1
0
1
以上資料只供參考, 請與餐廳確認詳情
早前用Groupon價$89，買咗200克Chocolat-ier嘅朱古力，於是今曰專程去換，順道逛吓葵芳新都會廣場。去到三樓都揾咗好耐至見到Chocolat-ier，因為佢只係一個細細嘅counter，仲係靠近玻璃牆，所以一行到去就覺得幾熱咁。個counter有兩個女仔打理 ，其中一個稍肥嘅女仔，正在招呼緊都係買咗Groupon嘅一家四口，好奇怪？乜個家庭佢地唔係自己揀朱古力款嘅？...定係個女仔揸實個剷仔，係都要幫個家庭'畢'朱古力呢？不過，我就聽到個女仔不斷游說人買多d，因為可以用優惠價額外買多d喎！...話時話，我都等佢哋等到唔耐煩，個四人家庭連個counter女仔共5人，一路都係塞喺朱古力架前面講解....终於..我可以揀朱古力啦！當然係自己揸剷仔揀啦！咦?？雖然話有十款係Groupon嘅選擇，但望落去都唔係咁吸引，所以被游說下用多$29多買50克，兼可選所有款色。($29/50克，$49/100克) 嘩！一畢落d朱古力度，每款都係淋淋哋嘅？！相信係靠近玻璃牆太熱囉！！當時真係想退貨囉！！最後無奈都要揀，仲想畢完快d走，點知 ...重量畢來畢去都唔啱，佢個磅仔又唔係放出嚟比你自己睇，要個女仔每次都拎入去秤，然後報重量，幾鬼煩！有次秤咗291克，我話唔要咁多，但個稍肥女仔又嚟發作，不斷話再買多dd仲抵，問我究竟識唔識計數喎？？鬧佢又教精佢，唯有一句"唔想要"呀！佢即刻收哂聲囉！講番袋朱古力，拎到返屋企，粒粒都淋到變型，要雪一晚至食得。味道有：藍梅脆脆、士多啤梨脆脆，但一d都食唔到脆，味道相似唔突出，只有酸酸甜甜, 相信最多人揀嘅。芝士咖啡，泡沫咖啡, 幾香幾濃，0K。乳酪杏甫幾好食, 煙煙un un。原粒士多啤梨白朱古力，冇驚喜，只係size稍大粒同夠重量。 黑朱古力拖肥杏仁及榛子朱古力等等, 味道亦唔突出。其中有d仲係咸味，煙肉葡萄..試食後覺得好怪，冇好感。其實呢袋朱古力點值原價$240呀？？依家我用Groupon價$118都覺揾笨啦！！冇服務、冇包裝可言，況且，當食過白之戀人後，就更覺得完全冇得比啦！！
繼續閱讀
堪稱「吃不胖的朱古力」(乳酪朱古力), 是Chocolate-ier的吸引之處, 也是愛嗜甜者的的喜訊之一呢!這天以團購價買了chocolate-ier的優惠卷, 可以$49買100G呢! (原價$90/100g, 滿貴的說) 不過小妹怕唔岩口味, 所以剩係買左一張, 好在後來同一張單可以即時再以團購價購買呢, 所以總共買了200g。其實想試這店好耐, 不過K11對我黎講有點不方便, 如不是看到團購網的換領地址, 都不知道新都會開了分店呢! 店子的位置是一個小小的方型攤子, 面積不大, 在pacific coffee後面。店子較隱蔽, 燈光亦暗, 毫不顯眼。可能由於位置所限, 相比一些色彩繽紛的糖果或朱古力店, 欠缺了一些吸引力和夢幻的感覺。店子除了皇牌乳酪朱古力外, 也有售外國品牌的排裝朱古力, 亦有以Hello Kitty包裝的朱古力。岩晒Hello Kitty和Emily公仔的愛好者, 更可選擇店中印有它們圖案的鐵盒裝著心愛的朱古力, 買來送給自己和朋友也是一個不錯的選擇。除了乳酪朱古力外, 店中亦有售賣其他貨品, 如朱古力護膚品和酒, 但新都會這店子好像沒有護膚品呢? 相信不是每間店子亦有。乳酪朱古力大約有20款選擇, 除了草莓和野莓等亦有其他不少款式: 抹茶白朱古杏仁、泡沫咖啡雪球、蜂蜜牛奶朱古力、黑朱古力拖肥杏仁及榛子朱古力等等! 而小妹的目標是大部份都是紅桑莓和草莓朱古力系列。 當中的原粒草莓及紅桑莓朱古力相信是最多人揀選的, 以「紅色原粒草莓白朱古力」為例, 已所剩無幾!! 小妹選擇的為: 「紅色原粒草莓白朱古力」、「原粒紅桑莓白朱古力」、「粒紅原粒草莓白朱古力」、「雙層朱古力紅桑莓」和「草莓白朱古力」。它們的味道都是酸酸甜甜的, 很開胃。「紅色原粒草莓白朱古力」的Size最大, 所以亦是最重的, 白朱古力裡包著份量不少的草莓乾。「雙層朱古力紅桑莓」size是我選的當中最細, 反而心得我喜愛, 朱古力的香味配搭著酸甜的紅桑莓果肉, 不斷吃著吃著, 想不到便吃光了! 「草莓白朱古力」咬落去是脆米的配搭, 感覺較前兩者失色。 還有要讚的是店員服務態度很好, 看到我手中拿了一袋二袋, 先找位置讓我把袋放下, 再讓我慢慢挑選朱古力, 完全沒有因為我是團購的而有不好的對待。
繼續閱讀