5
6
1
以上資料只供參考, 請與餐廳確認詳情
石豚屋是一間較接近平民能負擔的日本餐廳，waiter 態度超好！！食物質素雖然不及高級日本餐廳，但以平均每人$40計算，是間不錯的餐廳！一共四人用膳，我們分別點了三文魚炒飯、豬扒飯（不記得全名了）、炸雞拉麵以及燒汁牛肉石頭鍋，另外還有配菜！（$40抵到呢！）本人食石頭鍋飯，飯加上燒汁牛肉粒再上洋蔥等等味道不錯，只要牛肉粒有點不夠味...我們四人也沒有一個能全部食完，因此注意，一個飯能足夠一個半人食！
繼續閱讀
作為一個住係上水既人，其實我就好少主動搵野食，但係有見於最後睇到有人寫舊墟既石豚屋，而我又未試過，所以今日放Lunch Break既時候去左試試。首先可能今日我地放lunch既時間比較早，無咩學生黎，所以入到店面都有幾個空位，我同友人就快快被安排入座。呢碗係我地一坐底就送上黎既味噌湯，暖暖地，睇到個湯都幾濃，入面有d豆腐粒，食得出應該係百x個隻滑豆腐，不過就鹹左少少。對於一個有選擇困難症既人黎講，我決定友人要咩set我就跟！(因為佢有成差唔多20個組合，好難簡！)於是兩個人就要左三文魚蟹籽飯+炸雞軟骨既餐。趣事：餐飲我要左凍奶茶少甜，友人個杯係凍檸水，不過唔知點解送黎個陣友人個杯插住左兩支飲管。友人表示：哇？情侶杯呀？最先送上黎既係呢碟炸雞軟骨，份量都幾多，唔錯。送上黎既時候聞左下，無個陣令人討厭既油"憶"味，而且感覺到有熱氣，相信應該係即炸既！雞軟骨炸得唔錯，咬落口會有脆脆既聲音，好香口，入面既雞軟骨好脆，有d仲會帶肉。側邊既醬係普通沙律醬，無咩特別，而且軟骨下面唔知點解墊左幾條好零碎既菜絲，又唔係多，有d奇怪。食食下雞軟骨差唔多食左一半既時候，個飯終於到左。不過本人其實唔食Wasabi，但係店方就自動放左舊wasabi係上面，對於我黎講有d唔方便。所以最後我將個舊wasabi比埋友人，因為佢中意嘛！不過唔知點解友人個碗飯無蟹籽！我叫友人換過，不過好脾氣既佢表示：唔洗啦是旦啦。成碗飯其實都幾大碗下，而飯上面有d"蟹籽"類既物體、青瓜絲、玉子同幾塊都幾大下既三文魚。"蟹籽"類物體：食落居然係無味既！？青瓜絲：爽口，同三文魚一齊食幾好玉子：太甜，而且太濕三文魚：size不錯，幾軟滑，而且最重要係唔似得某間板x壽司既三文魚咁有筋，食落幾香魚油味。飯：太粘，就算落左醬油都"攪"得有點吃力(因為本人習慣將所有野攪埋一齊食)總結：埋單既時候係收$38，其實好平，以一間日式食店黎講，而且我覺得物超所值，比起d連鎖壽司店，經常重速度重數量就偏忽視質量黎講，石豚屋提供左低價、款式多、質量有返咁上下既食物比大家，所以絕對值得大家去試下。p.s.一向細食既友人都覺得個飯好食，一口氣食晒^^
繼續閱讀
阿媽一路都話佢抵食，終於得閒去試吓餐廳門口已經有午餐既餐牌佢一至五系$38免加一，六日就$42，有日本野揀，算系咁！主菜阿媽叫咗個三文魚併蟹子飯，我就要咗個壽司定食，小食我地都系要三文魚壽司。D野食都幾快送黎先講壽司定食，三文魚都算鮮甜，食得出幾新鮮其他野都唔錯，話晒$42個餐，一定唔會同成百蚊果D咁大舊同肥美三文魚併蟹子飯方面，蟹子有少少咸，同三文魚加飯一齊食，好夾，麵豉湯系即沖果D，不過佢加咗少少有咬口D日本腐皮，唔錯！咁多野，埋單都系$84，抵食啦！
繼續閱讀
因為覺得食物種類多、新鮮、份量ok，所以今次已經係第3次光顧，豈料今次是一個不愉快的經歷。因放題限時2小時，所以一入座就馬上寫紙落單，豈料呆等45分鐘，第一碟食物-刺身才施施然送來，而且只有三文魚及鮑片，我們叫的其他刺身，如章紅魚等，一概失蹤！刺身切得又薄又細，每片才1吋×1吋不到！而且是暖的！沒錯，刺身是暖的！比起前2次光顧差了很多，失望！接著我們馬上追單，怎料廚房回覆，他們才「剛剛」收到order！對！是我們入座兼落單45分鐘後，廚房才剛收到order！有無攪錯！？再等15分鐘才有第2碟食物送上，即入座1小時才有2碟食物！這次是金菇肥牛卷，好像一般成年女性的食指的粗幼，味道還可以，不算油膩。緊接著送來一大堆我們從來沒有落單叫過的食物，如天婦羅南瓜、京葱牛肉等。天婦羅南瓜是涼的，因為涼了，所以天婦羅那層皮好硬。不過京葱牛肉挺惹味，味道不錯，牛肉有彈性，感覺很新鮮，蠻驚喜！值得再order！可惜我們落單叫的食物，如天婦羅炸蝦等，三催四請十幾次後才有，但情況比天婦羅南瓜好，炸蝦是暖的，味道還好，蝦肉挺彈牙。但我們叫了12隻，6個人分，每人分2隻，但最後只有6隻，而且已經last order，想再叫也不行。說真的，由頭到尾，食到一肚氣！食物比起前2次光顧，味道差了，size小了很多。最最重要是服務差，限時放題2小時，但要入座計時45分鐘後才有食物，落單的食物不來，但沒有叫的就不停送上來！還有，我們坐樓上，但分體冷氣不停滴水，真接滴在食物上，很骯髒！
繼續閱讀
第一次係上水放題，都唔錯！本來叫我地上閣樓，但由於友人先前在閣樓有不愉快經歷，所以決定等位！點知一等就等左半個鐘！入到去，即刻叫左刺身食^_^一上刺身，我同友人顯然十分驚訝，因為刺身係用個好細既白色碟上 都唔理啦 照食啦！三文魚ok啦，不過真係厚左啲！甜蝦本來我以為佢無比我，點知仔細一看先搵到，可能甜蝦真係太迷你！其他刺身就無試到，因為我唔食！壽司都唔錯，特別係風味船，真有風味！但係味付螺肉壽司十分可愛，因為佢只係包含一粒螺肉，一塊紫菜同一粒飯。。可以加多啲螺肉嗎？其他真係唔錯，起碼無之前其他人所提及的灰色火炙三文魚壽司！石豚屋最大特色之一係中菜，好難係其他放題搵到咁多中菜！不得不介紹既就係蒜片牛柳粒，火候好足，食個時仲好熱，不過等哩味菜等左接近45分鐘！椒盬鮮尤好明顯是番炸的，不過味道不錯馬拉盞炒油麥菜真係一流，馬拉盞調教得好有水準，但係啲菜老左小小口水雞好正，真係有麻辣既感覺！香茅豬扒好夠味，值得一試。燒物係重災區，不堪入目！串燒美國牛肉仲有血，好恐怖！燒青魚係煎既，麻麻地燒金菇牛肉卷小得可憐。。尤魚鬚係一啲味都無，連調味都無，好似食左橡根多春魚係爛既，個頭呢？？？？炸物都唔錯！特別天婦羅，炸粉唔會太多，讚！服務方面，店内一位發音微有不正的女人(應該係經理)不斷催我地走，但明明兩個鐘都未夠！last call都上唔齊，我追左日式炸豆腐足足五次，但那女人只說有單。。然後催促我地埋單！不過其他待應態度也十分好，很親切很和藹，値得一讚，要keep住！不得不提的是，壽司部的師傅也十分親切，我搵唔到厠所佢好親切咁教我去，周不時對我相視而笑，態度良好！總括黎講，除左燒物同個位強國女經理之外，都真係唔錯！
繼續閱讀