雲泉素食中心

營業中

休息中

長輩至愛的地點，認為是最好味的素菜點，由粉嶺搭小巴去，中午時間人頭湧湧，有一家大細，有兩三好友，仲有一堆堆姐姐。排了約15分鐘就上到車，入到去已1:00，馬上自己找位，再選餐。選好後，就到售賣點排隊購買。買好，就叫客人等帶位……what...以往唔駛喎......我就同售賣姐姐講已有長輩坐好，佢就俾號碼牌給我了。選了芋頭魚及竹笙四蔬：芋頭魚大大份，可惜已放涼，唉…明白人多就係咁。竹笙四蔬也只是暖暖的。好在長輩最愛的白粥夠熱，長輩冇投訴。

🔹️知道 “雲泉仙館素食中心” 的齋菜一向口啤唔錯, 一直也想試吓 🥗🥬🥢今次可以試到美味齋菜之餘, 又可以遊覽雲泉仙館😍素食中心服務稱心滿意👩‍💼👩‍💼價錢親民💰🔸️我們點了🥗七彩大拼盤、雲泉羅潢齋、五柳素石斑、如意菰時菜、香脆炸春卷、雙菇時菜、香脆素雞、還有無限添加栗米粥🌽🥣粥底十分綿滑😋齋菜果然高質有水準👍份量滿滿, 值得試試😋🥰🔹️食完後還可以逛逛附近的小檔攤, 有不同種類的海味、小食及零食🛍😋😁

在剛過去的星期日到訪雲泉仙館，當日十架左右嘅旅遊車，停車場都泊滿，可想而知超級多遊人。一點左痴到雲泉素食家點了A餐8餸，上菜速度算快，食物份量大，又有任添白粥白飯，一定飽足！味道不錯，尤其是炸物，白粥亦很香，反而大拼盤味道一般，五柳素石班又比較多汁，其實佢炸得不錯，有汁蓋過就失色了。食完又可以行下仙場地，消化一下，可以悠閒的過半天。

放假無同人迫坐飛機坐火車，㨂留港攤抖都要搵D行程，無理由訓足咁多日嫁嘛😁我哋一班孝子賢孫帶埋媽媽們一齊move move move到位於打鼓嶺坪輋路嘅雲泉仙館行過圈呼吸新鮮空氣。好彩姑姐們早著先機，安排係齋館開門無耐到達，我哋即刻搵到位，眼見遲15分鐘到嘅食客已經要等。素食館出名嘅係軟棉棉嘅白粥、芋頭魚、酸齋。其實，我覺得羅漢齋墊底條唔起眼嘅菜芯都好嫩、好新鮮、有菜味。絕對無老吹，唔係無嘢讚R嘢講😌✋孤陋寡聞嘅我，到訪前從未聽過雲泉仙館。維基大大話呢度係道教純陽派（全真道的一支），主奉純陽祖師呂洞賓。睇完.....我.....都仲係一頭霧水😵總之就係當年抗日戰爭期間，雲泉仙館原本位於廣東嘅西樵山淪陷，吳禮和道長等道侶因此南下香港。於1944年喺德輔道西創立香港雲泉仙館。再喺1975年購入新界坪輋園林地，參照西樵山舊館的建築修建而成。我地到訪當日荷花仲未開，只能遊一圈睇庭園美景。亦都要讚下呢住嘅無障礙設施做得好全面，坐輪椅嘅老人家都可以到達館內80%嘅地方。假期遊客比較多，路邊攤販有擺檔，賣新鮮農產品和口立濕等，睇到D成個頭咁大嘅椰菜令人好興奮！買完餸我哋嘅媽媽move行程完結啦！輕輕鬆

最近同朋友仔去行山，去左有港版天空之鏡嘅流水響，影完靚相之後就行多幾公里去到今日嘅終點 「粉嶺雲泉仙館」雲泉仙館座落於粉嶺嘅坪輋路，交通非常方便，有小巴可以直達，而且仲有停車場，非常適合揸車人士。雲泉仙館面積幾大，除咗有唔少影相位，出口位置亦有攤檔擺賣，而最關鍵嘅係仲有一間素食餐廳係度，呢個就係今次黎嘅目的。因為非常多人，所以係開飯之前一定要搵到枱先，之後就可以安心出去售票處買嘢食，每款齋菜價錢大約 $100 蚊左右，如果人多可以叫套餐仲抵食。因為得兩個人嘅關係，所以只係叫咗兩款齋菜，估唔到每碟都超級大碟，味道亦十分有水準，而白飯同粥亦係免費提供，性價比非常高，不過要注意餐廳營業時間比較短 (每日上午十一時至下午三時四十分)，所以想幫襯嘅朋友仔就要早啲起身。

大路齋菜有此水準確是難得！唯我反映了數十年的意見依舊~就是太大碟了、很多時想試多幾款素菜也不可能、吃素菜不可剩餘是一種積福積德的飲食態度(當然吃其他餐飲也不應浪費)。我每每繞場一匝目測所見~每圍多有大量剩餘。特別初次到訪的遊人進齋菜不虞如此大碟！所以我再次建議將價格降低三分之一、齋菜量數也減少三分之一。註：我甚至建議來吃齋菜的遊客、點餐碟數應~人數÷2(超過六位者：人數÷2+1)。這就取中庸之道~不會浪費及剩餘太多！

疫情前既每年嘅大年初一🧧一家人都去去到雲泉仙館行過大運順便食齋😊相隔兩年之後今年終於回復正常😬可以如常去食齋啦🥳嚟到呢度每年都人山人海🫣排隊買飛給攞位都非常混亂😂所以節日入黎就最好有心理準備😂齋菜套餐新年期間價格有調整🙌大家可以視乎人數都有幾款選擇🙌我哋六個人就叫左D餐😊嚟到都算幾大碟！另外白粥白飯係自助形式任食添🤩💓七彩素拼盤☺️💓如意菇時蔬☺️💓碧綠排骨💓腰果爬雙菇💓春卷拼西檸雞而講到我特別鍾意食一定係五柳素石班😍原條芋頭魚炸到外脆內軟🤤加埋甜酸汁真係特別好味呀😋

上星期同干儿子及他父亲一起去云泉仙馆吃素菜顺便遊玩一下，云泉的素食果然是名不虚传，真的很好吃，咱们点了：素乳🐷（$90），素春卷拼柠檬鸭（$90），炸芋卷（$105）.海鲜扒时蔬（$90）四个菜，白米饭及白米粥任吃，白米粥更云泉有名的，有点腐竹味道又软又糯又香，简直就是一绝，世伯连吃了好几碗呀😁！只是素乳🐷有点不夠香脆味道夠有点儿失望😞，其他的都很出色，加上分量真的很大，咱们也吃不完，幸好咱们都准备好了盒子把餘下的食物都打包回家做晚饭了😎😎😎！

家人一直想去雲泉食素菜，由年頭講到現在，剛好有空，當然要走一圈。到粉嶺鐵路站轉乘小巴，十分方便快捷。更估唔到，車上乘客有近四分一人也是入去食午餐。在小巴上遊覽了聯和墟和傳說中的皇后山邨，司機仿如導遊般介紹，真有趣。到了南齋，家人找位，我就購買食物，必點我最愛的五柳仙班，家人至愛的頂級上素。五柳仙班：好大碟，芋泥味濃郁（唔會粉多，芋少），炸得唔油膩，五柳汁甜酸濃度合適，一口一口吃不完。頂級上素：真心好多，有雪耳（好味，平日都少食），雲耳（大大份），粟米心，雜菇，紅蘿蔔，豆皮，椰菜。素食首重五色食法，此選已做到了。白粥：咩都唔駛講，我吃了四碗（超誇張，但真係好好味）青茶：體貼讓人隨便飲，我又喝了兩碗。一間有心的製作，認真又美味，再行吓花園，欣賞一下盤景，舒暢心懷。

追月日，初十六。先去正門左方梯級上的櫃枱買飛。實體餐牌都係呢度攞嚟睇。一般大部分小菜$90，預設接近六至八人份量，所以望落好大碟。俾完錢會收到個號碼枱牌，自行棟去自己坐嗰張枱。自己出去拎餐具、碗。員工只負責賣餸飛、傳菜、完餐後清理。粥、飯任𢳂。𢳂粥去室內飯堂，粥煲得好綿滑帶淡淡白果香，好受食客歡迎，預備要排隊。室內外都有提供枱凳，自行攞位。室內長期迫爆，體感二五六度左右，預咗要企喺人哋坐緊張枱食完就攝位同預咗如三四人以下要同陌生人搭枱。室內主餐廳兩旁就係室外枱凳。當日爭秋奪暑，一有太陽冒出，室外就體感三十三四度，靠兩三把牛角扇、吊扇吹住當日戶外嘅暖風好過冇。好處：唔駛搭枱；唔駛感受背後等自己坐緊張枱嘅人眼神嘅無形壓力。三十幾度坐室外，夠凍汽水啤酒必備。七彩素拼盤——有齊酸齋、蠔油齋、素鮑片、素鵝、素雞、素叉燒、素魚片⋯⋯調味唔嗆喉，好快掃哂。豉椒炒田螺——本身都食過呢種素螺肉，甚至曾經買過自煮。cute cute哋係幾似，呢度豉椒炒濃味度都直迫大牌檔。竹笙扒四蔬——寧舍要$145，雖然竹笙相對貴價，但份量俾得十片八片又唔多啱道理。最唔抵食。食完唔好嘥咗啲景，建議行去入面行個圈，有廟、亭

近年時興半自助餐，少少錢，多多選擇，味道多多元，200元有找贖。東鐵連城後，一小時生活圈擴展，粉嶺北變得近了。北都大熱，文中這地點是近未來10年一大新市鎮粉嶺北。半小時東鐵車程已到了粉嶺站A1出口。密密開出的52k小巴10多分鐘到雲泉仙觀大門。道教宮觀建築巍峨，有皇宮和韓劇氣派，松松遍佈，山水雅致。勝在短步程，小小園林已是中國園藝的微縮。11至3時有齋菜供應。白飯任食，白粥無敵，米香綿軟。此質素任食令性比價大升。食堂空調勁足，難得是很乾淨。油炸菜式是招牌菜。90元碟是超大碟，是酒樓碟子的1•5倍。推薦食炸春卷拼燒鴨，春卷不油膩，齋鴨多脆內軟。兩人午餐是45元位，平絕。我們多點了五柳石斑，份量似有［2斤］，很難全殲。惜汁液不是另上，汁液太多令芋泥變腍。

適逢初一 又係約朋友食齋好日子,之前來過因為疫情冇開，而家終於都可以食返喇😍芋頭魚 係我朋友嘅至愛 食落口冇一口油炸得酥脆 而且入邊嘅芋頭軟滑 加埋個汁酸酸甜甜好開胃 不過我自己就麻麻地芋頭魚因為食左好快飽 我就食唔到其他野了嚟到又點少得甜酸齋咖喱齋齋叉燒等等最鍾意佢個甜酸齋，唔會太酸乸喉嚨叫咗份乳豬試吓 佢浸皮係脆脆地 點埋個醬食真係好似 yummy!!呢一份係有啲椒鹽鮮魷 炸雞等等 全部都炸得好香脆 加埋啲椒鹽一齊食好好味 炸雞咬落去真係好似雞肉 而且好有𡁻口 有一刻覺得自己都唔係食緊素

搭的士🚕去雲泉食素，好耐無來食啦，發覺價錢貴左好多。先講下白飯同粥，覺得麻麻地，唔夠香。芋蓉卷：👍🏻👍🏻👍🏻👍🏻👍🏻好碎又熱辣辣又鬆化，一咬落去碎到有聲，入面芋蓉入口即容，點d甜酸汁超級好味😋豆苗扒菇🍄：👍🏻👍🏻👍🏻👍🏻👍🏻好有獲氣，豆苗好嫩好甜，菇好大塊好入味多汁，食豆苗食到停唔到口。春卷併西檸鴨：👍🏻👍🏻👍🏻👍🏻春卷好碎，有芋容又爽爽地，西檸鴨個汁好好味，甜甜酸酸，唔同出面既味。芽菜春卷：👍🏻👍🏻一個字爽鼓淑螺肉：👍🏻👍🏻無咩特別，唔夠野味。齋鹵味：👎🏻唔好食

食齋都可以食出好味👍 呢間去位於粉嶺坪輋雲泉仙館， 拜完神之後食個齋，仲可以行去後面佢有一個市集， 有林林種種嘅雜貨賣，我就試過喺呢度買新鮮蜜糖嘩呢個乳豬拼盤，唔知以為真係食緊乳豬呢個係椒鹽鮮魷，我都以為自己食緊鮮魷😂🤣溫室豆苗幾時都好幼嫩， 雞扒菇拼豆苗好味

去年因為疫情的關係，所以素食中心暫停營業，今年再度往雲泉仙館看荷花，更可以品嚐美味的齋菜。平日好少吃齋菜的我們對齋菜沒有特別的期望，今日到此一遊順便試吓這兒的齋菜，有喜出望外的感覺。先到售票處點選自己喜愛的齋品，付款後工作人員會分配一個號碼牌，食物便會送到你的桌子上。自助式取碗筷和茶水，叫了齋菜，明火白粥和白飯可以自由添加。白粥好吃到不得了，香軟棉滑，朋友說要多吃兩碗。五柳素石斑 看上去已好吸引，酥脆的外皮包著棉棉的芋頭，很好的口感而且五柳汁不會太多，剛剛好，整體非常美味。海鮮扒時蔬 色彩繽紛，素蝦、素花枝、素蟹柳都有獨特的味道，我最喜歡素花枝，好有質感好像品嚐真正的花枝一樣，時蔬是菜心，清甜爽口，芡汁不會太多。雲泉羅漢齋 同樣美味，多種菇菌云耳雪耳都好入味，送白粥更一流。今日到這裏渡過一個寧靜舒適的週日和品嚐美味的齋品，下次一定會再來。