銅鑼灣一帶素來多美食，特別是日本菜，而當天晚上來到食街登龍街，被這家店餐牌吸引，便進店一試 位置：登龍街太平洋咖啡店對面 環境：充滿日式居酒屋裝修，店面雖少但感覺不算焗促 服務：店員有禮貌，亦細心推介食物 食物：主推丼飯，選擇有接近廿款之多 廚司發辦壽司九貫（$328） 當第一次光顧日本餐廳，想試真其手藝，便要選時令的廚師發辦即Omakase，於是毫不猶豫下了單 共九件新鮮的壽司整齊擺放在木板上，包括海膽、穴子、牡丹蝦、魷魚、帆立貝、油甘魚、三文魚、真鯛及吞拿魚腩，全部都很新鮮，刀工不錯，份量剛好，而新鮮的食材無論怎樣都是最美味的特別推介鮮甜的海膽及油脂比例高的吞拿魚腩，相信這兩款應該怎樣發辦都會有的吧 九鼎丼（$368） 把九款精選魚生放在九個小碟上，再放入九宮格的木架，相當有氣派，更是限量發售 這次食材包括了燒鰻魚、吞拿魚、三文魚子、三文魚、油甘魚、真鯛、海膽、蟹膏及吞拿魚蓉，據說會按不同時令有所調整呢。每個小丼都在小量壽司飯上放上滿滿的食材，而且全部新鮮美味，尤其是蟹膏，明顯是直接從蟹拿出的蟹膏沒有加添其他材料，所以相當鮮味而海膽也充滿海水味，鰻魚燒得很香，整體相當出色 整體來說，這家日本料理食材出色，擺碟精美，令人回味，難怪總是客似雲來呢

今日氣溫得7度，真係凍，心想飲杯熱飲增加熱能。行過太平洋咖啡廳，見到有個大招牌宣傳兩款新春叫柑牛的特色咖啡，拿拿聲買左杯柑牛朱古力咖啡回家飲。 因為沒有加鮮忌廉，所以單純細味朱古力的濃厚味道，口感滑，甜度適中，飲飲下又食到絲絲柑肉，以為加左生果味道會怪怪地，飲落又幾得意，始終係咖啡的濃香蓋過左D柑香。飲左一杯即時感覺溫暖。平時飲開朱古力咖啡的我就覺得有冇柑都差唔多，不過因為要用金字的諧音，所以加柑肉，創造有點新意思也是好事。

終於到博覽館，樓下就有太平洋咖啡，嘆杯香濃咖嘆，食份西洋冷凍三文治先飽飽開工。每季漫長戰鬥開始，琴日機場起攤位，今日企機場展覽，聽日會展起攤位，接住連續五日係會展罰企！罰企無得留係公司做唔到生意！我係做 wholesale 唔係 retail，企足 5 日每日 10 個鐘，都不及我係公司開 1 張單呀！

星期六日無假放要機場開工踩兩星期！運輸未到，貨品未到，晨早留留入場發呆為咩呢？明明 10:30 開 show，但 9:00 要返黎齊齊硬膠您眼望我眼做咩膠？點解取消左半份三文治呢？迫顧客比多點錢，食唔晒點算？依家再無半份三文治供應，迫顧客買全份，經常要分兩次食可惡極至！

全球最討厭物種，運吉都要霸晒整個區域，每人一張檯！公眾絨梳化感覺好污糟，嗅汗菜汁全部吸收！成班州民福佳運吉白撞霸晒梳化位，仲要放埋對腳上枱，您屋企？比我舒舒服服嘆個早餐都唔得！大媽大叔團覇晒所有梳化位，依邊一大一細係度食燒味飯、那邊一個放晒手袋除鞋係度打機，見到眼火爆！公眾地方來的嗎？可以齋坐、瞓覺、嘆冷氣、打牙骹？坐我絲絨梳化位！突然覺得好唔衛生，以後都係唔坐。

鮮橙汁，酸味強烈增進食慾！凍泡沫咖啡，泡沫沒有了，只有濃烈奶味。凍美式咖啡，好很貴的凍齋啡 $46 蚊，飲得到咖啡原味芳香。凍朱古力咖啡，苦盡甘來帶點可可甜。凍榛子牛奶咖啡 hazelnut latte，重奶味加重甜味，夠冰涼入到口。杯咖啡甜到唔想飲，糖水一樣！

經典雞胸凱撒沙律三文治 Classic Chicken Caesar，超薄雞胸一片、生菜一皮、沙律醬一篤，冰凍大啖咬！乾乾有雞味、爽菜濕醬還可以。公司三文治 Club Sandwich，百鳥歸巢什麼都有！鮮茄、生菜、雞蛋、煙肉，互相平衡。吞拿魚番茄三文治，紫洋蔥、生菜、青瓜、番茄、等等，健康新鮮豐富，紫洋蔥生菜索索聲爽嫩多汁，吞拿魚醬塞得滿滿，鬆軟全麥麵包，好味道！最衰我較鍾意食熱辣辣三文治呢。芝士火腿果醬三文治，果醬增添甜酸味，更開胃醒神！生菜火腿車打芝士三文治，悶悶乾乾配料好鬼寡。

酥皮烤肉卷，雖然翻叮烤肉卷不過質素絕不差非常好食！興奮到忘形成舊塞入口，燙到甩皮喇！德國香草腸味道，濃郁滲著肉汁，酥皮鬆化，如果即焗就更精彩！十足香草白肉腸一樣味道，濃郁多汁豐富充滿彈性，酥皮牛油香噴噴。蘑菇雞批，皮厚乾爭爭，內籠空盪盪。

太平洋咖啡 (尖沙咀) 📍地址：尖沙咀廣東道33號中港城平台一座4A及4B 號舖 ⏰營業時間：07:00-21:00 🍱食物：約了客人在皇家太平洋酒店傾嘢，但時間尚早。飲咖啡hea下應該係最好既選擇，於是便買左杯咖啡順便提下神。一直都有飲開太平洋咖啡，質素依舊。環境很好。打卡都不錯 👩🏻人均：$38

位於上環文咸東街的 <太平洋咖啡> 指定分店，早前推出外帶午餐！  食客只要走入門口，便會見到賣早餐及外帶午餐的特定 Corner！  非常快捷方便！ 就算是外帶午餐，店員也不會馬虎！值得一讚！ 外帶午餐 $50 包括：沙律、便當或漢堡，配牛奶咖啡或茶 (每日不同款式) 用紙杯、紙飯盒及木叉，響應環保！木叉卻不太實用！ 炒牛肉配長通粉 & 沙律 沙律 色彩繽紛的沙律，食材豐富！ 有羅馬生菜、菠蘿、提子、甘筍絲、粟米、紅燈籠椒、西芹...等，簡單混合沙律醬，清新健康美味！ 炒牛肉配長通粉 長通粉以油烚熟淡而無味， 炒牛肉甜美帶微辣相當惹味，加上選用肥牛，肉質不韌，而且入味！ 熱茶 水溫滾燙泡茶才出味！ 把茶味發揮得淋漓盡致！茶味清香甘醇，又可以解膩提神！ 外帶午餐 牛肝菌忌廉汁燴雞肉  以西蘭花及椰菜花墊底吸收醬汁，兩者都是溫熱；反而，燴雞肉可能賣剩尾的關係，只是和暖， 勝在多汁夠味！ 韓式部隊鍋卷 有4件看似日式壽司的韓式卷，入口些少辣！包住溶掉的芝士、香腸及青瓜等配料！ 熱牛奶咖啡 就算加入牛奶，口味依然頗甘！ 我在公司加了老闆娘的一匙奶粉，再加糖，拌勻後，味道變成甘甜，即時易入口得多！ 堂食午餐 雲泡抹茶紅豆奶茶  Frothy Matcha $42 我在網上見到，7月便買來一嚐！ 飲這款特飲有步驟及專屬的特製膠杯！ 飲管選用甘蔗物料製造，相當環保又容易分解！ 新口味的鴛鴦，比我預期無咁甜！ Ham & Cheese Danish $18 鹹香酥脆無得輸！ Choco Chiffon cake $32 這款蛋糕配朱古力 $32/ 配士多啤梨 $34 特別加入烏龍茶，可減輕甜膩感！

📍太平洋咖啡店 - 檸檬撻 我自己平時就勁鍾意食一啲酸酸甜甜嘅嘢～所以我自己本身好鍾意食檸檬口味嘅tart~ 呢一款tart亦都冇令我失望 食落去有少少酸 但係如果再酸啲就更加好🥰 出邊個皮都幾脆身😚 會想encore 😝 ✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎ 綜合食評 外觀：★ ★ ★ ★ ☆ 回頭率：★ ★ ★ ★ ☆ 抵食指數：★ ★ ★ . 5

最近公司開了新店開幕，原來是Pret A Manger,餐廳是一家成立於英國的跨國公司，業務遍佈英美和香港。類型似太平洋咖啡和星巴克。 Pret食品用盡心思去製造出各式各樣的三文治、長法包、沙律以及咖啡。所有的食品都是每天在各專門店裡現場製造的。一直堅持只選用天然的食材，不加任何防腐劑和多餘添加劑。 摩卡咖啡HKD33 一柸打起的鮮奶油濃縮的咖啡，咖啡的香味撲鼻，飲了一啖感覺朱古力重稍為甜了些。 參巴雞肉牛油果HKD44 薄餅卷包裹著雞肉、牛油果、新鮮菠菜和紅甜椒，再配上參巴醬汁口感清爽香辣。好健康好適合炎熱嘅夏天。

放假行下Megabox商場，開心購物行得耐，搵個地方坐低休息下，剛剛就遇上太平洋咖啡店，店內有好多吉位可坐，唔駛搵位當然係最好時機，去食件芝士蛋糕坐低食下休息下，當然係最好不過的。店內環境唔錯，見芝士蛋糕廿幾蚊件大件唔貴幾抵食，所以入去幫襯下。焦糖法式吉士撻 $28
吉士撻口感綿密軟滑，由面層薄薄的焦糖帶出甜味。整體味道唔錯，食完唔會覺得膩。藍莓芝士蛋糕 $30
面層鋪滿藍莓散發果香，芝士味香濃食整件難免覺得膩，芝士蛋糕密度高，食完都幾飽肚但就幾好味。

位置在蘭芳園附近，轉角咖啡店，環境很不錯，沙發椅坐起來也舒服😌 在這裏有插頭可以充電，很多人來這用電腦，或是聊天喝咖啡☕️ 至於咖啡好不好喝？ 就是一般連鎖店這樣品質，不敢說很好，但是我個人覺得它的熱美式比星巴克好喝，星巴克太苦又澀，太平洋咖啡喝起來順口很多，也有咖啡香氣，應該是是屬於中重烘焙的咖啡豆。 如果有來這附近推薦來休息一下，咖啡價格便宜，也可以點個蛋糕，吹吹冷氣，附近景點很多，去元創方還有蘭桂坊都很近

一直都有行山噶習慣，不過最近太多野做冇咩時間，今次就趁得閑黎翻次山頂，睇下成個香港景色！睇得差唔多就入黎太平洋咖啡店坐翻低享受一下，呢度緊系都可以睇風景啦，而且氛圍都好好，推薦一下呢度噶carrots walnuts cake味道口感都系一流啊！

本來老婆星期日晏晝有個興趣班要到油麻地上堂，不過，撞正啲社會事件，油尖旺一帶「立立亂」，所以，課堂取消。突咗個晏晝出嚟，兩公婆就不如落去「太平洋咖啡」輕鬆下，嘆杯咖啡，睇睇書。「曼克頓山」呢間「太平洋咖啡 」特別鍾意，因為地方大，樓底高，空間感強，更特別多梳化櫈，可惜，呢啲假日時段，梳化櫈大多數都喺一櫈難求。小弟向來都喜歡試新嘢，所以，晌排隊買咖啡時，見到有款新系列：「Legend of the Fall」，以蜜梨入饌調配出兩款咖啡飲品，感覺會喺潤潤哋，一於試晒佢。但好可惜，啲蛋糕賣得七七八八，心水嘅檸檬撻都賣晒，得番一款較啱口味。蜜梨胚芽燕麥奶咖啡 $42 呢款咖啡勁啱我老婆，因為用上燕麥奶，可以講喺「全素」出品，要求少冰，所以，唔會太凍，只喺涼涼哋。飲落好有驚喜，醇香嘅咖啡中，滲出清甜嘅梨香味，兩者味道平衡，更有一份滋潤喉嚨嘅感覺。除咗面面糝咗啲粒胚芽之外，底下仲有啲薏仁粒，粉粉哋，有啲咬口，不過，就未必人人都喜歡佢嘅口感。事後先知，原本呢款產品都提供到熱飲。蜜梨薏仁燕麥奶其樂冰 $42 小弟就要杯其冰樂，送走夏日，迎來秋風。跟上面嘅燕麥奶咖啡做法差唔多，只喺做成沙冰，味道依樣晌醇香嘅咖啡上滲出陣陣蜜梨清香，配合底下充滿口感而又高纖嘅薏仁粒粒，確喺有種幾新奇嘅感覺。甘筍菠蘿蛋糕 $24 我老婆都幾鍾意甘筍系嘅蛋糕，呢一款的的骰骰就啱晒佢。蛋糕嘅質感帶微微濕潤，當中更睇到混有唔少甘筍絲，而面層嘅忌廉芝士下先有一少抹菠蘿蓉，比較隱若，唔喺點食得出；反而最討人喜歡喺餅面嘅堅果粒，豐富咗個口感層次。渡過咗一段悠閒嘅咖啡時間，近旁晚時份，再晌荔枝角公園走走，雖然睇唔到日落，但黃昏嘅日影西斜，天空嘅雲彩染上片片橙紅，有種療癒感。

最近太平洋咖啡又推出新飲品，見網上有推廣優惠，只要Follow佢Instagram就有買一送一優惠，見咁著數一於買來試下，簡單經典配搭又真係幾好飲喎！

凍柚子話梅梳打 $42
飲品只落了一粒么鳳話梅但味道好夠，飲落唔算太咸味道幾清新，杯底見有啫喱狀柚子茶未攪勻要自行攪下，話梅酸酸鹹鹹和柚子茶的清甜味道十分夾，飲落都幾潤口解渴，炎炎夏日消暑解渴飲此凍飲夠係一流，加上梳打水飲多唔肥比較健康，飲到最後仲可食埋粒話梅好正。

最近天氣10分炎熱､行行下忍唔住入左去Pacific Coffee ､買返杯飲品止下渴｡但原來除左咖啡､佢地仲有沙冰系列｡作為女孩子的我､當然忍吾住叫左杯mixed berries smoothies. 粉紅色的沙冰很可愛､飲落不但唔酸仲10分解開 ､下次去開太平洋咖啡店我又多一個選擇了

原本是乘坐惡曬航空早機去高雄，無奈，入禁區後才得知航班DELAY。 唯有在咖啡店，嘆個啡。 看到星巴巴超多人，所以改去其他咖啡店，慢慢等惡曬航空通知新閘口和起飛時間。 實行＜幸福係要行多步＞！ 想舒舒服服地嘆咖啡， 一定要避開禁區入口附近的餐廳。　 按機場職員指引，來到27號閘口附近的太平洋咖啡。 果然有巨大咖啡杯標記，容易認出。 店鋪雖小，五臟俱全，很多食物款式皆備，而且跟市區的價格也差不多。 只是入禁區前已經享用大份量的早餐，所以目標就鎖定在＜飲品＞。  美式咖啡　 Alto大大杯，盛惠四十個大洋，走糖走奶。 即磨咖啡本身有濃郁的芳香，可是表面的咖啡油就阻礙香氣散發。 不過，我OK！ 因為這裡座位寬敞，夠光猛，客人卻不多，無需爭位。 而且有WIFI，小米可以打機，自己可欣賞機場的無敵靚景。 在這寧靜的環境嘆咖啡，正！ 環境比高分。

今日出佐敦同個客開完會，收到美國公司email，要即改展覽會 concept art。 本來打算去太平洋咖啡，改埋張圖，但可借全院滿座。行過兩條街，發現一間名稱好有型的咖啡店，店名叫冚棒唥，廣東話意思係全部。 店雖然不大，但樓底非常高。牆上掛了幾張大畫，蠻有點藝術感。 但最其吸睛是Mini Cooper改裝而成的梳化，絕對是打卡好位。店內也放滿Mini Cooper的車仔，玩味十足。 點了牛油果煙三文魚飯堡，配薯條沙律，另加一杯牛油果乳酪。 打開電腦邊食邊改圖，牛油果煙三文魚飯堡，有點像 MOS 的飯漢堡。煙三文魚加牛油果，清新健康。點芥辣醬油，味道更豐富，而薯條出奇地好味。 改完圖, 慢慢嘆杯乳酪。牛油果乳酪有減脂、保護心血管、抗衰老等好處，好味道營養價值也非常高。 除了食物不錯，這裡可以看看車仔，打下卡，確是一個好 hea 處。