穆斯林餐廳

營業中

休息中

本以為葵涌只有一些酒樓和快餐店, 純粹填飽肚子的餐廳, 但在這個位置的一個直巷, 有一家專做巴基斯坦咖喱的餐廳, 裏面真的由巴基斯坦的同事負責, 我想到的是可能附近有很多同鄉, 可以透過這餐廳抒發思鄉之情, 餐廳裝潢簡單, 食客除了我之外, 全都是來自南亞的朋友. 菜式定價比起佐敦的兩家名店便宜, 也符合這裏的經濟環境. 咖喱沒有薯仔, 有細碎的洋蔥, 偏向水狀, 沒有特別加辣的情況下, 辣度相當柔和, 主要品嚐倒是香料的香味. 牛肉和羊肉的份量不少, 而且件頭夠大而非細碎狀, 算是有良心的了. 配搭的是Roti而不是Naan, 在家庭經營識小店而沒有烤爐的情況下, 前者的處理相對簡單, 微甜口感煙靭, 吸汁能力一般, 但很夠填飽肚子.

掛念印巴咖喱時，就會來這裡。食物超值而美味，在「小巴基斯坦」區是頗受歡迎的店，本地客或鄉里都有。一坐落會送上免費洋葱番茄青瓜沙律。每種咖喱都跟飯或薄餅。點了咖喱魚和咖喱羊，飯餅各一，再叫牛、雞和素咖喱角各一，滿足哂所有願望。咖喱稍辣，送薄餅一流，轉眼便風捲殘雲。芒果lassi價錢是尖沙咀區的1/3或一半，但味道和份量絕不輸蝕。飯後來杯巴式奶茶作完美句號。3人豐盛的一餐，盛惠$200有找！

葵涌㗎喱店，想去好耐，今日疫情期間要去試吓，裝修可以話簡陋，中午前去到，只有兩三個巴基人客，點咗㗎喱牛+薄餅，甜餅，乳酪，味道唔錯，牛肉煮到溶咗落㗎喱裡，用薄餅食剛好，甜餅薄脆不太甜，乳酪Lassi酸甜幾開胃，但人唔多都等咗20分鐘，全部$90！

朋友話帶我去葵涌區食咖哩佢屋企附近住左好多穆斯林既外國人所以有條巷專賣穆斯林既產品仲有穆斯林餐廳第一次食巴基斯坦咖喱以為同印度咖喱係差唔多既野叫左一個咖喱魚配薄餅（$45）魚肉唔係一舊舊係完全碎上見老細現場係手撕唔係用刀切所以碎得黎又有少少口感但魚肉同咖哩係完全混合左而個咖喱好香好濃唔係印度既香料味唔會好辣但略嫌太油而薄餅係現炸唔會烤到脆身拎上手又似印度酥餅個薄餅少少煙韌感帶麥香配咖喱一流仲會配個沙律沙律就青瓜洋蔥蕃茄青瓜沙律醬汁另上·咖喱羊肉炒飯（$48）飯係長長瘦瘦既印度米炒得好乾身咖喱味都好香濃羊肉味好騷所以我無試·咖喱牛肉（$40）個咖喱同咖哩魚係一樣牛肉4-5舊唔會好唔會過韌過淋咬感岩岩好·整體而言咖哩係唔錯既但用餐環境麻麻

悠悠閒閒的一日，又去 葵涌-屏富徑 的 穆斯林餐廳 食 巴基斯坦 咖哩 ~筆者成日都會到這家餐廳用餐，因為有家常風味，最重要是，平靚正！Menu ~巴基斯坦的咖哩 , 都一定是清真咖哩 , 因為 巴基斯坦人 九成信奉 伊斯蘭教 都是 穆斯林 ; 巴基斯坦 咖哩的煮法 , 同印度大部分咖哩的煮法 , 某程度上雖然相近 , 但在香料的調配上和煮法 , 卻又有所不同 .... 筆者在此暫且不作詳盡介紹 ~咖哩牛肉 (跟飯) : 這店的咖哩牛肉 , 是最簡單的家常做法 , 香料味道濃郁而且味道平衡 , 稀杰度適中 , 牛肉煮得軟綿入味 , 整體味道辣而不燥 , 味道不俗 ~米飯 : 餐廳選用的是形狀修長的 印度 basmati 米 , 配咖哩一流 ~Chicken Tikka 印度烤雞件 : 這個印度烤雞 , 應該要用 Tandoor 烤爐烤的 , 但是看來這家餐廳並沒有 tandoor 爐 , 所以這個烤雞件是用油炸的 , 味道當然比起用傳統 tandoor 爐烤的相差一大截 , 但都算是入味且不柴 , 味道不完美 , 尚可接受 ~本篇完 ~

某日 , 到 葵涌-麥理浩夫人中心 出席完一個講座之後 , 就步行去有 "小巴基斯坦" 之稱的 葵涌青山道-屏麗徑 去吃晚餐 ~晚餐地點就在屏富徑的 穆斯林餐廳 ~Menu ~ 點了餐 , 職員就會立即送上蔬菜沙律 , 大家要記著這種沙律是 巴基斯坦 式的沙律 , 是不會有什麼 salad dressing 附加的 , 主要調味是以新鮮的檸檬 ~到這間餐廳食飯 , 我必會點上甜餅來吃 , 這店的甜餅做得十分出色 , 質感柔軟、香口又夠味 ~Sweet Lassi , 味道酸酸甜甜 ,十分適合悶熱的夏天飲用 , 亦可調理腸胃 ~咖喱牛肉飯 (清真) $45 : 乃一搬 巴基斯坦人 最平常不過的家庭菜 , 煮法簡單容易 , 而且通常每一家都有自己獨特方法去烹調 , 但要煮得好吃也不是易事 , 這家的廚師把咖哩汁煮得稀杰適中 , 香料味道濃郁而且味道平衡 , 微辛而不燥 ; 牛肉必定要跟咖哩汁同煮 , 兩者才可以互相吸收 , 這牛肉煮的軟綿腍滑 , 香口入味 ; 配飯或者配 Naan bread 都非常好吃 ~絕對是價廉味美 , 一流 ~本篇完 ~

我食過很多間店舖的咖哩，但始終暫時最愛是這間。 時間尚早，不要等枱，我們點了咖喱魚、咖哩牛肉、羊肉炒飯、炸薯仔角、炸雞亦和熱奶茶，兩人食應該足夠。 差不多二十分鐘，食物陸續出場，肚子即時响起來。除我點的咖哩外還跟來1碟印度白飯，1碟薄餅，1碟沙律菜（有洋蔥、蕃茄片🍅、青瓜🥒、生菜絲）。最重要是1小碟綠色的沙律醬，聽老闆說是自己調製的，味道清新，配合沙律菜十分好味。 咖哩牛肉味道香濃，我最喜歡配薄餅，中間夾洋蔥絲1齊吃Yummy🤤，咖哩魚配飯亦不錯，不過食時要小心魚肉中暗藏魚骨啊🔍！這裡的雞翼和薯仔咖哩角亦是我必點的。染上紅色醃料的炸雞翼，上面撒上孜然粉和檸檬汁，熱辣辣很惹味👍。我更推介熱奶茶☕️，喝1啖，茶的香料味充滿口腔，有別於港式奶茶，但要説明少甜或走甜，因印度人很嚐甜。

不時會和家人到這小店吃巴基斯坦咖喱，因為連咀刁的老豆都讚好味。今次我們吃了咖喱雞（配薄餅）、咖喱魚（配飯）、咖喱豆（配薄餅）、素食/雞肉咖喱角、烤羊肉，還有芒果汁（支裝）、芒果lassi（即製）。上菜前先來一客新鮮蔬菜沙律（免費），有生菜、番茄、青瓜和洋葱，全是生的，配上牙膏味的醬汁，很fresh和開胃。咖喱角即炸即上桌，脆口的外皮包着惹味的薯蓉雜菜，份量不太大，作前菜剛剛好。三款主菜以咖喱豆最辣，之前試過落單時可要求小辣的（叔叔好好人，仲講勁純正廣東話）但有美味的巴基斯坦芒果汁和lassi解辣。薄餅是roti, 小麥餅，和三款主菜配搭均極美味。咖喱魚尤其足料和大碟。爸媽吃烤羊肉，說不錯。飯後少不了每人一杯奶茶，複雜的香料味，令奶茶提升了層次！看着店裏老中青三代都在努力，為街坊提供廉宜美味的食物，衷心希望他們的生意蒸蒸日上！

真係估你唔到喺小街入面有間咁正宗嘅巴基斯坦菜😍聽同事講呢間嘅巴基斯坦熱奶茶好好飲，平時最鍾意飲熱奶茶嘅我當然要試一試喇！呢日同兩個同事嚟到坐低堂食，見到好多南亞裔朋友都嚟幫襯，鋪仔細細生意都幾旺場。睇完menu，我地叫咗以下食物，店主係講得一口除時流利過我嘅廣東話，溝通絕對冇問題🙆🏻⭐️咖哩牛腩比較油嘅咖哩，但香濃好味，呢個汁餸飯一流🤤牛腩肥咗少少，煮得好冧，一啲都唔韌👍🏻⭐️咖哩魚叫咗先知係呢款係乾身咖喱，正呀😍呢種干炒咖哩拎嚟食薄餅最啱，唔怕食到成手咖喱汁咁論盡🙈仲有埋生菜蕃茄青瓜沙律一齊食🥗🌮薄餅份量都唔少。⭐️炸雞件無骨炸雞，細細舊，一碟有6件，雖然睇落好橙，但個味道好食喎，係炸得略嫌老咗少少，但整體都唔錯。⭐️熱奶茶入口順滑，帶獨特香料味，溫馨提示最好叫少甜，會比較適合港人口味☕️

行開附近搜尋到呢度，見評價ok就試下，叫左咖哩羊肉飯同芒果乳酪芒果乳酪$20: 乳酪味香濃，飲得出用真芒果打的，廿蚊一杯抵飲咖哩羊肉飯$45: 附送一小碟青瓜番茄，配一個帶微辣嘅薄荷汁食，幾清新，飯就係長身果隻中東米。可惜主打的咖哩令人非常失望，唔夠辣都係小事可以加辣油，仲要一d咖哩味同香料味都無，成個咖喱淡薄如水，基本上只係得個顏色，羊肉方面大概有五到六粒，肉質都好粗鞋，其中有兩三粒更硬到難以咀嚼，結果食咗一半就放棄左

以前喺葵涌返工, 耐唔耐就會黎幫襯, 有時更會買外賣返去食.好耐無黎, 經過呢頭即刻去睇下仲有冇得賣.黎到不負所望, 仲係十年如一日, 老闆仲係道, 好有親切感.呢道真係樣樣都好味, 但我就最鍾意佢個無骨咖哩魚, 一定好味過哂果啲重慶大廈咖哩店, 仲要街坊價錢.如果大家要去重慶食, 我真係介紹大家黎呢道仲好, 又平又唔使點等位. 又唔使出入果道咁迫咁危險, 隔離又大把位泊車.請大家支持下啲地道小店

呢間野廿幾年前已經食過，以前堂食是自己開table的 ，老實講要裝修唔好來食。D 咖哩有時好辣，琴日食個咖哩牛就冇咁辣，個Masala Fish就辣過咖哩牛，不過非常好食，我食過幾間印式咖哩，呢間最好食。D 薄餅有好多款式，不過因為薄餅點咖哩一齊食，所以我中意淡味的NAM。另外奶茶是印度奶茶，幾好飲值得一試，不過記得少甜呀 老闆是肥佬，識廣東話我。

少甜奶茶，酸奶芒果，咖哩角，咖哩牛肉，咖哩羊肉，雜茶沙津，薄餅，好飽，好味，下次可以食加辣咖哩，街方收費，3個以上去會好d，因為可以食多幾款😜😜😜😜🤗🤗

中午時間上去，我地兩個女仔走入去，有點怪怪地，店內巴基斯坦店員望實我地，可能平時少女仔客點左咖喱羊肉同咖喱雞，薄餅，咖喱角。餐前沙律（前菜）麻麻地，咖喱角十分好味，香香脆脆，最愛咖喱羊腩配薄餅，鮮香惹味，加埋有點辣辣地，超級開胃，勁鐘意

今日又黎葵涌食野啦!芒果乳酸好正! 好濃既芒果味!當地奶茶, 味道真係好特別, 覺得有D肉桂同薑味必食牛肉咖哩角 又熱辣辣 又香沙律係新鮮菜蕃茄洋蔥咖喱羊肉配簿餅 好香, 羊肉一D都唔穌呢個咖喱魚炒飯係我最愛不過唔食得辣叫佢少D辣價錢經濟! 味道又好 , 老闆又有禮貌! 值得一試再試呀