景隆園小食車仔麵 (已結業)

窮遊香港-10蚊5件煎釀三寶👍🏻即刻like @hkfunfoodrecord 同follow先啦.‼️支持小店系列‼️銅鑼灣咁貴租都仲可以賣咁平唔知仲可以賣到幾耐 認真要支持下.賣到咁平 咁味道如何呢👍🏻份量冇偷雞 正常大小呢日買左十蚊5舊見到青椒岩岩炸起所以叫左3舊青椒 1舊魚蛋 1舊茄子.👍🏻果然青椒勁熱 超好食👍🏻茄子係最大舊抵食既😋係咁凍天氣 新鮮出爐好食好多😀魚蛋同茄子暖 正常～🤦🏻‍♀️但....其中一舊青椒係凍冰冰既....（味道分大減）.朋友仔可以叫佢番炸 整熱佢（但冇咁好食）（‼️同埋 茄子 豆腐 好吸油既就唔好番炸啦）.⭐️總結每次路過銅鑼灣 必定去支持下但未到特登去食.🙊題外話：旁邊果間賣10蚊4舊🙊如果見到新鮮出爐都可以試下.#景隆園地址：銅鑼灣謝斐道520號地下.⭐️評分：味道：4/5 凍既2分環境：-/5服務：-/5衛生：-/5抵食：5/5

銅鑼灣係香港最人流集中既地方之一估唔到仲搵到係後街一蚊粒燒賣或魚蛋12月頭去當天賣7蚊2串,多過7粒,超抵食！魚蛋係中SIZE 幾彈性,無魚味就預左,但燒賣好食,原來用了陳記加上特別調既辣汁,超好食!小店仲有多款車仔麵,撈公仔麵,滷味,大腸,炸雞脾同三寶!都係好便宜！

沿路咁多間小食檔，點解揀呢間？因為見佢寫住老字號😂咁啱見到煎釀豆腐炸好，就叫左$10五件嘅唔知幾多寶(好多選擇)，熱辣辣好好食。但最近encore，擺左好耐凍哂就無咁好食。所以都係睇好無彩撞正佢炸係就好食。下次試下佢啲魚蛋燒賣先😝

銅鑼灣物價咁高🤑要窮食並不是沒有辦法😏行行下街口痕食串魚蛋燒賣先😚🍢。魚蛋+燒賣(買一送一‼️) $10可能係全港最平嘅魚蛋燒賣🤣總共有12粒抵到爛 但質素並不馬虎🤫魚蛋是小編的喜歡的texture😍彈牙口感😋不是一咬就散 魚蛋就普普通通😜而且醬汁配上微辣的沙嗲醬 完全滿足到口癮😆❤️。📍景隆園小食車仔麵 (銅鑼灣)銅鑼灣謝斐道520號地下

收工去左掃街，食完雞扒就想幫襯景隆園，景隆園應該係附近既小食店比較耐既～ 所以我本身都幾想撐下老家小食店！😂 我叫左燒賣魚蛋買一送一🤣 好抵！$5就已經有10粒！我諗可能係全香港最抵🙈 不過佢就冇得買燒賣送燒賣，所以係買燒賣送魚蛋！我本身鐘意食燒賣，所以一定係叫燒賣，送左5粒魚蛋✌🏻 正！見到有台灣腸，雖然啱啱喺隔離食完，但係因為覺得唔正宗，所以想再試吓呢間係咪好食，點知，一試，超好食！好正宗既腸仔味，又好香，雖然就要$8，但係一定會再幫襯！

成日經過銅鑼灣口痕想食野 都會係sogo後兩條街既景隆園$5有5粒燒賣加5粒魚蛋試問喺依家物價租金都咁貴既世代可以喺邊度搵佢比起隔離平一蚊 但我覺得仲好食d燒賣佢聲稱係用喺各大超市都可以搵到既陳記魚蓉燒賣既燒賣食落唔會好粉 都幾有咬口而且唔會淡而無味魚蛋就偏油 但都有咬口帶d魚味燒賣魚蛋食落都好正常唔係特別好食但絕對對得起個價錢我平時仲會食佢既煎釀三寶$10六件又係抵到爛味道都係正常 係有食會凍左je魚蛋係特別好味 幾彈牙而且好有鹹香

其實都好耐無係銅鑼灣食魚蛋燒賣呢d野啦，係銅鑼灣呢d地方，閒閒地10零萬1個月嘅租金，你要賣幾多串魚蛋先俾得起租？所以一向銅鑼灣賣呢d街頭小食都係好鬼貴但係而家係銅鑼灣竟然有1串5蚊，仲要買一送一嘅魚蛋燒賣食，咁當然要試下啦其實都幾多人排隊，都難怪嘅，咁平喎魚蛋係細細粒嘅魚蛋，有d魚味，唔係得d粉，完全無因貨就價喎燒賣都係，唔係得d粉，唔係話最好食果d，不過完全對得住呢個價但係d魚蛋真係好油，搞到d燒賣都好多油，呢個可以話係唯一嘅缺點

見隔離間鋪多人唔想排隊就去呢間試吓一行到去。係價錢係平過隔離不過 人就少好多啲姐姐以為好熱情 但其實講野又唔標準又難聽都唔知佢講乜好啦 買生菜魚肉食啦 又唔問人要唔要啲醋要唔要胡椒粉要唔要乜嘢要唔要物自己亂加 辣死人我再行埋去買煎釀三寶 以為啲嘢又大件好似有幾好食咁啦 點知都係中伏勁油勁難食 落咗好少豉油又唔問你落唔落辣椒醬同甜醬佢地以為淨係做內地人同外國人生意完全唔放本地人在眼內 不知所謂好啦買咗返屋企試咗一啖好油好辣好難食呢個教訓係真係平嘢唔好亂試下次都係買返隔離嗰間 係有多人係貴少少不過應該好食好多

環境1分：正常街邊小食店，車多人多，好難比多分。 衛生1分： 路上地下很油膩，買完行過少少食都可以。服務3分： 快手快腳，收錢畀嘢食都快。 味道3分：魚蛋都算彈牙，燒賣亦淋，加埋啲辣汁仲正。 抵食5分：之前電視介紹過，五蚊雞有兩串，絕對抵食。

減價鬥平搶生意，受惠的就是一眾消費者！多年來，在銅鑼灣世貿中心附近的這兩間港式小食店都「正面衝突」，以減價戰來鬥個你死我活。這天在回家吃晚飯之前先去買魚蛋燒賣食，五元一串，還有買一送一，這種價格簡直是時光倒流，平得過份，更過份的是，買一送一還可以雙併（即魚蛋併燒賣），而且還以發泡膠容器盛載，甚有不計成本的感覺，雖然不甚環保，但比起只用竹籤串著來吃的而且確是方便很多，汁和豉油都不怕滴污衣服或街道，無論是本地人或是遊客都幫襯！

來到銅鑼灣，驚啱啱有少少肚餓，又未到食飯時間，於是嚟呢邊諗住食一串魚蛋，呢個位係人都知有兩間小食店痴住，咁因為隔離嗰間呢就有好多人啊，咁我就揀揀呢間試吓啦，反正都係想食啲小食等下肚。呢度魚蛋、燒賣寫到明係5蚊一串，買一送一嘅，咁我俾咗＄10阿姐，話要魚蛋燒賣10蚊，佢好快就裝左俾我，冇找錢。唔知佢係掛住傾我急急腳就離開啦，冇特別為意到底碗入面有幾多粒。一路食一路覺得唔對路，唔明點解咁少。最終得10粒，一係俾少左，一係冇找錢。唉。見之前啲食評都話啊姐態度唔好，態度唔好唔緊要，我都係黎食嘢，但唔好搵笨…你地黎食，記得數清楚啊。

呢舖真係好睇過溏心風暴，全城熱話既兩間魚蛋燒賣減價戰，你減價我就要減多你一蚊，成日話蝕住咁做，呢間就係自己講既受害者，今日一於黎個直撃報導。先黎減到$5買一送一既景隆園，一埋去已經勁多人排哂隊朝聖，同埋已經見到個客同店員罵戰，仲專登將炸起既三寶一兜一野咁撻係個客前面，魚蛋燒賣食落好粉同好實，好似未熟哂咁，辣醬有香味無辣度，雖然價錢真係愈黎愈平，不過食物質素同店員態度都真係麻麻地。店名：景隆園小食車仔麵地址：銅鑼灣謝菲道520號地下

去蒸身前想食少少嘢，加上最近睇咗段片內容大概係話競爭對手搬舖去佢隔隔離，俾人搶晒生意好可憐，咁就即管去幫襯下，大大隻紅底黃字寫住魚蛋/燒賣都係5蚊2串，但我唔食魚蛋架，只係諗住食燒賣，點知佢好快手咁收錢，然後又好快咁講：無得淨係要燒賣架，對大家公平啲，一定係跟埋魚蛋…………咁就監硬屈人食魚蛋，食野都要講公平？但咁叫公平？對邊個公平？生意原來係咁做，咁難怪覺得係對方搶晒你啲客啦！！其實我唔係新客，只係有幾個月無去蒸身，所以無食一排，過往一直都係幫襯2串燒賣，今次咁樣。。。我以後都會去隔隔離買喇～只懂上電視講到被搶客有幾慘，實情係你趕客咋…

不知大家有沒有聽聞這位伯伯店鋪的事？我AnnaPao 不懂描述複雜的小鋪被欺壓故事，只懂為大家介紹好味又抵食的美食！這間小鋪魚蛋好吃之餘，還要做緊$5魚蛋（有5粒）仲要買一送一！換然之即是$5可買到10粒魚蛋😻😻😻，如果您不想吃10粒魚蛋，您大可同伯伯 / 阿姐講聲，佢哋可以送5粒燒賣，即是買$5魚蛋（有5粒魚蛋）送5粒燒賣！我不知道伯伯還可支持多久！因為以現在的情況，應該每天都蝕緊錢，如果您去銅鑼灣，不妨去幫襯下，支持下伯伯那$5的堅持💪🏻💪🏻💪🏻😻😻😻😻😻😻😻😻

岩岩去買碗燒賣 話一定要燒賣魚旦一齊買 我話剩係要燒賣 個呀姐已經勁多說話比我聽 我都算從來都會比咖喱汁 叫佢出已經又有說話聽 之後比極少我 我話我要多小小 佢已經開始講啲難聽既說話 我終於忍唔住同佢嘈 全銅鑼灣唔係得你一間賣燒賣既 我以後都唔會再幫襯 垃圾之中垃圾心諗才做到幾大呀 睇你幾時執左佢啦 靠哂大陸人幫襯就得？到時候冇大陸人黎 唔好求我地香港人去幫襯呀 喜記事情又會再次出現 最好快啲執左佢 仲要成日有個呀姐係到叫 做成噪音污染