8
5
6
港鐵觀塘站 A2 出口, 步行約1分鐘
繼續閱讀
開飯介紹
以芒果為其賣點，成名甜品為芒果西米撈。
繼續閱讀
營業時間
星期一至五
12:30 - 22:30
星期六至日
12:00 - 22:30
以上資料只供參考, 請與餐廳確認詳情
話說琴日同班大學好姊妹去完打邊爐，諗住直落食甜品，見好耐冇食許留山，就嚟咗APM分店。。。首先，環境方面，鋪面環境比較細，得幾張枱，大概容納10個人，入夜之後越來越多人響外面等位。今次我坐嘅位最近門口，好可惜上面冷氣機不停滴水，搞到食得好唔舒服食物質素方面，我哋分別帶咗芒果黑糯米同埋芒果亮晶晶，口味好一般，明顯退步左。。服務方面，落單唔夠5分鐘已經上菜，但係嚇親我哋嘅係，竟然係用外賣兜去裝住！？同其他食客用餐廳嘅杯碟唔一樣，我諗大概係佢哋洗唔切碗！？因為從肉眼上餐廳嘅杯碟明顯份量係比外賣盒大嘅，但係職員堅稱份量一樣，所以我都冇同佢理論。。。
繼續閱讀
以前中學時間成日去許留山打躉😂，依家去食糖水都未必會諗起佢，所以今次同班中同去到，感覺好懷念吖😆。入返正題先😝，n年前做既許留山會員今次好有用😂😂，用左佢個正價產品半價既優惠券，啲甜品即刻抵哂😎 愛文芒-綜合芋圓$37 (半價$18.5)估唔到依家連許留山都出埋芋圓😂，其實佢冰底同多芒小丸子既一樣，都係芒果醬、小丸子同芒果粒，不過用左愛文芒味道會更為香甜(但要視乎你鐘唔鐘意愛文芒果種有啲似香精既甜味啦～)，同埋佢呢款會多埋仙草。主角芋圓同地瓜圓都做得唔錯喎，食到芋頭同地瓜圓既天然味道🤗，如果再多啲就好啦～ Jumbo芒之丸子 $63 (半價$31.5)黎許留山一定要食小丸子😎，揀埋jumbo版好滿足😍，大大一盤裏面有一球芒果雪糕、煙韌小丸子、芒果肉，個底仲有滑溜既芒果布丁，好滿足吖～半價左之後真係激抵！！ 芒果凍餅 $19(半價$9.5)冰凍左既忌廉配合芒果肉，食落去好似食緊雪糕咁🤣 .燕窩椰皇燉雪蛤 $55(推廣價)呢款本身係推廣價所以無得半價，不過呢款甜品就一般啦😂，裏面係幾香既椰汁，但燕窩同雪蛤既份量唔係好多 🤔，所以其實都唔係幾抵食
繼續閱讀
行街經過呢度，想飲杯飲品，就一於諗住懷念一下兒時回憶。喺許留山最當紅嘅時候，以前總會喺旺角同朋友一齊幫襯，一人一杯芒果嘢飲，開心又好味！！！嘢飲嘅款式同以前差唔多，黎得許留山當然要叫返芒果飲品啦！買一杯原價，第二杯半價我男朋友一人一杯，最期待嘅一刻竟然係最失望嘅開始，芒果味一啲都唔香甜，已經冇撈勻飲，但杯飲品可以用「淡」黎形容，唔係話冇味，但比起以前個味就真係淡.....左好多宜家質素真係差左好多，難怪宜家冇人幫襯。
繼續閱讀
夜晚行apm，忽然很想食甜品喎，就幫襯下好耐無食吧許留山啦。許留山嘅嘢飲就飲得多啦，但甜品就相對無咁多人有食過啦。觀塘呢間鋪店面真係好細好細，連張枱都細過人啊，唔單止要等位搭枱，真係肥少少都坐唔到。鋪頭好似人手好唔夠咁，我地入到鋪頭見都無空枱啦，就諗住等店員嚟安排我地搭邊張枱啦，但企左幾分鐘都完全無人理我地，真係有啲尷尬啊坐到入去嗌嘢食啦，可能鋪頭太細啦…店員貪方便直頭係鋪頭大大聲問你食咩，自己就對住部機咁直接打單，落單都唔洗望客……服務真係嘛嘛咋……多芒小丸子多芒撈河兩樣甜品基本上係一模一樣吧，除左一個係河一個係小丸子啦，所以我就一齊講啦。大家都知許留山吧招牌就係芒果嘅飲品同甜品。但係我覺得唔知係咪各別分店問題啦…我記得以前好食好多架，先講個芒果底啦，以前好濃芒果味架，而家就淡左好多咁。而家係芒果冰沙底，真係凍到入心又入肺啊…芒果可能唔啱季啦，有少少酸啦，但都合格嘅，小丸子同椰河都正常嘅，無咩特別。芒果糯米糍 好一般啦…糯米糍皮厚饀少，麻麻地啦。總評3樣嘢嚟講，我最最最最唔滿意嘅係呢間店極唔環保，堂食嘅嘢全部都係用膠碗啊…我本身諗緊呢啲可能會洗過重用幾次掛……nonono咁啱見到佢廚房開門大大個黑膠袋裝住哂呢啲膠碗，極唔環保，扣哂分。覺得就算鋪頭太洗無位洗碗都應該用紙碗代替啦…唉
繼續閱讀
前幾日大幾夜晚9點幾，諗住簡簡單單食個糖水，就同朋友決定食下許留山，點知水準差左勁多，食到勁唔開心😫😫😫環境又迫，野食又唔好食，職員又唔夠人手，仲要好唔環保😞😞大部分既甜品都用即棄碗放！！！匙同叉都係用膠😫😫我地叫左碗芒果小丸子，入面啲芒果好酸，食左一兩舊已經唔想食而士多啤梨凍餅係雪到結曬冰，硬到咬都咬唔到，似食緊舊冰咁😫😫😫而小丸子紫米露都係好一般，而且好甜😞😞😞😞😞
繼續閱讀