23
14
3
港鐵觀塘站 B2 出口, 步行約3分鐘
繼續閱讀
營業時間
星期一至日
07:00 - 22:00
以上資料只供參考, 請與餐廳確認詳情
同同學仔放lunch喺觀塘搵食，㨂左呢間茶餐廳，因為有大圓枱可以夠一大班人食埋一齊！食物都唔錯，我食果個鹽香雞好夠味！但係服務就一般啦，我地坐個位頭頂開住風扇，我地就問侍應，可唔可以關左去，因為吹住好凍而且吹凍曬d食物，侍應姐姐話唔得，關左的話餐廳會好侷，我地問咁可唔可以開另一把（因為見到有d細枱位既風扇冇開）侍應講左句幫我地問下，走左之後就冇返過黎！
繼續閱讀
餐廳乾淨企理，冷氣充足，有卡位及圓枱。 今晚到這裏吃晚餐。小炒系列餐牌，其中有招牌咖哩牛腩， 點咗這一款招牌菜，有軟腍的牛筋，有非常入味的牛腩， 與薯仔的配搭，真的很美味！微微的辣度，好香咖哩味， 而且夠份量，盛載咖哩牛腩的雙耳鍋子好保熱， 所以真的幾好。蝦醬通菜炒牛肉，有牛肉又有菜，再加上少許紅椒絲、薑片，蝦醬更令食物提升惹味效果！嚐嚐奶茶先， 幼滑， 紅茶及奶的比例合適，好好飲，銀色奶茶杯的賣相亦有小小講究。餐廳亦有各式各樣炒飯、炒粉同炒麪， 下午茶餐等等……
繼續閱讀
尋日行開觀塘，兜兜轉轉搵到呢間係個商業大廈一樓，觀塘區想揾一間類似呢 d 餐廳都唔多，就試下呢間，叫咗個椒鹽豬扒都足料及夠入咩，還叫一個通菜煲，有蝦醬味但比較淡 d, 如果叫任何個小菜套餐就可優惠 $10 可以揀個鹽香雞或個黃立倉魚，揀咗鹽香雞都 ok. Overall 佢嘅小菜及價錢都合理。
繼續閱讀
假期最後一日，#小秘書 打算早啲返屋企，準備心情聽日開工。臨走前，我哋先去 #小廚港作 食個 #下午茶、吹吓水，順便買個 #飯盒 比 #世伯 做 #晚餐😝 咁一陣就唔使搞啦！幫襯過咁多次，#小秘書 都係覺得 #師傅 嘅 炒粉麵最出色👍🏻 今日我叫咗碟 #豬排炒意粉 🍝 當然唔少得 #凍檸茶🍋 做配搭啦！#小秘書 等咗大概十分鐘，#豬排炒意粉 終於煮起，相比起我對上一次幫襯嘅 #乾炒牛河，味道真係爭咁啲。意粉味道比較淡，而且都幾多油，豬排亦煎得乾咗啲，不過加埋凍飲都係$40，算係超值喇！
繼續閱讀
門面既玻璃已經寫左佢地既食物招牌！都有好多唔同野食！餐廳環境多位又舒適！若是午餐經常都要排隊等位的！午餐價錢還很化算... 今天個囡囡在對面東廣場下午十二點多放學，尚有時間。十一點來到了這餐廳⋯⋯寫字樓全部上哂班，所以環境相當寜靜！得小貓幾隻，我就是其中一隻！本來想吃早餐.......剛剛見到枱面已換上了午餐牌！黑松露鮮菌雞柳大蝦意粉！敬送即磨咖啡。又幾吸引，所以改變主意吃午餐⋯⋯黑松露意粉香上枱香氣四溢。鮮菌雞柳同意大利粉煮得幾creamy。三隻中蝦啲蝦肉幾彈牙。意粉本身乾身,質地爽口。可惜是黑松露望落去不太多..食落亦沒有香濃的黑松露味道.我加上少少美極調味。令整個意粉的味道層次更為豐富。不過整體份理略嫌細份咗啲。三扒兩撥好快就食哂....咖啡香濃又多奶，熱度十足。坐到十二點閞始多客便埋單走人。一客意粉收$45，價錢都唔平。同區午餐通常有埋餐湯同熱飲⋯⋯但食落知佢貨真價實⋯⋯所以都幫襯好多次！
繼續閱讀