11
5
2
港鐵葵芳站 D 出口, 步行約5分鐘
繼續閱讀
營業時間
今日營業
10:30 - 21:30
星期一至日
10:30 - 21:30
以上資料只供參考, 請與餐廳確認詳情
樓面一個高高地嘅呀姐同廚房做肥呀姐態度差到係鬧啲客趕啲食客走…本身因為碗面平平地又好食幾好心情嘅…岩岩食完就已經嗱嗱淋係書包巢錢比錢呀姨…個高呀姨禁都要係度話我地趕我地快啲…啲態度差到唔該都唔講句…唉…就算味道幾好價錢幾平都唔想再食
繼續閱讀
路經此店，看到店員在包雲吞，看起來樣子很吸引，就進店點了一碗雲吞粗面，另加了一碟腐乳通菜。雲吞麵送上，先喝湯頭，清而不淡，合格。粗面雖不算彈牙，但也算爽口，不會煮得過軟，也沒什麼鹼水味，合格。雲吞大小適中，皮薄內饀充足，咬一口，味道很不錯，內饀的蝦雖然不是很大隻，但每隻雲吞內都有蝦兩三隻，口感爽口彈牙，令人滿意。以$23來說，這雲吞麵算是超值。接着吃通菜，部分菜莖有點硬，菜葉灼得有點過軟，幸好腐乳醬味道不錯。不過，以$8的價錢來說，不能要求過高。食物算是價廉物美，但環境令人有點卻步。其實這小店本身算是乾淨，但可能因為附近有菜店肉店，店子營業時又是店門大開，有不少蒼蠅飛進店內，進食時總有一隻在附近飛舞，令人擔心蒼蠅會空降到食物上。店內有兩三個店員，她們可說是一眼關七，而且極具效率。她們既要包雲吞和韭菜餃，又為顧客下單，還要煮食製作飲品，並把食物送到桌上或包裝外賣，收錢的也是她們。不過可能因為工作太繁忙，店員和顧客對答時說話語氣比較急促，聲線也較大。下次在家吃火鍋，我想我會到這店買生雲吞回家吃。
繼續閱讀
葵芳區舊式雲吞麵舖買少見少.可能係年青一代未必喜歡或者未能領會到傳統的經典美食.雲吞麵正確寫法是這樣寫餛飩麵.亦都係舊底果個年代叫做（細蓉）.一般基層人士食嘅叫做（大蓉）即是兩個麵餅.8粒餛飩.（中蓉）是1.5個麵餅.6粒餛飩.（細蓉）是1個麵餅.4粒餛飩。對唔住拋書包添🤦🏻今日介紹是一間街坊喜愛小店.店舖唔算大.無裝修賣點係用料新鮮/美味大件/抵食.所講嘅平靚正.呢間小店來光顧的大多都係附近上咗年紀嘅街坊.我都未層見過有學生哥嚟食.可能時間上嘅問題！講番正題。今日點餐如下： 1. 牛腩拼餛飩麵. 雙拼 X1 $29元 再加跟餐凍豆漿.$2元 2. 鮮牛肉拼豬潤河粉.雙拼 X1 $29元 再加跟餐凍豆漿.$2元 3. 腐乳通菜. X1 $8元
繼續閱讀
我地好鍾意食水餃無意中發現呢間小店其實佢一d都唔起眼係間細細間嘅雲吞麵店老公買左生水餃返黎比我試過一次之後就成日要買了水餃係韭菜鮮蝦水餃一打12隻 $42但佢同出邊其他水餃有少少唔同就係佢加咗粟米感覺fresh好多咁而佢賣點係大大粒超級足料呀👍🏻我食五粒已經好飽所以我哋間中都會買盒擺喺冰箱慢慢食當然即刻食比較好啦因為佢都係新鮮即日包嘅喺屋企煮嘅時候清湯已經好夠因為個水餃本身都已經好夠味唔使再點野
繼續閱讀
疫情轉趨嚴重, 少左啲學生係午飯時間覓食, 搵位都方便咗。相比附近其他茶餐廳人龍如鯽, 呢間舖嘅人流相形見拙。我叫咗個雲吞牛腩麵, 畢竟間鋪都寫到明係主打雲吞麵, 所以即管試下味道。首先係碗麵嘅賣相方面, 碗面都算賣相吸引, 色澤濃郁, 雲吞嘅數量相當足,有足足四粒,而且雲吞餡料十分豐富, 有蝦、蔥花、鮮肉, 而雲吞皮都做得相當出色, 皮薄餡靚當之無愧。 而另一個主角牛腩方面, 牛腩經過長時間調製,配上滋味嘅腩汁, 兩者配合得天衣無縫, 牛腩相當淋身, 配埋凍飲凍檸茶,都只係37蚊,相當實惠。
繼續閱讀