4
7
6
港鐵葵興站 D 出口, 步行約10分鐘
繼續閱讀
營業時間
星期一至日
06:00 - 16:00
以上資料只供參考, 請與餐廳確認詳情
好耐無食點心，今日同同事忙裡偷閒，去咗明星嘆點心。酒樓座位闊落，坐得都幾舒適。我哋兩個人叫咗5個點心：皮蛋叉燒酥、妙醬蒸鳳爪（什麼是妙醬？）、鮮蝦蒸腸粉、金錢肚同山竹牛肉球。皮蛋叉燒酥：叉燒酥就食得多，皮蛋叉燒酥真係第一次。最初點嘅時候唔為意佢有皮蛋，係食食吓嘅時候覺得裡面有一種好熟悉好特別嘅味道，顏色黑黑哋綠綠哋，最後終於諗起係皮蛋，望一望點心紙再確定了。無諗過皮蛋可以放入叉燒酥裡面而味道又幾夾而唔奇怪。皮好酥脆，熱辣辣啱啱焗起，配合埋醬味濃郁香甜嘅叉燒真係一流。雖然賣相麻麻，但份量十足！妙醬蒸鳳爪：醬汁香濃，鳳爪蒸得啱啱好，好味。鮮蝦蒸腸粉：嘩！腸粉滑到不得了，一放入口，超有驚喜，點解可以做到咁軟滑？雖然份量比較細，得六件，而啲蝦又細細粒、唔太新鮮、唔爽口亦唔彈牙，但都食到我同同事讚口不絕！下次會就咁叫齋腸。金錢肚：好食！金錢肚蒸得好淋唔靭，索晒濃香嘅醬汁再一啖放入口，真係人生一大享受！但我比較鍾意蘿蔔，豆卜有少少硬。山竹牛肉球：蒸得好淋（我比較鍾意淋嘅牛肉球），質感啱晒我！牛肉球好香，裡面有淡淡嘅芫茜味，配合埋喼汁真係正！可惜喼汁太稀，無乜味，希望佢哋唔好溝得太稀。
繼續閱讀
全晚最好食係啫啫通菜煲 味濃 夠鑊氣全家都好鍾意食 鴨掌...無人想食 無咩味 老抽好重燒腩仔唔錯 份量都多 皮脆 肥瘦適中 但肉味就無乜 算係唔錯芝士中蝦伊麵 不知所謂 本身唔係想叫呢個...無下次蒸蟶子四隻都有沙 咁就$80呢餐唔洗我俾錢 都可以自己俾錢就唔好啦埋單好似五百八十蚊 叫左四個飯Openrice價錢💸：5/10抵食👍：4/10環境🤳：6/10味道😻：5/10,通菜8/10份量🍽️：6/10良心♥️：N/A
繼續閱讀
由於疫情關係很久沒有喝茶了，我和家人想喝茶食點心，我們就打電話去明星海鮮酒家落order, 聽電話的職員叔叔好好人，好有禮貌👍🏻👍🏻，我們買左好多點心，水準依然好味道🥰😍😋，蘿蔔糕好足料，鳳爪排骨飯🍚好大size只係26蚊一盒，超低食。煎餅又係值得一讚，好香又好脆，姐係內暖外脆😋好多時喝茶想搵間近近地，我就提議喝呢間明星海鮮酒家，真係好近，點心又好食，而且價錢合理，真係平靚正。🤗
繼續閱讀
話說我有人陪老竇去左明星飲早茶！飲完茶返咗上屋企玩陣，諗住走個一刻、先醒起唔記得拎收據、因為要攞嚟for泊車優惠, 就諗住返去拎返啦，去到見到個收銀掛住喺度打機，睇電話，完全冇正面回應我，佢答我話要搵經理、我話我平時都係咁拎、跟住佢繼續喺度㩒電話、無視我存在。之後我想明星個網頁投訴，佢覆返電話俾我，但我嗰一刻唔得閒、我叫佢下晝打俾我、點知冇打過⋯⋯所以我個人覺得，呢間公司請嘅人非常之有問題！無論係寫字樓定係員工都好，冇責任心，服務超差，嘢食又越嚟越難食！早幾日去食個粒牛丸都仲係生嘅，D肉紅色我話俾我聽係熟low,最衰影唔切相，跟手俾佢收走咗。
繼續閱讀
係每一個男或女侍應都好似木口木面要都冇乜反應， 望到你當望唔到你， 上一輪食客食完嘢埋咗單都冇幫下一輪客更換枱布 傳菜嘅阿姐都不停喺度講嘢未有停下過來👎👎👎👎 呢度食嘢嘅質素一般。 總之一句講曬呢度真係差到仲衰過喺街邊茶樓飲茶。
繼續閱讀