70
46
9
營業時間
*截單時間: 21:30
星期一至日
11:30 - 22:00
以上資料只供參考, 請與餐廳確認詳情
野菌忌廉咖哩蛋包飯，一道令人驚艷的美食享受。這道菜結合了野菌的獨特鮮美和忌廉咖哩的香辣口感，更以蛋包飯的形式呈現，增加了食品之間的層次感。蛋皮的軟嫩與野菌和忌廉咖哩的配搭，使得每一口都能品味到不同的滋味。總之，野菌忌廉咖哩蛋包飯是一道令人難以忘懷的美食佳餚。
繼續閱讀
Coco應該係我喺香港食過最多次嘅咖喱飯專門店🤣 咁多年嘅水準一直都有保持住雖然價錢上有調整🤫但係份量都係足夠！吉列豬扒飯大家應該食得多，喺呢度推薦另外兩款俾大家😚😋1. 漢堡扒奄列咖喱飯好香濃既肉味，juicy得黎又唔會好咸，唔好覺得2塊漢堡唔夠食，完全係可以撈哂成個飯😋個人覺得有奄列會再好食啲😬2.炆雞肉咖喱飯呢款係健康之選！雞肉輕輕調過味但完全唔會好嚡，加埋咖喱一齊食真係非常不錯👍🏻
繼續閱讀
今日去銅鑼灣皇室堡買嘢，買完嘢想搵個舒服啲嘅地方食嘢，今日好想食飯，見到呢間coco 咖喱都幾多分店，但係一次都未試過，就揀咗佢啦，過咗lunch hour，餐廳冇乜人，空間感都大，坐得都幾舒服，坐咗窗邊卡位，個境好好，天氣好好，餐飯都食咗幾舒服😄我叫咗個吉列豬扒奄列咖喱飯，正常水平，日式咖喱，甜甜地，唔辣嘅，吉列豬扒正常啦，冇特別。叫咗杯凍奶茶走冰，好飲嘅，係滑嘅😆朋友叫咗個咖喱吉列雞扒菠菜飯，冇影到相添，質素都正常啦，冇特別驚喜。個餐仲有個雪糕，對住呢個景，個雪糕都特別好味😆
繼續閱讀
-因為趕住要7:30pm 在皇室堡睇戲, 放工已經6:30pm, 實在是太趕啦。於是就求其搵啲餐廳食下。戲院個一層其實都有啲野食，我就選擇左呢個coco curry.-食物：coco curry 主要係食日式咖哩飯, 真係由細細個已經開始食佢。咖啡有辣度選擇，我選左5分辣，食落係比一般咖哩辣少少。如果唔食得辣，建議選擇3 分辣。炸豬排香脆，但肉質乾身啲，唔juicy。反而漢堡排係juicy，夾埋咖哩黎食十分搭配。重口味人士可以再加芝士。 環境：店面大，裝修十年如一日，卡位十分寬敞。 總結：埋單計每人大約$100，食物質素算okay，勝在近戲院，方便大家趕時間去食. ⚡️
繼續閱讀
朋友唔食得辣， 但又想同一班食得辣嘅朋友一齊食， 揀coco就實無錯啦😃 辣度有7級，不辣， 辣度標準，同辣度1-5。星期六去食， 無人排隊， 等一陣就有得入， 座位舒適闊落。以前好鐘意食自家製辣菜脯， 有2款，有辣有唔辣， 太耐無食， 而家得返唔辣， 味道還可以。♡蜆肉蕃茄奄列咖喱飯 $79我揀左辣度3， 個人認為咖哩要辣先好食， 可以選擇加飯同加配料， 我覺得唔加正常份量已經夠飽。♡紅酒燴牛肉奄列飯 $80朋友揀辣度1， 但呢款唔係咖哩， 有酒香味， 牛肉片正常。♡流心芝士吉列豬扒咖喱飯$90加$8 可以轉奄列飯， 但睇落唔加隻蛋飯量好似多d😂 豬扒有食到流心芝士， 外皮炸得夠脆，可以！♡酥炸籃$49有薯角， 雞全翼，魷魚鬚。小食選擇不多， 唔想諗就嗌左個拼盤， 味道正常， 不過凍左魷魚鬚好油。♡加套餐四選三 $26我地揀左飲品， 湯同雪糕。 ♡湯得一款，紫菜麵豉湯，味道一般， 我地比較想飲西式湯襯咖哩。 ♡汽水冰同可樂分開上， 罐裝可樂自己倒。♡雲呢拿雪糕超好食， 有餅碎同格仔早餐， 幾豐富， 可以加$5 轉士多啤梨味，或抹茶味。，但我地無試😂我地埋單唔記得左雪糕要另嗌後上， 好彩有位俾我地返轉頭再食。
繼續閱讀