新金富飲食中心

營業中

休息中

金富多次轉手，態度食物今轉是最差的一次，食物又不是特別好吃，買外賣經常比少左，要求補回又不理，職員態度勁差，本來未轉手之前還可以，但職員態度真的不敢恭維，永無下次。

一年冇幫襯，新金富依然保持住大排檔嗰種勁有鑊氣嘅水準😋😋佢哋個雞煲同埋椒鹽鮮魷真係冇得輸，簡直係我至愛！豉油王大蝦都好正，只係因為我太懶覺得剝殼有啲煩🤣🤣尋晚啲薑蔥炒蟹又係好正，勁多膏，好邪惡🤣🤣🤣我見呢度有啲comments話服務麻麻，我自己就覺得冇乜嘢，咁話晒都係茶餐廳，佢哋俾到嘅服務就係茶餐廳standard嘢，ok啦！起碼啲侍應都係有禮貌嘅。作為三五知己嘅聚腳點，食下海鮮飲下啤酒，夫復何求！？

約咗一大班朋友去馬鞍山食飯，巴士站落車就見到新金富餐廳，睇上去普通一間茶餐廳我哋就揀咗入去，我哋叫咗豉油王大蝦，椒絲腐乳炒通菜，薑蔥炒蟹，咕嚕肉，辣雞煲，豉椒炒蜆同兩個白飯。喺呢幾個相裏面我哋都一致認同雞煲同埋豉油王大蝦係超出茶餐廳嘅水準，唔知以為我哋去咗流浮山，估唔到佢哋連海鮮都做得咁出色！而家呢達地方已經做咗我哋朋友聚會嘅落腳地，行開嚟呢邊探朋友我哋一定會再過嚟幫襯。順帶提一提豉椒炒蜆好大隻好鮮味，如果下次去開嘅話一定會再飯兜叫😋

食物係可以，但係成日漏單，叫外賣自己攞已經話要等25分鐘以上，等完落到去話無單，問多兩問又話有，話攪錯左。之前有一次叫外賣，個女人又話唔記得幫我入單。。。等個外賣大家預翻1個鐘時間。。。

我是富安三十年的街坊，說真的金富轉手多次以來食物質數最差的就是現在這個，水吧唔得，廚房唔掂，樓面唔醒，都算！我個人從不對茶記抱有什麼冀望，只求普通的一個雞扒腸飯加個汁就滿意，等我可以番工番學番寫字樓，如果一間茶記連咁普通既快餐都可以極度難食，我實在唔知點樣可以信佢其他野係好食，好地地一個黑椒汁你加咁多醋落去搞到酸味遮番個黑椒味做咩姐，你收我五十二蚊一個飯加杯凍飲，你塊雞扒仲要薄切咁有誠意，我也只能真心真意寫一篇文章幫你宣揚一番！

上次由西貢，行經茅坪、竹林隧道、西貢藤皇至馬鞍山大水坑嘅「富安花園」，喺探路嚟，今回就正式帶朋友行一轉，因為同行有啲唔多行山嘅朋友，怕行錯路累佢哋行多好多冤枉路。到達「富安花園」後，正正食晏時間，上次試咗「裕發小廚」，今次就試「新金富」，茶記平靚正，一向喺小弟填肚首選。 其實，嚴格嚟講，「新金富」唔算喺間茶記，應該定位為小型嘅中菜館，入到裡面，跟茶記較明顯嘅分別，主要喺以細圓格為主，眼見就無乜卡位喇。環境算企理嘅，防疫意識，就一般般啦，我哋揀咗個角落位，感覺安心少少。 食物方面，就以碟頭飯為主，以及一啲經濟客飯；晚市嘅話，就喺小炒呀、煲仔呀、湯羹呀之類，定價都大眾化，始終開得晌呢度，主要都喺做街坊生意。此外，有別一般茶記，睇均啲餐牌，都唔多見啲乜乜常餐，乜乜快餐，不過，午市就有提供啲精選午餐，定價$47，包例湯、包嘢飲，當然喺較多人嘅選擇。 粉葛煲豬骨雖然喺例湯，但都算無欺場，飲落夠火喉，更唔會「淡茂茂」，仲好大碗添，完全收貨啦。 炒貴刁5款午餐，當然喺炒貴刁考功夫啲啦，除咗街坊客，亦有唔少工友幫襯，所以，碟頭都大份啲。此外，夠晒料多，包括蝦仁、火腿、銀芽、韮黃……等等，面面仲糝啲白芝

出發去梅子林之前食餐飽嘅！一落巴士就見到呢間食肆，一般餐廳格局， 就試下佢啦！估唔到小炒夠鑊氣，送飯一流👍 仲有好耐冇見過足了八珍豆腐煲 😍 我見隔離枱買咗海鮮嚟加工， 不過唔知點工錢樣計🤔 總括嚟講，上菜速度ok， 員工有禮貌 ，價錢經濟實惠， 下次會返嚟試下😁

諗外賣諗到頭痛今晚外賣就係樓下㨂個碟頭飯食㨂左個芙蓉蛋飯，試一試新金富個水準唔係間間製作呢個飯都好食😑試過太油膩、試過餡唔夠多、試過蛋煎得唔熟又試過無蝦🍤。新金富呢個芙蓉蛋飯都幾出色，蛋煎得夠燶但唔會過火、餡料同蛋比例好平均，有蝦🍤、洋蔥🧅、青蔥、火腿🍖仲有芽菜添唯一覺得美中不足係無落韮黃如果加埋就滿分了。今晚晚餐盛為$46，唔係太貴，但如果外賣有折頭就更加好啦😊希望新金富老細都睇到，可以比街坊一個外賣折頭啦

因為朋友推介話呢間好食，所以即管試試，4個女仔一齊食都食咗唔少嘢，好飽，所以連白飯都冇叫到，剩係食餸都夠。強烈推介個豉油王蝦（其實食完都唔記得餸名係咪咁😜總之好食🤣），勁入味同埋炸得好脆，基本上成隻蝦連殼連埋頭尾都可以食（雖然我冇咁做😝），真係堅好味！另一味我好鍾意嘅就係椒鹽鮮魷，我本身已經鍾意食，再加上炸得好香，我又係超鍾意！Service唔錯，上菜亦都算快，搞到成枱都係餸，差啲唔夠位擺😝冇諗過茶記嘢食都咁出色。雖然有少少遠，但絕對值得再encore

逢星期日基本上都返娘家食飯，但今日大風大浪，為左避免變濕水鴨就留家一日，無飯煮婦既我就一定唔會自煮，是旦落街攪掂又一餐新金富～我既飯堂，好多時早午晚三餐都係呢度，點解？因為好食囉😂今日晚餐叫左碟馬拉盞炒通菜（$54）、沙嗲金菇肥牛煲🍲（$78）、2碗白飯🍚（$11/碗）起菜前例牌會有個湯，是日例湯係：紅蘿蔔合掌瓜豬骨湯；講返2個餸先，馬拉盞炒通菜真係無得輸，夠鑊氣之餘仲好多馬拉盞，我仲聽到隔離枱都叫但店員話無曬馬拉盞喇😂😂，原來今日我係最後一個食到，真好彩沙嗲金菇肥牛煲就超多粉絲，d粉絲入曬味今晚兩餸一湯都係$154，抵

又到左星期五，心情又開心，聽日又有假放今晚又破格落街食飯😂（平時如果在家多數叫外賣），咁我既飯堂一定係新金富因為食物炒得好夠鑊氣叫左2個小菜，一個係馬拉盞炒通菜（$54）、一個係魚香茄子煲🍆（$64），落左單店員就送上一大碗例湯，好快小菜就上檯了，馬拉盞落得好夠，一d都唔孤寒，炒得亦相當夠火喉。魚香茄子煲既茄子勁多又夠曬熱，好惹味送飯🍚一流，我地再叫左2個靚仔（$11/個）今晚盛為$140，超值

今日星期日，如常落街食個早餐先（其實已經12:00）咁唔想諗咁多就最好㨂茶餐廳唔使自己搬同埋早餐同茶餐都係ABC咁咁我選左茶餐A-五香肉丁公仔麵+奄列+蘿蔔糕+一杯醒神熱奶茶，個麵唔錯呀，唔會太淋夠曬爽口奄列就OK啦，多左少少油啫、件蘿蔔糕就相當好有新年既味道奶茶一如既往既夠曬香濃。其實我都當左新金富係飯堂架喇，原因除左近之外，佢食物都唔錯，服務都幾好，最重要係有效率，點餐從不漏單，快而準。希望可以一直保持落去💪🏻

係呢個疫情擴散既情況下香港人生活都要如常，早午晚三餐都係要食，一日之計在於晨，今日放假就緊係想去嘆返個早茶，但茶樓人數較多，都係去返屋企附近嘅茶餐廳喇。呢間新金富茶餐廳，外表平平凡凡，我都幫襯多年，最欣賞嘅就係佢既盅頭飯，通常我都係叫鳳爪排骨飯，今日都唔例外排骨鳳爪同飯比例係3:7，絕對多餸排骨細細粒易咬同一咬就離骨，絕對啱曬我呢種懶人再加一杯香濃奶茶☕️，今日好例外我叫多左個乾蒸燒賣因為太耐無去飲茶，想懷免一下後帶一提，餐廳每檯都附有一枝酒精搓手液供食客使用，而每檯只可坐4人和每張餐桌要保持1.5米相隔都是合乎政府規定

晚市想去食，我同佢地講幾位，佢地理都唔理下喎，咁嘅服務態度實在令人失望，唔知係最近賺夠定係點啦，不過睇嚟個老闆都唔憂做，反正附近有其他選擇，最後同家人去咗第二間食。想幫襯嘅自己考慮下啦

今日難得相約一班好友食飯，有朋友介紹此飯店🥢，大夥兒就嚟到一試 🤓，果然好有驚喜🤩🤤! 味道適中完全唔會過鹹又不油膩🤤🤤。 小炒好有鑊氣🥘🍲。海鮮喺餐牌以外嘅餸菜🐟🦀🦐，要預早同餐廳落單 📝，味道我覺得完全係高水準 🏆🥇，優勝過好多海鮮酒樓｡ 🎉🥇街坊價錢，用料新鮮，食物質素高水準，你完全可以感受得到，廚師👨🏻‍🍳係既咁用心❤去處理食材及烹調菜式。 一定會再返嚟再食喎｡ 😍🥂🍾