本人好鐘意食虾麵同喇沙，但係呢間野就極之難食，魚蛋又唔爽，麵又差，湯係涼的，上次食喇沙仲有陣洗潔精味，十分怪異。如果食虾麵同喇沙，我就極力推介遠點的灣仔"蝦麵館"，果條應該叫蘭度街，好好味，有馬來西亞人都覺得好味。
繼續閱讀
2
0
3
以上資料只供參考, 請與餐廳確認詳情
我之前都去過呢度食LAKSA﹐好好未﹐好正﹗同我喺SINGAPORE 食過果D一樣﹗但係﹐上幾個禮拜再去﹐已經唔同左﹐我諗已經轉左手=( where can i eat singaporean laksa???
繼續閱讀
話說，我部e健dc打柴，雖要走canon驗屍。去開果頭，自已又3心2意，行完一圈L7/L8兩層先想食肉骨茶，但就係無肉骨茶。咁算喇，求其食個近D的蝦麵。點知落單後先知係去隔離車仔麵檔取貨，條友仲賴醒問我要米線定咩，蝦麵啊！你知唔知咩叫蝦麵？不如是旦比個腩米好唔好啊？$28有菜有麵有可樂，係低但只夠醫肚不談好味。做人真係唔好左選右選，好地地海南雞飯唔食，係要搵舊垃圾醫肚。
繼續閱讀
今日再訪國際都會美食廣場KOPITIAM﹐因為已經食過幾次出名的海南雞﹐想試新野所以選擇了新加坡麵家的叻沙做晚餐。新加坡麵家的叻沙只賣$25 一碗﹐有好多種唔同配料﹐但基本上每碗都有﹕豆卜﹐蝦仁﹐叉燒﹐芽菜﹐蛋。呢個價錢計算係好足料﹐配上自選的一種材料﹐份量係唔細的﹐另外仲會送多一碟白菜仔﹐$25真係好抵食。我選了魚蛋做自選配料﹐有三粒。取叻沙時可能收銀的那位阿姐見我在調味料盤中左睇右睇﹐可能知我想要乜﹐就同我講﹕“有特別辣醬俾叻沙的”﹐然後就吩咐職員拎左一小碗“特製叻沙醬”俾我﹐我一聞﹐嘩﹗正﹗對辦。其實望真碗叻沙就知道應該會幾好味﹐因為配料同湯底顏色﹐甚至香味都算頗接近我在新加坡食到的叻沙。先飲一啖湯﹐唔錯﹐雖然唔算好好味﹐但算幾對路﹐絕對唔係掛羊頭賣狗肉的港式叻沙﹗米粉質地算過得去﹐無咩特別﹐但D配料都幾好味﹐唔錯。三粒白雪雪的“自選”魚蛋好彈牙但係就唔算特別好味﹐OK啦。落左幾羹“特製叻沙醬”後碗叻沙果然更香﹐比原來惹味得多﹐但亦變得更加多油﹐不喜肥膩者要留意了。總括黎講﹐新加坡麵家的叻沙算幾好﹐雖然唔係話屬於一流﹐非試不可的美味﹐但睇返價錢只賣$25 連一碟菜﹐真係超抵食﹐絕對好過食一餐麥記啦。對比新加坡麵家﹐AUNTIE SHIRLEY 雖然味道上毫不遜色﹐但考慮配料較少但賣貴一倍價錢﹐就令我覺得新加坡麵家更值得向各位推薦。如果去試﹐記得問店員取“叻沙醬”呀~下次試埋同場另一間肉骨茶再向各位報告...^^
繼續閱讀