64
45
36
電話號碼
26418029
特色
適合駕駛人士
營業時間
今日營業
12:00 - 00:00
星期一至六
12:00 - 00:00
星期日
11:30 - 00:00
公眾假期
11:30 - 00:00
以上資料只供參考, 請與餐廳確認詳情
食家推介
「西沙茶座」對我來說從來都只是一個浪漫的傳說！以前總覺得要有個心儀的男生開車帶我去先算圓滿…🤣時至今日學會開車亂逛，花多眼亂的選擇中，早就遺忘了這個大家口中的老地方。下午茶時間，經過西沙，餓鬼呼召，方圓幾里內的選擇不多，西貢市中心好似有點遠；馬鞍山聞名的美食沙漠，清一色連鎖品牌…見到「西沙茶座」依然穩坐榜首，又有車位！我決定「一個人浪漫」！我知！我知！好多人狠狠地評價大不如前，三餸飯質素…但我真係好想試🤣結果一去到見到的確伶丁！😳午餐有一半都係類似茶餐廳燒味飯的東東…得一兩個稱得上泰菜的肉碎炒飯同白咖喱…我認我今次大膽左少少…🙃結果我好穩陣地揀左個陀地之選「乳豬燒鵝飯」，叫的時候，老闆娘話個鵝係琵琶鵝，會比較靭，建議海南雞。結果…我知！老闆娘話海南雞好食啲嘛！🤣黎到的確有啲驚喜！好耐無見過咁足料的碟頭飯！乳豬應該唔係BB豬，最多俾佢叫小學豬🐷《味道》小學豬同琵琶鵝的皮係絕對燒得鬆脆！乳豬：介乎乳豬同燒肉中間的質感😎，確實出面又未食過喎～值得一試琵琶鵝：肉質會比較煙靭，始終不容易整，中規中矩，個醬撈飯幾好。不明所以係點解會無乳豬醬，俾左個辣椒油同甜酸醬？！食得出係自家製有驚喜，不過無個乳豬醬唔係好夠圓滿😝《價格》我知你地個個話呢間偏貴！咁lunch 黎講，$75 一碟有乳豬、有鵝，出面最少要$90-$140/碟；仲有無限例湯喎～價錢其實好合理🥸**聽到老闆娘同客人講「淨飲唔叫嘢食都得架」，已經係無價。呢種直率熱情的餐廳真係買少見少！—————泰菜未正式試到，叫個碟頭飯一個人浪漫，中午坐得舒服又無人趕，聽下啲蟬演奏，都係一種幸福！
繼續閱讀
今次我嚟到西沙茶座，打算歎個不一樣的晚餐。首先，炸蝦餅外脆內軟，唔夠「爽口」但勁夠蝦味。菠蘿焗飯，豐富嘅腰果跟臘腸嘅香氣，真係夾得好溝，入口即化嘅熱辣辣糯米飯同超甜嘅芒果，當正！香葉炒豬碎肉，鮮嫩肉碎包在脆生菜入面，味道夠晒清新喺口面爆發。再嚟個魚露生蝦，慢慢把呢啲新鮮蝦肉配上最啱食嘅魚露，再嚟個微辣刺激，正！北印度咖哩羊肉呢，正所謂辣得過癮，羊肉嫩滑，飽滿嘅咖哩汁流啲過癮。至於飲品，椰青真係清甜得嚟重解渴，士多啤梨奶昔味道平衡得好好，冇得輸！整體嚟講，西沙茶座嘅泰印料理有驚喜，舒適嘅環境加埋款款美食，真係令人開懷！跟朋友來個開懷暢聚，定同家人享受一個愜意晚餐，都算係Top選擇，隨便啲都會想再黎！👌🍍🌶️
繼續閱讀
即叫即燒脆皮乳豬、即叫即燒脆皮燒雞、即叫即燒又腍又香嘅叉燒，燒味三寶無得頂！好有誠意，無諗過送嘅燒乳豬同燒雞，冇揸流攤之外，仲咁優質🤩明爐烏頭🐟堅有明火燒住上枱，淡淡青檸，突出咗烏頭魚肉嘅鮮甜，仲好細心咁配埋個上湯，唔怕燒燒下燒乾水😊印度烤餅：今次試咗牛油烤餅、蒜蓉烤餅、香蕉烤餅，有人愛香蕉烤餅，又有人愛蒜蓉烤餅，我就鍾意牛油烤餅，烤得啱啱好，餅底脆、餅面既煙韌又軟熟😎大蝦炒飯嘅鮮蝦又大又爽、炒飯粒粒乾身唔油👍🏻海鮮芋頭炒飯嘅芋頭唔會太腍，好香好味😋馬拉盞炒椰菜苗好甜好香、唔油唔膩😊馬拉盞炒通菜又甜又爽，冇渣好味🤤泰式甜品拼盤又係送嘅，有斑蘭椰汁糕、芒果糯米飯、椰汁西米糕、蛋花大菜糕，唔太甜，恰到好處😃🥳即刻又約定再去食先得！
繼續閱讀
疫情前經常幫襯西沙茶座，突然想再嚟幫襯，但各方面已大不如前。 露天茶座景觀已今時不同往日，餐廳外的西沙整有道路工程多時當然比以前更多沙塵飄揚，露天坐位當然不建議，吸煙人士不介意除外。食物質素亦差了很多，不知是否與餐廳主事人轉了和廚師轉了有關，餐牌上寫的椰青焗飯原來不是焗飯，只是將啲飯整熟後放入椰青內，一位餐廳內的主事人知道後亦承認沒有焗只是放入椰青殼內，咁點解餐牌的中英文都是寫焗呢，餐飲的芋頭焗飯又不是焗飯嗎？其他食物質素亦不太好，不知是否與較少顧客幫襯有關。價錢已偏貴，綜合各方面原因，想不到下次再光顧的原因。再想想，怪不得假日只見三四枱食客，港人北上熱潮不是沒原因。
繼續閱讀
今天我們一行八人在西貢企嶺下附近遠足，有人建議去西貢近泥涌的「西沙茶座」午膳。以前曾經光顧這間餐廳，覺得周圍環境不錯，頗有外國風情feel! 於是大家就決定去這𥚃。這次發現𥚃面已重新裝修，感覺環境比以前舒適多了，也有戶外露天座位，而菜式也有所增加，主打仍然是印度泰國菜為主，現在加了燒臘及煲仔飯等香港人喜歡的菜式。原來餐廳換了主持人！今天抱着嘗試的心情點了：即燒乳豬（剛巧有現賣，需預訂)，燒鵝，叉燒，泰式串燒，生菜包，臘味煲仔飯，椰子燉雞湯等等！有驚喜！ 所有的食物都非常有水準，特別是即燒乳豬及燒鹅，味道超贊，大家大快朵頤暢快地享受了一頓美味和豐富的午餐！我下次一定會帶朋友再來分享美味，這𥚃菜式價錢及水準都超值，值得推荐！另外值得表揚是店内所有的服務員（侍應）都非常專業介绍莱式及態度親切，讓我們有賓至如歸的感覺。
繼續閱讀