8
13
13
以上資料只供參考, 請與餐廳確認詳情
招牌菜
食評 (39)
之前在椰林閣食過下午茶都不錯炒的食物，今次就來見到有不少晚餐但只是小菜，所以最後就在主餐牌看到有個羅漢齋炒麵五十六元，就叫了一份來吃，因飲品要另計就叫了水飲，食物好快來到了，沒想到份量都幾多幾靚，面都有不少的白菜同素食，嗅得都幾香，但可能醬汁過多闗係，反而覺得只有很少的炒麵乾炸脆的口感，味道不太濃，清清地，最後再加上辣椒醬就好味得多，而這裡的辣椒醬都幾辣惹味，炒麵口感都可以而且份量都不少，最後一人都吃不完，沒想到這裡的炒食物都不錯，可以下次過來再試晚餐小菜。在晚餐中選了土魷蒸肉餅飲茶走七十二元仲有個白飯，叫了等了十多分鐘就來到都幾大碟。而且都幾香，白飯一碗都應該夠食。肉餅入面都幾多魷魚，味道都幾濃而又不太咸，有了少少蔥所以增加不少香味，但一食肉的口感太淋，應該是比較多肥膏或豬肉不太靚，但都叫可接受的，豉油不太咸，送飯不錯，肉餅即整的感覺都幾新鮮，白飯都煮得剛好。飲品熱奶茶夠熱但茶味不夠，感覺有點淡而且不夠滑。
繼續閱讀
冇人煮飯，唯有兩個人落樓下求其食個飯就算。叫左個豉汁蒸黃花魚，即叫即蒸，所以都要等一陣。不過我地吾趕時間，所以冇咩所謂。條魚望落都幾大條，食落幾滑，唔會蒸過頭。魚下面鋪左幾舊豆腐，豆腐吸滿汁都吾錯。個鐵板餐都幾抵食，兩塊肉都算大塊，而且豬排食落好諗，雞排都好滑。條香腸同蔬菜就正正常常啦，冇咩特別，但d薯條食落軟諗諗同好碎，下次都係叫飯or意粉好d。尼個鐵板餐包左杯紅豆冰，d紅豆就比較少，冰比較多，飲落就一般。
繼續閱讀
今朝忙左成日,忙到唔記得食飯。唯有睇下附近有咩好食。突然醒起呢間椰林閣，即刻揸車過嚟食下午茶。下午茶時間黎講唔算多人，想當年讀中學嗰陣過黎食咖哩牛腩飯餐都係$29. 今日我都係叫咖哩牛腩飯，不過已經要$45同埋牛腩已經係以碟頭形式上，唔再係用個碗分開上 不過唔緊要，個味道都仲係keep到，個咖哩既椰汁味好重我最鍾意。牛腩又夠哂林，啱哂我呢d懶人食加多杯凍飲都係total$48,物超所值。開左成20年係度都仲屹立不倒係有原因的
繼續閱讀
葵涌真係冇乜好嘢食，住喺呢頭都幾麻煩，我一般都會搵下午茶食，抵食啲，椰林閣嘅下午茶我覺得質素幾好，包左嘢飲嘅，我同朋友都係飲熱檸茶雞翼加迷你西多士再加蜜糖腸$34雞翼都幾大隻，同埋醃得好入味，食落幾嫩滑，西多士好正，裏面係有花生醬㗎，仲有糖漿任添，不過我覺得唔使落糖漿都好好食好夠味，好想食大份嘅。蜜糖腸係正宗嘅台灣腸，偏肥，但美味而朋友叫咗個豬扒包，味道都唔錯，蔬菜同埋豬扒加埋一齊唔會令到個包好乾，而個包其實都幾鬆軟，當然外層有啲脆脆地，幾好啦！不過收$37就有啲貴啦
繼續閱讀
去左石籬商場椰林閣食下午茶餐，叫左個咖哩牛腩飯加凍奶茶。但其實下午茶餐同午餐個價錢唔算差得太多，只係去食時已經過左午餐。但唔知是否下午茶餐份量會否比較少，牛腩晚份量得幾塊。但味道好好食，好香椰香味，咖哩汁又滑又香，味道真係好好食。但男人來講，份量就少左啲啲。 如果多翻啲，我諗會再次去光顧。
繼續閱讀