26
47
31
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
招牌菜
食家推介
唔知解釋…不如直接比張圖大家參考一下…仲頹過兩餸飯…講真，個湯既味道唔算太差！但係碗河粉入面啲餸小得可憐…啲餸少都唔緊要，仲要擺得好樣衰…收工諗住去個安落飯，翻屋企抖下。河粉送到嚟，望落去都已經冇食慾…$58蚊…真心食過麥當勞或者兩餸飯仲好…除非大家去其他地方食飯要排隊等位，如果唔係都唔建議喺呢度食。
繼續閱讀
夜晚諗住簡簡單單食碗粉，所以就入咗呢間越南粉餐廳。可能因為未夠6pm, 餐廳冇乜人，坐得幾舒服😌。打開menu, 見到一碗巨型嘅粉:卓越河，話適合2人食，就叫咗😂揀咗湯檬🍲，有牛肉、牛腩、牛扎肉、越式扎肉、牛脷同雞絲。份量好夠，其實可以3個人share都得。個餐有跟2杯飲品，我哋再加咗碗生菜，埋單唔洗$160（唔洗加一）。今時今日香港唔係好多地方晚餐做到呢個價😏咁就簡單一餐啦😊溫馨提示：餐廳只係收八達通或現金咋💵
繼續閱讀
黎到鑽石山行街，食下野，周圍都比想像中少人，但因為喉嚨痛，只好食啲清淡啲，揀左河粉食🍲餐廳環境：坐位一般🤭但店員好趕咁😂係咁話要我哋坐埋一邊，吾好霸住啲位，服務態度真係一般般🙈🙈食物方面：豬扒撈檬粉豬扒一向好食😆配埋配料加醬汁，撈埋一齊食永遠冇失望🤩🤩豬扒大大塊，好抵食👍🏻👍🏻生牛肉湯河啲餸好多，個牛腩汁都幾香濃👍🏻河粉都好多，一個人食吾哂😂😂雞絲豬扒湯河雞絲真係麻麻，因為好「鞋」，都係叫豬扒好食啲😂😂😂河粉好食，配埋個湯底，小朋友食左好多👍🏻👍🏻仲叫左4串串燒🤭🤭喉嚨痛都食完先痛喇😂😂串燒真係吾錯，叫左牛同羊😂牛真係必叫👍🏻👍🏻
繼續閱讀
黎到鑽石山行下就順便搵野食，食午餐，越棧好耐無食過就食下啦，點知呢一餐你係非常失望的一餐。點了，咖哩雞紅米飯，係失望既味道。個紅米飯雖然係份量ok 飯勉強都叫熱不過咖哩雞飯係唔好味，咖哩汁稀之餘咖哩味都唔夠濃。另外雞份量真係比較少只有三舊，薯仔都係 2，3舊，成個餐食完都覺得唔係好飽。而且味道都係比較失望。。。雖然地方環境都算尚可，服務都算可以既但食物質素真係比較差而且份量唔大，價錢五十幾六十而食呢個質素就唔值了。
繼續閱讀
如題，中秋只得一人，食個面就番屋企是旦去左呢間，唔知點解特別少人的，正，唔鍾意太吵雜😆😆叫左個$56香茅豬扒+雞絲河，黎到嚇左下，比想像都大碗唔小，食完飽飽的滿足，然後去行下感受中秋一人之境，正！～
繼續閱讀