43
10
2
港鐵鰂魚涌站 B 出口, 步行約2分鐘
繼續閱讀
營業時間
星期一至日
12:00 - 22:00
以上資料只供參考, 請與餐廳確認詳情
食家推介
港島東區，因為太古城及太古坊的出現，漸漸地由一個純住宅區變成了一個商業區，而且太古坊是許多國際企業的集中地，尤其是那些不一定要在 CBD 落腳的行業，所以，今時今日，在東區一帶尋食，若我說不是易事，主要是搵唔到位食飯而已。因為有商機，因為有國際機構，中、高檔的食肆紛紛都去東區服務大家，而這一次，我就來到鰂魚涌站對面的芬尼街，為大家報導這一間已在上環有點名氣的《Pizzeria Jacomax》。《Jacomax》是一間 Pizza 店，但有一個酒吧的格局，在這兒，可以放鬆心情食 Pizza，也可以輕輕鬆鬆地飲下啤酒，給人的感覺就是一間開心寫意的餐廳。近日，我到過不少西式食肆，感覺到現在非常流行飲 craft beer (手工啤酒)。是日的午餐，也就以手工啤酒來相配。我來了一支黑啤，是來自美國的 No 8 Stout。感覺雖沒有愛爾蘭的黑啤味道好，但有純 stout 的那一種溫口的感覺，凍飲不澀，很好。朋友的 Anchor Steam，果味較重，麥味輕，味道是偏甜的。第二 round 酒，我改了飲 Founders，是 Brown Ale 的味道，也同樣帶少少果味，濃麥味及果香的混合味道，不錯。再說就是食物，我們點了一份小食青口，大家分。牛油焗青口，味道很濃，肉雖不大隻，佐入口時，青口的鮮味集中，肉質煙韌，很是惹味。我點上一個 Lasagna，完全是因為我太耐冇食 Lasagna 啦。這是即叫即製即焗的一個Lasagna，其芝士味很是香濃。上檯時，還見到芝士在冒泡，很是開心。味道很濃郁，肉醬、pasta、芝士、蕃茄，怎形容呢???? 總之，對我來說，這是最理想的 Lasagna 味道，願望超標達成。我們點了招牌的 Jacomax Pizza，這兒做的，是正宗意大利式的薄批，有牛肉，青椒，加上水牛芝士，令味道十分之濃香，最特別的，就是在 pizza 的中心加了一隻蛋，多了幾分的香口感。再者，Pizza 是全脆的，十分之正宗，我也很久沒有吃過這樣的真正意大利 Pizza 了。環境很好，食物的味道也十分之出眾，中午一班同事來分享 pizza，或者外送至公司一班人霸佔會議室食，都是一個非常好的選擇，下下食連鎖店的標奇立異 pizza，或外賣專門店的千篇一律 pizza，不如試試《Jacomax》，品味一下正宗的 pizza 味道。
繼續閱讀
由於此pizza舖近公司嘅關係，再加上之前上咗openrice排行榜第2位，我同同事都躍躍欲試，奈何價錢唔平，始終得個講字。。今次同朋友相約鰂魚涌，就即管試吓~之前睇食評都知此舖裝飾別具風格，古舊得嚟滲入少少artistic元素。例如隻碟就有個上世紀女士嘅樣，同埋牆上有個科幻得嚟融入咗數學方程式嘅掛鐘，呢啲絕對係影相位，玩味十足i like it講番正題喇: 嘢食水準整體唔錯，意粉嗌咗我最愛嘅carbonara, 汁creamy夠稠意粉爽口，煙肉份量足，再加埋黑椒調味整體ok, 不過如果多啲芝士同蛋汁就更carbonara了。主菜pizza就果然名不虛傳超巨型 regular size都有成12寸，兩個人食唔晒要打包。。佢呢度嘅pizza係薄批，餅底薄得嚟又有質感，咬落鬆軟，批邊就有少少crispy，幾好; 呢個批材料有火腿同磨菇配以茄醬同芝士，簡簡單單已頗美味: 火腿大塊鹹度適中，磨菇夠新鮮彈牙，芝士又唔會太濃太滯，至於蕃茄醬就清甜，唔似連鎖店嗰啲咁濃味咁搶口，值得一試。最後試吓小食雞翼。。皮脆肉嫩冇雪藏味，再加上黑椒(again)味道可口，推介!!
繼續閱讀
小妹不是第一次到訪鰂魚涌的Pizzeria Jacomax，挺喜歡其復古且粗獷的裝潢風格，懷舊且的骰的小擺設。就連小豬，也大讚餐廳夠型格，有個性。 餐牌上的食物，與上次大致一樣。小豬想吃薄餅，薄餅之碩大，意粉及飯類一頁，可以不看也﹗ 先來一客以生菜、煙三文魚、刁草和檸檬入饌的煙三文魚沙律$108，價格不菲，然，份量勁多，足夠3-4人吃。此外，生菜十分鮮爽，煙三文魚量多且油潤甘香，拌入酸香十足的黑醋，吃罷，教人精神為之抖擻了起來。 西餐經常以紅酒、白酒入饌，但以啤酒炮製白啤酒煮藍青口$139，你試過嗎？白啤酒以大麥芽和小麥芽為原料釀製啤酒，含有少量酒精，味微酸且爽口，營養豐富，與普通啤酒相比口味更為柔和爽口。餐廳以白啤酒和洋蔥煮藍青口，煮成的醬汁同樣香滑濃郁，酒香四溢，且帶有麥香味。藍青口肉質幼嫩且鮮甜，沾有酒香，只稍嫌青口未夠肥美也。 三文魚芝士薄餅$160/12吋預先切成八塊，薄薄的薄餅邊皮香脆且鬆化，香味四溢，且帶麵粉香。三文魚和芝士鋪在薄餅上，烤至半熟狀態，咬下兩者口感軟腍香軟，鮮香油潤豐腴得來又不會太過膩溜，與香脆薄餅同吃，極為匹配且好味的﹗
繼續閱讀
同個富二代既friend出街 佢話呢間好味而且佢埋單所以咪入左去囉唉 餐牌都係d好深既英文 我根本唔知寫乜 只可以等個friend去點餐crab meat and pineapple salad蟹肉菠蘿沙律 我係第一次食沙律食都有真蟹肉! 而唔係日式蟹柳! 覺得好有貴氣!味道甜甜地又有蟹肉d鹹鹹地 d蔬菜都好有菜味 不過好以要 $120 以上又要左一枝黑啤 但我係外邊從未見過呢個牌子既 味道好重口 好好酒味千層麵 大約係$130蕃茄味道好香 同埋有d香草味 我friend話好好味 但我覺得d味唔啱我食 芝士味太重 而且都唔係平Tiramoisu好軟又好夠咖啡味 唔係好甜又有d酒味 好似要成$70蚊 貞係一杯甜品仔 就夠草根平民食兩餐飯 d富人貞係唔知乜野叫做民間疾苦
繼續閱讀
放工約了朋友吃晚飯，但係大家都不知道吃什麼。於是馬上上OpenRice 看看有什麼好吃的～一㩒，㩒去餐廳排行榜，發現最近公司的有排第二的Pizzeria JACOMAX。以為排第二實無衰！放工後馬上跑去這間餐廳。可能因為是平日，而且早到，一入到去，不用等，馬上有位。 一坐低，望望周圍，環境不錯。細細間，10張枱左右，又帶點外國風味。 可惜服務員只有兩位，晚點人多的時候，好似有點應付吾黎既感覺。而且吾知是否餐廳既音樂音量大左少少，或兩位服務員聲量偏細，由帶位開始完全聽吾到佢地講野。而且，餐廳一多人，想同朋友談心有點難。。。因Happy Hour（5.30-8.00pm),買一送一，好低飲，所以同朋友各叫了一杯Cocktail，同Chicken Wings 做 Starters。Cocktail 味道不錯，個人來說有點Strong。 Chicken Wings 味道非常普通，肉有點淡，好似無醃過。。。而且個皮吾脆，同只有胡椒粉味。 之後，因為想試吾同味，所以叫了半個T-Rex，服務員哥哥好細心咁介紹埋個Jacomax（上面有隻溫泉蛋）。叫左個細既 Pizza （12"），已經好大個，兩個女仔食，一定有多！兩個Pizza既味道雖普通，材料平均分散係每件Pizza, 薄底，烤得不錯，上碟時熱騰騰，邊邊脆脆的。 我好少會食埋個邊，因為有些餐廳既Pizza 烤得皮厚而無味。雖然話係義大利廚師開的，有別連鎖店，但Pizza味道竟毫無驚喜。有少少失望。。
繼續閱讀