22
12
4
港鐵香港大學站 C2 出口, 步行約1分鐘
繼續閱讀
附加資料
無肉餐單詳情：每天供應多款素食菜式
營業時間
星期一至日
12:00 - 23:00
以上資料只供參考, 請與餐廳確認詳情
人是貪心的動物，一張免費食物優惠卷把我領到此店。 炸蝦春卷，一客四條，新鮮即炸，熱乎乎的，不太油，伴酸甜醬上抬。 春卷皮很脆，索索有聲。每條春卷的餡料都有一隻彈牙的蝦、一𢇁紅蘿蔔、一條芹菜，簡單利落，沒一點多餘的配料，沾點酸甜醬，蝦味突出，非常討好。 加要了一客軟殼蟹芒果米紙卷，賣相不俗。目測應有一隻軟殼蟹。兩條粗壯的米紙卷，對半切開，雖彼此相依，但無黐黐纏纏，一夾就分開。 粉皮一點都不靭，一咬就開。軟殼蟹即炸，保有體溫，與春卷一樣，都有不油的優點。芒果應是鮮切的，很甜。裹著的生菜也不馬虎，爽脆可口。 貪心無帶來中伏感覺，非常快樂。
繼續閱讀
今日天氣較涼又有雨, 早上六点摸黑起床去維園湊熱鬧, 因一年一度馬拉松賽又舉行了. 今年参賽人數比往年更多. 我和朋友只作陪跑性質参加半馬高興下. 以我們的速度花上個半小時便跑完, 但衫, 鞋都濕透了. 立即回家冲個熱水浴, 稍吃了碗快速公仔麪便上床休息睡一睡.Oh! 一覺醒來己是五点半, 感覺舒服哂! 立即穿衣服去行街吃晚餐. 選了西環西寶城商場內的泰國香辣屋, 因為顧客泊車有免費優惠. 好彩有訂位, 此餐廳常常客滿. 大家喜歡這間餐廳裝修得好, 有傳統泰國風味, 入門有泰國佛像歡迎客人, 牆上有大象圖畫, 樓底很高, 內置閣樓, 座位很闊落, 方便客人談天說地.侍應生有禮, 安排好座位便問要熱茶或是水, 又立即送上眼餐牌, 抵贊.我們橫掃一眼餐牌, 也慣例先点了至愛: 泰式炸蝦卷, 廚師手勢好, 卷末端見蝦尾, 顏色炸至金黃, 皮脆可口, 內餡蝦肉大粒又鮮甜, 很爽口. 配來甜酸汁, 好味人見人愛.下一款是煎蠔餅, 用鐵板上檯, 好睇又夠熱, 特別今晚天氣凍, 加強保溫, 無選錯. 蠔仔大粒又鮮味, 配煎蛋, 香蔥, 紅椒, 可口. 廚師真聰明, 加了椰菜托底, 防了入口太油膩. 隨着是印尼咖喱牛腩牛筋, 有香濃椰汁味, 牛腩牛筋煮得很淋, 只是份量少. 配菜有薯仔, 洋蔥, 紅蘿蔔絲, 咖喱不是太辣但很入味. 我們叫了一碗白飯 及 傳統的油酥餅去拚吃, 果然頂瓜瓜, 只是油酥餅較細塊, 而餅身稍硬, 美中不足. 再叫了一客 黑椒蓮藕豬手, 只賣 $88, 是枱上 Promotion card 推介, 我們要試. 此菜式用鍋仔上檯, 也是夠熱加賣相不錯. 豬手燒淨豬毛, 炆得很淋滑又入味, 配菜有冬菇, 紅辣椒, 紅蘿蔔絲, 香蔥絲, 薯仔, 睇落都幾好, 並有蓮藕片墊底, 減少油膩, 黑椒味重而調味不太鹹，適中. 好食!吃的中途, 侍應不停替我們加茶, 加水. 很客氣, 這種服務, 優質. 值得再來.
繼續閱讀
到西環探望鄭伯伯，因接近午膳時間，索性約他們到附近吃飯，屬意的酒樓排隊人多，遂轉移到這間餐廳，祇是怕菜式不合他們口胃。餐廳非常濶落，大多用木器，座位頗舒適，裝飾以泰國主題為主，午市有套餐供應，可選小菜一款連咖啡或茶，我們五人，選了三款套餐，另加兩單點。雖然是東南亞餐廳，所點三款套餐，與中餐無異：蒜蓉雜菌炒雞柳，除雞柳外，有西芹，蜜糖豆，草菇，金菇，秀珍菇，木耳等，配一碗白飯，雞柳是急凍雞髀肉，靠蒜蓉來提味，喜歡有雜菌蔬菜等，有益健康。薑汁木耳炒排骨，薑汁有益健康，排骨上了粉炸過，很香脆，排骨肉夠腍，有青紅椒，洋蔥，冬菇等，當然少不了木耳，這麼多材料送一碗碗飯，絕無問題。蒜蓉蜜糖豆炒魚柳，魚柳亦是上粉炸過，雞髀菇，蜜糖豆，咁多蔬菜，好健康，魚柳唔腥，收貨！點這碟印尼炒貴刁，打算給鄭伯伯的印尼姐姐吃，因印尼是回教國家，不吃豬肉的，這個標榜是印尼炒貴刁卻有豬肉，感覺怪怪的，雖然炒得不錯，有芽菜，蛋絲，肉片，但必需顧及客人宗教信仰，以免有失。越式生牛肉湯河粉，有肥牛，瓜甫，但金不換呢？咖啡普通而已！
繼續閱讀
完左大學既活動後，我同同學一齊去到附近既餐廳食晚飯。因為自己鍾意食泰國菜，所以都好期待。掀開餐牌，食物的種類都好多，但價錢唔算好便宜 (因為冇飲品跟餐，要額外加錢)。最後點左一啲特別小小既食物，分別有椰汁海鮮飯&媽媽麵。椰汁海鮮飯放在一整個椰子上面，非常有風味，而且入面的海鮮有青口及蝦，都尚算足料，椰汁香濃，而且入面既飯粒粒分明，仲吸收左少少椰子既香味所以我地都好滿意呢個飯。呢個飯份量不少，叫黎Share食就最岩但系由於呢個飯用椰子裝住，亦都比較滿，所以食起上黎都比較"論盡"，唔系甘方便。系餐牌上見到媽媽麵都真系唔知系咩，而且餐牌亦冇提供圖片，所以好奇心驅使下就去嘗試一下啦但系，當見到"媽媽麵"既本尊後，我地已經即時好後悔，因為呢個麵根本與同普通既公仔麵冇咩分別，雖然味道尚可，但系我地卻因為佢毫不特別而覺得唔系太划算。
繼續閱讀
第一次去食香辣屋的下午茶! 估不到星期日都有~ 這間分店都幾大, 而且裝修有特色~ 圓枱, 方枱, 卡位都有!中價下午茶餐! 選擇都幾fusion, 有泰式/越式/印尼的粉麵飯~ 仲可以用優惠價配埋小食!餐飲先到! 有味道中規中矩的奶茶和加HK$8的荔枝椰青梳打~ 有齊荔枝肉和椰青肉, 青青地, 好似椰青水, 幾好飲!香葉肉碎炒飯(有辣或不辣選擇)~ 這個不辣的都幾香口又不油膩, 份量也很足夠, 不錯!最後送上的印尼咖喱雞配蒜茸飽! 這個有少少辣, 但好好味! 如果有碗飯就perfect! 可惜雞的份量實在過少, 不值HK$52, 下次不會再叫!
繼續閱讀