4
2
2
港鐵尖沙咀/尖東站 B2 出口, 步行約4分鐘
繼續閱讀
營業時間
星期一至日
12:00 - 00:00
以上資料只供參考, 請與餐廳確認詳情
這次買了團購，媽媽快生日，所以便帶媽媽去吃，這夜的飲品是任叫的，甜品也是任點。食物味道和質素都是一般，但也算是抵食。這裏環境也很舒服，坐著聊天也是不錯的地方。******************************來到時人不算很多，也是滿坐，剛好有人離開，便安排了卡位給我和媽媽。環境也很不錯，坐著聊天很好，燈飾也很得意呀。這次買了2人餐，先來餐包蒜蓉包，不脆，蒜蓉味一般。餐湯粟米磨菇湯，味道一般，很多粉開的口感。紅湯還好，香蕃茄的味道。頭盤是焗蠔2隻，看來都很大隻，但把那些芝士醬汁弄開，那蠔是很細隻的，其實這麼平的價錢，當然不會有肥美的蠔吧!!!鐵板智利龍利柳拼煙鴨胸。我沒吃鴨胸，媽媽說好好味。龍利柳份量也很大，都算不過不失。只是沒想到配菜是這麼少也沒薯蓉，有點失望。鐵板燒戎豚肉炒烏冬。這烏冬的燒汁味是很濃，可惜來時賣相不好之外，份量也很少，不過還有甜品任食，這個少點也可以。要了一杯奶茶給媽媽，我要了一杯凍檸茶。茶類都是一般，我的凍檸茶茶色有點深，入口不會帶苦。要了2件意大利芝士餅和特制意大利芝士蛋糕。來到看看是這個樣子，也算不錯了。芝士的味道也淡，芝士餅入口有點乾不夠軟。特制芝士餅帶點軟身，味道也是差不多的這夜可以加錢$15要了一份朱古力心太軟，終於來了，賣相也不錯吧。切開中間的朱古力是沒有流心的，古力漿也很少，有點失望。入口朱古力味也香，可惜少了個雪糕球，不過以$15來吃心太軟，都相信質素都是一般吧。
繼續閱讀
當天與呀肥途經此處, 眼見門面擺設相當吸引。一個個食物模型擺放於櫥窗處, 令不少途人都多望數眼。而我倆又因太肚餓了, 所以沒有怎想就衝入去。店內環境寬敞, 燈光明亮, 格局亦相當不錯。因當時是下午2時多, 店內只有一枱客, 另一枱就是我們。我點了煙三文魚意粉。外觀上可以, 但吃上去超咸...一來, 煙三文魚本身都已經咸, 但意粉的汁更咸...咸的程度是嗱喉, 而且吃到一大片一大片的杏鮑菇。與意粉很不搭, 不切絲...最起碼也切條吧?最令我驚奇的是, 意粉是室溫的。最正常是煙三文魚, 其他...這是一道不合格的菜式。另一碟是呀肥點的牛扒餐。牛扒算大塊, 但肉質認真麻麻。而且鐵板不熱, 只是擺塊牛扒與意粉上去。就這樣看已知汁不多, 而意粉是沒有味道的。一點點咸都沒有, 很乾身。我倆吃後都應該不會再光顧了。我寧願花少少時間等吃熱騰騰的菜, 而不是一點即上的室溫食物。而且調味嚴重不專業, 廚師是否應該要再進修?
繼續閱讀
上月o係’G’字頭o既團購公司,以$168.00買o左一張話原價$378.00o既二人90 分鐘半任食鐡板晚餐,我就約同男友o係前晚(20-9-2013 Fri)追月夜到o黎,餐單係:2. 餐湯任飲 (忌廉湯 / 意大利什菜湯)既然任飲,就每樣一碗先啦,我先飲忌廉湯,質地夠杰身同滑,忌廉味都夠濃.飲o左半碗就同男友交換,飲意大利什菜湯,呢個番茄味好明顯,內裡o既什菜夠腍,都OK o既.我o地最後都叫多一碗意大利什菜湯飲.雖然話唔差,但我仍覺得’爭’啲咁,所以味道係畀唔到滿分.味道: 3.8分3. 蒜茸多士唔大件o既蒜茸多士呈金黃色,但覺得係過o左火,食落,係脆但有啲硬,味道係好夠o既.味道: 3.8分1. 頭盤 (夏威夷雞什菜沙律,法式芝士焗蠔,香草牛油焗田螺,2人選1)男友揀法式芝士焗蠔,個樣幾靚,不過好細隻,食落,蠔味係好濃郁,但芝士唔多.味道: 4分7. 餐飲任飲男友見凍飲杯好靚,就要凍奶茶,我就要熱檸水,落單侍應已經聰錯話凍檸水,我已即時糾正,點知o黎到都係畀o左凍. 男友o個杯凍奶茶茶味濃,但奶同糖都唔夠,令到杯茶變得o鞋同有啲甘苦味.而我杯凍檸水呢?只有兩片檸檬,亦唔夠糖水,所以一般.我o地冇叫少甜,但都自己減糖水,真識為客人健康著想.而o係任飲o既情況下,我o地都只係要多一杯.味道: 1.2分4. 主菜 (鐵板美國穀飼西冷牛扒(8安士),鐵板肉桂蘋果美國豬鞍扒,鐵板智利龍脷拼煙鴨胸,2人選1. *加$88.00升級至芝士焗原隻波士頓龍蝦)我o地揀o左六成熟o既鐵板美國穀飼西冷牛扒(8安士),要洋蔥汁.等o左好耐至有得食,呢個邊位係脂肪,食落,好似煎耐o左,超過六成熟,肉質o鞋,但食到中間又返翻去六成熟.牛肉o既鮮味就好似食唔出,一般.味道: 3分5. 意粉及飯(秘製汁燒豚肉炒烏冬,日式雞丁炒飯,卡邦尼炒意粉, 2人選1.)我o地揀秘製汁燒豚肉炒烏冬,我o地慢慢食完西冷牛扒,呢個都未上,就追追啦,點知o岩o岩到o黎.望落去份量唔大但好熱,食落,濃濃o既燒汁味道有啲鹹,豚肉就係o鞋身o既豬肉絲,其實呢個冇乜特別,只係填飽肚吧.味道: 3分6. 甜品任食 (意大利芝士餅Cheese Cake,朱古力咖啡慕絲蛋糕Mocha Mousse Cake,特製意大利芝士蛋糕Tiramisu,雙色朱古力慕絲蛋糕Chocolate Mousse Cake *視乎當日供應,最少2款, *加$15.00可享心太軟/ 焦糖燉蛋)呢日就只有最普通o既意大利芝士餅Cheese Cake同雙色朱古力慕絲蛋糕Chocolate Mousse Cake,有啲失望.我叫甜品時,我話兩款都要,侍應都好醒目問付樣都要兩件.o黎到喇,預o左唔大件.先食意大利芝士,口感冇問題,但我覺得味道偏酸,男友就話吉士粉太多,偏甜.味道: 1分雙色朱古力慕絲蛋糕呢,味道唔太甜,朱古力味來自下面o既啡朱古力慕絲,慕絲唔算好軟滑.雖然呢個唔係話好好食,但都比前者好.最後我都食多一件.味道: 3分環境:一入去感覺都唔差o既,但竟然我o地已經係坐最出o既位(已封o左o既門口位),都可以嗅到由廚房傳出o黎o既鐵板燒肉味.都坐得舒適o既,不過o岩o岩被冷氣風口吹正.服務:除o左湯同蒜茸多士外,其他o野o係落o左單後都等o左一段時間至到o黎,應該又係儲單做.上鐵板餐時,侍應會企o係後面捧住個鐵板落汁至擺上枱,睇見佢o地咁樣好危險,小心呀!價錢:上網先畀$168.00,但食完後要畀返$17.00小費餐廳,呢餐即係$185.00.總括,其實呢o度都冇咩好食,只係睇見佢話飲品甜品任飲任食至o黎,以$92.50一位計,根本都冇平到.男友最滿足o既只係多過一杯o既餐飲,唔使就住就住o黎飲.其他:我o地o黎到時,有一枱兩宅外客人,其中一個食o緊鐵板唔知咩o野扒,之後佢o地同侍應反應啲o野,我聰到佢o地講咩’Hong Kong style’,之後侍應拎走個未食完o既鐵板.
繼續閱讀
有時候在下會有一點選擇困難症，不知道想吃甚麼菜式，又或者不想花費太多，尤其是在午飯時段和在工作天裡，也會想到快一點完成午餐。思前想後，還是到去年年尾新開的石板燒，一來價錢都幾抵，二來午飯時間不用排隊，那麼就推門而進。還記得去年首次到訪，感覺和印象不算太差，服務也不算太差的，今次再到訪，會是怎麼樣呢？進入時剛好午飯時間，尚餘幾個位，一個人當然可以立即坐下，看看午市套餐餐牌，與第一次來吃沒有太大分別，上次點了鐵板餐，今趟可點來石頭鍋。今次和上次一樣有羅宋湯，紅湯是對辦的，材料也豐富，紅湯的味道同樣酸甜度適中，沒有辛辣味，而且蔬菜亦很腍。今次點來是照燒煙鴨胸石鍋飯。在下甚少吃鴨，但餐牌卻只有一款石鍋飯。煙鴨胸有薰煙過，所以有微微的薰煙味道，加上燒烤過，因此味道會有兩重感覺，而且鴨肉不算太嚡和靭。沙律與上次有所不同，今次是酒店式的沙律，再加上魚子，味道都新鮮；而甜卻是花奶啫喱，則較為普通為了。凍奶茶有其茶香，入口有回甘味，而且味味甘醇，奶和茶調和適中，不會被奶味蓋過茶味，而且糖水份量適中，不會太甜。今天所見侍者的制服有所改變，只是加了一件圍裙。服務方面亦很主動，一叫便立即過來，都幾滿意。
繼續閱讀
超抵食團購推介!!!!~B. $78 醬烤豬仔脾鐵板餐（原價$128）C. $98 芝士焗波士頓龍蝦拼薄牛扒鐵板餐（原價$188）原咩價丫~ 個度個menu 都冇呢兩個餐呀…. 所以都唔知”真正”原價係幾多~ 不過見都幾抵~ 78蚊去鋸扒 ,仲已經包加一餐湯、頭盤及餐飲!!餐湯 – 有例牌的白湯紅湯 .如果正價入去食我聽到好似有成4-5 款湯可以揀~頭盤 – 煙3文魚沙律~ d 菜好fresh~!! D 煙3文魚唔夠煙 ,不過都ok!!餐飲 – 可叫熱飲/凍飲 ,凍飲唔使再加錢喎~ 哈哈~醬烤豬仔脾鐵板餐 – 我揀左跟意粉!! 講左d意粉先 ,好正!! 有d 硬身 ,唔會好似出面個d 咁軟林林一pat 粉咁~好有咬口!! 至於個豬仔脾….係有烤過既 ,不過唔覺係醬烤囉…. 外面比較乾身 ,但食落好juicy 架!! 我個碟一共有3 條豬仔脾 ,佢個款唔似食緊豬 ,唔知真係呃得下人以為係羊架~ 哈哈!! 跟鐵板既汁可以揀 ,我揀左黑椒汁!!芝士焗波士頓龍蝦拼薄牛扒鐵板餐 – 我男朋友都係揀左跟意粉~ 不過佢就嫌有點硬 ,我自己就覺得ok既~ 以男仔份量黎講都ok 架 ,唔會得個一小撮!! 我男朋友食晒就夠飽喇~ 講左薄牛扒先,冇咩特別,薄薄地一塊都唔錯,冇咩牛味~ 另外仲梗係有主打” 龍蝦”啦~!! 雖然係團購 ,但一d 都冇揸流灘架~ 比我想飲中大隻 ,d肉仲好彈牙tim~~!仲有龍蝦羔tim呀~ 好正!!佢原本既餐都唔太貴 ,$7x-$8x 都有一個餐~ 如果要”餐湯、頭盤及餐飲” 就要+$28 ,其實都ok 架!! 個度有飯有扒有鳥冬食~ 仲有甜品心太軟!! 只係$20 一客!! (我因為太飽所以冇試到~) 最驚喜之處係我冇諗過我以團購入去食 ,竟然有兩支試管款的free drinks送 (有酒精飲品) ,因俾人飲左所以冇影到相….!!d service 都好好!! 唔會黑你面 ,好有禮貌!!
繼續閱讀