂水乾身下貼滿欖菜。欖菜好重味同肉鬆粒一粒粒好重本。 之後加點心，無哂帶子鮮蝦鳳眼餃，嗚。綠豆蓉紫天鵝- $26 外皮有蘿蔔酥皮既影子，薄多層厚脆。可以拎住天鵝頭食哈哈。 綠豆蓉飽滿帶咬感，但主要以軟。 脆皮紫米冬菇包$23 外皮有d似炸饅頭，激似冬菇。 入面係紫米一d都唔甜，今日食既咸甜點都味道處理得岩岩好。新店係好d！ 上星期先係另一間旗下分店食佢得獎點心，覺得nice！ 原隻鮑魚燒賣皇 $38 朋友勁誇話有乾鮑味道，有茨汁嘛。 好大粒，得獎係唔同既。燒賣皮有咬緊唔係薄一皮咁，蝦肉豬肉混合有點爽有d厚。 以酒樓嚟講，環境真係唔錯同夠新。

朋友喜歡食點心， 趁佢生日大日子，帶佢去尖沙咀isquare的「彩薈軒」，食得獎點心及嘆一下維港美景。 打開餐牌見到連續五年勇奪香港旅發局美食之最大賞至高榮譽金獎，一定必點得獎點心。 「 原隻鮑魚燒賣皇」，原隻鮑魚煙韌彈牙，燒賣有豬肉及蝦肉香。 另一得獎點心「 旋風黃金流沙包」，賣相十分吸引，白底黑色旋風紋，撕開包面，真係好流沙，有蛋黃香味，滋味十足。 彩福蝦餃皇， 蝦餃皮煙韌， 餡料十足。 黑糖合桃馬拉糕，非常好食，夠健康加上粒粒合桃，美味又可口。 超正~石鍋XO醬煎腸粉，腸粉煎得香脆， xo醬夠嘢未，加埋石鍋上腸粉，半小時都keep住熱，厲害! 極度推介，必吃! 朋友生日梗係要有個祝福大壽包，大大隻壽包，即叫即蒸，裡面仲有原隻蛋黃，真係不得了。

放假同屋企人去了尖沙咀isquare的彩福飲茶，這間酒樓環境開揚，面對著維港景，落地大玻璃令酒樓裏面更光猛，非常舒服。 這裏茶錢每位$15，但以這個景觀對比這個價錢一點都不貴。 蝦餃 一籠四粒，每粒都晶瑩剔透而且脹卜卜，外皮不易穿，裏面大大粒的蝦肉，新鮮爽口。 蟲草花素粉果 粉果皮同蝦餃一樣，很透又帶點彈性，裏面有些雜菌等餡料，但蟲草花就唔多見。 XO醬炒蘿蔔糕 蘿蔔糕煎至六面都帶焦香，外面脆香裏面就腍，還有一絲絲的蘿蔔絲，以XO醬及芽菜炒，十分惹味但比較油膩。 鮮蝦長春卷 春卷比平時的幼身但很長，炸得香脆，中間有些蝦肉餡料，一人一條啱啱好。

今日同家人黎左石門飲茶，依間彩福一如既往，都係咁多人。 見左個好似好豪華的鮑魚仔燒賣黎試下，每一粒燒賣上面都釀左一粒小小的鮑魚。鮑魚好細粒好可愛，應該係預先炆好左的，上哂色，入口好有咬口，好入味，好似有微微的煙薰味，幾好食。下面嘅就係一般嘅蝦肉燒賣，但都做得新鮮，幾彈牙嘅。

再加多幾個點心，飯咁樣，埋單大概一人$100到，平日有特價可能會平Ｄ，都算係石門飲茶唔錯嘅選擇。不過，星期六日咁都已經好多人，一遲左少少去，就要等位等好一輪先有。

朋友說有多層停車場，泊車非常方便！ 價格尚算合理。 朋友非常有心，帶了一瓶靚茶葉分享，他只叫一壺熱開水，那位樓面女侍應也很貼心，送來 2 壺！ 裝修是不錯的，座位也安排得輕鬆，完全沒有背對背的毛病！ 朋友點了點心後，大家邊品茶邊閒話家常！ 環境本來是不錯的，很奇怪有一位穿西裝的樓面，一直在我們桌子前面附近講電話，一時粗聲大氣對其他樓面侍應指手畫腳，然後繼續講電話，非常自娛，旁若無人！ 作為食客，我們都覺得他非常擾民, 比較掃興！ 哈哈😄 服務行業，一點都沒有顧及客人感受！ 個人估計他應該不是經理，可能是樓面其中一個主管吧！ 我們只好忽略他的存在，繼續聊天吃點心，都是見見朋友，喝喝茶，食物其次！ 朋友很客氣，堅持結賬，謝謝他 !

唔好睇小石門依間呢度，只係石門站果一兩間商場，已經有非常之多間酒樓，競爭可以話非常激烈。

屋企人黎飲茶通常都係會揀彩福或者皇苑，今日就嚟咗彩福。一排冇黎，人呢，就仍然非常多，可能係因為星期日六嘅緣故。啲嘢食嘅選擇都多咗，今日嗌咗個幾款點心，仲有好似幾得意嘅海鮮炆鴛鴦米。 海鮮炆鴛鴦米嚟到，份量非常大，上面有好多唔同嘅海鮮配料。驚喜地係竟然有珊瑚蚌，而且份量都唔少，其他仲有帶子，同埋蝦，當然仲有啲洋蔥同韭菜花之類嘅蔬菜啦，價錢只係90幾蚊，算係比較驚喜嘅一味炒粉麵。份量多到三個人食，都差啲食唔晒。

另外今日嘅點心，比較特別嘅係有一個鮑魚仔燒賣。鮑魚仔好細好細一粒非常CUTIE，個樣就好似嗰啲貴價蠔皇鮑魚咁樣，只不過就縮細左多好細粒咁，咬落都仲有幾有質感同埋鮮味。下面嘅就係普通燒賣，入邊嘅蝦肉同豬肉都幾彈牙㗎。
仲嗌左一個煎鯪魚肉釀尖椒啦。今日呢份辣椒，有一半唔辣，另外一半都幾辣，就睇下大家彩數啦。
埋單大概$300到，都算係唔錯嘅選擇，所以次次黎都非常多人。

中秋造節晚飯預訂彩福，要先付訂金一律$500。這晚食客多，一半地方間了房間。 晚飯只供節曰菜單牌，是方便廚房起菜使客人盡快吃完，造至少兩輪枱的生意。 我們點了八款菜，其中值得推介反而是普通菜式。 由於不想吃白飯，部長說厨房忙不接受散叫炒粉麵，只得楊州炒飯或瑤柱蛋白炒飯兩個選擇。最後選了楊州炒飯，賣相一般，不過吃後覺得炒得不錯，配料十足有蝦叉燒等，炒得粒粒飯香。 柚子香茘蜜梅骨，梅骨有咬口但仍是腍，可能是走過油後使外面脆但裡面則不會實的的，包住梅骨的汁醬剛剛好，吃落有果香令人開胃。 燒味拼盤叉燒倂燒腩仔，密汁叉燒夠腍有蜜味，燒腩皮脆有肉汁。

一早就plan咗去九樓彩福飲下午茶，點知一時身痕，諗住改去五樓嘅稻香啦(之前都食過一次，不過平時大多都係去九樓彩福)，點知。。。真係後悔莫及 ╮(￣▽￣"")╭ 入電梯時都聽到啲人話要去九樓，唔好去五樓，我都不以為意 (╯3╰) 上到五樓，一入去，我先知原來新裝修過，擺設傢私完全變晒。 一睇menu，超級貴，小點廿一蚊，中點廿五(好似係)。心諗算啦唔緊要，好食就好了。 自動添水，但不user friendly，我見枱枱都唔識用。 我哋入座時間為兩點三，星期日，點知我哋叫咩無咩！點攪！ 叫春卷，冇，叫薄餐，冇，叫煎蘿蔔羔，冇！ 四個人只係叫咗五個點心就冇心機了，都唔知揀咩好。 鮮蝦腐皮卷，翻炸再翻炸，好油，好難食。 叉燒包，啲料好少。可取之處，就正如我阿媽話齋，得個包皮好白 (~_~;) 乳鴿係特價，廿幾蚊，Ok嘅，應該係即炸，但不太熱，味道不錯，最好味就係呢樣。 鳳爪，不過不失。 唔記得影腸粉(特價)，係深圳嗰隻石磨腸粉，不是廣東腸粉。 埋單盛謂$206蚊，四位。 呢間嘢，不單止冇嘢食，啲嘢只係average，咁貴，冇下次！

今日下午茶嚟咗呢一間彩福，其實本來我都冇乜嘢，但服務員態度非常差，好似去咗街市咁嘈吵，係咁呼喝住其他客人埋單， 叫佢哋斟水佢声稱聽唔到，一啲反應都冇 。 吹我埋單就叻同反應極速!加熱水呢D基本嘢欠奉。 咁我哋叫咗個炒粉、點心， 其實啲嘢食非常普通又唔係話算太平，己下午茶嚟講。 同埋啲點心做得又求其， 星期六日想抖下，畀啲咁服務員去招呼。 去多次都嫌費事! 如果擺婚宴壽宴可以考慮唔好嚟呢一間or閣下感受下佢D服務先，對我而言因為啲服務員態度未去到我基本要求。It is a BAD SERVICE to me. 其實佢評分嗰度有服務加星，我本來都唔想畀，因為佢哋一星都未必配。

早前同阿媽去咗彩福飲下午茶撐枱腳，兩個人所以食得唔多嘢，叫咗一個下午茶孖寶（油雞米粉+千層糕）同一個豉油皇炒腸粉 油雞米份量夠，味道正常，千層糕唔錯，成日都會叫，豉油皇炒腸粉勁大碟但味道普通，下次都係叫返石鍋炒腸粉🤤🤤 雖然貴少少但惹味同乾身好多，後悔冇叫😫 總結：兩個人下午茶齊頭$100，味道正常，份量夠，算係咁啦😋

放假緊係同屋企人飲茶啦，彩福酒樓嘅樓底高，又無柱遮擋，果然係婚禮專門店。 彩福酒樓嘅點心選擇多鯪魚球唔會太硬身，又有魚味👍🏻 棉花雞嘅雞都夠入味，好食好食👍🏻👍🏻👍🏻

這陣子跟男朋友四出睇婚宴場地，因為本身我地 二個都住沙田，依家石門開左好多酒樓都係以婚宴為主有戶外證婚之餘個場地都幾靚。所以今個假日我勢就入左去石門睇睇。 彩福戶外場地鎖左我地就出唔到去睇，但證婚場地好大同埋成個花花背景，都好靚！室內樓底都算高，無柱位👍🏻 精選點心有點貴。 外觀同味道都算不錯，旋風黃金流沙包有點流沙👍🏻口感豐富。 真功夫潮洲粉果都是普通的潮洲粉果，但真係十分足料👍🏻👍🏻👍🏻 其實點心外表係幾靚同精緻的。但價錢有點貴，服務質素有進步空間。

假日人齊，一家人都會選擇到酒樓食返一盅兩件，因為可以慢慢食慢慢傾，始終覺得酒樓是很適合一家人食野的地方。是日選擇了皇室堡彩福做我們的聚餐點。 今次主要由家人畫點心。酒樓上菜時間算快，感覺食物新鮮，味道不錯，論食物、環境、服務等整體尚算不錯，家人對酒樓都感到頗滿意。 值得推介的點心有幾樣：首先是芝士春卷（不太記得點心名）。春卷咬落鬆脆香口，而且滿滿芝士及春卷餡；第二是紅棗糕，serve時熱騰騰，糕又不會太林身；另外的熱推就是叉燒，除了是好味的半肥瘦，還是肉質鮮嫩且暖身，有入口即溶的感覺，真係忍不住食多幾件。 服務方面，工作人員回應快，不會見客人舉手但採仍視而不見的態度🙈。希望酒樓可以一直保持質素啦～