泰軒 (已結業)

最近見到泰軒有個廣告 ，凡午餐晚餐電話訂座全單有七折， 聽落又幾抵喎 咁就同兩位同事去試下啦， 點知去到侍應話係食夠500蚊全單才可以七折，啊原來如此！！😢心多多唔知食乜， 咁我哋就叫咗個海南雞飯 另外黃咖哩咖哩飯 ，串燒三兄弟， 蝦餅拼墨魚餅。 最好食就係個海南雞飯好香有雞味， 所謂串燒三兄弟就係雞，牛，豬肉 不過好硬好難食 蝦餅同墨魚餅就炸得好過火又多油食唔到蝦味同墨魚味 全部冇套餐要飲品就另加錢。 如加杯嘢都人均要成80蚊以上咁又覺得唔係幾抵囉。 況且食物好一般。 今時今日官塘好多選擇如果有五六個同事去食都ok,一定會過500蚊,全單七折咗咁就350蚊 ,不過佢哋有收加一㗎,串燒三兄弟

地點比較偏，於麗港城附近，所以都要係鴻圖道行一段路（行到盡頭！）我地下午一點去到，好好彩唔洗等位！我最鐘意「海南雞髀泡飯」，湯底味濃雞髀火候控制得好好，煮得超滑～唔鐘意食芫茜既記得落單前講定！個人認為普普通通，味道唔算出眾，但賣相靚。雙髀飯份量超多！女仔食可以兩人Share都OK當中無論「雞髀」定「豬髀」味道都唔錯，值得一試！朋友點的，無試過唔知味道勁受女士歡迎既「香芒糯米飯」，盛惠＄98！好大碟，要成班人一齊Share～芒果好甜，口感好好，糯米飯新鮮熱辣且軟熟！套餐全部都送埋餐湯同凍飲，一個套餐大約＄80（雙髀拼飯唔係套餐）

希望老闆可以正視員工服務質素，如因為落錯單而希望客人照樣硬食、或許礙於等候時間過長而減少客源的話則大為可惜。食物質素本身不俗，下次若再惠顧的話只好叫外賣代替了。

今日又是happy Friday ! 又要揾間未去過的地方試試。未到一點已經坐無虛席，一坐下來見到有冬陰公牛肉湯米，就立即決定刺激一下味蕾！份量很大，香噴噴熱辣辣，有大量肥牛和一粒牛丸及好大碗米粉！肥牛似在超級市場買到的，半肥瘦，味道一般。湯底看似好辣，但完全唔辣（好似叫台灣珍珠奶茶一樣————微微微甜），好濃的蕃茄味亦有泰國冬陰公味道。酸酸地又有新鮮蕃茄都幾開胃！

現 觀塘有好多唔同上樓既餐廳以西餐為多今次介紹既係泰菜呢間泰菜位於鴻圖道近大坑渠個邊呢間既菜式基本上試過咁多款 款款都唔差今次試左 青咖哩三文魚扒紅米飯個汁同係泰國食既一樣好食！但魚煎得適中 唔會過分熟導致好硬！正！係觀塘返工既朋友！要去試下！

週三，氣冷，晴。貌美同事帶吾等老人一嚐泰菜，該餐廳名泰軒，於觀塘工廠區末段，清幽。同事點了海南雞飯，我點了水門豬脾飯。片刻，上菜，察見雞皮似霓虹般鮮艷駭人，以我於南洋生活記憶，海南雞飯的油飯及雞皮只屬微黃。此雞飯味道平庸，肉質偏腍滑，未算出眾；醬料香辣醒神，不錯。飯米偏短欠米香，不敢恭維。奶茶質厚味淡，有待改善。豬脾肉質結實，味不俗但不算入味，惟老夫齒力已不及年輕人，費勁咀嚼，味道與泰國水門街豬脾相比實有不足，但尚算不俗－－多年前因成長之地排華暴動，與鄉里離鄉別井，曾有一段時間暫居於泰國。那年中國正值文革時期，吾等憂心而未敢踏足，故與同鄉結伴到泰國投靠親戚，短住曼谷，一心只望逃過一劫。記憶裡的水門街雞飯與豬脾飯總令人食指大動，肉嫩甜滑，香氣四溢，一絕。於泰國期間邂逅一女子，亂世之中，同是淪落人。伊人知書識禮，雖無沉魚落雁之色，眉梢眼角卻有動人之處，清秀脫俗，雙眸清凝，年輕同事稱其為「仙氣」，此非凡脫俗之語完美呈現伊人氣質，惜伊人之父不屑吾等市井俗人，一介務農莽夫又豈與其掌上明珠、大家閏秀匹配？伊人之父再三反對之下，自知與伊人有緣無份，黯然淡出，曲終人散，及後得悉當日伊人已隨夫到荷蘭，久

A group of 9 people for a birthday team lunch. Restaurant has enough space & environment is so far so good, not luxury but price is reasonable. Set lunch portion is huge and good to share the Thai style snack.Thai style spicy beef soup noodle - Not spicy at all, good for people who cannot eat too spicy. Beef in big portion for the noodle, enough for two people rather than one person. Ingredient of the soup is full and well cooked, taste in seafood and mushroom sauce in the soup, not really taste

是日來到公司附近的泰軒，同事平日喜歡到這裡因為不用等位，環境不錯又坐得舒適。可是，第一次到這裡午餐我小妹卻認為短時間不會再來的了先看餐牌，價錢於觀塘來說是中等，因為有點熱，小妹沒胃口吃飯了，因此點了海南雞湯粉。由於飲品要加8大元的關係，因此沒有加點飲品。同事的點餐都到了，而小妹卻等了又等，等了差不多半小時，終於禁不住要舉手催促服務員了，服務員爽快地說幫我查單追廚房，又過了10多分鐘，小妹又追了一次並說要取消單子了，服務員才說廚房漏單但現已在製作了，不可取消。OKOK，小妹一肚子氣的吃、心裡怒火中燒，大大口的嚥下，只覺湯粉沒有很熱的，也完全沒有意識要細味品嚐，對不起我的海南雞湯粉

是日午餐:蝦醬炒飯加蛋 ,店内環境寛濶,坐得舒適.連飲品八十多元,少少貴,其望什高,買相及香味也有,可惜......欠缺了最重要的"蝦醫"味...好像欠缺了炒飯的火喉,太濕,不夠乾身,整體不差,但不值八十多元.

在觀塘區工作，午飯時間，每間食店都坐满客人，見到這店人不太多，於是和同事選擇了這裡。原來這裡的價錢都比較貴，最終和同事也選擇了海南雞飯，海南雞還選了雞脾拼豬脾。大約十五分鐘後飯餸送到上枱，分量都比較多， 醬汁十分惹味，辣度十足。 可惜雞肉的質素一般，肉質不算滑， 雞皮比例比較多，雖然我也喜歡吃雞皮，但吃得太多感覺很heavy。豬脾吃下後，好像豬手的口感， 同樣也是皮的部分很多，而且還帶很多肥膏。油飯的顏色豐富，但欠缺雞油香味。總括味道不是太差，但兩個人吃了二百多元。

是日約了朋友午餐, 選址近近地, 就在大家的公司附近, 很便利的泰軒. 這裡環境是比較擠逼, 加上午市人客不少, 感覺比較焗促. 看看餐牌, 價位不算便宜, 其實更貼近不少泰菜的晚市水位, 當然, 在這區, 午市的市場才是王道.泰式炒金邊粉 $68: 7分, 吃泰菜, 我的心頭好是Phad Thai, 由當天在Pasadena的泰菜店開始也是如此. 是日吃到的, 水準是平均之上, 炒得不夠鑊氣, 但總算乾身, 金邊粉不會黐埋一住, 加上是幾香口的, 天氣炎熱, 吃吃金邊粉, 也是開胃的選擇.鹹檸七 $13: 飲品揀選了鹹檸七, 另加$13, 不過不算太大杯, 還是喜歡有一罐汽水份量的鹹檸七, 那才叫盡興.整體來講, 泰軒午市價位不便宜, 環境亦是一般, 不過食物水準尚算不俗, 在區內想吃泰菜的話, 這是個還可以的選擇.

朋友生日聚會地點，又遠又冇環境，去到得小貓三兩隻，冇氣氛，星期六晚如此清靜，嚇人！食物一般，唔係唔好食，係唔值。泰國餐廳香港多的是，食過更平更好亦有，每個餸亦一般一般，冇乜火花，最正係個汁，個個餸都配同一個酸辣汁，個汁係最出色。最入得囗係海南鷄，好滑又好嫩，不過又係要配個汁先好食，鷄味一般。仲有個羊黃咖哩亦可以叫好OK，不過本人覺得甜過頭。其餘亦十分一般，服務就更一般，朋友鈎咗三條鷄魚，煮煮要一百，合理嘅，不過開酒要一百、切蛋糕又要一百⋯⋯真係當我哋生魚咁擋！已經冇乜客，加$仲趕客！最後去咗第二度飲同切，本來會坐耐d，飲多幾個round，不過無氣氛又無得切蛋糕，無謂阻住人哋收工！我哋有飲酒，叫咗好多餸，不過無個個映，因實在好一般，二千幾埋單，位位三百，唔值！會唔會再嚟？唔會會唔會推介？唔會咁嘅價錢，更好有大把！

朋友介紹,地方唔算太難搵,上到去環境唔錯,比九龍城個D"四正",仲見到有一間房可以開PARTY種類同其他THAI餐廳差唔多,生蝦係必點項目,個汁有驚喜,酸辣惹味金柚鮮蝦沙律係朋友介紹,真係喜出望外,足料又新鮮冬陰公入面有好多料,對比下反而唔係好辣整體上其他嘢食都好好味,係絕對會再去食多幾次

專誠開個open rice account來寫呢個食評，希望少D人中招，今曰中午和同事一行六人來這裡食Lunch，叫左冬陰公肥牛金邊粉，上枱時目測還可以，但一食落D牛肉好似橡膠一樣，唔駛講，即刻換，諗住試吓虾可能好少少，點知都出事，D虾大就大嘞！但係似用清水㷛熟，完全冇冬陰公的味道，又死實咬了一半已經食唔到！又有腥臭。但今次算了，冇再要求更换，當買佪教訓啦!總結就係貴夾難食！

除夕加上結婚週年，為左避開倒數既人潮，我地揀左黎呢間名不經傳既泰國菜館慶祝。餐廳位處觀塘工業區近麗港城附近，由ＡＰＭ步行都要10-15分鐘，地點唔太方便，但見先幾日報紙介紹就黎試下。亦可能因為唔就腳，當日先訂位都仲有。冇諗到除夕夜都唔滿座，我地八點黎到只係得三枱客人，人少正合我地心意，但以為可以靜靜地傾下計時，VIP房傳黎一陣卡拉OK之聲，全部係懷舊金曲，難免破壞雅興！強烈建議改善隔音！講返食物，原本除夕有個套餐，我地睇過唔太岩食就另外散叫。叫左一個自選組合A+B+C，有燒豬頸肉沙律，藕片二重奏，水門豬脾浸芥蘭，另外加多個招牌冬蔭湯浸小籠包同泰皇咖喱海鮮炒飯。燒豬頸肉沙律（燒豬頸肉爽口唔靱，加埋大量沙律配菜，酸酸甜甜十分開胃，而少少辣亦係一般人可以接受既程度）冬蔭湯浸小籠包（呢味Fusion菜好有新意，酸辣既冬蔭湯正好代替平時既醋，帶出小籠包既鮮味，唯美中不足係小籠包皮偏厚，但同時亦比較飽肚）水門豬脾浸芥蘭（平時好少食豬脾，怕佢太肥膩，但呢度既豬脾皮爽肉滑，入味口感佳，墊底既芥蘭剛好中和食肉既飽滞感，值得一試）藕片二重奏（用蝦膠同鯪魚膠釀既藕片炸成黃香脆既多士狀，香口唔腥，可惜只有六件