4
10
5
營業時間
*最後落單時間:21:30
星期一至日
06:30 - 22:00
以上資料只供參考, 請與餐廳確認詳情
次次搭一個幾鐘車去機場後都會好肚餓，要即刻食返餐。今次為咗唔比餐廳劏，我地就係禁區外食。🤣我揀咗燒鵝瀨粉加配上湯油菜。瀨粉份量超級多，比起平時燒味店還要多出好多。味道就中中等等啦，冇話特別好食。燒鵝賣相都唔錯，但係就十分肥膩。有好多舊差唔多全部都係脂肪，一啲瘦肉都冇，所以我淨係食咗好少☹️💧不過啲汁可以倒落去個瀨粉到增加味道。個菜我覺得做得幾好嘅，軟硬適中，中間都有啲雲耳。份量其實都幾多，夠兩個人食。🥬
繼續閱讀
機場T2 千燒百味 (美心集團)低食晚餐 燒味 咖哩 $45起有交易喺機場食店 貴1倍都係平常事見機場做嘢嘅職員都喺度食 唔會錯仲可以用美心$20coupon(油站送)帶上飛機嘅"燒鵝"hk$468 真係外賣盒都特色… (C9少見多怪)隔離阿鴻xx 要 $698 機場價套餐 ~ 菠蘿咕嚕魚 $51好味道 份量多 白飯軟熟老火湯~ 靚湯材料足 冇頸渴上湯杞子浸油菜心~ 嫩 冇翠綠
繼續閱讀
今朝要去機場T2見個客，因為早咗到，先揾個地方醫醫肚。經過"千燒百味"，睇見早餐牌啲相影得幾靚，好吸引！中式同西式都有，共有14款， $34至$45。呢個價唔算特別抵，但係機場食算合理價 !早餐時段坐滿食客，當中除咗旅客，亦有唔少係機場員工，機場其實係個24小時嘅小城市 ! 當你食緊早餐嘅時候，其實佢可能啱啱收工，食緊佢嘅"晚餐"。呢度雖然食客多，但大家來去匆匆，食完就搭機/返工/返屋企，稍等一陣，好快就有位坐。我叫咗呢個 "香煎蜜糖雞扒，腸仔配火腿濃湯通粉配粗麥多士，奶茶"， 哈哈，佢個名真係幾長吓，好彩佢有個代號，叫四號餐！腸仔係行貨冇乜特別， 雞扒就煎得皮香肉滑， 麥多士啱啱烘好！個通粉真係冇講錯，係濃湯呀， 雖然有啲咸，但勝在夠哂熱！今朝唔想飲奶茶，叫咗個華田走奶， 冇咁滯！
繼續閱讀
香港國際機場有分T1及T2，今日早上來到T2地下，見肚仔餓餓哋就見到呢間快餐店"千燒百味"於是就試吓早餐，款式唔多，但都照顧到普羅大衆，我就叫咗一號餐(炒蛋，薄牛扒配火腿濃湯通粉，配粗麥多士)包熱飲卒之有得食啦(比錢至攞到都係1-2分鐘內，職員服務親切良好)厚多士外脆內軟(正)濃湯通粉(味道適中，OK)炒蛋(普通)牛扒夠稔，味道尚可，唔好諗住好正咁啦。檸檬茶普通總括呢個價錢39蚊，有咁多野食，超值
繼續閱讀
友人出發去台灣，撞岩時間，大家約埋係機場食個快早餐先再出發。有效率既當然係早到既我影個餐牌，落左order先。估唔到有咁多選擇，搞到我啲選擇困難症又出現🤦🏻♀️好快手就已經有餐到手，基本上唔駛點等，快過美心大家樂嗰啲。餐蛋麵配奶茶，再黎個偽西式早餐配凍檸茶少甜少冰。雖然快手，但質素唔差喎，難怪身邊好多食客都係機場員工，快靚正，睇黎都係早餐飯堂好選擇。大家可以食個靚早餐catch up 下近況，大錯不錯🤗
繼續閱讀