5
0
1
港鐵觀塘站 D4 出口, 步行約1分鐘
繼續閱讀
附加資料
View 8 Fire Club ，一個理想"食"嘅地方，超過30款BBQ美食嘆為觀止，兩層活動空間，頂層以簡約嘅格調及舒適嘅環境給大家聚會及派對，而連接天台給大家BBQ樂之享受！
營業時間
星期一至日
19:00 - 01:00
以上資料只供參考, 請與餐廳確認詳情
今日上去bbq，原本見到食評以為覺得👌，上到去先知道同預期中有好大落差，一行到上去天台已經覺得一個好細既空間但就逼滿好多個爐同人，空間逼都算，重要野食選擇不多，質素也不高，我同我班fd完全覺得係俾$238只係食普通雞翼金菇同魚蛋等等食品，同樣價錢拎呢個價去食大喜屋/日燒/韓燒都相信會正好多野食比較廉價都算，俾人地拎曬d野食，三個字過左都唔refill，成個冰箱一半野食都係空既，想食隻雞翼都冇，幾個人喺到share兩隻雞翼... 落到樓下唱k下面成班職員喺到食煙，支mic又較到勁細聲，玩大富翁d牌又唔齊，我同d fd去赤柱惠康每人買$100都唔洗都絕對可以食得好過今晚
繼續閱讀
呢間野，未幫襯已"著火"！！！就係知道節日價錢可能有唔同，先問清楚，好簡單講明邊日，問幾錢？俾一大段例牌資料我，當中包括平日同假日既價錢，咁我仲以為自己明知故問，好有禮貌咁講sorry，點知反而串我『看見“節日另議“四個字嗎？』我一開頭咪就係問緊價錢囉，日期俾晒，仲要串人，呢啲係咩態度，再問多句，先講另一個價錢，完全無係個段資料提及過既價錢，話佢離譜，之後打完場咁話『反正都滿座』！咩事呀你~~~~~係咪滿座，太多生意，就咁對啲客？！唔休做都唔係咁架，唔使錢我都唔會幫襯，離晒譜！！！
繼續閱讀
好開心中秋節果晚天氣咁好，之前book左BBQ都勁驚，天文台又話打風又話橫風橫雨，好在最後都天朗氣清，一大班人可以喺觀塘市區工廈入面BBQ實在好方便，因為唔係個個朋友間公司都咁有良心有得早走，有D朋友無得早走，收7、8點都可以嚟join，唔會太夜，又唔洗山長水遠入赤柱或西貢，so good！估唔到市區可以有咁大既BBQ場，問問負責人話天台燒烤場連室內有成6000呎!!! 當晚係BBQ自助放題，可以任食、任飲、任玩6粒鐘！之前嚟過一次覺得D野食幾好味，雞翼、豬扒、牛扒、魷魚、腸仔等等大路食物應有盡有，丸類亦唔少，味道亦有水準，唔會因為任食就求其hea畀你，特別要讚下有錫紙提供比你包粟米、金菇同蕃薯，仲好細心有埋牛油添，你知無牛油個味會爭幾遠！另一開心位係雪糕任食，比起上次，今次新增左5款口味雪糕任食，食完熱氣野狂食雪糕是常識吧！當晚天氣唔算好熱，不過呢度都有大牛角扇，所以都唔洗怕熱。
繼續閱讀
星期六gathering約左去觀塘呢間bbq!野食款式唔算多，但係真係好好味！魷魚，雞翼，豬扒，腸仔，牛扒等等，仲有金菇，蕃薯，粟米都可以搽牛油，再用石紙包埋燒！野飲任拎！仲有專人幫你加炭😗我地仲叫左扇具，$18一隻，好抵，仲有蒜蓉任加😛！特別中意佢地既雞翼，有分辣同唔辣，辣味果陣真係非一般既辣。魷魚都經佢地醃製過，所以唔洗點加調味料已經好好食！最輕重要係燒到11點都仲可以落去室內坐低飲野傾計，唱k，玩紙牌！下次一定會再黎！
繼續閱讀
今晚跟同事廿多人上去，本以聚會為主，食物其次。没想到食味質素很好，工作人員説是自己㕑房調味的，我地都同意這兒的食物没有其他燒烤店的重味精或偏咸，失了食物的原味，底讚- 叉燒粒-這是第三次品嘗，叉燒本身只帶少許肥肉有助得更香軟，醬汁的顏色也没有過份的橙紅，恰到好處- 多春魚-必食，店里提供比較大條及相當肥美- 雞翼-這兒提供兩種口味，其中一種有點辣，好味- 蒜蓉飽-用的是法式長麵包切薄片，並已細心涂上適當的蒜蓉牛油，如果喜歡多點牛油烤得香點，店内也都免費提供- 丸丸-三四種常見的牛丸魚蛋，質素也蠻可靠店内另有加費食味，如虎蝦、羊架等，可以的話下次再去試下另外特别值得讚許的是飲品無限免費提供，這是燒烤以外最體貼的服務，值得再去。
繼續閱讀