10
6
2
以上資料只供參考, 請與餐廳確認詳情
買了團購、訂位時就話三時半後才能入座、但六時前必須走。一看大把位、個經理不禮貌地叫你坐中央、窗口位和卡位冇人坐都不會給你坐。說六時前耍走啦。點菜後、已經做定的冷盤馬上到、真是冷到飛起、蛋、海哲是從冰箱拿出來、不知多少日前做的。馬上熱湯到。但不熱不冷。侍應已經替你收去之前未食完的冷盤、也由他收去罷、因為也不會吃的。來的熱菜也是不冷不熱!而分量驚人的小。麵條還可以丶但個湯便很重味精、只有味精夠份量、比足你。最後是甜點桂花糕丶看來放在冰箱長時間而令到個面干哂而有烈縫。好像酒樓送比客人那些過了多天的甜點。再計價錢、在銅饠灣下午茶時段賣170元二位、真的不便宜。不過最重要是電話訂位要訓話丶去到像乞丐乞食和看老闆面色、而且要吃得快丶否則未吃完己經被收去。多年團購最失敗的經歷。烏乎衰哉O
繼續閱讀
晚上6点跟友人來到吃飯，餐廳不大，座位與座位間都很接近。点了生煎飽和鍋貼，生煎飽煎到個底好脆。也不太油，鍋貼煎得金黃，口感脆脆，幾好食，還有点了素鵝，都ok,另外点了石鍋田雞飯都幾香。而且田雞都不小，愛吃田雞可以試下，石鍋熱烘烘的~甜品有拔絲蘋果,賣相都幾靚，幾好食。2人每人3小件，剛好，不過友人說太甜(￣∇￣)。我就覺得甜味剛好，視乎個人喜好啦，喜歡甜品的朋友應該都ok的
繼續閱讀
早前見到團購介紹，一間飯店有齊京川滬三種菜式，地點又响銅鑼灣，夠方便，就決定買黎做3月份既生日飯。點知，買完先發現，用餐有時間限制。😭 但係我諗住我想book平日夜晚，應該唔係咁full, 即管打去問下。接聽電話既姐姐話冇問題，仲話想坐耐D咪book早D黎食，幾好喎! 👍我book左星期二既晚上7:00。我一早已到銅鑼灣，所以就早少少上去坐低。入到去見環境唔錯，人客唔太多，心想ok喎！而且，我地12位，被安排到窗邊既大圓枱，自成一角，仲滿意！😆不過，突然間有個經理行埋黎問我，知唔知團購只可以坐1小時45分。我話唔知，book位時冇人提過！不過佢堅持一定有講，仲話個餐45分鐘都食得晒！😠我冇同佢理論，話盡量啦！跟住，我又發現，大圓枱本來有舒服既有背椅，但唔知點解，有幾個位只放左cheap cheap圓椅。於是，我地就請侍應幫我地換走圓椅。不過，佢地唔係好願意，話有背椅要留比其他枱(未有人坐架!) ，又話驚我地坐得迫喎！其實，我地12人住大圓枱坐得好舒服，完全唔迫，只係想要張有背靠既椅，食得舒服D都唔得？😠終於齊人叫上菜啦！經理同我地講，因為係6份2人餐，一份份上碟會好多碟，怕張枱唔夠放，問我地介唔介意相同既放埋一碟上，我地當然讚成啦！仲覺得經理好細心！不過，講還講，做還做，最後咪又係一碟碟上！😔同埋，侍應好快手放低好多碟，又唔介紹係咩，有D菜都唔係好知係咩，令到我地都好迷惘！😩 總之，就快脆食晒佢地啦！連味道都未能認真欣賞得到！食完晒所有套餐，只係8點幾，仲有時間坐下。不過，大家似乎未飽，所以就再叫飽點小食。哈哈！真係誇張！反而食到呢度，慢慢食，仲可以好好欣賞食物既味道！生煎包同小籠包都好味！值得一試！整體而言，環境幾好，食物有特色，味道亦可，價錢合理，不過服務就好一般，唔係好識好好招待客人羅！😣 至於團購價錢方面，我覺得都算幾抵，原價成3百蚊2位，宜家團購就$168，仲包加一。有前菜，有湯，有餸，有麵，仲有甜品，共10樣，其實好豐富！同埋份量都ok架！
繼續閱讀
21.9.2013早前到過這餐廳吃午飯, 感覺良好, 食物質素也高. 於是這次趁著媽咪生日, 就與屋企人來, 一同和她吃生日飯. 這是星期六晚上, 亦是八號風球前的一晚, 可能打風關係, 食客也不多. 餐廳的裝修不是富麗堂皇, 而是整潔, 明亮, 富有少許中國色彩. 首先來的是素鵝($58). 香脆的外皮, 再用以豐富又軟淋的香菇絲, 紅蘿蔔絲作餡料, 就知道它的製作絕不馬虎. 作為前菜, 的確可給人一個良好的第一印象. 醉雞($68), 未曾把雞件咀嚼, 已聞到淡淡的酒香. 由外表薄薄的雞皮, 到裡面嫩滑的雞肉, 都滲透出香而不烈的酒味, 令不好酒的我, 更容易把雞件入口.黃金燻蛋($42)是一字排開的放在長方形的碟上, 排列整齊. 燻蛋的煙燻味不重, 而且中間的橙色蛋黃漿, 是呈半流心狀, 咬著可令口腔內充滿嫩滑蛋汁, 讚. 上枱時, 還吱吱作響的鱔蝴石鍋飯($128), 是不停冒煙的哦. 厚肉彈牙的鱔條, 與爽口的韮黃, 滿滿的覆蓋了整個石鍋內. 鱔蝴醬汁, 成為了鱔條, 韮黃和白飯的橋樑, 其濃郁的醬汁, 並不死咸, 且帶有少許鱔味及甜味, 輕易地把所有東西貫連一起, 滋味程度令人想一吃再吃. 飯粒更是以蛋炒底的, 加分!! 賽磅蟹($108), 是真的有少許蟹肉埋藏在蛋白內的, 甚是驚喜. 咦? 瑤柱份量也不少喎. 而蛋白又厚又滑溜, 只是調味略為咸了點.這碟欖菜肉鬆配芝麻餅($98), 欖菜肉鬆和芝麻餅, 同放在一個碟上. 吃的時候, 就是把欖菜肉鬆擺放在芝麻餅之上. 無疑, 惹味的欖菜肉鬆是可令普通又脆口的芝麻餅增強吸引力, 可是, 欖菜肉鬆也太咸了吧, 咸得令我們口乾, 要飲多幾杯水才行.腿茸津白內的腿蓉碎($68), 傳出咸香, 為滑嘟嘟的津白, 增添食味. 津白新鮮又清爽, 若果浸著津白的上湯能減低其濃度, 相信更可突出津白的鮮甜味道.有別於其他餐廳的松子桂魚, 這裡的黑醋松子桂魚($238)是用了黑醋調味, 因此它的醬汁偏甜. 雖然桂魚已被炸到脆卜卜, 但仍可吃出其肉質的細嫩豐厚. 另外, 桂魚已被起了骨, 吃起來挻方便.總觀來說, 這餐廳的食物質素也算美味, 大家都吃得很滿意哩.
繼續閱讀
朋友生日，揀地方慶祝，選左幾個地方。由於有餐廳已關門，有餐廳星期天不營業，最後揀左依間樓上鋪。一開門就係餐館入口，地方唔大,裝修簡單。黃金燻蛋—賣相靚，可惜食落有燶味蜜汁火方(必食)—夾餅配腐皮和肉乾原來可以甘惹味酸辣湯—味道調教恰到好處，有鮮味銀絲卷—質地軟滑，美中不足係不見"銀絲"，失去銀絲卷的特色黑醋松子桂魚—黑醋汁雖然甜了點，但味道比一般甜酸汁清新咸肉津白—ok韮皇雞絲兩面黃—太濕，份量小鳥巢窩貼—餡料十足高力豆沙—唔會太甜，可惜唔夠鬆化，豆沙太小。拔絲香蕉—賣相好靚，上枱後，侍應再用冰水凝固炸香蕉外面嘅糖漿，口感豐富。嘢食唔錯，但服務麻麻。未夠9点半已經開始摧我哋走。有位侍應仲大聲講準時開工，準時放工。
繼續閱讀