291
50
23
港鐵牛頭角站 B6 出口, 步行約7分鐘
繼續閱讀
電話號碼
23451128
93080255 (whatsapp)
營業時間
今日營業
09:00 - 21:00
星期一至日
09:00 - 21:00
公眾假期
09:00 - 21:00
以上資料只供參考, 請與餐廳確認詳情
-
網上訂座服務暫停
食家推介
相關文章
餐廳位置靠近觀塘海濱公園，特別寫意，靜靜地享受晚餐，餐廳佈置華麗，食物質素超高，非常推介大家去試吓。六道菜包括每人餐前小點＋前菜1款＋意粉1款＋湯＋主菜1款＋甜點，每人價錢只係$368 ，非常抵食。法式餐前小點 - 〈青椒皮蛋撻、螢光魷魚青提撻〉兩款餐前少點都好特別，係餐廳嘅心機之作，食完之後更加期待之後嘅菜式。前菜 - 五選一〈奧斯迦鱘魚子醬.牛肉韃韃.芝士泡沫〉牛肉他他就食得多，連埋芝士泡沫一齊食又估唔到都幾夾，令到牛肉食落更加Creamy。〈黑胡椒法式焗藍蟹肉〉蟹肉份量非常多，加埋黑胡椒一齊焗，零舍惹味。湯 - 〈榛子.烤花菜濃湯〉一上枱已經聞到好香榛子烤過嘅味道，椰菜花打成蓉之後質地就好似薯仔一樣咁棉襪，都幾鍾意呢個湯。意粉 - 二選一〈鮮蜆車厘茄撒丁尼亞珍珠麵〉〈傳統豬肉醬手造撤丁小麵疙瘩〉前者鮮蜆的確好新鮮，而且好大隻，珍珠面形狀一粒粒好特別；後者面則食落好似貓耳朵嘅手工意粉，加埋濃郁嘅豬肉醬，食完都好想再食。主菜 - 五選一〈招牌燒三黃雞.金華火腿雞原汁〉果然係招牌嘅主菜，估唔到無論係雞髀位置定係雞胸都一樣咁滑，我相信餐廳係將三黃雞慢煮過，而金華火腿汁浸晒雞肉入邊，所以雞肉淋得來極都好夠味，絕對入選必食推介！〈美國安格斯牛柳.羊肚菌汁〉雖然牛柳要額外加錢，但絕對物有所值，餐廳將肉汁鎖住喺肉入面，一啲都唔乾，配埋羊肚菌汁，別有一番風味。精選甜品 - 〈朱古力慕絲蛋糕〉欣賞甜品唔太甜，但係保留住濃郁嘅朱古力味道！
繼續閱讀
晚上黎到海邊 , 好舒服 , 見到 $368 有 6 道菜 😏😏 包括餐前小點 , 前菜 , 湯 , 意粉 , 主菜 , 甜品同餐飲 ~ d 菜式又幾吸引 , 就入黎試試 ~ 餐牌 :青椒皮蛋撻嘩 ~ 好精緻 ~ 個撻皮好脆好薄 😋😋 配埋軟林林 , 切到一粒粒嘅皮蛋 , 口感好豐富 , 辣辣地好食 !青瓜螢光魷魚撻青瓜係酸酸地 , 好開胃 漬北海道帶子刺身，海膽，三文魚子，蘋果泡沫前菜嘅賣相好吸引 ! 帶子 + 海膽 + 三文魚子加埋一齊點會唔好食 ~~ 滿滿鮮味 !! 蘋果泡沫多到滿瀉 😱😱 整體感覺好清新 ! 奧斯迦鱘魚子醬，牛肉韃韃，芝士泡沫牛肉韃韃比厚厚的芝士泡沫覆蓋 , 上邊有矜貴嘅黑魚子同金箔 , 好精緻呀 ~ 第 1 次同芝士配牛肉韃韃 🤤🤤估唔到又幾夾 !!鮮蜆車厘茄撒丁尼亞珍珠麵海鮮配蕃茄 , 不嬲都係絕配 ! 蕃茄酸酸甜甜 , 加埋蜆嘅鮮甜 , 好食 😆😆 啲蜆大大粒又 juicy ~傳統豬肉醬手造撒丁小麵疙瘩麵疙瘩食落滑滑的 , 又帶小小𡁻口 , 豬肉醬好棉滑 ~ 榛子，烤花菜濃湯湯質感好濃稠 , 有 d 果仁嘅香味 , 幾特別杜洛克豬鞍，黑椒汁又有我至愛豬鞍 , 肉味濃 😃😃 又 juicy ! 美國安格斯牛柳，羊肚菌汁羊肚菌汁帶有獨特的菌味 , 提昇牛柳味道 芝士慕絲蛋糕好軟滑 , 唔會太甜 , 配左士多啤梨醬 , 酸酸甜甜 , 1 d 都唔膩 , 秒速清曬 👍👍👍正 !!Honey Lime整體黎講 , 今晚呢餐飯好有驚喜 , 食物份量啱啱好 , 食物質素 , 擺盤同設計都好有水準 ❤️❤️ 視覺同舌尖嘅享受令我以為自己置身於高級餐廳食緊 fine dining !! 😌😌
繼續閱讀
話晒都係同老公嘅相識紀念日，所以都要去撐下枱腳嚟浪漫下先得嘅，咁我地就近近地去海濱觀塘海濱拍下拖，然後就係對面嘅MG Cafe，嚟一個精緻又美味嘅浪漫晚餐啦！餐廳環境舒服都唔在講，整個佈置都好有格調，好有歐陸式復古嘅感覺，旁邊也設置很多咖啡杯裝飾，所以老公一入嚟都大讚我揀得一間唔錯嘅餐廳。我地order左 6-course Dinner Set，單睇個mean都已經好吸引。先嚟兩杯特飲(我地係由餐飲升級嘅)，一杯係Pineapple Oolong Shaken Tea，另一杯係Peach Shaken Tea。兩杯除左啱打卡之外，味道都唔錯呀。再嚟兩款法式餐前小點，分別係螢光魷魚撻同青椒皮蛋撻。坦白講初時都怕有點古怪，不過入口又幾特別，我個人比較鐘意嗰個青椒皮蛋撻，估佢唔到中式材料配合西式煮法係咁得意，絕對係有驚喜。之後就到前菜，先嚟 黑松露，花膠，北海道鮮帶子，大鄉里嘅我都係第一次以西式煮法食花膠，估唔到佢同黑松露個味係會咁夾，而且 花膠都好厚身，加埋鮮甜帶子一齊食，完全係啱晒我口味。另一個就係漬北海道帶子•海膽•三文魚子•蘋果泡沫，其實佢食落有啲似啫喱，白色嘅蘋果泡沫連同好有口感帶子同埋海膽、三文魚子一齊食，味道口感層次都好豐富。之後就到餐湯，榛子，烤花菜濃湯，整個湯口感滑順，加上榛子同堅果嘅風味好濃郁，最後配埋烤花菜，三者配合得宜，我自己就非常鐘意。跟住就到意粉，先嚟 鮮蜆車厘茄撒丁尼亞珍珠麵，賣相靚就唔在講，滿滿嘅車厘茄加上非常鮮甜蜆肉都已經好清新，不過亮點就一定落係珍珠麵上，一粒粒像小丸子嘅珍珠入口彈牙，再連埋啲醬汁一齊食，真係既得意又好味。另一個就係 傳統豬肉醬手造撤丁小麵疙瘩，全手工做嘅粒粒厚身意粉加上傳統豬肉醬同微微嘅蕃茄芝士醬，喜愛濃味嘅老公大讚好食。我嘅主菜 杜洛克豬鞍，黑椒汁，豬鞍厚切鮮嫩而且肉質十分鬆軟，保留了豐富肉汁味之餘加埋黑椒汁一齊食，整體上配合得唔錯，鹹度適中。但千其唔好漏左嗰個南瓜蓉，入口好清新醒胃呀。老公嘅主菜係 澳洲羊扒，羊鞍，羊燒汁，以煎封肉汁方式所以保持到軟嫩多汁，而且肉質較濃及腍滑，而且完全無羊羶味，配上燒汁食，口感一流。最後就以Creamy又好味嘅芝士慕斯蛋糕配士多啤梨醬為今個晚餐劃上完美嘅句號。
繼續閱讀
放工行下觀塘海濱道見到有間幾靚嘅餐廳😊 ～ MG Cafe，位於觀塘海濱道133號萬兆豐中心地下2號舖， 即興入去用餐。 店內以歐陸式復古風格為主， 店員服務有禮， 餐牌上的Dinner Menu📋幾吸引，可以揀六或八道菜， 我揀了六道 $368 一位， 已包括餐前小點、前菜、餐湯、意粉、主食、甜品和飲品等等。 📌法式餐前小點 : 🔸螢光魷魚撻 ～ 螢光魷魚鮮甜， 口感爽脆。 🔸青椒皮蛋 ～ 皮蛋味道重，配上青椒帶點清辣。 📌前菜 :🔸奧斯卡鱘魚子醬，牛肉韃韃，芝士泡沫 ～ 牛肉韃韃鮮嫩多汁，加入帶有鹹味的鱘魚子醬，用作提鮮， 令整道菜賣相更高貴。 🔸黑松露，花膠，北海道鮮帶子 ～ 黑松露份量多， 花膠厚實， 帶子鮮甜， 整體香濃配合得很好。 📌湯 :🔸榛子，烤花菜濃湯 ～ 烤花菜濃湯口感滑順，加上榛子，帶出堅果風味。 📌意粉 :🔸鮮蜆車厘茄撒丁尼亞珍珠麵 ～ 珍珠麵口感彈牙有咬勁， 最適合配搭海鮮類，與鮮甜新鮮的鮮蜆就是完美組合， 食得出整道菜的鮮香美味。 🔸傳統豬肉醬手造撤丁小麵疙瘩 ～ 口感滑潤的疙瘩， 肉香味濃的傳統豬肉醬，很滋味。 📌主菜 :🔸招牌燒三黃雞， 金華火腿雞原汁 ～ 燒得好香，雞油渗進肉裏面，皮脆肉嫩多汁，好吃到停不了口，超級推介。 🔸美國安格斯牛柳，羊肚菌汁 ～ 加$80就可以升級點牛柳，七成熟的牛柳，细腻肉嫩，啖啖肉香，油花均勻。 📌精選甜品 :🔸芝士慕斯蛋糕配朱古力醬 ～ 軟綿的芝士慕斯蛋糕， 配上濃香的朱古力醬，太美味了。 📌飲品 :🔸蜜糖檸檬 ～ 蜂蜜檸檬味道香甜滋潤， 冷熱都好飲。 整體而言晚市套餐價錢合理， 菜式精緻又美味🫰🏻。🏷️溫馨提示～ 整個用餐體驗均屬個人分享意見， 只作參考😊。
繼續閱讀
MG Classic Breakfast賣相：🐧🐧🐧🐧🐧味道：🐧🐧🐧🐧🐧經典早餐份量十足，食物款式非常豐富，包括有炒滑蛋、車厘茄、香腸、煙肉、炒雜菌、焗茄汁豆和牛角包，全部即點即製，食落溫熱香口，大滿足之選。🐧 最喜歡當中的牛角包🥐 牛角包比拳頭還要大個，咬落外層酥脆焦香，內裡層次感豐富，鬆軟又充滿牛油的香氣，非常出色。玫瑰鮮奶咖啡賣相：🐧🐧🐧🐧味道：🐧🐧🐧🐧🐧咖啡充盈著咖啡的濃郁醇香滋味，加入鮮奶令整體口感更順滑易飲，玫瑰的陣陣幽香令人迷戀不已。紐約芝士蛋糕賣相：🐧🐧🐧🐧味道：🐧🐧🐧🐧🐧蛋糕口味質感非常經典，質感偏堅硬挺身，口感綿密細滑，芝士味道濃重。下層的餅底減低蛋糕的膩感之餘，亦為整體添加層次質感。環境：🐧🐧🐧🐧🐧餐廳參照西式歐陸風格設計，裝修華麗又典雅。餐廳大門一整列牆採用透光落地玻璃，吸納舒適的自然光作照明，感覺和諧。牆身架上放置了大大小小的精緻咖啡杯和茶壺作點綴，餐廳正中央更設有大型懷舊咖啡機，風味十足打卡一流。🐧❤️結語：玫瑰鮮奶咖啡高質令人迷戀，誠意必飲推薦☕️
繼續閱讀