野川拉麵の深燒食堂 (元朗) 元朗又新街40-48號榮豐大廈地下B號舖 如果想食薯條沙律，同時亦想食拉麵刺身，不用去兩間餐廳，野川拉麵幫到你。位於元朗又新街食肆林立，但有一間日本餐廳特別適你合一家大細歡迎，因為裏面什麼也有，高級如刺身、或者是平時茶餐廳吃到的漢堡沙律，這裏也應有盡有。 自家制豬軟骨拉麵$74 豬軟骨軟綿綿，骨膠原十足，豬骨湯頭清甜，拉麵彈牙，糖心蛋熟度剛剛好。 日本信州蘋果梳打$35 小朋友最鍾意飲蘋果汁，而這支日本蘋果汁特別清甜，真的含有蘋果汁成份。 粗粒牛角漢堡 薯條沙律$98 牛角包鬆脆，粗粒牛肉混合着豬肉，分量十足，入口Juice，牛角包裏面還夾著濃汁煮過的洋蔥，份外惹味。 蘋果酒(330ml)$38 吃炸物的時候就特別上來一支啤酒。 甜蝦刺生（3隻）$30 油甘魚刺生（(3片）$38 鮮帶子刺生（4片）$38 刺身新鮮，天下清甜，油甘魚油份滿滿，入口軟棉鬆化，甘香回味。帶子甜美。 炸雞翼$37 有什麼可以令小朋友坐定定食到舔舔脷？就當然是炸雞翼，炸到香脆可口，外層脆卜卜，內裡嫩滑。 椒鹽雞軟骨$48 入口香脆，椒鹽味惹味，送酒一流。

元朗又新街有間幾靚既川菜小店叫十三少，佢樓底好高，裝修都摩登，入到去一啲焗促感覺都冇，兩個人仲可以坐卡位，坐得好寬敞舒服！店員招呼十分好，成日過黎加水😁我地今晚叫左個二人酸菜魚餐（$388），都十分之抵食，要推介俾大家！ 前茶十分有趣，好似啲wasabi豆味道的爆米，幾好味。 🔸️蒜泥青瓜 （8.8／10） 都幾大碟，唔算好濃味，清清地既蒜味，但青瓜好脆身，好開胃。 🔸️酸菜魚 （9.5／10） 超。級。大。碟！！成兩個面盆咁大，超誇張！啲魚超級滑，一啲骨都冇！啲酸味麻味好balanced! 仲有好多菇同萵筍配料，好正好好味！暫時食過最好味既酸菜魚！😋 🔸️十三少蒜香蟹飯（9／10） 用荷葉包住黎蒸😍，有淡淡荷葉清香味+蒜味蟹香味😋飯粒粒分明，好好味！ 🔸️紅糖糍粑 （9.2／10） 完美作結既甜品，好少食呢款紅糖糍粑。賣相吸引，容易share，每件煙靭既糍粑上面都有黃豆粉，點埋紅糖醬有多重口感同層次，好味之餘食落都有甜蜜感覺！啱哂情人家人黎食！ ✏️總括而言，坐得舒服又性價比高既酸菜魚！我會再encore去食！😁

呢間老字號粥鋪已經係元朗又新街屹立多年 住元朗咁耐一直都無留意到呢個寶藏 試過一次之後就變成飯堂(定應該叫粥堂呢😆) 有種相逢恨晚既感覺 先講招牌既貴妃雞粥 雞油令到本身已經綿滑既粥底更添風味 每啖都有淡淡雞油香 好邪惡 仲可以雙拼其他餸 例如蠔仔 豬肝等 材料俾得慷慨 食到底都仲啖啖有料 除左粥之外 呢到既炸野更加邪惡 特別推介炸魷魚鬚同炸大腸 前者炸漿夠薄 外皮香脆 內裡唔靭 後者處理得當 無異味但保留左裡面既肥膏 其他炒粉麵都好有鑊氣 見到佢而家愈黎愈多分店 諗唔到食咩既時候又可以食佢

陸記正宗桂林米粉 ｜ 元朗 $55 送飲品/甜品 （水晶涼粉） 燒肉非常大舊 燒肉皮浸湯 啱啱好口感脆口 碗麵亦大大碗 超飽！米線口感比較爽～ 不過整體湯底比較鹹 偏重口味 ———————————————————————— 📍元朗又新街27-29號建威大廈2號地舖 ———————————————————————— Overall 💗💗💗💗 #香港 #元朗美食 #元朗 #元朗米線 #hkfoodie #koreanrestaurant #koreanfood #food #delicious #hk #hongkong

之前香港好食海南雞飯網上投票，孖寶榜上有名，已經好想搵日去試吓，終於經過就即刻入去食個午餐，果然無令人失望。#海南雞飯 去骨海南雞，皮薄肉滑，有芽菜墊底，點埋3款醬汁仲開胃：黑醬油、薑蓉及辣醬。油飯份量都算多，乾身唔太油，幾香，應該因為好味，成個飯食晒。 #狀元燻蹄飯 豬手炆得好入味好林，一入口就散開，最鍾意個豬手皮，口感煙韌富膠質又入味夠林，送飯一流。 例湯係南瓜扁豆雞腳湯，落足湯料煲，應該用好多雞殼嚟熬湯，老火湯無味精。#孖寶去骨海南雞 地址：元朗又新街27號地下1號舖

📍香港📍元朗 📍十三少 📍元朗又新街56號置富中心地下1-3號舖 📍星期一至日 11:30~22:30 🌹 裝修幾靚環境幾乾淨坐得舒服👍🏻用花生做筷子托好得意🫶🏻 員工態度幾好🥰 keep住有人攞飛等位，我地等左大半個鐘先有位🫠 二人套餐$338 🦄 涼拌土豆絲 🦄 評分: 7/10 土豆絲入口爽脆，第一啖辣到即刻買嘢飲，但食食下食開bb辣既我都接受到。味道酸酸辣辣好開胃。 🦄 十三少酸菜魚 🦄 評分: 6.5/10 魚既份量足夠三個女仔食，酸菜、寬粉、萵筍配料都幾多。魚算滑但不至於好好食。 🦄 乾煸四季豆 🦄 評分: 8/10 微辣，炒得好香口好有鑊氣。好食。 🦄 紅糖糍粑+$28 🦄 評分: 6/10 面頭嘅黃豆粉太多，炸得唔夠香口。唔夠軟糯煙韌。 #foodieschu元朗 ～～～～～～～～～～～～～ #香港美食 #元朗美食 #酸菜魚 #辣魚 #土豆絲 #紅糖糍粑 #又新街 #晚餐 #hkfoodies #hkfoodie #foodies #foodie #hongkongfoodblogger #foodblogger #乾煸四季豆 #十三少 #十三少酸菜魚 #川菜

野川拉麵の深燒食堂🥳
📍地址: 元朗又新街40-48號榮豐大廈地下B號舖
==============
今次揀咗呢間日式餐廳，飲吓嘢，食吓小食！依家like 佢社交平台仲可以優惠價食到好多小食，所以我地叫左勁多野🤣

三文魚刺生（8片）$88
新鮮厚切，非常肥美！性價比好高呀❤️

吉列蠔(4隻）（分享價 $32)
蠔唔算大粒，勝在熱辣辣炸起，點埋沙律醬就是好味☺️

香脆蝦角 8隻 $48
正常發揮😝

爆醬芝士腸(分享價 $11)
入面d 芝士都幾多！燒得幾香

蜜汁燒牛丸(分享價 $11)
出面ge 蜜汁令到佢燒得有d 香脆，唔錯！

穀飼牛仔骨（分享價$28)
有3片，醃得好入味，而且無咩筋！

軟殼蟹手卷 2本 $52
即叫即整，軟殼蟹又脆又好味！

鮑魚1隻(分享價 $21)
肉質彈牙好味

香蒜大茄燒 $38
平時出面d 大茄燒得呢度一半份量，呢度平得黎仲要好食！仲有得揀辣同唔辣❤️

最後仲叫埋壽司食，性價比勁高：
鰻魚壽司2件（分享價 $16)
赤蝦壽司 2件(分享價 $9)
鮮帶子壽司 2件(分享價 $14)

最尾想表揚下店長對客人勁有禮貌❤️服務殷勤！

元朗區特式飲品 這裡有台式甜品和飲品 重有港式的奶茶咖啡華田可力 飲品飲港台混合 港式奶茶配珍珠你試過未？ 價錢都算平，但好好飲 佢地d茶走甜味剛剛好，平時無機會一次飲咁大杯茶走，依度先有

晚上返元朗又新街落車有少少餓 就諗住食兩串串燒頂下肚先 去到串皇冇人買野冇人等緊 見佢不斷燒緊司華力腸，唔通好好食嘅🫢🤪 即叫即燒 雞柳串-雞肉都滑，大概有4舊到啦 魷魚串-好食，唔韌！大概7-8舊 已經即叫即燒，望住佢燒，係旁邊即刻食，但係都唔係好夠熱👎🏻 個辣汁幾香，唔算係好辣👍🏻 感覺味道同熱度大不如前 而且兩串加埋三十幾四十蚊都屬於偏貴😵‍💫 如果簡單醫肚真係寧願去旁邊食下燒賣，感覺好似仲開心😅😅

再訪高CP值日式食堂💫 多款式 份量多 價錢超親民 . 🔸三文魚刺身(8片) $88 🔸鮮帶子刺身(6片) $42 🔸油甘魚刺身(4片) $68 刺身件件厚切 新鮮 油脂足 肥嘟嘟 今次冇叫刺身拼盤 但都夠擺盤精美 唔馬虎! . 🔸軟殼蟹手卷2本 $52 差唔多有原隻軟殼蟹 即叫即做 夠脆身 唔會油膩 青瓜絲和沙律醬份量恰到好處 . 🔸牛肉壽喜燒 $98 每次黎都要食 本人十分喜歡壽喜燒 呢間更加係份量又多又好食 肥牛 菜 菇類 加埋粗粉 超吸湯😋 仲有生雞蛋配備 . 🔸M5澳洲和牛(分享價) $84 初初以為係一串串 點知佢係原塊上 切到一件件 中間呈粉紅色 好JUICY 🫶🏻抵食 . 🔸甲羅燒伴燒鱈魚干 $88 蟹膏加上沙律醬再火炙 伴燒鱈魚干好特別 鱈魚干就好似細個食既零食咁 脆脆的 沾上甲羅燒又另一種口感🤤 . 📍野川拉麵の深燒食堂 📌元朗又新街40-48號榮豐大廈地下B號舖

〰️貴妃雞粥 （$58） 新記嘅貴妃雞粥元朗人一定都識～專揀新鮮滑嫰嘅母雞，再加上多種藥材、香料、蝦乾同瑤柱。食落唔會話有好明顯嘅藥材味，有嘅係濃濃嘅雞油香味，仲有微微嘅酒香味。粥底唔會太水而係軟綿綿。到新記每次必叫！！ 下午茶餐仲可以配小食，選擇都幾多，今次就揀左炸兩，入面嘅油炸鬼仲係脆脆，所以好明顯唔係一早整定～ 〰️馳名海鮮粥 （$77） 海鮮有帶子、蟹、魚片、蝦等等。魚片無骨唔腥👍🏻，蟹肉仲帶膏，成碗粥充滿住海鮮嘅鮮甜味。 〰️海蜇手撕雞 （$55） 雞肉涼拌後肉質更緊實，啖啖肉。海蜇爽爽彈彈，沾滿麻油香，做小食用嚟送粥唔錯。😝 〰️〰️📍 新記煲仔雞粥 (元朗) 元朗又新街60號地下D2號舖

唔行開元朗都唔知，呢度真係有好多間海南雞飯專門店！ 今次試下呢間孖寶去骨海南雞，去到餐廳兩點，過咗食飯時間都坐到八成滿👀 去骨海南雞飯(中) $44 估唔到呢個飯都有例湯送😆 個湯充滿雞嘅精華，極度滋潤啊，仲有一隻雞腳食添！ 主角海南雞，都有好幾嚿，肉質都算嫩滑，中間仲有層啫喱，不過雞嘅溫度偏凍！ 至於油飯粒粒分明偏乾身，薑黃味道突出！ 食物整體評分合格啦✨ P.S. 地下好油好跣，小心地滑🤣 孖寶去骨海南雞 (又新街) (元朗) 元朗又新街27號地下1號舖

元朗又新街出名多野食，但野川拉麵咁耐都未試過，見到門口有張廣告牌，Like 社交平台6點後有半價優惠，又試下先。



6點去到唔係好多客，可以即刻入座唔洗等位。平時冇得卜位，大家食就要早D去攞位，唔係有排等



有特價野食都好多選擇，刺身、壽司、小食、燒物、爐端燒同野飲都可以揀，價錢平好多。我地最後揀咗廣島吉列炸蠔、油甘魚壽司、赤蝦壽司、鮮帶子壽司、三文魚子壽司、爐端燒大頭蝦、爐端燒鮮活鮑魚。再額外加咗厚燒牛舌串、三文魚腩刺身、牛肉壽喜燒、蘋果梳打同山梨縣梳打。



🌟日本信州蘋果梳打 同 日本山梨縣梳打
兩杯嘢飲一上枱，就要即刻影相，因為佢地係反轉用酒杯上，最啱打卡！兩杯甜度啱啱好，D冰又唔會溶晒令到飲梳打變淡。



🌟三文魚腩刺身: 厚薄度適中，新鮮甜美，食完仲有陣香味留喺口入面，正！






🌟牛肉壽喜燒: 天氣凍凍地，有個GAS爐煮壽喜燒，食起上嚟都暖Ｄ



🌟爐端燒大頭蝦、爐端燒鮮活鮑魚：兩種海鮮燒得火喉啱啱好，唔會過老，食材又新鮮



🌟厚燒牛舌串：即場燒，熱辣辣，上面灑咗Ｄ鹽，更加惹味



🌟壽司：細細件，最啱女仔細細嘅嘴，可以一試





全部嘢食份量啱啱好，好夠飽都係每人2百幾蚊，食日本野嚟講都抵食！✔️✔️✔️👍

終於感受到冬天嘅來臨🌬️
天氣凍就最鍾意食街邊嘅炒栗子🌰同煨番薯 🍠
熱辣辣拎係手到 就好似拎住個暖包咁特別溫暖😌

今日經過置樂 咁啱俾我見到有
炒栗子🌰同煨番薯 🍠 即刻買嚟暖下胃啦😋
炒栗子趁熱食 係最好味🤤 1磅$50
食唔哂 放入雪櫃冷藏保存
要食嘅時候 放喺電飯煲內加熱就可以♨️

阿黃良炒栗子🌰
2022年12月擺檔地點及營業時間：
屯門區每日下午3點至6點半左右『單日置樂、雙日蔡意橋』
天水圍/元朗區
『星期一、三』晚上7點至9點半左右天水圍天盛，晚上9點45分左右至深夜元朗又新街
『星期二、四』晚上7點至9點半左右元朗朗屏，晚上9點45分左右至深夜元朗又新街
『星期五、六、日』晚上7點左右至深夜元朗又新街
擺檔位置
屯門蔡意橋 – 蔡意橋輕鐵站
屯門置樂 – 青海遊樂場門口(蔡章閣中學旁邊)
天水圍天盛 - 天盛街市正門
元朗朗屏 - 西鐵朗屏站B出口天橋
元朗又新街 - 又新街巴士站
單日、雙日是指當月的單數或雙數日期

⭐️擺檔日子可以上佢嘅社交平台網頁睇⭐️

#阿黃良鄉栗子 #炒栗子 #糖砂炒栗子 #煨番薯 #鵪鶉蛋 #小販檔 #流動攤檔 #暖胃小食 #冬日美食 #港式懷舊美食 #屯門 #元朗 #天水圍 #hkig #Tuenmun #foodblog #hkfoodie #foodie #foodieblogger #foodiehk #blogger #hkblogger #hkfood

元朗區都有純素美食！一素店是一間純素健康食品小店，最近加開Veggie2go外賣部，由五星級酒店大廚主理，推出一系列無味精無五辛純素美食，有飯有意粉有漢堡有薄餅，元朗國民記得mark低啊！一素店位於熱鬧的元朗又新街，近西鐵站也有輕鐵站直達，非常方便。除星期二外每日供應，初一十五和自備餐盒都有特價。食物選擇好多啊，各種各樣都有一點。一素店其實也是一間純素食品店，來買外賣可以順便shopping。貨品都幾新奇有趣㗎，難怪住元朗的素食朋友都喜歡來這裡購物。雪櫃有純素芝士、餃子和各種即食方便產品。純素鳥結糖貌似幾吸引。日式照燒金菇卷 HK$48
這個金菇卷外面用超薄茄子片捲著金菇，配個惹味照燒汁，香口但食落又有健康感。好薄的茄子片，如果我可以將茄子切到咁薄會試下整。有機玉醬意大利麵(+純素芝士) HK$68
主餐有飯有意粉，米飯類都採用日本米好講究，青醬意粉的青醬也是大廚自調。然後睇完一輪我都係想食玉醬意粉，意粉可以自己揀麵定螺絲粉，加了純素芝士焗出來香氣十足，茄汁也非常香濃，食完勁飽肚。我不是奶茶 HK$28
跟餐也加了枝燕麥奶港式奶茶，完全唔甜幾清爽，不過我覺得可以再多點茶味。