食道樂 (已易手) 新餐廳

呢間野之前就系度 但聽朋友話佢地轉左手 啲野好食左 可能未系好多人知啦 放飯時間如果早去都冇乜人既 唔洗等. 本身個餐跟個甜品(雪米糍) 但今日去到 個樓面女仔話可以轉野飲👏🏻 之前雪米糍系上面有粒大大粒藍莓架 但牙齒敏感食唔到我系食肉獸食黎既 佢地個牛排骨湯 勁好飲 唔似岀面買既包裝袋 話系韓國oppa自家製 推薦阿! 有三塊大大塊既牛排骨 跟個飯同一粒韓國炸餃子.咁今日就食左BBQ Set 好似系6號餐. 啲肉比想像中多😍 下次再試5號既雜錦一樣價錢食兩款.呢個佢跟 飯 湯 生菜 同個醬(?) 聽話系將塊肉點少少個醬 之後再用生菜包住就肉食生菜都有得無限添... 好良心!! 第度至少收返十幾廿蚊啦.. 最重要系佢地三款既伴菜都系免費架 唔洗加錢 仲有得添 個樓面唔忙個時仲會主動問我地洗唔洗添泡菜 好親切 但今日見佢自己一個返工 忙到佢就喊😅 好彩我地早黎 啲野好快岀 之後一窩蜂黎左一群人 就好似會遲少少每個menu都有驚喜 好親切 性價比

罕有真韓服務與味道，親切的香港及韓國店員老闆，有家的親切感。香港其他韓菜餐廳都唔會提供嘅免費添加前菜服務，實在驚喜。紫菜包及泡菜煎餅都是必食項目。現已成為每星期都必到的餐館之一！

成日睇韓劇 running man, 係節目上睇到佢地食韓國菜，感覺韓國菜無咩特別，相信中國菜比韓國菜更好味，再加上自己唔食辣，更加少食韓國菜，今次幫襯韓國菜，全因為日本朋友話想試吓香港嘅韓國菜，咪帶佢見識吓，點知想幫襯果韓國菜餐廳爆場，唯有轉場，去幫襯食道樂。入到去第一個感覺係餐廳好窄，另外待應都唔似香港人，甚至有南亞裔待應，感覺好奇怪。望望餐牌，選擇唔多，成日睇 running man, 劉在石話炸醬麵好正，想點炸醬麵，但南亞待應推介餃子麵，咁又試吓囉，走辣唔該！其實只係一碗普普通通嘅韓國走辣即食麵加幾個餃子，連個碗都好似係一個無洗乾淨嘅銻碗，如果你認為韓國拉麵係咁架啦，我真係唔識欣賞囉。餃子足料叫做囉翻唔少分數，但係..... 成58蚊一碗普通餃子公仔麵+一罐裝飲品，試一次就夠嚕！

今晚過左紅磡同朋友做運動，做完九點幾有啲肚餓。醒起附近有條食街，就揀左食道樂試下。餐廳好有家庭feel,估計老細係主廚，老闆娘負責招呼客人，佢哋都好nice。食物款色都好多。我地五個人叫左四樣野。呢個係青提子汁，細路最鍾意。倒出泥仲有好多粒果肉，好得意。牛肉同豬肉拌飯幾正。料足、飯質感好唔會過腍，加埋辣椒醬~烤牛肉飯，重份量醬汁調得好味，牛肉juicy同配料炒得好香送飯好開胃。冷麵有驚喜！麵質好爽身伴一層青瓜絲丶一層蘿蔔片同半隻雞蛋。個汁有少少醋味，好清新。

位於「食街」入面既呢間韓國店價錢吾貴而質素則不過不失並不算十分突出我叫咗一個起司蛋捲同一份紫菜飯團大約七點店內不多人所以等食時間好快店主係真韓國人態度好好好nice1）起司蛋捲$35佢既芝士吾係拉絲個啲但係芝士味算出🤔其實我覺得佢個蛋捲同西班牙蛋餅🍳好似同樣係洋蔥同蛋只不過形狀吾同,而蛋捲上面就配咗啲茄汁🍅所以有啲似奄列2）佢嘅壽司卷味道同我之前係韓國食嘅一模一樣一邊有酸蘿蔔青瓜蟹柳蛋蘿蔔絲🍙其實冇技術可言不過佢個飯包得算實店內座位不多價錢合理係同朋友談天的不錯選擇🍻

星期日都要返工，lunch決定要去食好d！依家韓國餐廳平日上班午餐時間都會勁多OL朝聖，見人多到都吾會入，星期日人少少，坐得可以舒服好多！老闆係韓國人，識聽d廣東話，有個看似香港長大的男孩估計是老闆兒子。店鋪很乾淨，牆壁貼滿韓星海報，電視長播韓國綜藝節目。食物選擇較家庭式，最後揀左炸雞一人獨享！約等了5分鐘炸雞已完成，一共有8件，面頭淋上調味汁，還有數條粗薯條，薯條食落很薯仔，因為炸得吾夠脆所以好似食緊用水煮過既薯仔一樣。炸雞外表炸得很金黃，剛剛好，味道方面，炸雞要靠醬汁帶出肉味，如只吃淨炸雞，感覺是完全吃不出味道的。另外附送一杯雪梨汁，但勁甜！同糖水一樣，但有加入數塊冰，等冰融化可以沖淡一dd,但都是超甜，原來韓國人喜歡飲超甜飲品？整體感覺一段，食物很家庭式，同大眾化。

早幾日先係首爾返嚟，已經掛住韓國美食呢間韓國餐廳，成日行過但次次都無機會食，趁依幾日放假試試，尋日六點幾入到去係老闆娘俾咗個menu我講咗幾句韓文（職員全部都係韓國人，只識少少英文)，睇完menu ，全部食物都係幾十蚊，因為得一個人叫咗個細炸雞$50/8件試試等咗大概10分鐘，即叫即炸，入面仲有肉汁，$50 八件絕對超值，個人覺得仲好味過韓國橋村炸雞，略嫌有少少油係底仲有附送幾條薯條同餐前小食，食完炸雞再食個沙律去油膩