14
14
9
以上資料只供參考, 請與餐廳確認詳情
招牌菜
10年前後幾番新，以前既感覺有維持到今日，以前$50包野飲覺得好好味，而家要成舊水又唔多值，味道也不及從前。(其實呢10年內都食過n次，不過無打食評。)最有記憶係有一次友人話唔鍾意雜餸撈飯，但讀書個陣最鍾意就同朋友share lunch，呢到就比到你咁既回憶嘛。經典既六合麵將魚肉，翠玉瓜，腸仔，蟹柳，雞脾姑加1種常煮既食物(忘了)煮熟加個茄汁/白汁/忌廉汁/咖喱汁/滷水汁任君選擇，真係有"隨便"之感但又富滿足感因為唔係獨孤一味呢d餸煮熟就好味，今次叫左白汁味道尚可，另外叫左個雞翼一碟4隻大大隻，滷水唔差。我今時今日都覺得去六合簡單食餐飯2個人吹下水無咩要求咁係會再幫襯既，而家性價比雖然低左，不過鋪頭呀叔真係好熱情有禮，支持小店回憶黎(´・ω・`)
繼續閱讀
同朋友去到荃灣食晚飯，諗住大家都唔算太肚餓，咁岩行過六合坊，就入去試試.. 🤦🏻♀️點不知我真係覺得好後悔入左去食，本來寫食評應該係分享美食，但係我真係未食過一間咁難食既餐廳，難食到我係覺得佢冇用個心去煮，收得一個意粉嘅價錢都係差唔多90幾元，但係點解可以咁樣去敷衍人客？利申：我覺得老闆既態度同埋侍應既態度都係OK既，不過我認真覺得佢需要更換個廚師，認真幫佢倒米同埋趕客其實個忌廉湯普普通通啦，可以飲到既但係我朋友叫左個香草燒雞柳•海蝦•鱈魚柳•元貝闊條麵，價錢＄98。碟闊條麵黎到嘅時候個賣相一般，我朋友話非常之難食，我去試味，真係好難食.. 真係好難搵到一間咁難食既野我叫左個日式海鮮烏冬，賣相極之不得了，簡直完全係冇賣相，見到已經唔想食，食落口我簡直覺得中曬伏.. 我食左少少已經冇再食了（我分左一半比朋友）🙄因為兩碟麵嘅賣相都好差，我冇幫佢地影相但真係太難食，食左幾啖之後我決定影相🙄佢地送既餐飲味道正常既..但係餐廳環境其實真係超級細，我冇諗過我去廁所嘅時候竟然要打側一個人先可以行到入去，如果你中等身形或者係一個肥人，根本就入唔到佢地既野食簡直係冇用心去整，我諗求其搵一間都好食過佢地，餐廳播既音樂係懷舊金曲，簡直格格不入。我以後都唔會再入呢一間餐廳食野！價錢唔係一般咁既平，食物味道質素仲要咁差我簡直覺得完全中伏，食完成個心情差晒。或者希望個老闆快d換左個廚師佢，祝佢好運吧。
繼續閱讀
其實原先想食吉邊但太多人 無奈之下 見六合坊有好多位 價錢中規中矩 就入左去點知 係中伏既開始。由於入面都幾多位 老闆就叫我地坐四人枱 其實老闆都幾親切 可惜都補唔返之後既野我地叫左一個白汁長通粉同炒烏冬 真心 未見過咁watery既炒烏冬 叫汁撈烏冬就差唔多 仲未講兩個蘑菇湯 一d都唔熱 食物賣相好差好差 但其實我同男朋友都care味道多過賣相 佢好食我地已經收貨 奈何d野冇味既 我狂加胡椒粉同其他調味 先勉強食曬 大佬你收人90蚊一個餐 唔好咁hea好嗎? D雞翼入面唔熟 好多血 unacceptable 重點來了 冇幾耐 有三個人既party想入黎食 但全店四人枱都full 佢間鋪又細 咁我地對面又得兩個位 個老闆娘 粗聲粗氣叫我地移二人位 但其實我同男朋友差好少就食完 成枱都係野 咁男朋友就話 "比多少少時間我地 好快食完 費事搬黎搬去" 個老闆娘比曬面色我地 一見我地食完d野即刻收 見我男朋友飲杯野飲得有d慢就啤住曬 我隱約聽到佢同老闆講"個三個走左喇 佢地唔換位"Honestly?! This is freaking nonsense, we are your guests too. We regret paying $200 for such poor service and awful dinner so much. 三個客就係人 我地係垃圾? 過門都係客 比d尊重喇放工身心俱疲想安穩食個飯慰勞自己 結果chur住食 男朋友都有d胃痛 唉Really don't wanna say so but if you don't want to be treated like shit, don't visit this restaurant
繼續閱讀
荃灣呢區多嘢食，但要搵到間岩口味又有特式嘅餐廳，可能未必個個都搵到！呢一晚係荃灣覓食，眼花繚亂，簡直係好難入手呀！ 本來就抱著｢是旦｣嘅心態去呢間餐廳食，點知原來搵到間正嘢食！ 唔單止食物好食，而且好有人情味 (除咗個女店員態度麻麻之外).餐廳坐位不多，而且好狹窄，對於鍾意坐得寬鬆嘅朋友，就未必適合啦！餐廳不斷播送70年代的外語音樂，令氣氛變得輕鬆，向街外繁忙嘅街道變成兩個世界！我地2個人，就點個二人套餐A, $200 幾蚊，晚餐算差唔多！先黎一個香滑忌廉湯，濃郁嘅牛油味，唔似即沖即煲嘅！前菜沙律最好食，用上新鮮生果，及三文魚，兩者口感配搭合適。生果夠鮮甜﹑三文魚滿有魚油香味！再來個墨西哥海鮮長通粉，通粉多到兩個人都分唔曬，而且海鮮食材算多，不過醬汁就有少少腥！重點主菜係｢羊排」同｢大蝦｣。 羊扒有騷味，而且沒有薄荷醬提供，味道差少少~ 大蝦唔夠大，勝在彈牙，有蝦膏！最後，配有｢台式飲品｣，但其實一杯台式嘢飲都無，就好奇問下店主。 店主十分有良心，告訴我，以前一值有售台式飲品，但係佢覺得台式飲品，特別係珍珠奶茶嘅珍珠好唔健康，所以決定唔賣！ 做生意又有人情味，值得一試！Blogger: 香港愛玩生 - iplayhk.com
繼續閱讀
今日因爲要陪老公黎路德圍整d野所以下午就一家五口加我妹黎覓食。本身想去食樓下冰室，但明明已經係成2點都仲咁多人排隊，所以決定轉場。行下行下見到呢間六合坊，見佢價錢算平仲要係我女最愛嘅西餐咁就一於入去試下。餐廳係比較細得幾張檯，但佢入面裝修一d都唔會亂黎，燈光比較暗但有情調，播住懷舊英文情歌，令人感到窩心。好啦講返野食先，總共叫左4個餐，每個餐都跟一杯飲品。咖哩皇雞柳飯：好香嘅咖哩，唔係出面茶記嘅咖哩，食得出好香嘅咖哩粉味，有少少辣但好惹味，有少少似印度咖哩味道。雞柳唔會話得幾件，汁亦都夠多。一讚！香蒜拿破侖茄汁長通粉：上呢一道菜時，老闆會好細心咁連埋Tabasco 拎黎，味道真係十分好，食到真係有蕃茄肉，同埋唔會水汪汪咁，仲有煙肉，腸仔，翠玉瓜，我d 女都讚口不絕。肉汁日式海鮮飯：呢個感覺有點兒奇怪，肉汁原來係好似台式肉燥飯咁，再加上有蟹柳，獅子狗等，佢嘅配料係有少少炸過再淋上肉汁，令口感更香口。白汁豬柳粟米飯：呢個飯真係正，個白汁夠creamy，好香仲有d粟米味，豬柳好淋身，連我歲半嘅女都可以自己咬到，呢個飯令我一試難忘，完全令我對呢間細小嘅餐廳另眼相看！另外值得一提係佢嘅咖啡係mocha , 唔係一般餐廳個d, 而佢嘅奶茶就係台式奶茶黎。但呢間餐廳真係令我感到好意外，老闆亦都好好服務。仲要係平，咁多個餐埋單都只係170蚊！
繼續閱讀