16
9
6
港鐵荃灣站 B1 出口
繼續閱讀
營業時間
星期一至日
17:00 - 02:00
以上資料只供參考, 請與餐廳確認詳情
食家推介
本身有訂位，去到唔洗等!個場好大，可能容納到好多人，岩晒一大班朋友去食!佢地除左雞煲之外，仲有新出嘅蒸氣鍋，不過我都係食番雞煲，下次先試蒸氣鍋。嗌左雞煲之後因為佢即整，所以要等三個字或以上，等嘅期間可以去出面拎小食，有好多款例如有蘿白豬腸、涼拌木耳、清瓜等等......佢地既雞煲好正，每一舊雞都大大舊，同埋好入味! 食完雞就開始叫野食啦! 當然唔少得花膠、肥牛、牛柏葉最吸味既三寶，佢可以叫既食物比我想像中多，同埋食材都唔錯。最開心係飲品唔係百事，而係可口可樂，仲有佢兒家有得自己"針"椰汁水同橙汁!百幾蚊一個人，哩個放題算係咁啦，講真算係好豐富，又有小食、揀既又多，最後仲會送番個甜品比每個客。自己整都唔只哩個價錢啦，不如出去食唔洗煩(我心諗)
繼續閱讀
第一次食呢間野book左7點2位，個呀姐帶左我地入去坐啦然後我同男朋友放低啲野，叫定個重慶雞煲，就去拎出面啲自助熟食拎拎下見到有第2個呀姐係我地個位度指指點點咁我同男朋友就即刻番去睇下乜事啦原來個呀姐諗住俾2個人坐我個位咁我就勁驚異咁講話: 下 呢2個位我地架喎然後個呀姐仲勁唔好態度咁罵我地: 入左黎就同我地講嘛，亂咁坐我講:下 你地有個呀姐帶我地入黎坐架喎然後佢口歪歪咁瞄住咀走左我心諗: 唔係電腦入好哂架咩?點解可以溝通得咁唔好?然後我就好驚佢連個雞煲都冇落單啦於是我好聲好氣咁問另一個嬸嬸個雞煲有冇落到單點知佢就串咀，又好唔耐煩咁講: 雞煲要煲熟先俾你架嘛! 不過算啦，全間野都係呢啲姐姐黎想食服務就唔好黎喇火鍋料方面，一般啦滑牛好食其他就....自助熟食方面，蒙古燒豚肉ok 不過其他就... 填下肚咁囉甜品就按人頭計，一人一件意外地個pancake好味不過個香燈奶凍就( 上面個間韓舍仲平啲抵啲態度好啲)
繼續閱讀
大年初二，同大少睇戲，因為九龍好多戲院都已經滿座(我已經早4日買飛)，所以要買到去荃灣，睇完條周星星美人魚，就已經好肚餓，諗極都唔知食咩好，大少就話不如去Military附近有冇咩好食，無就食韓燒去到樓下，見到有蒸氣鍋，好想試，點知……上到去，店員話新年蒸氣鍋暫停，我同大少又懶再諗食咩，所以雞煲照食~~飲品方面其實都有好多選擇，不過突然見到有椰青水，當然要試吓，其實7-11都有得買，不過每次都唔敢買，因為驚唔好飲，今次試咗發現……清甜，但未係好飲~醬料方面，有沙嗲、炸蒜頭、辣椒、豉油最特別，有洋蔥牛肉水餃，我因為唔食洋蔥，當然無試，我就試咗菜肉餃子，好味，本身菜肉餃子好難唔好味，但係加埋雞煲香濃辣汁，真係別有一番風味汁杰香濃，真係超好味，不過如果可以走“麻”就會再好啲，因為食到咀唇好麻痺，加湯後麻痺感少好多每人都會有份甜品“配給”，點解我會叫“配給”﹖因為要用入座卡蓋印，每拎一款就蓋一個印甜品有香蕉班戟、(迷你)芒果布甸、(迷你)法式焦糖燉蛋、(迷你)奶凍、雀巢雪糕杯
繼續閱讀
蒸氣雞鍋放題母親生日，由於她本來最喜歡吃雞，尤其是生日，就更加要吃雞了，因此，找吃飯的地點便必須無雞不歡。妹妹提議去荃灣大鴻輝的至尊重慶雞煲，我並沒有異議，因為實在喜歡他們有一個很水準的甜品吧，而且，那是其他「至尊」店沒有的。由於吃飯的時間選得早，至尊的客人尚未太多，故能讓我們發現了一個新的選擇。原來那兒剛推出了「蒸氣雞鍋放題」，那跟吃重慶雞煲的價錢沒有分別，只是吃的「方法」由火鍋變成蒸氣火鍋，什麼都是蒸的，吃到最後，還會有一鍋集齊了所有蒸物精華的美味鮮粥。原來母親也聽聞過這種新鮮的蒸氣火鍋，趁她的生日試試當然最好不過。我們一行四人坐下，店員先在鍋裡加了一碗飯和上湯，這就是最後可吃的粥底了。之後，店員蓋上一塊有孔的鋼板，還先替我們夾了三分一的雞件放在上面，叫我們蒸它八分鐘就可以吃了。其實在桌上已放有一張咭，上面寫了什麼食物該蒸幾多分鐘，旁邊還有一個計時器可用，加上玻璃蓋，想知道熟不熟並不難。那碟雞是用酒和醃料醃過的，蒸了八分鐘後，只見雞肉表面已逼出亮亮的油光，看樣子已知道很Juicy！果然，還未咬下去便已聞到了陣陣酒香，一口咬下去，嘴裡只覺肉汁豐腴，雞味濃郁。吃辣雞煲時，一般都會被濃濃的醬料香味蓋過了雞味，但這回的蒸雞卻保留了雞本身的鮮味，難怪蒸氣火鍋這種吃法有它的吸引力的。當看到媽媽一件接一件的吃得津津有味，我就知道這頓生日飯是沒挑錯地方了。四個人只吃一隻雞當然並不夠。都說了這新鮮的放題和吃重慶雞煲是一樣的，火鍋生料的點菜紙上有的，客人們都可以任點任吃，只是它全部都是蒸的。據說，這樣吃不會燥，這個我不肯定，反正吃法是夠新鮮了。我們後來點了牛肉、牛丸、生菜、南瓜、勝瓜、魚片、魚蛋等火鍋料，在勝瓜片上，我還加了點蒜蓉一起蒸，蒸出來的味道果然更加鮮美。不過，這不是我創的，我在別的飯店吃過，這次依樣畫葫蘆，不單像樣，還能令家人嚐到勝瓜的另一種口感和鮮甜美味。蒸魚片的時候，我還加了一些葱花在上面，味道也是特別鮮美的，這和用湯灼的口感有著分別，蒸的，確是比較原味。請看看圖片的粥底！粥面的那層就是雞油，食物的汁和精華都從孔中流進粥裡，那是不用懷疑的了。吃到最後，我還叫了一份豬紅、魚片和豬皮放進去，結果變成艇仔豬紅粥了，又一次美味得無話可說！在至尊的大鴻輝店，我一定留一點位置給我最喜歡的班戟。這次吃的竟換上了斑蘭皮，綠色的。師傅跟柯打即叫即做，裡面有豐富忌廉和香蕉，最妙的是外面還加上士多啤梨醬及一些脆脆的粟米片，令口感和層次更加豐富。其實師傅可以不加醬和脆片的，反正是送的嘛，但連甜品也做得一絲不苟，這頓生日飯的尾聲實在完美！母親點的是法式焦糖燉蛋，她一邊吃一邊微笑，她感到的甜，做子女的是不用懷疑的了。
繼續閱讀
之前聽同事講呢度嘅雞煲放題抵食，於是同阿妹去試下。因為阿妹唔食得辣，於是叫咗豬肚雞煲。等雞煲期間出去攞小食。小食種類頗多，由生果到冷盤同熱食都有，差不多清盤嘅時候亦會有補充，呢點好過好多其他食放題嘅地方。等到雞煲上場，一個雞煲竟然有5,6塊雞頸，部分豬肚仲有腥味，結果我地決定用湯底打邊爐算。火窩料又係不外乎肥牛, 豬肉片, 丸同菜之類，但出奇地有花膠及不定時出現的即包水餃。放題包飲品任飲及一人一客自選甜品，我地三個人一人揀一款甜品，味道一般，但以此價錢又有雞煲，又有放題，算抵食啦。
繼續閱讀