3
0
0
付款方式
其他資料
酒精飲品
自帶酒水
外賣服務
加一服務費
室外座位
以上資料只供參考, 請與餐廳確認詳情
每次經過呢間小店都俾門口既一大盤卥水吸引住，今次買左啲反去試下味！見到色水好深，似乎應該好入味眼見有雞翼，雞肶，雞蛋，香腸，紅腸，豆腐，豬手，雞腳等等......揀左雞肶，豆腐，雞全翼，雞蛋！卥水味果然濃郁，好香既香料味！最鍾意佢無果陣藥水味，有時食卥水會有果陣味，好怕！雞肶大隻肥美，啖啖肉，皮薄脂肪唔多，肉嫩好夠味！豆腐綿綿，有點煙"un"既口感！卥蛋唔大隻，但極之入味，雞蛋真係好正
繼續閱讀
唔好以為麻甩就一定鐘意踎街搵食，如果唔係太太嘅極力推薦，當我自己一個人嘅時候更加唔會踎街！今次我坐唔到太太早前講嘅室內位 (現場所見，嗰個室內位只係雪櫃旁嘅一張二人方枱咁大) 我張枱喺舖頭前面，開街邊，背脊後面人來人往，好唔習慣！坐低食嘢，唔係望街就係昂高頭望舖頭，條頸都幾辛苦！星加坡滷味當然要食一下，叫咗豆腐，豬皮，豬大腸，款款5蚊咁總共15蚊，另外要多碗肉骨茶，唔知水準如何？豬皮無太太講到咁腍，咁起膠，可能係時間嘅問題，咁我唔好彩囉！豆腐嘅豆味好濃，滷汁入晒豆腐入面，我最鐘意這些粗豪嘅豆製品！豬大腸有好香嘅豬肥膏嗰種甘香味，滷水入晒味都食出甘香，好好嚼！肉骨茶有藥材味，甜甜地好舒服，茶裏面有一件排骨同埋一件白雲豬手，論味道唔似湯渣，有骨咬有肉食，20蚊點都收貨！要我踎街搵食都要係值回票價先可以收貨！
繼續閱讀
這一間瑟縮於路旁, 只有九年歷史但觀其店外貌卻是極盡簡陋, 小店裏蘊含了兩位主人翁的愛與誠。因為要到附近的飲料公司去領取公關小姐為我準備的飲品試用本才走到這區 , 事後適逢是午餐時段便跟著放中午飯的 OL、OG 走向打磚坪街 , 一條我從沒有到過的斜路 , 主要都是工廠大廈。 最初經過這間鹵水店是不甚為意 , 直至不經意地看見牆上貼著一張寫上「正宗新加坡肉骨茶 , 每碗 20 元」的價目表 , 我頓時生了興趣。小店由兩位稍為年長的叔叔、姨姨負責 , 是正宗的男主外女主內。 在我用餐期間姨姨是一直在廚房內幹活 , 而叔叔就負責所謂「樓面」的一切買賣及招待 , 叔叔比較沉默 , 遇上附近街坊的多嘴問題 , 他都只會答得一句起兩句止。 閒時叔叔只會站在店中間看電視 , 或者會與廚房內的姨姨討論電視節目。「樓面」只得一張放在汽水櫃旁的二人摺檯 , 另外還備有三張流動擺街檯 , 當叔叔認為有需要時才會打開。我說過是因為肉骨茶才走進來 , 可是當我開口向叔叔要一碗時才知道肉骨茶剛好售完 ( 甚麼現在才中午一時半左右 ? ) 叔叔說是天氣冷 , 剛剛有客人外賣了十碗離開 , 可能是叔叔望見我那落寞的神情 , 便告訴我再三個小時後便會有新一煲開售 ...... 好! 我告訴自己今天一定要喝到一碗肉骨茶。既然暫時沒有肉骨茶 , 我就叫了一碗雜錦鹵味飯 , 其實也可以配麵 , 麵好似是印尼撈麵 , 價錢同樣是 $ 25。 叔叔在廚房裏盛了一碗白飯 , 再鋪上幾條椰菜便走出「樓面」的熱櫃處為我剪鹵味 , 鹵水顏色很深 , 似乎味道會濃 , 見叔叔在熱櫃裏左挑挑右選選 , 件件剪兩剪便成了我的雜錦鹵味飯。 另外鹵味也可以自選 , 都是 $ 5 一份吧 ~叔叔送上的雜錦鹵味飯 , 很香 ! 拍照完畢後便嚐一口白飯 , 不過對個人來說飯質並不適合我 , 覺得是粉了點。無意中向廚房張望 , 姨姨正要倒米煮飯 , 我見到那白色布包米袋上印著紅色「 AAA 」三個字母。的確鹵水的味道較為濃味 , 嚐到有八角、桂皮等香料味 , 鹹得來並不會嗆喉 , 也沒有那種聞一聞便產生頭殼刺痛的敗處。 這件鹵水豆腐豆香味濃 , 口感綿韌 , 與坊間那些外表粗糙內裏幼滑的鹵水豆腐不一樣。鹵水豬皮要採用新鮮貨才會鹵出軟嫩而起膠但不油膩的效果 , 鹵得極為入味 , 最驚喜是豬皮的毛毛被去得特別乾淨 , 只感覺到骨膠原的存在。鹵水排骨也被鹵至味道更香 , 充斥甜香 , 骨頭與肉之間還沒散開 , 帶筋性 , 非常鬆化 , 骨頭內的骨髓也有著鹵水香。鹵水豬肺新鮮爽口 , 沒有異味只有吸盡的鹵水的香 , 軟腍有口感。鹵水紅腸的質數可算不錯 , 雖然是現購回來的貨色 , 卻沒有坊間的那種灌入大量麵粉、腍身的那種質地 , 見到腸身是有粒粒肥肉 , 鹹鹹香香。鹵水大腸已洗淨肥膏 , 同樣是鹵得入味 , 柔滑又有韌性 , 咬下去更有啖啖的油脂甘香在口中擴散。鹵水豬心鹵得入味透徹 , 爽滑得來帶軟腍 , 感覺不到內臟 (豬心)與膽固醇會扯上關係。滿足的一頓午餐後 , 還是決定要走遍整個葵涌的和宜合道附近 , 硬要去充實那三個小時再回來喝這碗肉骨茶 ...... 時間飛逝 , 我再度回來 , 沒想過叔叔竟然會認出我。 待我坐下 , 叔叔從廚房裏拿出了一碗熱氣騰騰的肉骨茶來 , 這一刻我感動了 ~肉骨茶的顏色較深 , 藥材味道只有一點 , 飲得出茶湯的清甜 , 越飲越暖和 !茶湯裏有一件熬至起膠質的豬手及一件排骨 , 看外貌似是西施骨 , 肉多而没有肥脂 , 也難怪茶湯如此清鮮 ~忍不住買多四份鹵味 : 豬手、大腸、豬皮、鹵肉 , $ 5 一份 ...... 味道竟然是比午市時來得更醇厚 , 美味可口。 多口問了叔叔一句 : 「其實你們賣的鹵味是屬於潮州鹵味嗎 ?」 叔叔答道 : 「我們的鹵水料肯定會比潮州鹵水的用料靚 , 因為我們賣的是新加坡鹵水。」 喔 ~ 我還是第一次見識新加坡鹵水呢 ! 也難怪入夜後多了很多啤酒客啦 ~
繼續閱讀