17
8
2
港鐵烏溪沙站 A1 出口, 步行約3分鐘
繼續閱讀
營業時間
星期一至日
08:00 - 16:00
18:00 - 23:00
以上資料只供參考, 請與餐廳確認詳情
今晚一家三口落樓下試吓呢個火鍋放題,疫情前呢間舖頭都試過有,而當時都幾成功,但唔知點解停咗,上個月再有番.但見無乜人幫襯,今晚就試吓有無中伏。最先黎過海鮮併盆,(一次過,無添加)海鮮都新鮮嘅,不過唔知點解畀熟蝦?肥牛,呢個幾好,唔係平價貨,韮菜餃,呢個都唔錯,呀仔鍾意食。呢度啲食品比想像中好,收呢個價錢(1~4: $238,5~7:$268另加一)都算合理。鱔片,脆魚鯇,大魚頭都好味道。食食吓,先至黎刺身(都係一次過)以為今次無中伏啦,點知再加單就死喇,唔知係咪無人手,半粒鐘都未黎,而當晚只有二/三十人得6~7張枱,都攪唔掂,追幾次,經理至喺廚房捧食物出來,呢點要注意。
繼續閱讀
今天約了有人出外行吓，途經烏溪沙的釣魚翁，順道來吃個午飯。雖然是閒日但見仍然企了很多食客在等位，約二十分鐘後終於可以進去，見到裏面的裝修陳設都很新淨，亦夠光猛不過枱椅擺位就有些狹窄。今日點了一個乳鴿套餐，乳鴿來了單看賣相就覺得有點過黑不夠金黃: 但咬入口覺得新鮮熱辣、熱氣騰騰、鴿肉味鮮且嫩多汁，沒有像外表那樣炸得過火和太乾，而且鴿子個頭亦不少，非常抵吃！福建炒飯看上去略嫌濕了些，但賣相都還可以，份量就覺少了一點，可能將貨就價的關係。但食落味道還不錯，蝦肉、肉粒、菜粒、草菇粒等鋪滿飯面。只是個人略嫌飯粒不夠乾身而已。但價錢亦很經濟，在大商場內的如此定位價來說，真是十分抵吃，下次都會再來。
繼續閱讀
想試下呢間啲外賣燒味飯啦見佢有燒鵝喺個名度咁叫燒鵝應該唔會中伏點知叫完之後料少又唔好食燒鵝唔入味又鞋又多肥得少少肉叉燒又好似丁完黎咁 又鞋又散 間野真係唔會再幫襯去街市嗰邊間燒味好過我行返屋企幾分鐘姐唔相信唔好食係因為關唔新鮮唔熱事
繼續閱讀
農曆新年假期一向都係儲肥自己嘅時間🙈 由年初一前一個禮拜已經開始不停同唔同嘅人食團年飯🍽 想慳水慳力又食得豐富，仲要好意頭，盤菜一定係不2⃣️之選😌屋企人喺成日去飲茶食飯嘅酒樓訂咗一個6⃣️位用嘅鴻運鮑魚盤菜🍲入面🈶️齊鮑魚、花膠、柱脯、燒鵝、貴妃雞、玉掌、大蝦，等名貴食材。當然仲有其他用嚟襯底嘅食材，例如豬手蘿蔔......話就話6⃣️人份，但呢個份量多幾個人食都🉐️而味道方面都Keep到水準😋店家亦都細心地配左2⃣️大碗汁(唔係湯) 比我哋一邊食一邊加，咁就唔會乾曬啦😙
繼續閱讀
次次過嚟排隊都要等好耐，每次至少等十張枱，今次終於唔洗排隊啦！😀之前介紹過呢間燒味飯係唔錯嘅，又平又抵食，估唔到入到嚟幾乎每枱都有叫一碟燒味飯😮 可想而知呢度啲燒味幾受歡迎！店員安排我哋坐卡位位置，都算闊落。枱同枱之間唔會相隔好近，亦有隔板隔住。❤️ 綠珠鮮蝦腸總共有六嚿仔，腸粉size較短，方便一啖食哂。每一嚿腸粉都包住一個蝦，啲蝦都算新鮮同彈牙👌🏻 附上一碗豉油，可以自己控制分量。好食度：⭐️⭐️⭐️✨ (3.5/5)❤️ 五香咸肉粽比想像中無咁差，味道ok，肉嘅分量偏少，食肥膏多過食肉。好食度：⭐️⭐️ (2/5)❤️ 蠔皇鮮竹卷每次飲茶必叫😙 鮮竹卷餡料好多好飽滿，而且入面竟然有魚肉，有別於平時食開嘅鮮竹卷😮好食度：⭐️⭐️⭐️✨ (3.5/5)❤️ 煎粟米花姿餅花枝其實係烏賊科，又叫墨魚，體積比魷魚細。好少見飲茶有花枝餅，所以貪新鮮試下🙊 味道似蝦餅，質感紥實富彈性，肉質都算鮮甜。外層有兩片雲吞皮夾住，索哂啲油😬 食落都幾油，食一嚿已經有啲膩。好食度：⭐️⭐️ (2/5)❤️ 碧綠帶子菜苗餃帶子粒都多，菜苗嫩，可惜水晶皮一夾就爛，無口感可言又無嚼勁，扣分！好食度：⭐️⭐️ (2/5)❤️ 瑤柱蛋白炒飯每次去飲茶都會叫瑤柱蛋白炒飯，貪佢夠飽肚，同埋可以試到一間酒樓嘅水準，一試便知龍與鳳。我食過唔少好食嘅瑤柱蛋白炒飯，而今次呢間水平屬於普普通通，飯炒得唔算乾身，亦炒得唔夠香，瑤柱味可以再濃啲。整體合格嘅💁🏻♀️好食度：⭐️⭐️⭐️ (3/5)餐廳推薦度：⭐️⭐️⭐️ (3/5)比起點心我個人比較中意呢度嘅燒味飯，呢度嘅燒味飯喺區內算係唔錯。我嚟呢度食點心都係純粹過下口癮，味道唔算出色，普普通通啦👀
繼續閱讀