金裝燉奶佬餐廳 (美孚新邨) (美孚新邨)

營業中

休息中

大大話話我諗都隔咗成年無出嚟踢過波，咁啱有場衛生足球，都喺圍內一班老友玩吓。雖然踢得輕輕鬆鬆，無乜競爭成分，但踢完都好攰吓，而補充體力嘅最佳方法就梗喺嘆個下午茶啦！美孚呢間「燉奶佬」都好耐無幫襯過，因為對上一次嘅用餐體驗感覺麻麻，況且，美孚茶記選擇多。今次再幫襯都喺同行死佬提議，我就純粹食個下午茶餐，都無乜所謂。格局方面，咁多年都無變過。下午茶餐嘅選擇，一張餐牌底面兩頁睇晒，輕盈型啲嘅可以揀西多士餐、三文治餐，大份量啲嘅可以揀啲炒粉飯麵、意粉焗飯餐。二維碼落單，依家大家都熟晒呢個模式啦，唔使多講。餐具、基本調味料整齊咁放晒喺枱側，自由取用。雙拼三文治餐 $35因為過幾個鐘就食晚飯，所以，揀份三文治餐就夠晒皮，最後揀咗午餐肉拼北海道3.6牛乳炒滑蛋。唔係講笑，睇相都見喺交足貨，首先塊餐肉唔會太薄，食得出唔喺平價嘢，而啲炒滑蛋一層搭一層，堅厚，咬落嫩滑有蛋香，就連塊麵包都喺厚身啲嗰一款，總之加兩蚊烘埋底啦。熱奶茶可能由於對杯熱奶茶無乜期望，所以，飲落比預期好，雖然未叫做絲咁滑，但喺至少個茶底夠醇香。雖然簡單食份雙拼三文治，但夠足料，精神、力氣都返晒嚟。所以話呢，行完山，打完波，食個下午茶喺

超耐先送到 薯條凍嘅 啲嘢食未熟等咗勁q耐 同店員講佢成日都話一陣先餐包等咗半個鐘頭仲未到 勁嬲 焗飯仲未焗好 餐包凍㗎 店員成日傾偈 唔止skip咗我哋一枱單 糖水凍嘅 但咖啡ok

炸魚柳薯條 沙嗲牛肉米線 3.6珍珠奶茶之前都有食開呢間但係都係覺得普通。今次呢個下午茶真係有驚喜。魚柳雖然唔係英式嗰種炸法 但都係新鮮熱辣鬆脆 薯條中規中矩都係茶餐廳嗰種。沙嗲有啲一粒粒口感 ok ge 比起米線個人比較鍾意食沙嗲公仔麵珍珠奶茶唔錯㗎 啲珍珠比較軟身 鍾意食車呔嘅朋友可能會不喜歡這個

今日路過美孚，入咗燉奶佬食午餐，叫咗個茄子豬扒炆米粉，茄子和豬扒都是我喜歡的食物，但係Mix埋一齊就整得唔係咁好食！豬扒肥肉過多，口感不太好，過淋！茄子和米粉味道還可以，有改善空間！最好飲係杯紅豆奶茶，茶味濃紅豆亦多，不過應該冇下次！

叫咗個蔥油豬排煎蛋飯同瑞士汁雞肶煎蛋飯 個雞肶飯隻雞肶有少少柴但算大隻 啲菜似煮好咗放咗好耐 基本上放入口唔使咬就會溶咗喺口😹 啲飯嘅份量算多夠一個成年男性食飽 但對女仔嚟講應該就太多 雖然煎蛋其實冇咩好講 但個飯最好食就係隻太陽蛋 個豬排飯 塊豬排都算大塊 肉質算淋 唔會話好柴 但就偏多肥肉 個蔥油冇咩味 但由於個豬排本身有味所以唔會話太淡 菜同飯一樣就唔講多次但其實個飯連埋杯凍檸茶先45蚊 呢個價錢食得飽已經冇咩好挑剔 就正如標題所講一般嘅茶記碟頭飯

打風日唸住食埋個早餐先返工，點知黎到呢度食簡直極失望！佢餐牌寫住用綿香沙嗲醬整沙嗲牛肉，仲要張相照騙甘好靚。點知一黎到粗口都黎埋！份量少都算，個沙嗲牛肉係無味，仲要唔知點解有骨！我以後都唔會再中伏，無下次！

是日放工行過諗住食個扒質素唔算好高，不過七十零蚊差唔多啦有湯，有餐包，有嘢飲仲有一大份薯條🥊薯條係粗條薯條🍟總括來講唔係好啱我胃口🥹！下次應該係選擇中菜👋🏻或者其他款式💕但係今日寫食評，主要係見到職員工作態度勁好所以忍唔住想分享| (• ◡•)|話說係因為有個男人，嘟唔到針卡跟住喺度大罵女職員，職員態度甚好～仲同佢有禮貌地道歉，而且還叫呢個男人入座當然男人誓不罷休，係咁講說話俾職員聽但今時今日咁嘅服務態度，不常有💗

今日嚟到位於美孚嘅金裝燉奶佬食個午膳揀咗個菜膽鷄飯，佢個餐首先送咗個湯菜膽鷄飯，價錢$72蚊，湯同飲品只可以任選其一，所以揀咗例湯個鷄飯份量細咗少少，味道都尚可，有啲汁送吓個飯，但真係唔夠飽

雖然入得呢間食預咗唔追求味道，一分錢一分貨，七十幾蚊一塊名叫特級厚切西冷牛扒，估唔到薄到拍得住大xx既早餐，講真，大xx仲好食d,因為咬到。呢件真係咬到牙都痛！

今天到美孚工作, 期間有空餘時間, 去找下午茶休閑一下, 走了一個圈見到在中學求學時常常幫襯的本地化茶餐廳燉奶佬, 一於去尋找當年味道和感覺坐下發現都有很多下午茶選擇, 個menu製作精美, 圖文並茂, 最後選了义燒炸蝦公仔麵 配熱奶茶； 侍應服務好給予熱水和洗手液, 好快已奉上大大碗公仔麵, 炸蝦香脆, 麵質有彈性,湯底不錯, 這刻真係尋回讀書時代的味道情懷配上熱辣辣嘅香滑熱奶茶, 今個下午享用了一個美好時光 值得推介給大家

每次來燉奶佬食嘢，都唔抱咩野期望，完全只係為咗方便。今日叫咗個下午茶，日式煎餃/薯仔+榨菜肉絲米粉，煎餃同平時係超市買既大大包好抵食既超值裝係一樣味，薯條仲有少少餘熱，食落已經硬硬哋。好在仲有碗米粉，榨菜肉絲有少少辣，米粉仲有少少彈牙，好食。

會食美孚燉奶佬，絕對係因為方便，因為食得出佢哋既原材料質素唔多掂😑今日叫個早餐A,健怡火腿通粉，通粉轉米粉，結果來咗早餐D,榨菜肉絲湯米粉，算！趕時間費事再轉，出乎意料地又幾好食。

曾經有一段時間經常光顧此店，後來因為廚師下油下得太狠，就沒再光顧。這晚因為趕着回去看奧運比賽，這店不用輪候入座，做再給它一次機會。點了二人套餐，包括湯兩碗，小食一碟，小菜兩個，米飯兩碗，這套餐食物份量充足，以$138的價錢來說，不貴，可惜食物的質素只是一般。湯是中式例湯，應該是蟲草花瘦肉湯，但奇怪的是，湯和湯碗上都有羅宋湯的紅油，湯中甚至有帶有羅宋湯味道的紅蘿蔔和西芹，咖啡和奶茶合起來成了鴛鴦，難道湯也可以混合？小食是黑珍珠木耳，酸酸辣辣的並有大量蒜蓉，是所有食物中最好吃的。小菜兩款，我們選擇的其中一款是上湯菜膽雞，菜心不嫩，口感差，幸好雞的味道還算不錯，雞肉的口感也尚可。我們選的另一款小菜是蝦仁炒蛋，蛋很多，蝦仁也不少，但這小菜的鹽下得不均勻，蝦和部份的蛋味道很淡，底層的蛋才有正常的味道。米飯大大碗的，不過這米飯的口感都只屬一般。這店的小菜不再那麼油膩，不過味道方面還是大有進步空間。

打完防疫針，肚子有點餓。路過這食店，就進內吃點東西吧。店內全部是卡位，坐下頗覺舒適。下午茶選擇頗多，亦包含自由配搭。以下午茶來說，這個羅宋湯通粉份量算是頗足夠。湯的濃度合適，少許番茄再加上兩塊小肉骨，是大路貨色，熱度不足，口感因而受到影響。炸蝦是剛炸起，炸粉份量適中，口感不俗，但蝦餅則是已製作了一段時間，新鮮度打了折扣，味道亦祇屬一般。沙律用料及製作不過不失，冰冷度合適，屬可接受水平。煎餃胡亂擺放，影响外觀，進口即知製作已有一段時間，脆口度不足，但用料尚可。店內有自己品牌湯包及其他食品出售。綜觀是日品嘗的幾樣出品看來，該店的製作祇屬一般，屬大路貨色，幸好價錢不貴，尚可接受。

這間店光顧了多次，每次都慨嘆，不明大家都掛著「燉奶佬」這招牌，但奈何這間店食物質素都是不堪。荃灣果間好得多。過去失望多次，相隔大半年，今天再次給它機會，看看有沒有改善。家人叫了印尼炒飯，明顯較從前的正常了一點，起碼阿仔唔會話難食，飯炒得都可以，仔冇投訴。記得上次啲飯濕淋，顏色淡，今次有改善。但是雞翼煎/炸得唔夠香，而且久放了的。我叫了星州炒米，一送來，感覺濕濕的，看下去似水烚多過炒。口感差到唔多想食，而且配料也不顯眼，只見廖廖可數的小蝦。我認為色香味都唔合格。看來短期內都不願再光顧了