18
14
6
電話號碼
25529820
營業時間
星期一至日
07:00 - 22:30
以上資料只供參考, 請與餐廳確認詳情
食評 (44)
嚟到太興，梗係要食佢哋出名嘅叉燒掛住先！油亮亮嘅表皮掛住糖漿，色澤閃閃，咬落份外滋潤。叉燒肉味十足，甜甜嘅蜜糖香提升晒整體層次😋！諗起佢個肥膏融化喺口中嘅感覺，實在太過癮！不過若減去啲肥膏呢，應該會更加掂。提到麵呢，牛腩湯麵成日係心水揀。腩頭爽口，麵條適中腍身，湯頭香濃，真係食一碗都滿足晒！湯頭深味，牛腩香軟咁撐起整個麵的滋味，不過若然湯底更加濃啲，就更近完美。至於港式奶茶，每喝一次都驚喜一次👍！佢冰鎮嘅做法保留晒奶茶原有嘅香味，一啖啖濃郁茶香同香滑奶味，就算熱辣辣天氣都格外消暑提神！總括嚟講，太興嘅食物實在是夠霸氣，有香港地道嘅韻味，如果再細心啲控制份量同膩感，就真係冇得頂喇🤤！平民食客，你哋趁熱閙快啲嚟試試啦！
繼續閱讀
今年團年飯, 麻麻話唔想整, 所以搞搞新意思, 叫左個太興盤菜. 上網訂, 用卡俾埋錢, 仲要送埋去屋企, 真係超級方便~極品鮑魚開心大盤菜 (12位用) $ 1,730呢個盤菜真係好多料, 有鮑魚12隻, 有蝦有燒肉, 樣樣都有啲, 話就話12位用, 其實我地覺得14~16位食都仲得, 真心好多. 全部都係肉, 真係幾飽! 講到味道, 都唔錯, 不過越食越鹹, 所以加一加水會好啲~盤菜仲附有娃娃菜~附有用具, 連碗都唔駛洗非常貼心~
繼續閱讀
一年到尾最緊要係同屋企人食餐團年飯！團團圓圓！之前試過其他出品既盆菜（兩間大xx），味道都非常一般，甚至不濟。今年試下太興既盆菜。平時係太興食燒味就食得多，盆菜就第一次啦！結果，味道真係好正，價錢中規中矩，性價比好高！太興共有三種價錢既盆菜，今次試最便宜既，試試水溫。價錢ᴴᴷ$998，早少少取ᴴᴷ$938，足夠8-10位食，要到太興餐廳自取。一個大盆裝著，都幾有‘份量’，幾聚手！湯汁分開裝，回家要放入盆內煮滾！打開蓋子，見食物排得整齊漂亮，同相片像真度高！有鮑魚、金蠔、大蝦、花膠、切雞、燒鴨、翅等等，全部都好入味，下面既蘿白同埋芋頭吸晒湯汁精華，好好味！新年想輕輕鬆鬆食餐好既，唔使媽咪晚晚都煮得咁辛苦，食盆菜係一個好好選擇！(•ᴗ•)❤
繼續閱讀
對太興其實無特別喜歡，好似高級少少的茶餐廳咁，重點係有時覺得太興個價位比較貴，食物又未去真係非常好食，如果唔係屋企人話去的話，都真係無咩機會去食。今日同屋企人黎食，3個人叫左2個菜，再加兩盅燉湯。杏汁豬肺湯，入口杏仁味非常非常非常重，好似飲緊杏仁汁咁，個豬肺洗得乾淨，亦無異味，食落軟軟綿綿咁；咕嚕肉，味道好滿意，大家都認為係全晚最好食，醬汁黏稠度及甜酸度適中，豬柳炸到外脆內嫩，入口有肉汁，而且啖啖肉唔會有骨；燒味，不過不失，個人覺得會鹹左少少，但老人家食落就話剛剛好。
繼續閱讀
一個人有時想食個好D晚飯最近點了最平平無奇菜心炒牛肉、食落覺得比menu 其他的出奇好味喎！D 牛肉味滲入菜心送飯一流丶平時淥條油菜食好一般，但炒菜就好有菜味同唔乾丶我最後加多碗白飯添變左成$94 一餐雖然有點貴、下次搵多點人都會再食
繼續閱讀