金翠園小廚潮洲打冷 (已結業)

舅父生日但因為我有野要搞咁就迫左阿媽叫舅父入黎粉嶺食佢生日飯 咁阿媽覺得要食中菜咁就去聯和墟打冷啦聽過好似好食咁終於去試一次不過, 我地又係死亡星期三出去食食中菜應該好容易出事 鹵水拼盤Um……冇咩特別 烏頭條魚本身充滿魚油好食 魚湯魚肚時蔬清清地, 正常野啦 蠔仔粥都幾大窩蠔都大隻味道不錯 黃金球應該係墨魚丸就唔算彈牙 仲有碟炸大腸但因為我唔食關係相都唔影同行有人話食到大腸味……立刻大呼好彩冇食星期三都係盡量唔好出去食中菜除左暑假啦佢地太分神, 未必煮得出好野食

跟家人間中就會來這店吃晚餐，次數多到記不起，而每次來吃飯，就算是每次必叫的菜，都是水準飄忽的，感覺這裡的廚房是經常換人。今晚點了每次必點的韮菜豬紅，平時這個好味人人讚，今晚的豬紅失準很鹹呢。紅燒豆腐清淡美味，豆腐很滑，是今晚的驚喜。鹵水鵝很入味，每次來吃都是搶手菜，一到7PM晚市繁忙時段，很快售罄。很久沒吃魚雲，但這店的魚雲煲即是魚頭煲，一隻大大個魚頭，而我其實是想吃一煲多隻小魚頭或切件的魚雲煲。至於味道方面，只能說很普通，就是炸起魚頭上煲淋些配料而矣，沒有煲仔菜的味道，很失望，完全再吃不出大排檔或菜館的鑊氣。雜菜煲，不如吖粉絲煲，粉絲佔材料一半份量，菜量少，菜是湯浸的，而且全部都過熟太淋，就像菜滾湯般的，完全冇水準可言。家人說，一食蠔餅就知間店是否換了廚師。以前這店的蠔餅是脆卜卜的那種，現在的製法是軟身，不再是脆漿蠔餅。蠔仔比以前大粒，不過蠔腥味令我提不起興趣再吃多口。其實如果蠔新鮮些或沒那麼重腥味，這個蠔餅粉漿其實是好味的。全晚我最喜歡的白粥，米煲到爆米且綿滑。

20170403(星期一)，翌日是清明節假期，是夜出街吃宵夜，但又不知想吃甚麼，名串王坐滿人，玖久川不知為何沒開，串串王又休息，最後到了樓梯底下的金翠園，就這樣了吃了令人失望的一餐。我們坐在店內，最愛的豬紅售罄，二人點了:鵝片($88)，酥炸黃金球($98)。鵝片賣相不差，排得整整齊齊，"片"得厚薄適中，底部有花生和豆腐，但是鵝肉有點深色，入口鵝肉有點"鞋"口，不夠嫩滑，而且有點味道怪怪的，說不出是甚麼味道，總之就是不好吃，連花生豆腐也是不好吃的。我只吃了兩片，家人一邊吃，一邊提議下次吃鵝片還是到潮江春，味道較有保證，我也點頭同意了。對這個酥炸黃金球($98)充滿期待，希望愈大，失望愈大，黃金球有八大顆，賣相不差，入口吃到墨丸粒，但內裏散散的，完全未能做到彈牙的效果，只有鬆鬆散散的口感，除了熱度十足，沒有可取之處。埋單:$186，換上新餐牌，加價了，但食物質素退步。是夜兩款菜式也不好吃，失望透了，跟家人訴說早知在家吃杯麵。想不到，要將這店放入不想光顧之列了。

20170120--聯和墟開飯，想吃打冷，一間在街頭，金翠園就在街中間天橋底下，兩間我也食過唔少次，慢慢地到金翠園多了，成位打冷首選。其實我喜歡金翠園的原因是除了打泠，還有很多廣東小菜的選擇，較多元化。我每次也是在店內用餐，但其實店外，即天橋底下，開滿桌子，每晩也坐滿客人，頗有大排檔風味的，有機會我也要試試看。3人點了:九菜豬紅$38--必點食物-九菜爽脆，豬紅軟滑，無腥味。星洲炒米$48--下單時說了加辣，真係幾辣，材料也算多，有蝦、蛋、叉燒等等，米粉唔夠乾身。生炒排骨$68--份量多，排骨肥瘦適中，酸酸甜甜，鑊氣十足。椒鹽鮮魷$78--不好吃的，炸粉多，魷魚少，魷魚很幼身，不是鮮魷，應該是雪魷，失望，下次唔叫。埋單:3人$232--不設茶芥加一服務費。

Gathering最好抗冷，飲啤酒吹水，幸好天氣清涼，坐室外都好舒服，天橋底摺枱，環境簡陋！不過可以叫風味！大家各自嗌啲自己喜歡嘅小菜，大部分係下酒菜！ 凍大眼雞：魚有魚味！魚肉嫩唔腥！點豆瓣醬好簡單已經好好味！ 清炒菜心：爽脆唔老！ 酸菜花生：花生鹹香脆口，鹹酸菜爽脆唔會死鹹！清爽好味！ 豉椒炒蜆：蜆肉唔夠肥美，其中有啲有沙！ 韮菜豬紅：豬紅索晒啲湯，唔腥兼滑！韮菜我唔食！ 潮式墨魚拼大腸：墨魚煙韌有咬口，大腸彈牙無壓味！點辣椒油一流！ 滷水鵝片：鵝片入味，好濃鵝味！墊底嘅豆腐好滑！ 椒鹽鮮魷：香口惹味！鮮魷煙韌！送酒一流 椒鹽鴨舌：香口惹味，鴨舌肉彈牙！有咬口！ 潮州白粥：唔夠熱！食物好味！店員滿場飛！態度幾好！非常爽手！稱心嘅一餐！

幾個buddy收工吹水，要風味啲走咗去打冷，呢間同事介紹，有室外座位，天橋旁放滿摺枱櫈，好有大排檔感覺，幸好天氣唔熱，食下嘢飲啤酒好正！坐咗張細圓枱，已有熱茶洗杯碟！食物款式都幾多，我哋主要叫啲下酒酒！食物好快到！蠔餅：煎得香脆，不過顏色有啲黑，啲油嘅問題，蠔仔足料，隻隻飽滿無沙，無腥味！蠔餅外脆內軟，點埋魚露食一流！大腸拼墨魚：大腸爽口彈牙！不過其中一兩件有壓味！墨魚煙韌！鹵水汁清爽唔會死鹹，點埋辣椒油惹味，略嫌辣椒油唔夠香辣！鵝腸：爽口，無壓味！好似食脆麵條咁，墊底嘅大荳芽爽口！索晒啲鹵水汁好味！韮菜豬紅：豬紅大塊，唔會粉，好似濃味啫喱咁，湯汁好濃好惹味！大排檔風味！鹵水鵝片：份量足，鵝片濃味唔嚡，鹵得入味！點專用醋食開胃！XO醬魚仔炒蓮藕：香口嘢，Xo醬微辣，蓮藕薄片大片爽脆！加上煙韌濃味嘅銀魚仔好味！清炒西蘭花：食咁多濃味嘢，食啲菜清一清，西蘭花爽脆，加啲蒜茸簡單炒已經好好味！食物幾好，份量又夠，啤酒夠凍，店員要照顧咁大片地方，唔係幾夠人！所以每次都要舉手一陣先至有人理，不過態度正常，服務亦好爽！唔廢話！露天飲酒吹一晚水！正！