9
5
1
以上資料只供參考, 請與餐廳確認詳情
叫咗個香葉肉碎炒飯，送湯，送凍椰汁，埋單$40，其實唔系炒飯，香葉肉碎係舖係面，但都幾惹味，例湯係雞腳同冬瓜，飲落好清甜。隔離檯全部叫海南雞飯餐，睇落唔錯，下次再試。不過姐姐比較粗魯大聲，午飯時間人手不足，叫咗幾次都冇人落單…
繼續閱讀
位於德田廣場地下，為屋邨內的小型食店，面積細小，有時還要坐在店舖外面，不過街坊街里就係呢啲地道風味。早上提供傳統中式早餐，有不同的粥品、腸粉、炒麵、油條等可供選擇。午市及晚市主打泰式美食。今朝嚟食個早餐，我分别揀咗豉油王炒麵$13及蝦米腸$13两款小食。炒麵份量足，味道不俗，麵身唔會話炒完擺喺度焗到腍晒，完勝連鎖快餐店嘅貨色。蝦米腸細碟小小，不過夠滑嫩，唔好睇的蝦米咁細粒，但非常香口，全靠佢提升全碟腸粉嘅美味層次。環境同衛生當然差少少，不過食味道，唔係食環境同服務。
繼續閱讀
啱啱開頭呢間嘢都係幾好食， 幾用心去做，做到夜晚排長龍～ 黃色 依家愈做愈差 ，俾個三四次機會佢都係冇改善， 有一次啲木瓜沙律仲係變壞咗， 酸酸臭臭， 其他嘢食就冇感足料， 以前食過扎肉沙律好豐富， 依家就求求其其生菜加扎肉， 車厘茄都冇一粒。 從此以後都冇再幫襯！ 希望有所改善，藍田邨唔係大，真係冇乜幾個做泰國嘢， 雖然都係有另一間， 但係都係冇咁好食............ 😐希望以後努努力, 見到自己生意跌咗， 應該要反思下！ ！
繼續閱讀
未食過呢間餐廳，點了個最安全既菠蘿炒飯 ($40)。其實佢其他菜都唔貴，可以一試。在這裡點餐後，每個人都會有一碗雞湯飲(因為這裡好像賣很多海南雞，因此有雞腳煲湯)，味道唔錯，仲有冬瓜可以食。不過飲完會有一陣味精味，有點失望呢。呢個蘿炒飯用料十足，除了大量菠蘿外，還有肉鬆、提子、雞肉、青豆、紅蘿蔔粒，啖啖都有不同配料，非常好食。不過都係個句，食完feel 到口腔內留有味精，似乎落手都幾重下。不過以佢呢個價錢來說，而且味道不差，真係抵到無朋友。
繼續閱讀
經開哩頭，人生路不熟又唔知有咩好食，就用哩個apps搜尋一下，又好耐冇食過泰國菜，無意間就揀中哩間去食，先點左個酸辣鳳爪，哩個好食值得推介，夠辣味，份量都覺得比出面泰國餐廳多，跟住就係海南雞飯，完全唔掂，一見到d雞就知係食燒味既白切雞，唔係海南雞囉，飯係黃色但冇雞油味，仲有豬肉生菜包，這個都係還可以，夠辣但冇九層塔果種香味。店內環境比較似茶餐廳，所以衞生感覺唔太好。食物價錢都算幾平，而且份量都幾多。
繼續閱讀