季季紅風味酒家 (已結業)

這間位於荃灣中安街的酒樓D點心部都好好，款色好多，尤其是鳳爪排骨飯好大籠！二人份量都足夠！賣相又睇得吓！望見都想食！好大碗又低食，價錢又唔貴，真係好大碗，兩個人都食唔哂！我覺得這個鳳爪排骨飯係我首選！必食冇走雞！還有其它點心，還有腸粉好滑皮又唔厚一流！至於蒜蓉蒸鮮鱿都好好味！都好有口感咬到入口味道真係唔錯，食到停唔到正呀！糕點好多款色黃金糕、桂花糕、红祖糕都可以試吓！味道適中、唔會好甜、食到落口感覺到唔錯，值得一試！

很久沒有去這家酒樓 來到新年節日總會和家人去去酒樓一起飲茶食點心的 去了荃灣的分店食東西環境比較懷舊一點 此終也有多年歷史的酒樓吧🤔新春期間好多店鋪都會收加二/加三服務費的😥😥幸好這家沒有 而且看到還有很多位置所以決定進去但假日的食物會貴點 連加一最便宜為HKD$20一籠·薑蔥牛柏葉(大)·豉汁蒸鳳爪(中)·北菇棉花雞(大)·鮮竹牛肉球(小)·蜜汁叉燒包(中)·明爐叉燒腸(大)·鳳爪排骨飯(點部)·黃金糕(小)·養顏紅棗糕(小)·杞子桂花糕(中)·咖喱蒸魷魚(頂)食物素質不過不失 味道只是普通素質而已感覺麻麻比以前差了很多 這裡有十多籠點心也食到飽飽份量尚算多的 午市時間挻多老人家來食點心嘆茶

盂蘭節去圓玄學院拜完山，老人家堅持要飲中茶，不幸地入咗呢間垃圾酒樓。下午3點25分入，帶位阿姐已經黑哂面，叫我哋自己搵位。入到去，另一個惡形惡相的阿姐放低兩張套餐menu，不停用惡劣的語氣話只係得返套餐（4個點心+1個炒粉麵飯），仲要3點半前剔好，唔好再諗。因為佢態度實在太差，於是已經同佢嘈咗幾句，個阿姐亦唔客氣，不斷擰頭，自言自語。老人家堅持要繼續食，唯有硬住頭皮落單，諗住快快手食完走人算數。點知過咗3分鐘個阿姐返轉頭，話無蘿蔔糕，要轉其他點心。Ok，又係你話得返餐單上既點心，而家又話無，我忍你，改叫其他嘢。又過咗5分鐘，另一個老部長又黑哂面咁過來，話「無菜苗餃」呀，跟住轉頭就想走開，我即刻辣著哂，大聲喝佢叫佢企喺度，同我解釋清楚先好行開。之後好似死狗咁行返過嚟，問我想改乜嘢。咁我問佢廚房到底剩返乜嘢，結果轉咗排骨。又過咗10分鐘，又有人走過來話3點鐘已經唔會再整蝦腸，點解3點半仲會落單，又問改罐汽水俾我哋好唔好？癡x線，我哋已經無佢咁好氣，索性唔要。換言之，我哋叫4款點心，得1款最後有出現。其實你間酒樓唔想做生意，可以開心見成同個客講，一聲唔好意思我哋自然會轉場。搞到咁唔開心，全程

星期六約埋一班親戚去荃灣飲早茶。朝早坐無虛席，有好多公公婆婆已經係到睇報紙，飲杯茶一行八人叫咗二十幾樣點心，超級誇張。食物質素唔錯，早市有好多特價點心，尤其係$5.8有兩粒燒賣，抵食弊在酒樓冇乜冷氣，個個一邊食一邊抹汗，好似焗桑拿，要開返把風扇仔吹下

季季紅既有米豬一直好有名氣於是我同一班朋友都決定去一試六個人叫左一份細既有米豬但頗為失望既係 佢到坊間飲宴時食到既乳豬並無太大既分別而且飯都無好入味 唔知係荃灣先係咁定點。-------除此之外 我地仲另外叫左五個小菜大多味道都只是不過不失叉燒肉質較硬 好瘦 唔夠甜。魚香茄子煲味道不錯 適合伴飯一齊食。乾扁四季豆 。蓮藕餅。扣肉不夠軟身 。總體而言，味道和一般大排擋、茶餐廳沒有太大分別星期五晚去吃也有很多空座位期待有機會可到藍地本店一試

呢間餐廳都出哂名係食有米豬，一直都好想食，但無奈係你知乳豬本身都幾大隻，裡面仲要釀滿飯嘅話，你無返一圍枱咁多嘅朋友，根本就食唔到不過機會嚟喇！今日難得一班朋友去行山，消耗完脂肪咁緊係要補充返啲卡路里啦，乳豬一早就打電話嚟預訂左，咁一嚟到就可以叫員工上枱喇，一見到隻豬咁緊係個個都拎部電話瘋狂影啦，我都唔執輸！即燒蝦禾米乳香豬影完相之後伙記就會幫你開隻豬，都分到好多份，裡面係有蝦米嘅炒飯，粒粒分明，因為釀入隻豬有啲豬油所以勁香口無得頂

呢間酒樓相信有好多人都聽聞過，呢間酒樓主要係食糯米乳豬而出名嘅，呢間酒樓選用原隻乳豬上枱，而隻乳豬入邊有滿滿嘅糯米飯，由於佢嘅份量都幾多，所以建議最好有6位或以上嘅人數先至好order 呢一隻糯米乳豬。呢一隻糯米乳豬，是音樂令出嚟嘅時候都會問我地影吾影相，隨後會幫我地切，乳豬皮燒得好脆，一咬落去啲肉質會咇出嚟，真心值得推薦不過由於乳豬都比較油膩小編淨係食咗三至四件就已經覺得好流啦，仲有佢嘅豬肺湯都可以飲下，幾足料嫁。

農曆新年同幾個好朋友嚟到荃灣荃勝大廈嘅《季季紅風味酒家》食晚飯聚一聚。裝修一般酒樓格局，我哋叫左：至尊燒鵝皇 - 大大隻，鵝味香濃，燒鵝皮十分香口。鵝肉嫩滑入味，仍然保持到肉汁。好食！果皮蒸原隻鮑魚 - 鮑魚新鮮大隻飽滿，肉質爽口嫩滑，火候控制得幾好。加上少少醬汁調味，唔錯。清蒸雙沙巴斑仔 - 夠新鮮，而且火候控制得好好，唔會蒸得過老。上湯波士頓龍蝦伊麵 - 都有好多件龍蝦，龍蝦肉質唔錯，而且經過走油後就更香口。

雖然啲人嘅評論一般，但都就近試吓啦。之前order咗隻有米豬，相對貴。出場時見隻有米豬燒得幾𡃁，心念應該幾好食。但食嘅時原來隻豬唔熱㗎！肉質over cook乾了些。之後再食啲飯都係唔夠熱嘅！天氣冬時食隻有米豬，念住會好滿足，點知變咗失望而回！個廚房好大責任呢。😞

今年的團年飯，為了再次品嚐有米豬，就選擇去季季紅風味酒家！為了不用煩惱，就選擇了套餐——是金豬進寶宴，為了品嚐成隻的有米豬，就再加460元！不過，今次的有米豬就一點也不香脆，十分硬！而且，季季紅金牌炸雞也十分讓人失望，一點也不香脆！反而不失望的是那條清蒸沙巴海龍躉！十分新鮮，蒸得十分恰當，不會蒸得過老！

記得第一次吃季季紅係喺屯門嘅藍地，首創有米豬及豬肺湯留下深刻印象。今次來到位於荃灣嘅季季紅分店，係來飲茶，唔係吃飯，但除咗點咗鮮虾腸粉及棉花雞之外，也點了一碗難忘嘅金銀菜豬肺湯一如既往哋好飲，金銀菜也好好味，如果多舊豬肺就更满意

2018 進入最後的兩日行完大城石澗搭返小巴去荃灣站時經過天橋口的季季紅, 見佢大大隻字寫住$88/斤义燒, 咁就試下買半斤返屋企加餸啦,行埋去同阿姐講要半斤, 但原來要先買食劵, 咁咪行去收銀機位買啦, 我話唔該半斤, 佢答: $48呀! 乜原來半斤就要俾多幾蚊! 其實都明白嘅但點解只係寫個特別平嘅價錢出來而半斤價就唔寫呢? 這完全將整件事變得好像閃縮, 本來明碼實價做生意好平常的一件事, 不過現在除咗係賺多幾蚊(一次過) 之外, 客人對此店再沒信心從此不再來幫襯,損失的是店方, 希望店主-老闆能夠明白箇中道理!講返义燒, 肥瘦各半, 肉質鬆軟, 醃味中規中舉蜜餞稍多,

食物同茶係唔錯嘅，環境同衛生係差嘅，服務態度係衰到無人有嘅，結論係有得揀嘅話唔會再嚟嘅。#有枱唔執叫你搭枱#嚟咗不知名點心，問佢係咩嚟，佢反問你"咁你叫左咩吖!"

每次經過季季紅風味餐廳，都以為這是一間比較偏門味道的餐廳，原本風味兩字就比較偏門，總是覺得是吃一些珍奇異獸的餐廳，但是經過謝霆鋒的chok住黎煮餸的洗禮後，現在的人恐怕只會想起"鋒"味，印象中，季季紅好像開了5年左右，在這一天剛好穿了一條紅當當的底橫，與我的運程來個PERFECT MATCH，於是乎，昨天的門外漢終於演變成了今天的男豬腳。季季紅氛圍很親切，樓開兩層，令人意想不到的是竟然兩層都幾乎爆滿，納尼?士該DIS呢!生滾滑雞粥$20.8：熱辣辣幾入味的雞粥，傳來淡淡的清香，一碗普普通通的生滾粥的關鍵往往就在於粥底，選什麼米、用什麼熬、熬時間多長等，都會直接影響成品的，這碗粥令我想起飛花："綿綿桌上稀粥，吃光了無牽掛...懷念那一碗米粒的開花"。蠔油灼生菜$20.8：口感清脆鮮甜，菜色油潤光澤就夠了，跟蠔油是對PERFECT MATCH，如像鼓椒炒魷一樣。瑤柱蛋白炒飯$88：瑤柱蛋白炒飯是我的心頭好，百吃不厭的一碟菜式，環邊邊點錄點錄最令人歡喜，這令我想起大學時期，有個女同學見到我甚麼文具都是綠色，於是問我是不是很喜歡綠色？我當然清脆俐落地答她："是，除了帽以外..."然後她噗嗤一笑

已經唔係第一次幫襯，不過呢間嘢越做越衰，講嘅唔係食物質素，而係佢哋D服務態度⋯⋯今日去，上2樓見大把位，我兩個人，其實搭枱無問題，但啲waitress 迫你一定要搭D豬頭二人位，近行人通路，D亞姐推車又撞嚟撞去。同個waitress 講，可唔可以轉另一張枱啦，點不知仲換嚟凶神惡煞嘅回答，好似之前得罪過佢咁。喂大佬！你咁多位淨都要限住人一定要坐果一張枱，有無搞錯！其實呢個情況已經係第二次，第一次經歷一模一樣，以為係上次個waitress問題，點不知今次換來第二個waitress，態度都係一模一樣。呢間野永遠唔會再幫襯！