美味佳 (已搬遷) 新店位置

同啲同事收工齊齊黎搵食，今晚食啲乜好？最後選擇左去美味佳食串燒！估唔到又幾唔錯wor ⋯⋯有機會再幫襯！串燒好yummy ，點左唔少串燒，我哋係咁食，密密食，一串又一串，我哋三個人，埋單時每位80，抵食，平得黎又好味。點左多種唔同嘅串燒，腸仔香脆，雞肉串都唔錯，雞蛋腸粉亦好味😋，金菇肥牛好惹味⋯⋯食串燒，燒雞翼係必食，成隻雞翼都係10蚊一隻！如果宵夜食嘅話，再加啤酒🍻，睇波好時光⋯⋯朋友吹水好消遣⋯⋯

成日一到凌晨就肚餓～忍咗半個鐘終於抵受唔住roommate嘅誘惑落咗去食美味佳。美味佳開到四點，最啱通完頂嘅朋友去補充體力。串燒車仔麵大家就嚟食得多，殊不知美味佳有一個secret menu，而哩樣食物就係晚晚深宵肚餓時諗緊嘅野食，又平又好味抵食嘅－－淨米多渣。淨米多渣顧名思義就係淨米線但多湯渣，即係車仔麵唔要餸食湯渣咁。沙渣有薯仔啦、豬骨啦、雞啦、雞腎啦等等，一碗$20但絕對食得飽又好味，聞到陣味都流晒口水，係月尾窮學生恩物呀～大家要叫的話記得直接同姐姐講，menu上面冇咖！第二位美食就係蛋炒腸粉，平時食腸粉加甜醬花生醬已經冇得輸，而加蛋去炒腸粉令全碟野都散發住香氣，帶比兩樣食材靈魂。咁嘅宵夜就算食完會肥都係值得！話明係串燒店又點會唔叫串燒呢，今次就叫咗燒燒賣、燒豬頸肉同燒雞全翼，三樣都係我平時會叫嘅野食，因為太飽冇叫到同樣都好味嘅燒雞軟骨、燒菇同燒豆卜！同樣係好味夾抵食！宵夜永遠都係充斥住滿足同愧疚～無辦法～吃貨嘅生活就係咁樣過～

四月下旬．晴午夜已過，也不知為何我會夜麻麻在這裡附近，只知道人很倦，酒飲了不少，頭暈暈，肚空空，想吃點東西。離遠，看見這裡燈光火著，原來是賣車仔麵及泰式串燒的店子。吃一串香口的東西，正好，就行了過來。凌晨一時多，這裡人不少，堂座客多，等外賣的更多。看了又看，就要了串燒豬頸肉。只見大家也十串八串的買，我這個只幫襯十元的客人，當然不會阿之阿左，乖乖的站在一邊等。不過阿姐也不忘問我「辣唔辣」的，幾認真。串燒聞起來香，燒得豬頸肉邊位微脆的，香口。除了香辣，還有孜然粉的味道，加上肉質爽脆，很不錯。難怪是這麼多人在等，下次再來，要多吃點東西了。

呢間店我知係細搬大的消息,上OPENRICE先知,紅磡的車仔麵都夾雜住賣串燒.是一個特色.回程時...我看到個景色.又記起尊敬的人教我的道理,我成日記住,個人衰極都有限..哈哈首先介紹呢間賣的食物,除了串燒.車仔麵..仲有小食.仲有糖水....串燒我興趣不大,反而鍾意車仔麵.環境太似一般屋企...坐裏面太嘈,播著韓文歌.仲要比起夜店更大聲.店內得老閭娘一個人...裏面有食客食完的碗同骨無收好我坐比較接近門口的枱.都十分乾淨....價錢好抵食,20元3個餸,加飲品要凍的加2元.....22元超抵凍檸茶.茶味足.不過檸卻係太少...不太甜.....正....而個3個餸新竹米粉更新.令我知道什麼叫真的假不了,假的真不了的意思.個豬骨湯底係睇到又食到...不用懷疑是否豬骨湯...仲有腎.薯仔.豬骨成份...加埋3個餸變左6餸米粉.更加抵食我呢次點3個餸太普通...豬腸都係無異味,夾在少少肥膏香味....都好正腸仔...雞肉腸來...仲好有心機開左2邊....牛丸2粒係來貸不過牛味濃新竹米粉都不是吹水...亂安個名上去.呢隻米粉比普通米粉彈牙.爽口.不會林.我反而覺得打邊爐時用呢隻米粉更正..老

久唔久都會去幫襯美味佳，好多時去到都會好多人。要等... 係意料中事！我都明白夏日炎炎，仲要對住三個爐頭不斷咁狂燒串燒係一件好辛苦嘅事。而且眼見佢地就算邊個都好，都會做到大汗淋漓，個人一定係會比較燥啲，所以我都唔會介意佢地『版』起塊面嘅。不過，燥還燥，都唔駛落order時一啲反應都冇啩？我講咗兩次要order啲乜嘢串燒，個『化行妝嘅女店員』就一啲反應都唔俾我。我都算咖喇，你咁忙，聽唔到都唔出奇嘅。咁我之後就問咗佢一句︰事頭婆唔該，你地而家有紙畫咖？之後佢就一句『duck』埋嚟︰你買好多咩？之後我話︰唔係，十串左右。之後佢就話︰你要咩？講啦...之後我就講我要啲乜嘢啦... (((不過佢依然一啲反應都完全冇俾過我囉))) 我落完order之後(((其實我都唔知佢聽唔聽到)))，我就坐埋咗一邊等。根住之後有個男人咁啱又係嚟買外賣，佢同個『化行妝嘅女店員』講要乜嘢之後，個『化行妝嘅女店員』都有『點頭』回應。再之後有個南亞人士指住啲雞串，隔住玻璃示意要一串，之後個南亞人士再行埋落order個位同個『化行妝嘅女店員』話︰One 個『化行妝嘅女店員』仲笑笑口咁答佢︰One, Okay!!!嘩...

美味佳搬了新舖, 就在舊店過幾個舖位, 新店要比舊店大多了, 需零裝修, 但起碼也叫做坐得舒適. 此店主打廉價串燒, 舉目所見數枱客也在吃串燒, 但我一心來試車仔麵, 所以除車仔麵外,祗點了1串牛肉串燒, 此店的車仔麵也真便宜, 三餸麵 + 熱飲 $20 ( 凍飲 +$2 ). 車仔麵選了: 牛腩 / 豬腸 / 冬菇/ 幼麵 + 凍夏枯草 阿姐放下麵時附上一句湯底是老火豬骨湯, 望一望麵上佈滿雞腎片/ 雞肉碎和點點蕃茄和小量豬骨, 要不是阿姐講過豬骨湯這三個字, 我一定以為佢比錯車仔餸 說回這老火湯底, 入口濃濃的, 除了偏鹹外也真的是足料去煲製 幼麵 - 真係要讚, 夠幼又夠滑身, 有點生麵 feel豬腸 - 切得很細件, 也不太感覺到味道冬菇 - 夠厚身, 但祗有 3 小件牛腩 - 不是用雜腩, 但選用的牛腩帶筋帶脂, 也炆得夠淋, 因帶脂肪所以不柴皮, 此店不用滷水炆牛腩, 而是用清湯腩 的方式泡製, 所以味道較清, 但牛味夠 牛肉串 $6, 祗可以說平宜, 但味道好普通又不夠香, 所洒的辣粉也不辣,老實說 '蒙麵' 的牛肉串需貴

本來係諗住去食漢堡點知佢無開就行去附近搵食啦然後聞到一陣陣香味咁就入左去美味佳食啦佢地d野食 好正 串燒好脆口 腎係我覺得最正既而佢既車仔麵亦都唔失禮, 真係有豬骨淆架!食落亦無乜味精 good!而佢亦搬左新舖 坐落都輸服!會再幫襯!

叫左3隻雞翼呀!!$15/3~~~開頭覺得應該好好味... 聞到好香.... 但食落好似有D紅紅地...可能未熟得晒... 少少失望~~佢可能趕住俾我地!!但下次我都想試下其他野wor~~~

一直對這間位於寶其利街內的串燒 x 車仔麵檔極有興趣。曾欲早上到訪但卻碰了門釘，其後隔了一陣子，試試下午茶的時候來再碰運氣，這次就終於給小弟交上了好運了.....店子小得可憐，除能放到淥麵及串燒的counter之外，就只可安置二張枱櫈左右而已。看來外賣應是這裡主打的生意來源吧....肚子很空洞，而且一場來到，絕無可能只吃一碗嗱喳麵便算吧，於是先叫些串燒熱熱身。豬腩肉及雞全翼皆在燒後滲上孜然粉作調味，感覺上令味道變成了"一個樣"，有點乏味。前者本身沒有預先調過味，肥肉部份也沒有帶爽之痕跡，唯一的妙處便是豬皮燒得有點焦香，算是聊勝於無啦；後者看來應是已預先燒定，到有order時才再放在電爐上加熱之作品。肶位不太夠熱，翼身既事先搽上很多蜜糖，事後又滲上孜然粉，兩款調味尤如火星撞地球，完全不相襯感覺很怪。外皮燒得也不很香脆，是燒雞翼的大忌。看來最大的賣點，應該是它那六大洋的面值吧，以雞全翼來說，實在是便宜....要了最近沒常吃的豬大腸作車仔麵的配料。從配料中看到有自己最愛的新竹米粉，大樂，也就樂於捨棄平常吃開的油麵。再加上例牌菜的豬皮、蘿蔔及牛腩。四餸一米，很是豐盛的一頓下午茶呢....就在等

去完尖咀金水, 行左去紅磡繼續密密食..先去食串燒..叫左燒雞腎和獅子狗, $13/3串, 原本$12/3串, 加左$1...不過都OK啦即叫即燒, 用明火燒, 好惹味..係度等食果時, 見到好多人都叫燒雞全翼, 其實都幾抵食 $15/3隻..好多人十隻十隻甘買...下次再試下..

紅磡搵食記第2站...一心想試埋隔離的聯記川王涼粉~點知休息=.=仲要由十二月二十休到一月四...再搵食途中, 聞到勁香..一於入去一試同紙ORDER, 呀姐即叫即燒叫左燒雞全翼X2: 好香, 奄得幾入味雞肉X1: 幾滑,肥左少少雞腎X3: 一流, 唔會過熟同過咸雞軟骨X2: OK牛肉X2:幾嫩豬肉X1K以上全部叫左少辣~ 呀姐燒完灑左少少辣粉, 個汁幾好味..

哩日o係紅磡影完相, 唔係好肚餓, 但難得黎到紅磡哩邊又好想食野最後行下行去黎左哩間食串燒. 咁耐以黎都只係第二次黎哩度, 真係覺得有點可惜. 因為d 串燒實在太美味, 食過一次就上癮!我同友人叫左3串雞腎3串雞肉 $14/3串, 兩串廚師腸$5/2條, 同一串牛肉好似$6, 仲有腸粉$5先來一碟腸粉, 見佢o係個電飯煲度夾出黎. 我諗大約有3條左右.意想不到的咁滑. 一野就滑到口入面, 可能因為我開頭冇對d 腸粉有咩期望, 所以有點喜出望外.所有串燒都係同一方式去燒, 再灑一些7味粉加些甜甜既醬汁o係上面, 真係好惹味雞腎好爽脆, 加上自己本身鍾意食雞腎, 真係食完一串又一串雞肉好大舊. 本身覺得雞翼同樣$14/3串抵好多, 但自己唔想食骨所以都係叫左雞肉, 估唔到出到黎都咁大串雞肉唔算得好滑, 只係類似雞胸咁, 但好有燒烤既味道牛肉比較韌.真係好適合做宵夜, 又唔貴, 對比起觀塘o個間串燒, 真係平好多食左咁多都係$20. 唔係平, 但都唔係貴吧.希望仲有機會黎哩度, 食1,2串吊下癮都好啦

放學和bebe一起搭小巴.她帶我去吃這個串燒店.我吃了一個雞軟骨和雞腎.都等了一會兒, 老闆娘燒.雞腎一般, 輕微生, 同un d.雞軟骨都幾好野, 佢d味粉都幾好味, 未算很咸, 加d醬汁不錯.小吃, $5一串平平但'係度食'好迫...豬兒bebe叻!>3<

ordered:雞腎燒賣墨魚丸雞中翼腸粉埋單都喺$36 燒燒賣真喺好食到.........嗰皮勁脆!!呢間特別在每串都好俾心機燒, 揸蜜糖同香草, 辣椒粉都揸幾轉! 等耐d都抵~!!! 一生人點都應該試一次!

上星期食完今日又去食~ 雞中亦(2隻) : 好好味, 唔係細隻, 皮香香脆脆, 與香料很夾雞肉串 x 2 : 仍然好味,不過今次串肉細左(相中可見肉串幼左)所以冇上次咁多汁但係唔乾 . 此始小店人手串的雞肉 size唔平均唔怪得人地, 但第兩串又粗返勁好味共14元 , 等左只係約1分鐘乍順便影左張呢間的車仔麵菜牌比大家參考~新竹米粉好似幾吸引 =](雖然一個月內寫第2篇唔計數,但係都想同大家分享一下)