誠壽司便當外賣店 (已結業)

都唔知好定唔好..成日屋企無飯食~整到我唔係要食自己就同FD食飯~今日連續2日係港島做野, 今日係鰂魚涌羅完貨, 就去左海光街個邊既日本野醫肚由於早餐食得飽得仔, 依餐剩係叫左D刺身食就算~一黎就叫左個3色刺身, 可以自己揀3款,揀左帶子, 吞拿魚, 同特甘蝦, 50蚊左右帶子鮮甜, 拍得住板長既特級凡立貝吞拿魚都肥同鮮既~3樣最中意就係隻特甘蝦, 比甜蝦正同好食~之後最中意又最靚既主菜~3文魚南刺身~ 30$抵到爛~睇下嘩...切到咁...賣相一流又鮮味~

早兩日9點幾都唔係得好先開飯，但係most of the other places 都收晒公。 見佢係one of the few 重開門就心口貼住個「勇」字入去試試喇。 蜀米沙律： 唯一一樣可放入口的dish but how can you go 牛油炒雜菌： 味道怪怪的 炒烏冬：同茶餐炒烏冬一樣，啲烏冬林jee jee，冇味嘅烏冬醬難到爆嘅service，不論你有問題、想落單、叫埋單，每次佢都比個最唔耐煩嘅樣我哋。 我哋講都一半嘅句子佢就會走咗去。 往往要將說話最少repeat兩三次。 雖然唔食得好包，但係咁嘅service同食品質量，我哋都唔想再食落去。 好彩埋單都係 $91，如果再貴啲我拍檯都似

我同下面Ms.K 一樣叫左餃子雞翼拉麵，不過我係set lunch拉麵餐既價錢分3個level$52 什菜 or 牛肉 等等$57 餃子雞翼 等等$59 (好似) 先有雞扒 等等餐包左：麵豉湯 (一般，偏咸)前菜係中華沙律 (正常，分量約兩啖)壽司兩件，熟蝦 + 黃色既魷魚凍蘋果紅茶一杯主菜餃子雞翼拉麵，一放低見倒只係得一隻雞翼 (麵正常分量，偏咸，有幾粒粟米、荀、海帶襯托下隻雞翼)點呀？收人$57都係俾一隻雞翼咁大把？我真係接受唔倒囉！以前幫襯開一間台式小食店，一樣既餃子雞翼米絲+凍珍珠奶茶都係$33，而雞翼有足3隻添！呢d雞翼都唔會係自己釀架啦，有咩咁巴閉呀？今餐真係食得好唔高興囉！我以後都唔會再幫襯！(我係因為覺得超開抵，先會開個account上黎寫食評！以前太懶喇......今次真係唔寫唔得)

經過鰂魚涌太古坊附近，隨便選了這家日本小餐廳午膳。點了一個set lunch，另一個餃子釀雞翼拉麵(side order)。食物質素尚且不提，從$50+一個set lunch可自行為餐廳定位。我想在此一提的是餃子釀雞翼拉麵的份量，配料只是幾條芽菜仔加一隻釀雞翼，而雞翼也並不特別大(見圖)。當束短馬尾的侍應小姐上了拉麵後，我對她說似乎這樣的份量不太合理，配料得一隻釀雞翼的話，你們最好通知客人一聲或寫清楚在餐牌上 (因如果當餃子釀雞翼是小食，會注明兩隻的)。她對我說，我們一向是這樣的份量的。當時她沒有怎樣望過我，還在serve其他人，一邊在捧餐一邊答我的。態度上令我頗不滿。。。。但拉麵都點了，也得繼續食。到走了，結了賬，侍應小姐在找錢時突然同我講，小姐，我想講清楚，如果散叫餃子釀雞翼的話上兩隻都要$28, $35連拉麵不可能包兩隻雞翼的。我不知道當時老闆在不在餐廳 (或這侍應小姐就是老闆?)，但既然之前上菜時已經理論過了，並無甚麼好態度或歉意給顧客，為甚麼還要加插這句對顧客留下極差印象的說話呢?

星期六晚上跟朋友一行七人駕車到鰂魚涌的誠壽司食晚。因為朋友常常來食，所以佢交由老闆發板幫我們安排菜單。先來了一個三文魚沙拉，還算清爽，不過三文魚味不重。再來個刺身拼盤，當中帶子刺身超大粒而且好甜。連我不吃帶子的朋友，亦忍不住要吃一個~~壽司是意料之內的水準，壽司size一口一個算是正宗日本壽司。因為我地無人食個刺身拼盤中的蝦頭，所以老闆好體貼幫我地將蝦頭炸了。炸了的蝦頭反而成搶手貨，不單口感酥脆而且還能食到蝦頭的鮮甜。雜綿天婦羅 只食了青椒，不會太淋有口感，算是ok~~一口牛反而有點失望，因為有點像牛腩。全晚最好食的鹽燒三文魚頭，魚肉超滑超多肉!!!燒魷魚令我有驚喜呢，因為印象中燒魷魚會好韌，但這個燒魷魚有彈性但不韌而且好juicy!鐵板蠔好有牛油香，但又不會蓋過蠔的鮮味。我地全部都聽熟客朋友點了芒果紅茶，又真係幾好飲。雖然都係糖水沖，但唔太甜，幾好飲。

今日同班冇見一班ge同事響太古坊唔知依咩好，遊吓遊吓就遊左o黎「誠壽司」。小弟lunch鍾意食日本野，所以響各區都食過唔少。 依間野絕對唔係難食，之不過有比較就確係遜色左d 套番讀大學business class果時成日聽果句:「stuck in the middle」，就係依間野ge情況啦~ 主菜:鰻魚飯 ---------- 整體係可以ge~ 不過d醬味就咸左d，蓋過鰻魚味啦。又鰻魚份量少，本來我都好讚成「貴精不貴多」ge，可惜材料只係普通野，用濃醬係補唔番ge~ 飯係典型珍珠米熟成ge，一粒粒有召頭，好唔好食就睇口味啦 跟餐食物、面豉湯 ---------- 中規中矩啦~ 餐飲: 芒果紅茶 ---------- 熱飲以芒果味入茶，有新意，值得一讚! P.S. 明碼實價，冇加一，「誠」也~ 總結，如果唔想食成個set lunch，又想食日本野ge話，依個價錢食到附近Misocool ge 主菜嫁啦~ 建議餐廳ge老闆搞多d新意思，唔好走平凡路線啦~

在鰂魚涌出沒多年, 知道此小店已久, 卻又不是很有興致去吃。有一晚下班之後, 遊遊蕩蕩到平日只會在日間到來的海光街, 下班時間過後, 這裡冷清得很, 所以見到誠壽司門外掛著的幾個燈籠, 忽然覺得很有日式居酒屋的味道, 便吸引了我進去了。全店佈置以溫暖的黃色為主, 招牌道出了店子的歷史。事緣今晚是想吃冷烏冬麵來會摸到來這裡, 可是這裡卻沒有供應, 只好退而求其次, 點了有得冷吃的燒秋刀魚 + 素蕎麥麵 定食 ($82)。定食配以麵豉湯、芒果紅茶 (凍飲加 $1) 和雪米糍。麵豉湯正正常常, 芒果紅茶應是用立頓紅茶再自行調製, 頗清甜。可能我點的東西比較特別, 兼秋刀魚要慢慢燒的關係, 其他點了是日特價定食的客人的餐點都已到我, 我還在呆等, 好在還有電視劇集看看。十五分鐘之後, 秋刀魚終於上場了! 吃的時候才知道大件事, 因為實在是很多骨! 還有魚不是有一條, 是兩條啊! 只好慢慢逐條骨揀了。於是我吃這兩條魚便吃了我大半小時, 味道還是不錯的 (不過怕腥的人可能就不太喜歡了), 不過是煩而已。冷蕎麥麵大大碗, 夠哂凍, 有點點硬身不過是我喜歡的質感。方才錯過了頭上黑板上的是日精選, 一場

10月6日（星期二），我曾經應承過放完假就去準備做功課，所以收工就去了圖書館，夜晚就去接女友收工。是晚想去女友家附近吃飯，坐巴士去到鰂魚涌已是九點幾了，可以選擇的食肆不多，就隨意來這裡。這裡是典型港式日本料理小店，地方不大而食物款式亦頗多，女友就選擇了套餐鰻魚飯加三文魚刺身，我就要個牛肉鍋。三文魚刺身先來，有兩片，是超市貨色，不過不失，附送的麵豉湯是沖劑來的；跟著是鰻魚飯，鰻魚不算得上肥美，也不能和三河屋的比較，勝在鰻魚汁夠多，好送飯，而珍珠米入口軟綿，還有附送的芒果茶吃得女友感到蠻滿意；我的牛肉鍋是即叫即製的，上檯時是滾滾的，面頭還有兩大塊豆腐；牛肉是普通肥牛，不算太肥也不算韌，還有大量的津白和一小件粟米，整個鍋的份量也不小；湯底不算得上甜美，但總算沒有下味精！我們差不多吃完時，店鋪也夠鐘打烊了，老闆很有禮貌地問每檯還需要點食物。吃飽了，也不用一百元，消費不高，食物也令人滿意，小店的經營之道就是如此！

因為家住鰂魚涌兼且自己一個人住，基本上一日三餐都係喺街食或者係買外賣返屋企食，而我每星期幫襯得最多嘅就係誠壽司啦！佢外賣嘅選擇都算幾多，冷熱都有。平均都係$25-$35左右尋晚買咗個外賣＂和風牛肉飯+紙包飲品＂都係$25咋！抵食！牛肉同白飯索晒啲汁，超正！再加埋混喺入面嘅金菇，口感一流！$25就可以填飽肚仔又好味道！正正正！另外我平時成日都食三文魚親子飯，$30有埋野飲！都係超正，三文魚新鮮，壽司飯又甘香，正！

同bf 2人食晚飯.聽朋友話海蝦天婦羅好味.咁就黎食下!佢d埋180 (冇加一) 叫左一個慢魚飯餐 個餐包一杯野飲同3文魚 chi身2片.一黎到3文魚chi身.真係細到爆.我以為係正常size.但佢係正常chi身size0既 1/3.-_- 好似冇食過咁! 慢魚飯就幾好.d飯用珍珠米.夠熱! 另外叫左一個地獄湯吉列豬扒手打wu冬..個wu冬一d都唔手打..-_-一d都唔煙un.個湯抵ok辣.但好淡.個豬扒就好味.好淋..唔係鬆肉粉果d林..!但沙律醬唔夠啦!另外2個軟穀蟹手卷.d軟毇蟹唔夠香.-_- d飯好似用屋企食果d飯咁! 另外叫左海蝦天婦羅 $38 4隻..冇咩突別! 彈牙小小咁law比平時!但又唔至於係海蝦!結論..180蚊..我諗可以食d好小小0既野-_-..唔會再去!

因為月尾關係同男朋友想搵平野食下, 由太古漫步到鰂魚涌周去太古坊隔離既橫街仔, 有幾間都可以揀的, 但最後見誠壽司咁平又唔洗加一, 就一於入去試試!入到去感覺好溫暖既舊式壽司舖, 樓面只有一個服務員, 忙既時候應該要一腳踢~揀左好耐, 點左幾款壽司三文魚, 鮮帶子, 蟹子, 八爪魚同香蔥三文魚反卷喬麥冷面炭燒餃子孃雞亦拉面(札幌味噌湯底)壽司先到, 三文魚同帶子都新鮮又夠肥美! 香蔥三文魚反卷好好味!!不過喬麥冷面就齋左少少, 可能食完壽司滿足左大半炭燒餃子孃雞亦拉面我覺得咸左少少, 但食得咸既男朋友就覺得岩岩好!總括黎講都OK, 壽司方面係有驚喜既! 咁既價錢算係咁啦!

9/2(一) 5:30pm吊頸的小休時間,重臨海光街的"誠",來了碗咖哩炸蝦飯$26.咖哩辣味溫文,味道淡口;珍珠米彈牙如昔;炸蝦則炸至乾身,蝦身鮮度平平;畢竟$26貨仔,將貨就價,亦可照單全收...

誠給我的感覺是很家庭式, 小小的店, 數張的桌子, 親切的服務和大眾化的價錢. 老實就, 這裡的食物沒有什麼特別, 比她做得好的大有人在...但我就是喜愛好那大眾化的價錢和那輕鬆的感覺.在這裡我最愛吃的是燒三文魚頭餐, 三文魚親子飯和炸三文魚皮手卷. 大大個的三文魚,比成年男子的手掌還要大得多, 而魚頭亦新鮮, 沒有雪味. 味道亦剛好, 沒有太咸而蓋過了魚味. 而親子飯內的三文魚新鮮而且份量多, 吃完整個飯, 每一口都可跟有三文魚. 而炸三文魚皮手卷內的魚皮很乾脆, 沒有油膩感. 不錯.而這裡的刺生亦比一般店多款式. 除了吞拿魚比較差外, 其他亦不錯. 環境亦可以, 雖然店面細小, 但不擠迫. 而服務亦親切有禮. 可以用數十元便可以輕鬆地吃一頓日式晚餐, 已覺得十分滿意.

4/12(四) 4:30pm逐步攻陷海光街,這次拜訪的是"誠",家庭式作業的一家小店,供應正宗日式料理沒有的菜式,滑蛋蟹鉗飯$26跟麵豉湯.麵豉湯--死鹹的麵豉湯,再容不下其他味道!滑蛋蟹鉗飯--沿用粟米斑塊的蛋液做法相當港式風味!滑稽在用上正宗軟糯的珍珠米;至於蟹鉗2大隻,炸得頗香口,肉地夠厚實!$26的划算港味蟹鉗丼!

上星期喺公司樓下同朋友到"誠"食餐飯....叫咗個午市餐...個餐跟嘅壽司真係麻麻, 唔夠新鮮個咖哩飯其實幾正宗, 但我食唔慣甜嘅咖哩.....另外~間鋪雖然細, 但睇見其實有放個心機喺裝修到, 算不俗