栢檔碟頭飯專門店 (已結業)

叫左個海南雞飯 海南雞都唔錯既，但係我嫌佢油份唔夠多有d部位都仲係"鞋鞋"地... /_\"但個雞油飯就好好味XD雞味好濃，就咁食個飯都覺得好滿足^^下次我黎食的話，淨係叫個雞油飯算喇XD 好似都係$10個... ...

個晚睇完戲, 去左九龍灣分店果間"拍檔"餐廳裝修似快餐,原來買飯都係快餐經營.坐位比普通茶餐廳更唔舒服.叫了個"無骨雞飯"味道ok, 但份量似茶餐.又無奶茶coffee基本野.埋單45, 唔平囉~

去過星加坡既文華酒店食海南雞飯勁正,一直都懷念住,上網見到有人推介,就去左而間"柏檔"試下..入到去環境一般,但第一次係香港食到咁有水準既海南雞飯, 勁滑,勁鮮..勁正, 叫左個餐食 $40都唔洗,係星加坡食就要成$100,所以感覺好低, 而且雞既份量足, 餐湯飲落好住家口味.

其實都食過好多次, 今日去d枱換過哂新的(木色),之前係普通白色茶餐廳的. 之前去都有98蚊2人餐同$118 2人餐choose 下, 但而家得返一個 $118 2人餐因為$118 2個太多喇,食唔哂, 我同我朋友 choose左2個大既海南雞反(有湯送,凍飲+$4,total $42)海南雞 正呀~好鬼滑,但少左dd雞味,都好味道反ok啦.湯比之前差左dd, 好似有味精( 店話佢地d野唔加味精),之前飲d湯真係似屋企飲o個d提返先,之前食過d 咖喱牛腩真係好好味,咖喱牛腩好食過海南雞, d牛腩好軟身,唔痴牙最緊要d"將"油,好味,soy 油 "傑"身既,spicy source 最好食!(其實唔spicy,酸酸地)

中午同細佬、老婆三個人去叫左三個雞飯﹗碟飯黎到面前以經有點失望~已經不是從前的金黃色油飯了雞和飯的質素都大不如前~~~~~~回想它剛開舖的時候，真的很不錯的~~現在以經變成一碟平平無奇的雞飯了~~~~~~~

2010年2月16日 ( 1 ) 黃大仙 ( 栢檔 - 1 ) 下午茶 ( 年初三 )農曆年初三，相傳為(赤口)日，不宜拜年，因此，前往黃大仙參拜了。此後，我倆原想到(上海美味齋飯店 )試試，到達後，原來新春假期還未啟市，而(詠藜園)也未開市，偶然的便遇上(栢檔)。太座喜歡吃海南雞，就選這裡了。 迷你去骨海南雞飯 ：下午茶，細細碗，足夠料，三色醬去骨雞，太座讚，雞嫩滑，好滋味。風沙椒鹽豬扒湯米粉：豬扒靚，亦夠腍，配椒鹽，味香濃， 米粉滑，湯底佳，整體算，蠻吸引。熱杏霜：太座愛，端上時，熱力足，足夠料，散杏香，味濃郁，甜度適，味道美。熱奶茶：奶味足，茶味輕，水熱勁，雖不香，亦不濃，無苦澀，也順喉，屬合格。餐後總結：海南雞，以前在佐敦店，吃過數次也不錯，今天，這裡的海南雞也很好吃，有點像鮮雞，從店員口中說是冰鮮雞，亦抵讚，你們做雞真的不錯呀！

過0左兩個月,我又俾一次機會佢,食個晚飯.試下叫唔同款式,可能會有意外收穫呢~是日晚餐:- 二人餐咖哩牛腩 + 海南雞 + 芥蘭 + 油飯兩碗 + 例湯份量真係好多, 兩個人完全食唔晒~~ 咖哩牛腩>> 都幾辣.薯仔同牛腩各半.咖哩味同出面有d分別,唔通秘制??個人認為好食過冇味既海南雞喎~ 去骨海南雞>> 真係冇味架...係咪洗得太乾淨洗到冇晒雞味呀~肉少皮厚. 芥蘭>> 唔嫩又冇蠔油,本身又唔鍾意食芥蘭呢...唔評咯~ 油飯>> 兩大碗,抵食夾大件.真係好油,油得黎好香. 例湯>> 足料有渣,冇乜味精!最後仲可以打包一盒第二日當午餐添~~第一次入店食, 服務態度都係麻麻喎,有待改善喎★

tea $24 迷你size ----- 去骨海南雞 + 油飯 + 熱飲 落單時店員已提醒只是細碗飯, 雞件約四至五件, 可選油飯, 同白飯一樣價錢, 一樣配搭三色醬 雞份量ok, 細食的人剛剛好; 去骨雞 --- 質素同以往食開一樣, 肉質嫰滑, 但雞味淡, 一定要沾黑醬油先好味, 而且還要加埋薑葱蓉來撈飯 油飯暖暖的, 雞油香味不濃始終覺得雞普通, 個醬先至係主角$24 唔算便宜, 不過都抵食同好食過湯河

成條街冇咩好食,揀了海南雞是日晚餐:- 海南雞一人套餐海南雞+油飯+菜+例湯兩人吃好似少了點,追加多碗油飯.呢間我食過好多次,唔係因為特別好食,而係貪佢冇骨.間店賣點係海南雞飯,我都剩係食過海南雞一款.同其他人感覺一樣,冇味.值得一讚反而係3款醬(酸辣/ 甜豉油/ 薑蔥).油飯真係好油,仲出味過件雞,差不多食晒!例湯都足料,不過嫌淡0左d.我地外賣番去,叫個阿姐俾多對筷子,不過佢好冇禮貌,話已經俾晒.因為我地係兩個人去買,飯都買多一碗啦,唔通我咁既身型食得兩碗飯咩?最後佢黑晒面丟多對筷子俾我.

我食量已經唔算大,,但佢d份量真係太少..一個真係唔夠飽!!(無論係下就定夜晚..)價錢又貴,,但雞又唔多-__-但佢勝在啖啖肉...d汁又做得ok...不過我唔係3種汁都用.,所以每次都好浪費咁..價錢同質素or份量真係唔係幾成正比....d位有d窄..逼...可能一試既....

有日去鑽石山探朋友,lunch時間本來打算去荷里活廣場搵食; 但朋友話聽聞附近有間食海南雞飯唔錯,於是改變方向行去黃大仙區.原來間舖叫栢檔,門口更大大張poster貼住食神爭霸戰銀獎,又話好多名人讚過云云... 嘩,一定要試試啦...得兩條友,最簡單就叫個二人餐: 有去骨海南雞半隻,油菜一碟,例湯和油飯各兩碗.先講例湯,舖裡面大大隻字寫住無味精靚湯; 飲落又的確無味精,幾好喎. 是日例湯椰子煲雞,我碗湯都有幾多渣,但90%以上為椰子囉...海南雞半隻賣相OK,雞皮都幾厚且肥膩. 食落雞肉幾滑,但差點雞味... 油飯夠香,可惜同樣唔夠味,亦因如此,碗飯唔算好油.見網上食評有好多人投訴服務態度; 我無問題喎,可能我去當日唔多人啦.總括而言只算不過不失; 但單靠這碟去骨海南雞可以攞到食神銀獎??? 我唔信囉...

佢地以雞為賣點,但係我去附近燒味舖買盒切雞飯好食過佢3倍(保守估計)。雞皮同肉之間有層啫哩狀肥膏最難頂,雞無雞味,(你話唔係冰鮮乜都得)80%雞胸為主,油飯有色但無味,難以置信個獎點得返黎?以同區食肆計價錢唔算平,員工服務態度係劉華認為唔夠個種。駛48蚊食唔飽之餘仲有一肚氣帶返屋企,唔信邪既街坊你都黎親身體驗一吓啦!

今晚叫了一碟雙拼 海南雞十豬頸肉飯,點知d雞件下面一半係淨雞皮,一半d肉薄過筷子,離晒譜, 我跟職員投訴,她說:係咁傢啦!我說:那不如你幫我改單拼雞飯吧..唔得喎,無得改喎,還態度惡劣亂指向牆壁說:你睇我地寫明了不可改單傢..我都未吃, 都話左無得改單囉,今時今日仲有咁差勁的服務..簡直就是趕客...太過份...

路經鳳凰新村，醒起一間曾經奪食神爭霸戰銀獎的一間食肆。算一算，大概有兩年沒有幫襯過，反正經過，不如走入去開餐。就點一客要弛名的海南雞飯，叫飯有例湯送。例湯是紅蘿蔔冬瓜湯，淡而無味，喝兩口便不想再飲，吃罷幾件紅蘿蔔就算。與上次的感覺一樣，海南雞飯欠缺雞味，但雞肉是十分嫩滑的。而且是去骨，啖啖肉，適合我不喜歡"lur"骨的懶人。再說三款醬汁，黑醬油仍是送飯的最佳選擇；酸辣醬點雞相對出色；薑茸更是很多人撈飯的至愛。雞還可以，不過油飯就唔掂，一來唔夠油，二來又太硬身，不合格。總的說，不算十分出色，可以猛車邊俾一個笑臉佢。

第一次去食約是幾個月前, 因此分店剛開業, 我兩公婆同個朋友去試, 本人一家都是雞痴, 無雞不歡, 此店強調的是去骨海南雞, 以經濟成本來講用冰鮮雞是一定的了, 但一試之下, 淡而無味, 如果無他們供應的3種調味料, 跟本送唔落飯, 咖哩都是一般, 無驚喜, 個侍應呀姐就不停大大聲包括粗口講緊是非, 我諗可能佢是豉頭婆, 食完大家已經覺得無下次, 話攞幾多獎都無用啦.昨天一行十多人完左聚會食午餐, 本來去慈雲山詠黎園食擔擔麵, 但人太多又落雨等了好耐都無位, 有人提議轉灣有間食海南雞飯好出名, 而又有位, 就移師去食海南雞飯, 點知去到又係喱間栢檔去骨海南雞飯, 但諗住可能好食過九龍城店, 座低個個話自己叫, 佢地有d叫$28一碟的海南雞飯, 有d就叫$38一碟的海南雞飯多3塊雞和一個例湯, 咁我同老公就Order左個$118的餐, 有雞一碟 咖哩牛腩 菜一碟 兩碗飯 兩碗湯, 咁我諗你收得$118硬係會底食和大碟過$38碟頭啦, 點知雞一碟的份量只有$28碟頭面頭的份量, 咖哩牛腩就同$32一份散叫的咖哩牛腩飯一樣, 菜就同其他人加$8 的一碟菜一樣, 咁的份量照計加埋都係$78,