68
32
9
| 餐廳: | 殷悅 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
港鐵大窩口站 B 出口, 港鐵荃灣站 B2 出口, 港鐵荃灣西站 D 出口
繼續閱讀
電話號碼
24093182
開飯介紹
位於悅來酒店三十樓的殷悅中菜廳，居高臨下，擁有開揚豁然的景致，環境舒適。為配合現代人注重健康的要求，所有食品均不添加味精，盡顯大廚心思。
繼續閱讀
營業時間
今日營業
11:00 - 15:00
18:00 - 22:30
星期一至六
11:00 - 15:00
18:00 - 22:30
星期日
10:00 - 15:30
18:00 - 22:30
公眾假期
10:00 - 15:30
18:00 - 22:30
以上資料只供參考, 請與餐廳確認詳情
有關餐廳
優惠
| 餐廳: | 殷悅 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
食家推介
相關文章
今日係婆婆、舅父仔、哥哥仔生日飯🥰舅父一路都好想黎呢到飲茶😂不過之前打去悦來商場，佢哋就話要問返酒店，我哋心諗，應該唔平🤧🤧原來好抵😂最底講食物因為唔係我嗌，所以好多菜式都唔記得咩名🙏🏻🙏🏻瑤柱花膠燴雞絲呢個好好飲，佢嘅上湯好濃，哥哥同細佬都各添1至2碗🥹佢真係超足料，花膠好滑！同埋佢好香嘅瑤柱鹹味帶子滑蛋濕炒河我就覺得呢個麻麻哋，佢本身冇乜味，啲河粉癡到一嚿嚿…清蒸海斑呢條魚都好大條，肉質比較實淨…個蒸魚豉油好鮮甜！士多啤梨骨最受歡迎係呢一味餸🤡🥰🥰🥰佢唔會輸得過咕嚕肉，佢個士多啤梨味好出，但係又唔會過甜，最衰佢係骨🥲，好多舊都係大骨但總結呢個係值得encore金沙蝦球呢個淡淡鹹蛋沙，蝦球都好大，好彈牙食完金沙蝦，再食粒西蘭花，就會好解膩濃湯津菜海皇煲（唔知有冇錯）桂花糕呢個好清甜，佢應該係用大菜糕，所以一咬就脆..其他呢度個場都幾大，我哋講食個晚唔算多人，同埋佢食$400就可以免費泊車兩個鐘，日夜一樣，最好打電話去問返最update嘅優惠另外佢呢度都有得上Wi-Fi，不過就要問職員攞代碼
繼續閱讀
如果鍾意同屋企人飲茶嘅朋友，可以去荃灣悅來酒店(又稱熊貓酒店)嘅中菜廳----「殷悅」試吓，佢係2015至2018年更獲譽為「米芝蓮推介餐廳」，我哋同屋企人試過幾次，品質都相當唔錯，如果有做熊貓酒店會員，大部分點心都可享七至八折，十分抵食!.🌟杞子玉帶燒賣 HKD54蝦餃燒賣都係飲茶必食嘅點心！依度嘅燒賣零舍大粒，入面大大粒鮮蝦，上面又有帶子，雖然帶子片得稍為薄啲，但係👩🏻覺得已經好足夠，賣相一流，而且都好好味。.🌟露筍鮮蝦餃 HKD54依度嘅蝦餃同樣都好大粒，入面有成兩三粒蝦仁，粒粒都好彈牙，餡料仲有露筍，食落爽脆，同出面嘅蝦餃好唔同，皮薄餡靚，好味。.蟹肉賽螃蟹餃 HKD68蟹肉賽螃蟹餃外皮紫色，賣相睇落特別，但依個顏色擺喺食物度就唔太吸引，但蟹肉都幾彈牙同足料，另外入面有少少薑絲可能用嚟辟腥味，薑味都幾明顯，👩🏻就唔太鍾意啦。.🌟芝士三文魚撻 HKD50👩🏻好鍾意食依個，芝士三文魚餡料味道好Balance，份量細細件唔會膩。.姬松茸灌湯餃 HKD50一籠有兩隻，灌湯餃爆晒汁，湯汁都好鮮甜，但就無咩太大驚喜。.豉汁蒸鳳爪 HKD36正正常常。.🌟龍蝦湯鮮竹卷 HKD54👨🏽🦱同👩🏻至愛，鮮竹卷新鮮炸起，入面有蝦仁，蘸埋龍蝦湯好好味。.🌟紅米紫菜素腸粉 HKD54入面除咗有紫菜，仲有木耳絲同甘筍絲等，食落好有口感，我哋每次都必點依款腸粉。.🌟蒜心蝦春卷 HKD50同上，蝦仁大大粒，好食。.蜜汁叉燒腸粉 HKD54正正常常。.🌟脆皮鮮竹蝦腸粉 HKD54有蝦肉嘅點心全部都有大大粒蝦仁，依款蝦腸粉都唔例外，上面仲有啲鰹魚絲點綴下，好味。.西班牙火腿煎蘿蔔糕 (無圖) HKD50蘿蔔糕正正常常，無太大驚喜，但西班牙火腿就帶俾我哋驚多過喜。因為本來以為蘿蔔糕入面嘅臘味會用西班牙火腿取代，點知就咁撻上去，兩者味道就唔係太夾🚁。.🌟蒜蓉荷香蒸龍躉頭腩飯 HKD208屋企人鍾意食蒸魚，叫依個蒸龍躉頭腩飯就啱晒。龍躉頭腩魚味濃，嫩滑肥美，魚皮仲有厚厚膠質，撈埋有蒜香嘅荷葉飯食，啖啖肉好滋味。份量仲好多，次次都食唔晒要打包走先得。.🌟石鍋蔥香鵝肝和牛炒飯 HKD228依個炒飯嘅鵝肝同和牛份量就唔算好多啦，但都食得鵝肝嘅油脂香，炒飯炒得好有鑊氣，👩🏻鍾意食依個。.🌟脆皮燒腩肉 HKD148脆皮燒腩肉名符其實，脆皮夠香脆，油脂分佈得唔錯，唔會一大嚿都係肥豬肉。.🌟七味脆豆腐 HKD70豆腐外脆內軟滑，好食。.點茶可以試下人參烏龍，我哋次次都指定飲依款，入口回甘，飲得出係靚茶葉。嘢食普遍都相當唔錯，如果做埋會員其實同出面靚少少嘅茶樓都差唔多價錢，以酒店嘅中菜廳嚟講真係好化算，環境又舒服可以眺望荃灣市景，我哋一家人都去過三、四次慶祝節日㗎！
繼續閱讀
今日做完運動約咗朋友去咗荃灣✨殷悅✨飲茶😋我地叫咗：⭐️西班牙火腿煎蘿蔔糕⭐️芝士三文魚撻⭐️蜜汁叉燒腸粉⭐️流心朱古力熊貓包⭐️蟹肉帶子石榴粿⭐️姬松茸花膠灌湯餃環境乾淨✨點心上枱速度快，食物質素中上整體高質👍🏻用匯豐卡埋單仲有85折優惠
繼續閱讀
好耐冇食點心，約左fd去飲個靚茶👩🏻❤️👩🏻係熊貓🐼酒店入面中菜廳飲茶🫖，環境十分舒服同寧靜☺️可以坐係到慢慢飲茶傾計吾會比人趕💬我地叫左6款點心，2個人食啱啱好，又吾會過飽👍🏻揀左人蔘烏龍茶，好飲又特別，飲完喉嚨都好舒服😌點心好有特色，吾同傳統茶樓，結合左新式食物落點心到，真係好有創意又好味🤤✨整體水準我覺得非常好，用料新鮮，點心選擇多，座位舒適，地方很寬敞，有落地玻璃可以俯視整個荃灣景色，侍應好服務👍🏻好適合係到慢慢嘆茶傾計🫖蟹肉帶子石榴粿$54流心朱古力熊貓包$46蜜汁叉燒腸粉$54芝士三文魚撻$50西班牙火腿煎蘿蔔糕$50姬松茸花膠灌湯餃$68
繼續閱讀
一直都想去呢間飲茶，屋企人又鍾意飲茶，所以就揀呢間係悅來酒店30樓嘅中菜廳。被安排坐係角落靠窗位置，境觀非常開揚，雖然隔離係醫院，不過成30樓，高過晒晒附近嘅樓，所以視平線睇係好ok嘅。因為人手唔夠，客人又多，想俾點餐紙都要d時間。墨西哥雞包 $46雞批味嘅包，有好多洋蔥係入面，雞肉夠淋，最重要係唔太鹹，ok。椒鹽九肚魚 $128 外脆內軟，d肉無炸到好乾，岩岩熟晒，夠熱，所以唔腥，非常好。泡菜煎薄罉 $50少少辣，正常野。紅棗桃膠燉雪燕 $50唔記得咗叫起，第一樣出現，食完其他野先食已經凍晒，好多桃膠同雪燕，唔算太甜，味道唔錯。蜜汁叉燒腸粉 $54呢個係唔會再食選項，個皮好厚好粉，完全唔滑，叉燒麻麻地，肉質好似煲湯肉咁，鞋鞋地又散散地。
繼續閱讀