蘇媽蘇媽一向都係lala_foodie食馬來西亞食品嘅首選之一 🇲🇾 一直都好好奇到底尖沙咀蘇媽蘇媽店外嘅酒吧係咩一回事 今次就為大家介紹下呢間So Bar啦！✨◍ 「油封鴨腿拼煙燻腸」 🦆 $178 估唔到呢間酒吧都咁多野食 推薦大家可以試吓呢個鴨腿拼煙燻腸 食落帶點fusion味道 喺西式嘅食物上面食到一點中式嘅味道😆加埋炒菜做伴碟 十分有趣！

◍ 「燒豬頸肉」 🐷 $88 必食燒豬頸肉 食落十分香口 拎嚟送酒一流😋✨

◍ 「雞串燒拼盤」 🐤 $108 中意食雞嘅朋友一定唔可以錯過呢個雞串燒拼盤 分別有2串燒雞皮、燒土匪雞翼串同地獄麻辣雞肉串🌶️估唔到食落都幾辣🥵但辣得嚟又十分惹味！

◍ Lemon Tree、Peachy Sex 🍸 $118 Bartender推薦下試咗2杯signature cocktail 飲落甜甜哋幾易入口

📍So Bar (尖沙咀) #lala_foodie_tsimshatsui
尖沙咀加連威老道10號加威中心地舖

職員態度差、冇禮貌，碗米線又吊住幾條係碗邊，勁吾衛生！d芽菜生既，成陣草青味，嗌左雞肉同炸醬，雞肉食落個質地直頭係霉、軟林林既！土匪雞翼，完全冇味，重慶湯底大辣好似唔辣咁淨係成碗都係油。豬耳又咸到苦。最正常係碗炸醬。。。。真心未食過甘難食既譚仔，顛覆我人生。究竟係點樣做到？

譚仔頹食必備，未試過佢個新嘢打邊爐，下次嘗試吓，諗唔到食咩又近又方便應該都會揀譚仔，最鍾意就係雞肉，土匪雞翼，豬耳，其他就係正正常常咁，不過都係返工返學先會食， 放假唔會揀。

早排譚仔出左個香烤豬大腸, 睇佢張圖片好似好正, 於是叫左外賣試下.
一打開豬大腸果盒, 覺得份量好少, 每粒豬大腸都好細粒, 數下大大細細加埋大約十粒左右, 但係已經要廿幾蚊.
豬大腸要原味, 食落都幾香口既, 唔算好重異味, 但係都幾多肥膏, 感覺一般, 下次出差唔多既野可以唔洗再試.
除此之外仲要左過橋米線蕃茄湯底, 蕃茄湯唔濃, 而且呢間分店無咩蕃茄粒, 真係得D湯, 有少少偷工減料.
志於皇牌既土匪雞翼保持水準, 一樣煎得香口野味.
仲有大蒜泥白肉, 都算幾多蒜泥, 白肉唔算好肥, 都係保持水準.

雖然間餐廳係最角落既位置, 但係佢既裝修實在太搶眼, 所以係好遠處已經會見到佢既存在😆 呢度除左酸菜魚鍋之外, 仲會有唔同既特色鍋, 相比之下都會想試下唔同口味配搭既鍋, 另外仲有同太二一樣都會有個自助既水吧,都係會有洛神花同陳皮可以加落水沖😗 嘉義沙鍋魚🐟($128/$208/$338) 沙茶醬底既鍋有大量既炸魚, 炸鵪鶉蛋, 腐竹, 椰菜, 幼薯粉等等既配料, 另外我地追加左魚皮餃($18)同鵪鶉蛋($18)，呢個鍋係好足料分左大/中/細三個Size, 兩個人既話食最細果個都夠, 不過個汁相對濃味, 所以一定要叫返個白飯去襯黎食🤤 鐵漢小酥肉🐷($35) 椒麻口味既小酥肉炸到外脆內軟, 味道似譚仔既土匪雞翼味帶微微既麻, 幾好食😋 台味滷肉西蘭花🥦($35) 肥肥既滷肉配上西蘭花又幾夾, 想食菜既朋友可以試下呢個☺️ 呢度既人流都算幾多, 所以可以早啲去攞位再係附近行下再返黎, 下次都會想再黎試下個酸菜魚😗

蔥燒半殼扇貝$55 食得串燒最鍾意食燒扇貝，扇貝肉厚身爽口彈牙，而且幾抵食$55有兩隻 明太子玉子燒$58 入口後綿密滑順。搭配鹽巴醃漬、直接熟成的明太子，粒粒惹味 原隻魷魚串$28 肉質爽口富彈性，配上惹味醬汁，無論味道或是口感已令人著迷！ 蜜糖雞翼$24、土匪雞翼$25 鹽燒牛舌心$ 33雞肉軟骨棒$28 用鹽調味， 忠實呈現牛舌獨特的香味和口感！另外試埋雞肉雞軟骨棒，免治雞肉棒的口感鬆軟配合埋蛋液更增幾分鮮味 招牌茄子燒$39 燒茄子加咗滿滿嘅孜然粉，肉質腍甜加咗少少蔥非常惹味 Blue Hawaiian $88 藍色的酒體、滿滿的碎冰，調酒熱帶感十足 ROYAL HAWAIIAN$89 另一杯雞尾酒都比較夏威夷風，呢杯入口比較酸 📍芝加哥串燒酒場(明雲閣) 元朗金祥坊2號明雲閣地下

走入這家餐廳，空氣裡已經飄香四溢，絕對係「肚餓三分鐘，香味十里傳」的典型！今次我點了幾款「人氣爆燈」的燒烤，每一款都令我充滿期待。 首先，「焦香夠晒撈！」的土匪雞翼，腌得鹹甜適中，皮脆肉嫩，入口即溶，一啖一個正！跟住，必須搶先嚐嘅豬扒，外層微焦、內裏鮮嫩多汁，「真系惹味攞命」。牛扒方面，軟滑嫩口，肉質夠晒彈牙，每一口都是「味道炸彈」！ 當中炙燒過的菠蘿，加咗這份「甜唷」，繼續為味蕾帶來驚喜。至於那個土炮台灣腸，香口得嚟，爽彈又多汁，「真系得你心機」！ 最後，提提你，每位客仔都送有個超級彈牙的海蝦，食到我「心情大好」！而家諗返起嚟，都仲會微笑咁流晒口水呀！ 全程食物質素得嚟又實惠，一路食、一路傾計，啱哂聚舊好去處。真係「呷得開心又滿足」，重點係，「回味無窮」嘅美食體驗，確實唔可以錯過💥！

 與妹妹在荃灣辦完年貨，順道吃個晚飯才回家。 我選擇了在沙咀道一間燒肉店「校長日韓燒肉」，一向都知這店出名抵食！食物品種多元化！妹妹愛吃香口食物，我則愛吃火鍋各有所好兩者無冲突選這店最明智！ 內部寬敞坐得舒服，我們靠窗旁座位更覺開揚自在。 食物品種琳瑯滿目，視覺已經是一大享受！涼伴，沙律，火鍋配料.......點心，燉湯。自製甜品~ 涼粉，椰果，什果捞捞。任選自助火鍋湯底多款精美滋味熱騰騰小菜定時更換菜式， 刺身，壽司，都相當新鮮美味。 看甜品吧的甜品陣容已夠令人興奋！
蛋花菜糕，啫喱，芒果布甸，榴槤布甸，香蘭布甸，水蜜桃粒粒芒果布甸，奶凍......。非常出色！好味道！ 各式冷熱品； 自助沖泡式花茶，汽水，啤酒，日本梅酒，清酒，連熱維他奶也有。 烤物種類多羅羅~
燒起的五花肉甘香肥美，一口牛鬆軟肉味濃，韓牛惹味，土匪雞翼，水牛城雞翼等調味可口。燒烤同時火鍋樂大滿足！ 蔬菜，肥牛，炸魚皮，响鈴，鯖魚，多春魚.....五花八門的吃個不停！中途轉轉湯底，真有意思！ 再用另一個胃品嚐美味甜品~朱古力雪葩，什果涼粉捞....欲罷不能！滑脫脫芒果布甸.......滿足！滿意！ 职員勤清枱和換爐紙，服務專業，收費每位$138 另加一，準時結帳還有$ 20 折扣。性價比甚高！為美食乾一杯！

📍位置：在朗屏和元朗的中間，可經朗屏站B2出口由天橋直行十五分鐘。🏠環境：位於二樓，樓梯間擺設了一個一比一的Ironman模型，牆身是如室內攀石場，樓上面積佔全層，十分寬敞，座位皆是卡座，設有大玻璃窗，正對元朗街景，使室內不會過暗。中庭則是自助區，設有各種各樣的生熟食物、飲料、糖水等，食物種類非常多。🤵🏻服務：自助形式，但會定時收碟，收取加一。🍽️午市：提供三種形式套餐，分別是燒烤自肋餐(平日$138/90分鐘)、燒烤火鍋自肋餐(平日$158/120分鐘)和燒烤火鍋刺身自肋餐(平日$188/120分鐘)。🐟刺身：有三文魚、吞拿魚、大蝦、希靈魚和玉子，選擇不多，而三文魚和🦐大蝦是很新鮮甜美😍，而且厚切和帶殼，每次只可拿一隻和四塊，來保持鮮度和不浪費。另有各款壽司，火炙三文魚都不錯。🍲火鍋：提供不同湯底選擇，我們選了壽喜汁湯底，用來燙熟🥬蔬菜和香菇，濃郁的日式醬油香，令蔬菜更鮮味😚，同時保持熱辣辣，很好吃又不會上火。🍳熟食：有各種炸物、蒸點心、炒家常菜、老火湯，洋蔥炒肥牛是不錯。🍗燒烤：一口牛軟嫩多汁；五花肉厚切而醃得入味😋；厚肉的韓風魚柳厚肉結實；土匪雞翼都燒得嫩而入味。🍮甜品：多款自家製奶凍和果凍，如香芋和杏仁奶凍，順滑豐潤；🤩自行調配清熱滑溜的涼粉和各款配料。🥤飲品：多款罐裝及支裝飲品，亦有罐裝啤酒及梅酒提供，熱飲亦有十多款茶葉供應，可以自行調製花茶☺️清熱解毒。🥗冷盤：新鮮翠綠的沙律菜，加上多款前菜，如味付螺肉、拍青瓜、中華沙律、生薑等，真是花多眼亂😂。

行到老遠本打算是但食碗米線就去對面買部新手提電話，竟然花掉我 35 分鐘都未食完，搞到唔夠時間買電話呀﹗想起當年無台灣千刀牛，就算到今年後都係無供應﹗諗左成個鐘思前想後，到底點酸辣粉加小食？雜錦過橋米線？還是魚麵？

有過百編食評還未撰寫，鑒於頂住條氣十萬級上火！要立刻特別優先處理。其實我一坐低就可以落單，第一次叫肥大媽落單走去聽投訴電話，第二次叫肥大媽話轉頭等一等，第三次肥大媽路過，係要我大大聲講唔該落單先死死地氣行過黎幫我寫單。我到底有乜得罪您？還是歧視我帶口罩？等足十幾分鐘碗粉終於到步，剛好遲過我坐低既阿叔都食飽飽行出去埋單喇﹗我話無走蔥，肥大媽仲死撐話我講淨係走芫荽麻，我係話走芫荽蔥﹗您連花生都無走到。我見隔離阿姐碗酸辣粉係可以無芫荽無蔥花無花生架。豬膶豆卜酸辣紅薯粉，紅薯粉份量少得可憐，只有米線的一半份量，幾啖沒有了﹗湯底夠酸夠辣，但麻味幾乎沒有。豬膶乾硬、豆卜香口帶乾不索湯。

豆漿，正常不過，清淡不甜好適合我，凍凍地入口解辣解渴。熱菜蜜，氣溫驟降不足十度，凍冰冰來杯熱飲暖一暖。最初我點柚子蜜的，但呈上熱菜蜜，後生仔話無柚子蜜唔好意思無通知我，所以免費送贈，多謝晒。

新彊香草烤雞中翼，烤得肉質超嫩一定要讚﹗似譚仔土匪雞翼，不過景霖有將雞翼醃過，味道格外甜美的呢﹗蒙古芝麻雞中翼⭐️⭐️⭐️，比預期中美麗，雞皮焦脆包著白滑嫩肉，椒鹽味最為顯著，但最後一隻燒過龍太乾鞋。沙嗲雞肉串燒⭐️⭐️，大大碌$26蚊即場生燒其實好抵食﹗不過醃到肉質滑潺潺怪怪的。

沙嗲牛肉串燒⭐️⭐️⭐️，串燒真的大大碌仲要孖住上枱十分有睇頭，香口非常﹗但真的不喜歡乸到腍啤啤滑潺潺，沒有了原始的質地及天然的味道。讓甜甜厚厚沙嗲醬緊包著，無可否認可以掩飾得到少少的。沙嗲豬肉串燒，試勻雞牛豬串燒，最好食居然係豬肉﹗有原始彈牙有趙口的質地，不像雞肉牛肉醃到滑潺潺怪怪的，而且食得到油潤的豬甜味，實在難能可貴。

鹿兒島豬軟骨麻辣湯莜麵大辣，試啖熱湯先，這就是大辣？是否睇錯小辣？麻辣湯底水汪汪。鬆化厚厚豬肉包著脆卜卜軟骨，趙到咯咯聲過足癮。味道混濁普通平凡，沒什麼的驚喜或追食的感覺。嚥韌香濃蛋香的莜麵捲起韮菜及腐竹大啖大啖地塞入口，味道融合交錯。爽甜多汁的韮菜襯托著滑溜豆香腐竹，掛滿麻辣湯齊齊在嘴內打滾，美味心滿意足，最討厭係唔夠辣唔夠濃。

雞肉豆卜肉醬酸辣湯米線中辣，品嚐湯麵第一件事當然係試啖湯頭，點解味道腥腥地既？仔細檢查一下，發現原來碗底收埋十多條生芽菜，中途發現才挑走完全無補於事，成碗早就被污染掉﹗好采有辣肉醬，其濃烈霸道的南乳味幾乎蓋過所有芽菜腥味，我就原諒您啦﹗點解景霖米線特別短突別散？原本啜兩三啖就可以一氣呵成啜完整碗米線，依家要續少續細啖處理，自尋煩惱、自討苦吃呢﹗米線質地滑彈無過份地腍，其實再嚥韌一點，有少少咬口就更滿足。奀滋滋腍劈劈的雞肉片，就算趙緊都沒感覺。韮菜、腐竹一樣存在感薄弱，被米線捲著塞入口點綴一下罷了。大量豆卜好多粒，實淨香口不太索湯，湯底只屬中辣唔太夠喉，都係只有大辣才能滿足到我。

大媽版鱈魚豆腐魚腐魚蛋豬膶酸辣湯蕎麥麵中辣，大媽出品攞盆真係夠驚嚇﹗全場得幾個食客完全唔忙，大媽您隊碗什麼比我？旋風亂棍打死豬八戒？連豬膶都嘔埋出黎嗎？地踎街邊車仔麵都擺得企企理理整整齊齊先出貨！成堆垃圾成何體統，我襯手執返靚去再影張相。

雷奧版鱈魚豆腐魚腐魚蛋豬膶酸辣湯蕎麥麵中辣，星形的鱈魚豆腐非常卡娃兒架呢﹗豆腐有酸味，趙落似糕點，不香甜不彈滑。魚蛋十分巨型整粒啪入，假爽咬到索索聲，陣陣魚香加咸鮮，可以合格。魚腐算係最美味，吸汁爆水熱辣辣先韌後滑，豆香湯辣夠惹味。豬膶，廿十成熟硬硬的，深啡黑色乾硬鞋齊全。您以為呃到我實在太天真喇！我未見過蕎麥麵有出圓圈形架喎，仲要係黃色添，好采我眼利見到條橡筋﹗真係蕎麥麵？我好鍾意食蕎麥麵一食就知有唔妥。咬落滑潺潺無蕎麥香，呈圓碌碌不是方形的，不彈不嚥韌，口感散散微爽，十足魔芋麵的質地。帶湯力弱而有種獨特的菜味，連辣湯灌入都免強食到半碗，受不了那股味道要放棄﹗其實是否係班大媽一廂情願見啡色就當係蕎麥麵呢？湯底堅係高質，味道清甜香辣料頭豐富，忍唔住飲多幾啖。

精選酸辣湯米線中辣：鮮蝦腐皮卷、酥炸魚腐、枝竹、腐皮、木耳、冬菇、韮菜、生菜、通菜、雞肉⭐️⭐️⭐️，蝦卷有驚喜，高質仿如自家製鮮竹卷。冬菇多汁多水滑嘟嘟，雞肉白潺潺腍劈劈食完都唔知，通菜翠嫩超級爽甜，韮菜生菜平凡無特別。酸辣湯中辣都非常夠辣使得我滴汗流鼻水，冷氣不足體溫上升越食越熱。我硬係覺得米線有點偏腍，硬少少嚥嚥韌韌更可口。

海鮮過橋麻辣米線中辣：帶子、蟹柳、齋鮑片、魚皮餃、魚片、魚蛋、魚腐、炸醬、生菜、木耳⭐️⭐️，同搬舖前完全兩回事﹗湯底水汪汪雖然都夠辣但同以前厚身黏稠湯汁唔同，而且麻辣味唔突出只係一味辣，微弱的麻有幾粒花椒，相反胡椒味重但無辣椒味，非常單調的味道。大陸蟹柳紅卜卜膠感十足而且味道假得過份，魚皮餃鬆散粉口帶腥味，帶子鬆軟細細粒雪羲藏味強不鮮甜，齋鮑片夠彈夠嚥韌有著假甜味，最好味係炸醬撈米線大啖吸啜勁美味。

金牌米線酸辣湯中辣：牛腩、炸醬、鱈魚豆腐、海膽丸、生菜⭐️⭐️，搬舖後質素下滑大插水慘不忍睹﹗水汪汪的酸辣湯何解會有花椒粒夾雜其中？微弱的酸有著中程度辣仲隱約有丁點兒花椒味。牛腩軟塾嫩滑無渣入味食得過⭐️⭐️⭐️⭐️，海膽丸爆漿味道濃郁直頭有點咸⭐️⭐️⭐️，鱈魚豆腐悶悶的無特別⭐️⭐️。

皇牌麻辣湯河中辣：豬肉、牛肉、雞肉、魚片頭、炸醬、韮菜、生菜⭐️⭐️⭐️，情緒惡劣仲要訓得兩三個鐘！我要食好多好多野、好多好多辣黎平衡心理！河粉真的烹調得不俗，滿意綿綿滑滑完整不散筲筲，比米線更出色，帶著滿滿辣湯跣入口十分刺激。有肉醬的湯汁特別香港厚身，襯托著雜肉雞牛豬或是雜菜韮生腐都同樣滋味。雜肉乾腍腍而片頭爽彈彈形成強烈對比，極速滾燙地灌晒落肚，全身冒汗發熱啊﹗

蘿蔔牛腩河粉酸辣湯中辣⭐️⭐️⭐️，非常大碗﹗河粉份量一向最多，米線反而偏少，紅薯粉更少呢﹗酸度高、辣度夠、滾燙湯底、完整結實河粉帶湯力強，掛著熱熱辣湯灌入腸胃勁舒泰﹗食過多間米線舖最多麻甩佬食客的一間，莫非因為優雅的老闆娘而慕名而來？牛腩存在感非常薄弱，幾覺意幾丁牛腩邊皮碎已經消失了﹗蘿蔔淡口帶酸，雖然爽口多汁，但我喜歡蘿蔔已被上湯煨得非常入味那種。

紫菜魚腐番茄湯米線⭐️⭐️⭐️，魚腐空盪盪乾乾不嫩滑不水潤，不喜歡﹗番茄湯夠厚夠濃夠酸不水汪汪，足料無欺場，全部渴掉！米線燙嘴非常重要，用咸鮮紫菜捲著再拖埋滾湯食得特別開心﹗

豬腸腩肉豬紅酸辣湯河粉中辣，另類車仔麵比傳統港式車仔麵貴一倍呢，應該貴在湯底吧？完全投入諗食乜好，忘記走芽菜了！再次花大量時間續條挑走。亂七八糟、凌亂不堪是鬼但倒出黎，港式車仔麵都排得靚靚整整齊齊﹗醃咸腩肉極有趙頭，層次分明而咸味提鮮，皮彈膏膠有料到，估唔到好好味﹗豬紅煲到過晒火，鞋面粗糙內裡嚥韌。豬大腸得層薄皮，滷味突出腍啤啤的。河粉碎濕濕散筲筲，完全夾極夾唔到，連湯帶碎粉用羹食吧﹗

大家好！今天嚟到譚仔，勁想同大家講下我啲實時感受🍲。首先，我揀咗過橋米線套餐，裡面料多得嚟，仲要熱辣辣超惹味！湯底選咗清湯，飲一啖就覺得好爽口呀，而且雞肉得意得嚟，過著爽嫩，一啲都唔柴💯。米線自己都添唔完，真係糖心到爆炸嘅量呀！ 仲有唔好錯過土匪雞翼，幾隻嚟嘅真係香噴噴，外層微酥，脆皮撲鼻，一咬落去，肉汁四射，鮮美啖啖肉，真係食落去正喇！至於炸醬，入口微甜，喺米線度推著攪一攪，攪一攪又食一啖，味宜人心暖笠笠👌。 最後，呢度環境唔錯又清爽，落嚟一試，平民價錢，得意到爆，我保證你會愛上每一條米線同埋每一啖肉。甘，今日嘅食評就到此為止，下次再見！食得開心！

去譚仔，不嚐點辣的，算咩食客啊？今次挑戰咗激辣濃湯豬軟骨寛麵，湯頭夠晒惹味、勁辣嘅感覺，令人一啖啖都超滿足🔥。講真，佢哋嘅寛麵質感正喎，Q彈到不得了，同啖啖肉質鬆軟嘅豬軟骨完美搭配，真係入口即溶，咬落仲有彈性，食得我回味無窮。想開胃，土匪雞翼絕對係我心頭好，孜然味滿滿，啖啖肉汁流出黎，滋味十足啊！ 轉個角度食涼拌，川北豆腐爽口得嚟，酸辣醬料清新提味，雖然唔太辣，但食住會意想不到嘅消暑功效。再點一杯飲品，就算係完美嘅小飲小食夜晚。 記住唔好錯過東西，譚仔米線嘅麻辣湯底同蜀香肚絲真係一流，肚絲賣相精緻，香辣得嚟唔會過火，帶啲微辣嘅氣息，仲有陣陣香料味，比起其他地方，呢度嘅料理令人讚唔絕口。下次同班朋友又要揾時間再嚟啦😊👌🍜！

喺中環行街，發現咗間譚仔三哥米線，閂咗🌟閃閃嘅霓虹燈，實行型格得嚟！喺呢度試咗沙沙湯底，勁香👃但辣度適中，啱晒唔鍾意太刺激嘅朋友。而家啲龍蝦丸，老實講，勁普通嗰種，但其實都算得過咯。 份量呢... 唔好意思，我得嘅好似少咗好似啲少，可能中環貴少少嘅關系？但環境👍正，如果想Feel吓靚環境嘅話，嚟呢度正！ 至於個過橋米線，青菜得嚟嗰少少，但米線分量都幾夠，過橋米線嗰種熱辣辣，食落勁滿足。串燒部分，就叫咗孜然烤菇，個味道中中哋，孜然香總算哂事。 最後，土匪雞翼，呢個嘅味道，啱哂！👌拍手叫好！再嚟訪，一定要叫多啲份嚟慰勞自己！總括嚟講，呢度食得開心又滿足，真係值得一試。

第一次用譚仔會員apps 去到即刻有姐姐帶位入座 在講咗有會員後還快就拎咗張連檯號QR code來，介面簡單明瞭 有咩優惠都會即時展示出來，以前都係食開湖南酸辣湯底 今次就試咗重慶酸辣湯底 大家都係酸辣但真心好唔同，重慶酸辣湯底係醋酸味，鍾意食醋嘅值得一試！之後嗌咗土匪雞翼，四川青椒皮蛋！ 個人唔鍾意啲雞翼咁腍，但味道都有水準，而四川青椒皮蛋，一如既往咁好食，重點係佢啲汁香辣適中，加上辣青椒，令到皮蛋更加有惹味！因為青椒係粒狀，唔會黐住皮蛋令唔鍾意青椒嘅人都可以食！

相信未食或者食過嘅人睇到topic應該已經估到系邊間，冇錯就系餃子冰室，開咗一段時間依然人氣旺盛，同朋友等咗30-40分鐘先可以入座，座位亦偏狹窄，擺放手袋要就位啊🥸👜 ✿ 黑白土匪餃+ 酸辣湯 $59 餐廳有吾同套餐搭配，朋友就揀咗加酸辣湯，黑白土匪餃模仿土匪雞翼，有黑白芝麻🖤🤍同埋孜然粉，但呢款竟然比想像中一般😵感覺孜然味其實吾算明顯。酸辣湯喺港式小店都飲到幾有特色，有雲耳、豆腐、雞絲等材料，算足料，酸辣度尚可。 ✿ 鹹蛋黃黃金餃 $47 鹹蛋黃近年可以話系萬能key，配好多食物都夾到，配餃子同樣可以夾到。最驚喜系吾只得外層有鹹蛋黃味，連餡料都有濃厚鹹蛋黃味💛脆卜卜同時做到吾油膩。 ✿ 腐竹洋薏米沙冰 $37 還原港式腐竹蛋糖水味道，變咗沙冰同樣咁正😆🤍腐竹味非常清甜。