梨巴王子甜品棧 (已結業)

梨巴王子係馬鞍山開左好多年，記得當年第一次食既就係 楊枝甘露加花奶～ 從此以後就愛上呢度獨有既製作味道。不過梨巴普遍水準之上，其中榴連雪花冰更是我最愛之一。知道不久之後梨巴既命運，特意黎作最後晚餐⋯好耐無黎，原來店舖新增左唔少甜品🍮 連餐牌都製作過一番。話說心太軟係呢度既代表作之一～酒釀丸子🍡熱騰騰 材料多，有淡淡既香味～食到一半先發現唔記得為楊枝甘露留倩影柚子唔會好酸，而且有好多芒果🥭其實梨巴裝潢幾靚，雖然地方窄左少少，但係都算係一間內心既小店仔。

馬鞍山呢間甜品店，大大話話都開咗成接近十年，咁多年來一直夜晚都有好多人喺門口等，但係店內位置唔多，其實係入邊食嘢，都坐得幾逼的。兩個人叫咗兩樣嘢，其中一個係自選窩夫，窩夫嘅味道可以揀，話明自選，連配料雪糕嘅種類都可以選擇。老實講，窩夫嘅餅底唔算香脆，但總算暖粒粒有溫度的，應該都係即整。連埋個雪糕同埋配料，我造型其實冇得輸。另外叫咗一個蘆薈燉蛋白，原個椰皇上，喺椰皇上邊仲畫左個笑樣，造型同樣滿分。打開佢個腦，裏面有滿滿嘅蘆薈，連埋蛋白一齊食，唔算太甜，係一個好滋潤嘅甜品。

常説馬鞍山是美食沙漠，但這間位於馬鞍山的甜品店是我吃過最好吃而且從不會令我失望的一家。這家甜品店款式選擇多，中西式甜品也有很多款式可以選擇，亦不斷推陳出新，很能滿足大眾囗味，常常令我三心兩意的選不了吃甚麼。而且賣相一流，一看就知道是用心之作，吃貨們要打卡絕對合適。店員的服務態度亦十分好，有時還會幽默地和顧客說笑，令到店內氣氛很歡樂溫馨。環境佈置亦很有趣，有很多小玩偶貼在牆上，可見店主應該是個收藏玩具的愛好者。我最愛吃的是芒果雪花冰，這個看起來沒甚麼特別，但芒果味比我在其他地方吃的也要濃郁，而且配料選擇很多，自由度亦佷大，令到這雪花冰比其他甜品舖優勝。

Loves their decorations, friendly staff!I loves their apple crumble set and cream brûlée set. 朱古力心太軟也非常好吃！

食完飯又係糖水時間 呢間係馬鞍山都開左好耐架啦 見到有竽圓就去試下叫左個抹茶心太軟配雪糕 同埋 杏汁糯米丸子 珍珠 湯圓-抹茶心太軟配雪糕  濃濃的抹茶味 流心抹茶 食去好好食-杏汁糯米丸子 珍珠 湯圓因為有竽圓想試下 其實份量都好多 有紫薯 番薯 竽圓 仲要係好QQ 感覺不錯呢~ 下次可以試下其他 ~ 

兩個都是很傳統的糖水，一個木瓜銀耳，一個鮮奶燉蛋。木瓜銀耳下單不久就端上來了應該是早就做好的，味道並沒有什麽新意，就是中等水平，銀耳一大塊也沒有切碎，木瓜也是沒有熬到軟透，做的不是很精致。

馬鞍山有幾間糖水店，各有特色，呢間我覺得最好味，都好多人排隊，交通亦都好方便，響馬鞍山廣場下面。先講豆腐花，我叫，好味，凍冰冰，黃糖又甜。芝麻雪糕有驚喜，馬鞍山好似得梨巴有，之前食其他都唔見，豆腐布甸都唔差，但我覺得豆腐花好D至於雪花永，份量多，而且幾多種唔同味道選擇。梨巴幾適合傾計，侍應都友善，唯一美中不足係要等比較耐，同埋比較少小食。如果可以多番D熱食會比較好，不過呢度有椰青食，同埋整體味道唔差，慢慢變左食糖水首選。

同男朋友講話想食甜品😂 佢就話有間梨巴王子 都幾出名食雪花冰😊所以黎左試😬店員話一定要齊入先入得😮都幾多人等 好多學生都黎食😳😳好似無咩特色甜品所以都係嗌左d普通野男朋友就嗌左呢個 自選雪花冰 (榴連雪花冰+草莓汁+椰果+啫哩) ($40)榴連味超重😂😂一上枱就湧出黎配草莓汁係意外既夾 唔會太甜 幾好味😬而我就最後揀左 自選窩夫 (曲奇味窩夫+芒果味雪糕+草莓醬+蜜桃+紅莓粒) ($45)有得揀咁多野真係算幾抵 窩夫應該係即叫即整 因為都等左一陣😆不過個紅莓粒實在太甜 成個窩夫食到好膩😩而且個窩夫唔夠脆身唔係太好味😂😂😂😂

是日初三, 又貢入去馬鞍山搵朋友食糖水. 由於冇咩糖水鋪有開, 唯有去梨巴.新春期間應該做唔到咁多野吧, 有個新春限定MENU.而 MENU 上只係抽咗幾款平時做開既甜品, 仲要新春價全部比平時再貴啲喜氣洋洋 = 雜果芒果汁西米露 (就好的楊枝金露呢?).果然係人多唔憂做生意, 今晚既出品同平時爭好遠!楊枝金露冇西柚, 好彩佢 d 西米都仲發得幾好.都救唔返啦, 用唔係時令既西瓜做其中一款雜果.呢個時候食西瓜緊係唔甜, 再擺多幾粒芒果椰果上去就算毫無賣相可言!芒果又唔係甜, 勁 hea 咁堆好碗野出黎就算.我唔會再揀新年既時候過黎!!食開業食到而家, 未試過咁差!

朋友生日所以去食個甜點慶祝下，我地叫左個綠茶心太軟，好流仲好有心思寫左祝福字句。個雪糕都好好味，唔係雀巢，D字頭的朋友！叫左個自選窩夫，比想像中大份同配搭得不錯，可以揀個底，雪糕，生果同醬！個窩夫好鬆軟，個雪糕係上面又唔會溶得好快，推介！推介薑汁燉蛋白，好滑唔會起泡泡，有熱同凍，識食一定係熱食！推介！另外仲叫左個傳統糖水，桑寄生蓮子茶。朋友食的，但似乎桑寄生唔係咁多地方有，所以朋友突登再叫。中式糖水無親自試不過朋友好滿足！呢度中西糖水都有，想要多選擇可以一試！

第一次黎嘗試呢間甜品鋪嘅甜品，之前我試過係附近嘅小紅帽，兩間店鋪相比，不過不失，點解？兩間鋪頭出面都係一條大馬路，唯一唔同嘅係梨巴左右係有兩間食肆(一間食雞煲、蒸汽火鍋，而另一間就叫老爹)，而小紅帽附近就好似冇咩，但係我想表達嘅並唔係呢樣野，我想講嘅係兩間鋪都唔係幾好搵到，所以如果大家想到梨巴搵野食，咁就要落足眼力啦。小紅帽同梨巴唔同嘅野就比較多，下面我會從外觀、食物呢兩方面作少少嘅分析......首先，小紅帽同梨巴兩間鋪鋪面嘅風格就十分之唔同，何出此言？你一踏入小紅帽，佢俾你嘅感覺就係你好似去左一啲比較high-class嘅鋪頭，入面仲有一缸金魚，但係你一行入梨巴就好似入左森林咁，成間鋪青BB，令我最記得清楚嘅係入面有一幅牆有好多相，唔知係啲食客嘅相定係店鋪內啲人嘅全家福，感覺其實都幾溫馨。第二，食物方面，小紅帽入面嘅甜品就主要係凍為主，但係並唔代表冇熱野買，梨巴則係凍熱都一半一半，中西式都有，都幾豐富下，兩間鋪頭嘅價錢都冇咩太大差別，大約都係20-40不等，至於味道就見仁見智啦，因為我個人比較就鐘意食好甜好甜嘅野，所以我會選擇食小紅帽多過梨巴。第三，waiter方面我就比較鐘意梨巴

裝修幾搞笑，9唔搭8！ 服態度唔好！一入去就會好惡有人問你幾位！我平時唔係食開lee間嘅，但因為果間好多人等位....所以諗住黎試下新野啦！唔洗等位！雷沙湯圓ok嘅！正常地流沙，但好細粒呀！出面好多都有5粒！椰汁紫米露加湯丸，好少料，甜度夠！但好稀...感覺係未煲夠時間咁！點解要放3張相！因為有圖有真相！薑汁潡鮮奶蛋白！時間太長，出曬水....質感好似食緊冰豆腐咁，係「鞋」嘅！好「鞋」下！1d都唔滑！唔太甜係好嘅！但出水嘅程度....會唔會誇張左呢？好似食緊bb嘔出黎嘅奶咁！食到半碗！真係好比面！

喺馬鞍山住左多年，可以話你知甜品店唔多選擇，講到會多去既店應該係梨巴王子啦！我覺得佢地既甜品喺馬鞍山區黎講比較用心，算係幾好架啦！呢晚同朋友一齊黎叫左最普通既芒果布丁，哈哈...成隻獅子咁笑嘻嘻，好得意啊！芒果味濃度算中上，布丁質地滑dodo，多d花奶岩哂我，而且唔會太甜，幾正吖。呢個好似叫鮮果三色船，下面有3球雪糕(草莓，雲尼拿，朱古力)，上面佈滿鮮果，加上芒果汁，同埋西米粒粒，天氣熱食呢個透心涼，最愛佢多鮮果，感覺上健康d (笑)。燉鮮奶就好普通啦！如果熱食可能好d，凍食唔夠滑，奶味唔出，不過都係同一優點就係唔太甜。最後就係傳統既渣渣啦！講真，渣渣唔係周圍都整得好味架，呢到煲得好林，起哂沙架，料仲好足添，我覺得渣渣熱食好味d。

是日在附近酒樓吃過火鍋後，朋友提議繼續轉戰甜品店，正合我意，我當然奉陪！經過這家區內的人氣甜品店，發現座無虛席，還有不少人在門外排隊等候呢！我們大約等了十多分鐘，侍應才找到空位容納安排我倆入座。單是看著餐牌及色彩繽紛的相片已叫人口水直流。我最後點選了玄米宇治金時聖代，而朋友則點了一客窩夫餅。可能客人真的太多，玄米宇治金時聖代於十分鐘後才送上。聖代以了窄長身的透明玻璃杯盛載著，方便食客清清楚楚地看到甜品的各種材料。聖代最上面包括一球大大的抹茶雪糕、原味海綿蛋糕和玄米粒粒，並有一條朱古力蛋卷和雞蛋脆餅作點綴。中間有大大粒、非常飽滿的紅豆茸和抹茶醬汁作為分隔層。至於聖代的最底層，則包括大珍珠、雞蛋布丁、粟米片和抹茶果凍。首先放進口的，當然是朱古力蛋卷和雞蛋脆餅吧。二者皆香脆可口，甜度合宜。接著吃的是雪糕球，抹茶雪糕散發著天然綠茶的苦澀，而且清幽芳香，啖啖濃厚的綠茶香佈滿口腔中，水準真是不錯。作為宇治金時，紅豆的質素也十分重要。幸好小店的紅豆亦可叫香甜夠腍，使紅豆與綠茶雪糕成為很好的配搭。最後，聖代底層的大珍珠和抹茶果凍幼滑冰涼，正好消除剛才火鍋的飽膩感。至於朋友所點的窩夫餅，雖然小弟並未有分

是咁的，說話今日同個fd夜晚口痕想食糖水，記起有人講過係馬鞍山識食一定食梨巴，於是同個fd去食啦。一入到去發覺座位比較擠迫，可能間舖比較細，但布置都幾好。望到餐牌，款式都算幾多，小弟最後就揀左窩夫，因為價錢幾抵，而且係自選款式，可以揀窩夫口味，分別有抹茶，華田及芝麻，雪糕，水果，醬汁同配料，小弟係抹茶愛好者，所以窩夫同雪糕都揀左抹茶 食落都幾重抹茶味，再配合士多啤莉醬，又甜又好味，窩夫食落恰到好處。 綜合黎講野食同環境都幾好