好味王 (已結業)

我們晚上7:30到, 要9:30才入座, 連比比票的counter也close了, 餓到暈! 說只等2張桌子, 但沒說明是大的或小的, 以為很快, 最後才入座! 很忿怒!在等位期間已選好要點的菜, 好等入座後不要等太久, 所點之食物其中有牛肉, 食了一半, 部長說伙計放錯位置, 出來吃飯尋開心, 別讓伙計沒了一天的工錢,要算我們錢, 因是五星級牛肉, 承惠HK$138!我們說做錯事承擔後果是理所當然的, 之後才說計我們三星級牛肉HK$118, 並送果盤, 只有6片西瓜及一個小橙, 激氣! 以後也不幫親!

燒排骨乳豬飯$28啱啱開嗰時都覺得唔差，又有燒排骨食見咁耐冇食，再試吓先，點知除咗個例湯之外，冇樣好食燒排骨冇肉味，醃得唔入味，唔香乳豬冇肉味，冇調料味，塊皮係脆但都係唔香真係好懷念以前（觀塘廣場）間《德興》嗰啲燒味，燒肉同乳豬好入味，皮脆肉香，可惜執咗好耐

星期日地盤都要開工仲要走到老遠鑽地，真不人道，收工搭車去番官塘開餐﹗早餐都未食個肚打哂鼓，睇睇餐牌諗住叫午餐點知午餐又賣哂，是鬼旦之下要左個四寶飯﹗四寶包括叉燒、油雞、鹹蛋仲有紅腸。叉燒偏瘦本身十分岩我脾胃，可惜的是佢十分之乾，咬落仲有0的韌，不合格﹗油雞滑而香，皮下脂肪不會成呎厚，唔錯﹗紅腸不用評，鹹蛋乾爭爭沒半點黃油。成個飯吃完之後口渴得要命，應該是個例湯味精同食物豉油的問題，寫食評時已是下午五時口腔仍有那麼要喝水的感覺很辛苦，不會再來了﹗

今日去左好味王食早餐~ 第一次黎~入到去都幾大間好多張檯但係張張都有一至兩個人 (中間d圓檯好大張)最終搭檯坐左car位car位都幾舒服~最意外係每個car位都有電視睇~ 朝早可以睇下新聞都幾好~發現早餐都幾多選擇有typical既荼餐廳早餐之外仲有粥有盅飯~都係$20一個餐~ (凍飲 +$2)仲有d粉麵 e.g.牛腩河 () , 不過就唔係好多款~ 依d就$18一個餐~叫左個最最typical既早餐~腿通 + 腸蛋 + 牛油包 + 凍奶茶~d野黎到真係嚇親~因為碗腿通係搵大果d湯麵碗裝既~ 份量大概係普通快餐店早餐果d既2倍....所以作為女仔既我食左半碗就食唔晒la~ 不過真係幾抵~!整體黎講~味道方面個早餐都係不過不失~ 都係平時會食到正常既味道~

去開觀塘工業區問o係o個頭返工既細佬有咩好食佢叫我地去好味皇打邊爐未去前以為係荼餐廳/飯堂去到發覺d裝修都幾ok地方闊落,卡位仲有lcd tv不過坐得太近睇會一擘野咁要坐開d至得張餐單睇落都唔太貴正常時段比蹈x,美x,明x o個d平叫左個四川麻辣湯底味唔錯,冇小肥羊咁辣,不過都夠味2個人送一碟3星手切牛送既冇乜期望,不過不失比起明x既大x樂牛扒形手切牛已經好好多仲叫左蘿蔔 (索哂味最尾食好正)野生竹笙 (唔太黑冇咩爛算ok)帶子兩大隻 (唔夠新鮮,麻麻地)基圍蝦 (本來叫海中蝦,但賣哂轉呢個,都有蝦味d肉唔差)芝士腸 (以為會爆芝士汁,點知只有芝士味,有d失望,不過都ok好味既)野食都算正常水準,可以再黎,叫左杯青檸梳打都幾大杯睇住電視食o下食o下都食左2個鐘呢度冇酒牌,所以有張外賣紙要自己打電話去隔離士多order啤酒不過都好快送到,仲好夠凍埋單兩人$180(未計外賣啤酒)正價時段逐碟叫黎計算係幾抵下次可能會試4/5星肥牛睇o下有咩分別

環境很大﹐但這裡和這區內的所有飯堂有同一毛病﹐就是仕應數目絕對不能應付全場爆滿的食客。 很多食客都像小學生般舉起手而等侯店員心情覺得應該行埋來時才有服務。 他們的快趣餐都有煲仔飯選擇﹐下次會試試其質素真的是否如以下食評所說的已改善。是日叫了脆玉瓜雞件飯 - 飯與餸是分開上。脆玉瓜雞件在一兜很杰的’獻‘汁內﹐因真的不想吃得太多味精的關係﹐所以只好把瓜和雞拿出。 雞肉份量不多﹐所以整兜脆玉瓜雞件的份量都不夠用來送白飯。味道不過不失﹐和同區的飯堂差不多﹐但環境總算好過附近的多間飯堂。

同朋友打完波一行8人去晚飯,埋單盛惠1100,即每人150 (仲要係九點後入座計至平D喎)對我來說,打邊爐有兩款,一係100元以下自助係食個隻,咁你的要求只限於一般食物,配無限食量. 另一款就係唔理價錢,但一定要靚, 可惜佢連自助任食都不如,但價錢又貴過佢點知佢兩樣都唔係,環境正常,但其他就好唔掂:豬骨湯底- 如水一般,無料,湯無味主打牛專家- 叫左$128一碟的5星肥牛(正常大小)一D牛味都無論免費肥牛- 當然更加唔似牛,無牛味無口感,且好難咬牛脷托- 好似放左一段時間,個邊黑晒軟晒食具- 用來盛魚皮的籃好污濁,根本應多放張紙隔一下,否則好唔衞生服敄唔好食到一肚氣,有下次啦, 真係廣告信唔過!

多多少少因為賣左告白先黎.21:00前碟碟$6.8起,果然真係'起'.......好難揀得落手...........- 肥牛粒,千其唔好叫,好un,份量少,切得勁唔平均,出面大把地方好過佢.- 腐皮,又係唔好味之選;通常,出面果d少ge話6三五秒左右就ok,呢度就要6好耐,如果,唔6林的,又好膠feel.- 3星肥牛普普通通,期望5星肥牛.由於火鍋配料價錢唔吸引又唔係特別好食,所以叫左2個煲仔飯黎醫肚,每個$13.8. 份量不太多,但還可接受. 味道就唔錯.服務,侍應一係唔醒目,一係就撞聾,一係就懶懶的樣子,唯經理比較認真.講左好多負面野,但好多未食ge野好似都唔錯,例如5星牛,頂殼羔蟹,魚皮,還有機一試,加上環境還不錯,坐得幾舒服,所以唔洗俾"咸臉"啦!

係觀塘工作好幾年講真近年已經少去好味王食晏不過前兩星期去返發覺有返進步1. 午餐套餐價錢已經回落, 之前普通牛扒腸仔飯都夠膽收人38蚊一個餐, 而家回落至33~34蚊啦, 幫趁佢都無咁唔gur.2. 煲仔飯真係改善左, 日日唔同款, 飯亦無咁濕, 我唔喜歡食太濕既煲仔飯.3. 發覺侍應已經唔再搵果o的Y世代後生仔女來做, 而搵一O的成熟一O的既阿姐. 十叫九唔應, 落錯單, 送錯野, 或者落左單等半個鐘都無野來的情況已經好少.個老世似乎搵到佢路向, 唔再覺得只有夜晚火鍋重要, 其實下晝做壞佢個名都唔多好啦. 講真佢燒味做得好過金運來, 煲仔飯做得好過金飯碗, 就唔洗擔心客源.不過夜晚打邊爐, 我仍然唔打算幫趁佢住, 因為佢以前係唔會幫客換碟O既. O的骨堆晒係碟上既情景仍記憶猶新. 要打邊爐亦唔係無選擇, 遲下先幫趁佢啦.

打邊爐首重水要滾，但係d水煲了十五分鐘才開始微滾，整晚都未試過大滾，攪到我最"慶"對送0既牛肉無期望，但對$24.8八粒的貢丸及龍蝦丸有期望應絕不為過，偏偏超級失望，d丸一d都唔彈牙，唔爽的還有牛栢葉至於生菜及紹菜算是中等，但係因為個湯完全無味，沙爹唔香，粟米甘荀唔甜，於是連菜都唔好食....最好食的....好似係鼓油......即使附送大電視煲劇.....都補不了整肚氣

朋友介紹呢度食火鍋, 都真係好得.超正:炸魚皮 - 好脆, 好香, 一定係用上等材料製造, 完成冇油腥味. 放落火鍋滾一滾就食, 非常掂.象拔蚌刺身 - 用碎冰上, 好新鮮, 好爽, 我鍾意就咁食,我朋友就鍾意灼熟黎食. 灼熟食口感似水發魷魚.正:魚滑 - 如其名, 有魚味, 夠滑, 又唔腥.一般:蝦茸麵 - 彈牙 對唔住, 本人唔鍾意意食太彈牙既麵. 鍾意夠彈牙麵既朋友, 你一定要試.三星牛肉 - 冇咩牛味, 可能係因為送既, 朋友話五星牛肉好味, 下次再試服務都ok呀, 一叫就會有人應你.朋友話呢度D煲仔飯都好正, 但今次太飽冇叫, 下次一定試.

話說今日攞左部相機來呢度附近整，整完之後肚餓見呢度有下午茶就鼠左入來喇﹗點左個叉鵝瀨，再配番杯凍啡﹗叉燒切得細細粒，怪怪的，味道只是一般，看落已知肥得很，有幾粒直頭係唔食得全肥來的﹗麻麻﹗鵝又係，0的皮連埋0的肥膏仲多過0的骨及肉，明顯是不多肉的位置﹗瀨粉不彈牙，腍得有點似米線，連呢樣都差真係唔多高興﹗很麻麻，那麼多人讚也許火鍋做得好吧﹗

同bf係觀塘食下午茶我叫左個香茅雞翼河,bf叫左個燒味雙拼河(要左燒鵝+叉燒)香茅雞翼河: 個湯底好好味,d味會濃d,雞翼就有一隻係熟,有隻唔熟=(overall: 都ok,幾好食 $18算ok la燒鵝+叉燒雙拼河: 記得呢度係出名食燒味既,所以一定要食呀^^個燒鵝真係好食,好多肉,但叉燒就一般la,唔夠甜呀,唔夠多蜜汁個面$22以為恬度要叫埋單既,所以就叫左個manager行埋黎,但點知俾佢寸話出面都有得埋單呀,d語氣勁唔好如果頂得順d語氣既,都算食得過

果日同MAN 兩個人去吃, 即晚BOOK 位, OKAY WOR去到有卡位, 有電視睇. VERY GOOD ~邊個話兩個人唔打得架??我地叫左芋絲(MY LOVER), 豆苗豆苗, 鯇魚片(正), 冬瓜片(YEAH), 粟米(YUMMY), 珊瑚X, 羊肉, 牛肉(送架 : O), 燙底仲有蕃茄, 薯仔... 仲叫左支BLUE GIRL好美味!有時辛苦之後要食餐好架真係!!!!!!

昨晚飯同老友一行３人到此開餐，原來係火鍋店．日頭係茶餐廳，真係多元化．7:00PM到，唔洗等直接入座，點了個醉雞鍋底先（幾好味），其他都係例牌嘢：牛肉、丸類、菜、菇、生根、豆腐、肉蚧．．．．．．等，但啤酒要自己打電話外賣入來（無酒牌啦）．8:00pm就滿哂人了，坐卡位好ｄ，有獨立LCD TV ．食物都係ｏｋ．無飲酒，埋計$520,食大咗