郎田日本料理 (已結業)

今日同男朋友去左食放題..由於book左位所以唔洗等..不過原來入到去仲有好多位..可能係因為我地食9點果段時間啦!之前都食過呢間幾次..都覺得不過不失..點知今日去食就跌哂眼鏡都係一個月無食點知會差左咁多!啲service就一般般..order都算上得快..但係d食物就真係...........刺身就一般..不過介辣八爪魚就勸大家唔好試..食落有陣膠味兩個沙律都幾好食..仲有個芒果炸蝦卷都幾好味燒物..唔好食..好鬼乾到到我之前成日食最鐘意食嘅天婦羅炸蝦..今次粉太多搞到非常難食.其他嘅明太子雞奕..芝士炸年糕就尚算可以雪糕都係芝麻..綠茶..cookie..朱古力!最鐘意食朱古力,因為有d朱古力碎,係入面仲有其他嘅食物不能盡錄...最主要都係呢幾樣不過今次真係....

A. M.同埋另外兩個朋友gathering，揀選左食放題，訂左巴上7:30，知客話可以食到10:00，9:30 last order.前菜：中華沙律，八爪魚，螺肉，唔夠凍，可以做好Ｄ。燒物方面偏鹹，其實味道係唔錯既。Tempura：蝦，南瓜，蕃薯，唔會話用千年油炸。刺身方面就少款，幸好三文魚還算可以。手卷，壽司就不過不失喇。雪糕：芝麻，綠茶好夠味，好食；朱古力，曲奇，甜得滯，好膩。

唸住同老豆去食父親節餐, 訂左4位, 食星期六5:30pm-8:00pm時段$128.-位,再加任食刺身$30.-位。款式都算多,但係有D都唔好食嘅,好似D螺咁,好多沙。D炸物好"林"同超厚炸粉。刺身都算新鮮。羊扒都OK,不過唔夠熱。雪糕最好味(芝麻&綠茶Good! Good! Good!)最差就係成日miss咗order紙,要成日叫佢check單。好煩!!!伙記又小,成日叫佢都唔睬人不過野食算唔差,OK啦!會再去食嘅!

今日好彩, 即日打去BOOK, 就有位啦, 2個人訂左10:00宵夜, $148包晒任飲任食, 幾抵喎~人地隔離枱就漏單, 嘈到癲左, 我們一寫ORDER就好快有得食啦, 件件都脆卜卜, 大大件, GOOD吉列蠔原本以為得D粉禁, 食落隻蠔好鮮, 個炸粉都食埋.明太子釀雞翼好味呀~炸年糕外脆內軟, 反而刺身無咩味道, 吞拿魚反切, 攪都好難咬, 馬刀貝比較鮮甜.新出左, 大蜆, 青口,凍虾可以一試, 幾好~

今次都係一家大細、一行六人其中一個四歲一個二歲、預先打電話訂位、三歲以下免費、8:00去到時即有位唔洗等、可能依家D日本菜因為輻射問題小左人幫襯、坐低左待應講解得好清楚可以食幾耐、顏色紙代表邊一種食物、不過要自己寫番抬號、食物選擇多、但剌身種類比較小、填完紙仔後比個男待應、佢望一望跟手比番張紙仔我、用非常差既態度同我講寫番抬號呀)....嘩你乜態度呀幫手寫一寫唔洗死呀....咁既服務態度真係、入完紙後終於有野食..先番串燒再黎炸野食晒都未見有剌身出、於是追追個待應、等左一陣終於等到、食晒熟野先食刺身都係第一次、唯一最正就係罐裝啤酒任飲、食物質素如下:刺身 : 三文魚ok 新鮮、甜蝦同隻筷子一樣幼、立魚急凍貨唔食也吧炸物 : 炸定又凍又淋串燒 : 可以由其羊扒正、聽講老細係做串燒出身、但若即燒熱D仲好和食 : 都唸唔到有乜好食湯 : 一個好似叫魚翅湯既野、出奇地勁似街邊碗仔、又出奇地好味雪糕 : 多種口味、最正朱古力曲奇飲品 : 柚子茶..等等ok好飲、我當然飲啤酒啦埋單時只收四位大人、連四歲果位小朋友都無收、問番個待應、佢話係呀小朋友無收你整體不過不失、若你唸住勁

依間野都幾多人去 要之前訂定位訂左10個 但係有14個人去佢話有得加櫈 冇得加檯 都冇所謂既 唔係好逼一入到去 佢叫我地入單要分開2張 一張13一張19但係我地果張檯係16 之後睇到13係隔離 咁就寫16啦d野食真係麻麻 佢d串燒 好多都冇味d剌生切到一大一細都唔緊要 仲要係冰既d wasabi 同d豉油溝埋之後 唔見左 仲要得豉油味(我都落左好多)燒老虎蝦都唔知點講 得個殼咸炸明太子雞翼就唔係幾熟 d肉仲係紅色既吉列生蠔 勁唔得,又細,又多粉個燒羊架 都係冇味既 咩都冇得點d壽司 細細舊幾好 但係上面舊魚勁薄- -d天婦羅就勁多粉 佢d牛扒 硬到呢~~~~~芝士年糕都唔好食佢有個''攞''入面勁多沙好食既得芝麻燒雞翼 冇啦有個姐姐 我叫佢埋尼果陣 叫佢姐姐佢話唔好叫佢姐姐 咁叫佢做咩?? 吹脹上郎田個網睇 又話有咩鱆紅魚刺生 都冇既 吹水唔明咁多人去都冇優惠既- -又冇野送 一個人200蚊連加1真係冇下次

一年前在此食過lunch,今日又黎一次味道唔係話好好,但勝在夠平,但今次發現STAFF態度問題咖哩豬扒飯,豬扒炸得夠鬆脆,但咖哩太辣了,我同老公都係唔食得辣,老公問WAITER:「有冇野飲架?」WAITER:「冇野飲送」老公:「唔係送果d呀...有冇散叫」後面既waitress:「有,可樂汽水果d囉」一杯野飲最多咪幾十蚊杯,買唔起咩?一句冇野飲送,有話要你送咩?野飲又冇meau,要開口問先知有冇可樂汽水,咁神秘呀?金菇肥牛,又唔係好肥,其實我第一次食金菇肥牛,原來幾好食雜錦天婦羅,離奇冇左蘿蔔蓉,但番薯好好味!外脆內軟,蝦夠爽口手卷,好有我細個貪得意拎d紫菜dom d飯上面既感覺囉炸蠔,冇食過,想食,剩返一舊果陣,個waiter唔知咩事就咁問要唔要,以為佢問老公兜飯要唔要啦{剩返一啖半啖咁}咪話唔要囉,點知就收左,跟住無啦啦連餐具呀..墊枱紙都收埋,,,我覺得好似比人趕囉!

今次同fd,再食放題,我就第2次食e間今次個manager又送刺身拼盤and焗生蠔比我地食仲比9折tim,,5個人食,埋單690蚊今次用第2部相機黎影,,,影得好差所以有d相,冇post上黎等我介紹吓我同d fd食左d咩野lae個刺身拼盤,manager送ga,今次仲有海膽tim ar ,,,開心死有toro,海膽,甜蝦,馬刀貝,鮑片,3文魚,魷魚,白立魚,章紅魚,八爪魚芝焗生蠔,又係送,超好味我地order ge野....燒老虎蝦,,有蝦膏ga炸明太子雞翼,,太好味,我食左3隻吉列生蠔,,,勁唔得,又細,又多粉燒3文魚頭好好味e個係燒羊架,佢地話好得我勁鍾意ge燒雞軟骨,好味:smile_35:

第一次去食，因老婆生日一家大細 合共4人 去食晚飯５：３０入坐（食咗約兩小時）座下即刻叫啤酒，汽水，都好快就到燒物，炸物都ＯＫ，但燒栗米及翠玉瓜就刺身都有好多款，細細件，賣相好靚，新鮮今次無叫壽司和手卷，飯，拉麵類食品多次Ｏｒｄｅｒ，都好快到但漏單次數都唔少，有改善空間在日式放題...都合格每人約HKD１３８＋１０％(晚餐)

今日我生日,同老公係道食個靚LUNCH,呢間其實係老公平時返工同D同事食開所以介紹我食我就鍾意炸物,嗌個SET係有得揀既,揀左炸蝦天婦羅,冇咩大驚喜,同普通日式西餐廳十幾廿蚊貨仔比差唔多另外我係配個手卷,個手卷真係細到有少少過份左,雖然係有兩個姐,但入面都空空地咁喎,人地出面起碼料唔多,但飯都同你塞滿佢丫老公果然老馬識途,嗌個飯,個飯唔差,個牛柳粒真係幾好食,起碼易咬,入味呢道好不過CWB D租貴,D野食又唔算太差,睇在環境份上,值得體諒

假日在灣仔打波，有波友提議去食日式放題，便在附近的郎田book定枱，因為係假日、又位處銅鑼灣，所以到達時店中巳高朋滿座，在座以年青人居多，我們被安排坐一張六人卡座，座位都幾寬闊，放了球拍後也不覺太擠迫。刺身刺身的品種不多，但有較少見及貴價的希靈魚，其餘有常見的三文魚、魚、吞拿魚、油甘魚、帆立貝、北寄貝、甘蝦等常見品種，整體食味跟質素只是普普通通，用料未算高質。燒物這裹以燒物較為出色，我吃過了燒鷄翼、燒牛舌、燒西冷、燒羊扒、燒大蝦、燒鯖魚等；全部都是即燒，上枱時還是熱辣辣，焦香味令人開胃，大蝦夠大隻又新鮮，每隻足有七吋長，外殼脆卜卜，蝦肉有鮮味，燒過後肉質也不會太乾身； 羊扒處理得宜不會有太大膻味，味道是有些水準；西冷則燒後切成一條條肉，方便享用，有點質素；牛舌肉味很儂肉質唔靭，整體感覺郎田的放題以燒物最好食。 串燒佐酒確實夠惹味，坊間無論日式還是港式串燒，每串一般售二十元起，呢度可以任食咁多款，任飲有 Asahi 生啤，非常抵食。最近聽到或讀到一些謬淪，說羊肉要羶味重才是好貨式，其實羶味不是源自肉身，城中名廚Ricky Cheung 也講過只要剔除脂肪部位便能減低羶味，或者選擇某些

因為太遲先BOOK台,第2間冇哂位..所以得番哩度..好啦.就試下哩度閎夜晚放題環境比較暗,總係覺得食放題環境咁暗..感覺怪怪..刺生: 選擇不多,魷魚和飽魚OK, 吞拿魚很多根炸物: 炸芝士年糕沒有味, 炸豪炸粉厚了點, 炸天婦羅就似吉烈蝦既SIZE..不過不失啦,手卷: D紫菜已經唔脆..串燒: 牛舌同雞軟骨都幾好食.. 但燒秋刀魚就燒到太乾..咬都咬唔到 飲品: 款式都幾多.但係佢地杯士多啤利梳打就過份甜.好似飲緊糖漿咁.. 小食: 枝豆好食,但唔係應該凍食上碟較好? 佢上碟時D枝豆總暖... 雪糕: 最好食都係雪糕... 服務態度: 都幾好NICE,收碟速度都可以總括,根據番佢個質素同價錢黎比..我覺得都幾唔值..我都係中意中環個間多D

是日約左舊同學去銅鑼灣食日本野.同學仔提議去朗田, 起初唔知有set, 以為淨係放題. 一去之下, 發現有驚喜!午餐真係抵到喊! 個menu有成40幾個item, 任意揀兩款都係39蚊!仲要有麵鼓湯, 或者汽水送. 最後, 仲每人一個雪糕!見到佢咁抵, 就叫左佢個飯:什錦切粒魚生飯: 飯份量適中, 魚生還可以 (記住! 除返開, 都係20蚊一個飯!)香蔥吞拿魚腩飯: 同樣地, 飯份量適中, 可惜吞拿魚腩太少, 蔥粒欠奉. 有點扣分!麵鼓湯: 開粉的湯... 早知order 汽水啦.. 不過, 見佢個menu, 都有d 熟食, 炸物, 手卷, 刺身.. 真係好抵食!下次一定翻兜!~

果日約埋班fd出黎食野,,見報紙話呢間好食就揀黎間....原價$127, +1左就~140喇~但係我地有coupon有$125~因為個價錢都叫做平,所以入得去食就要有番d心理準備啦~間野有讚有彈!讚既有::::::個炸明太子雞翼&咩雞肉棒&炸年糕好味...上檯ok快~彈既有:::::- d野飲勁大色素!!!! 我又唔可以飲酒, 我淨係敢飲綠茶!!!!- d刺身係厚,不過都未完全解凍!- D拉面好清.-.-- 比錢果時佢地唔收毫子!! 唔夠1蚊都當1蚊!!- 環境好暗-.-大致上係咁多.....88

星期日，銅鑼灣，39蚊自選2款，仲有汽水同雪榚，加埋一50有找，算係抵食了。另有3蚊件壽司，食左甜蝦同鰻魚，都冇話縮水。5蚊個手卷，軟殼蟹都足料，最緊要紫菜夠脆。拉麵／烏冬就一般左d，唔彈牙唔爽口。炸物粉多，炸生蠔都有蠔味。