9
9
1
港鐵銅鑼灣站 A 出口
繼續閱讀
開飯介紹
提供正宗日本料理大型連鎖餐廳，食物選擇豐富包括刺身、沙律、燒物、天婦羅、石鍋飯、鍋物等。務求令顧客可以在休閒舒適的環境中品嚐最當時得令之料理，體驗日本飲食文化。
繼續閱讀
營業時間
星期一至五
12:00 - 23:00
星期六至日
11:30 - 23:00
公眾假期
11:30 - 23:00
以上資料只供參考, 請與餐廳確認詳情
招牌菜
食家推介
每日係銅鑼灣打滾嘅我,已經唔知可以食咩. 返去學校溫書前,決定去利舞臺掃樓睇下有咩心水餐廳. 因為今日唔想食可貴所以好多都唔啱. 嚟到比較低層嘅和民同Skybar, Skybar下午做緊餐牌7定唔知8折,不過減價後都唔係親民價錢 所以最後投入和民嘅懷抱. 接近下午茶時間人流好少
不用等位,好快可以入座. 店舖設計同一般和民一樣, 以黑和紅為主 而且燈光較暗. 個人比較中意光猛啲, 因為可以睇清楚衛生情況. 一坐低聞到枱面傳上來嘅怪味,相信係啱啱抹完枱塊枱布有啲臭. 之後調去另一邊4人枱,情況好好多.
餐牌同以前食嘅大同少異, 多咗嘅係韓式食物 各種炸雞. 我哋都比啲圖吸引住. 最後叫兩款食物都係韓國嘢.
蜜糖芥末雞翼 $48 (評分:8/10)
炸雞翼配唔會難食嘅 蜜糖芥末, 兩者非常配合. 蜜糖芥末醬偏甜, 雞翼新鮮炸好 裏面肉仲保持到嫩滑.
泡菜豬肉火鍋 $78 追加烏冬 $22 (評分:8/10)
豬肉火鍋 上枱,鍋同湯分開上 自己落 另外仲配隻蛋.
火鍋有豬肉片,泡菜 (偏小), 豆腐 同小量嘅娃娃菜. 湯底係泡菜湯,味道適中唔咸. 豬肉片帶有半肥,但又肉味肥位食落脆口.
最後加埋烏冬,爽口彈牙 有稻庭烏冬嘅咬勁. 正!
*憑收據下次惠顧有9折.
繼續閱讀
今日午餐想食日本野，就決定去和民食。睇睇Lunch餐牌，平日一至五都有日替定食。今日係星期一，我就諗住食我平時食開嘅滑蛋豬柳/滑蛋雞扒鍋定食，點知侍應話今日冇供應滑蛋類嘅定食我就試下叫個平價嘅照燒蒜香雞扒定食。上菜就聞到好香嘅蒜香味，見到有沙律有飯有薯條當然唔少得主角雞扒，望到都覺得會好飽。先食個沙律，多菜感覺健康。再食主食蒜香雞扒，雞扒幾大塊，幾多汁，肉質鮮嫩，口感豐富，配白飯一流。而薯條就炸得剛好，好食。係我繼滑蛋豬柳/滑蛋雞扒鍋定食後嘅不二之選!而且仲平過佢地添，抵食!推薦!!
繼續閱讀
呢間和民近公司，所以一個月都會吃一次。平時午飯時間都不是太多人，但人手始終不夠。 食物品質可以。只可惜同事要求走蔥，十次有三次都錯。但以和式料理和環境計， 性價比算高了。
繼續閱讀
呢篇野同食完全無關，只係想講咁做生意聽執。希望openrice會登出黎，等佢地見到即刻改善！😡😡😡😡😡😡😡😡話說我同成班朋友食飯果晚前一星期就book定檯，即使果日係平日，都唔搏，因為人 多（都係8個）都唔book檯食飯就自己抵死！已經預先用openrice book檯，提早左5分鐘去拎位，佢話要等多陣，唔緊要，反正人未到齊～夠鐘再問佢，其實都未有位...話要再等多陣，終於等到佢話畀兩張卡位4人檯我！無野呀，我book 8個人8點鐘，你分兩張檯背對背坐，我唔使揀你啦。佢話要一齊坐就再等，我問佢等幾耐，佢話唔知要等人地果檯走..咁我想問咩叫book檯呢？根本一開始就無留到位，預左walkin有人就畀人地，班fd嬲嬲地即刻上黎搵下有無其他餐廳，好彩有即刻過去！最頂癮佢仲好意思過左半小時打俾我話有位，其實真係覺得個客會等咩？（同埋我已講左話唔等cancel 啦)如果我walkin真係心甘情願等，但問題係我已訂檯你要我等仲要唔知時間囉..未試過食唔到飯要打咁多字去數人
繼續閱讀
This location is pretty quiet with no line ups compared to the other locations. Less than $100 for a personal sized hot pot is pretty good value. Taste is good but the beef was a bit too fatty I found. It would be great if there was an option to choose fattiness level.
繼續閱讀