欽記麵家

營業中

休息中

我最近品嚐了一道淨牛雜，並搭配了一杯豆漿，現在讓我分享一下我的食評。首先，這道菜的價格非常抵食，給了我物超所值的感覺。牛雜的份量十分足夠，讓我感到滿足。每一口牛雜都入味，肉質鮮嫩，令人垂涎欲滴。除了牛雜，我也點了一杯豆漿作為搭配。這杯豆漿口感順滑，十分美味。它的豆香味和牛雜相互襯托，形成了一個絕妙的味覺組合。另外，我也發現他們的辣椒醬非常香，為整道菜餚增添了一抹獨特而迷人的香氣。總的來說，我對這道淨牛雜的食評非常正面。牛雜的份量足夠，入味，肉質鮮嫩。搭配的豆漿口感順滑，豆香味道十分美味。辣椒醬的香氣使整道菜餚更加迷人。如果你喜歡牛肉料理，這道淨牛雜絕對值得一試。別忘了搭配一杯豆漿，它會為你的用餐體驗增添一份美好。

食物質素其實係聯和墟係數一數二好食，但係態度真係好惡劣，唔知你係覺得因為太好食，而可以唔使理人感受而得罪啲人定係本身係咁。小弟就由1歲開始就唔食牛嘅，所以冇緣份食佢嘅牛腩，咁我就嗌碗，雲吞墨丸河。咁佢就冇覆單啦，點頭確認，咁平時佢地都係咁嘅都慣㗎喇，咁我都俾咗錢。之後都等咗15分鐘左右，之後去大嗌牛腩墨丸河，咁我就冇應啦。跟住個姐姐就問我嗌咗啲咩，我就話係雲吞墨丸河。之後我就見到，入邊有個男店員，就大大聲指住我話明明係佢自己嗌牛腩既。我真係想講，我由一歲開始都唔食牛，我都唔會下意識嗌牛腩啦🤷🏻‍♂️🤷🏻‍♂️不過算啦，當我錯，我都覺得係幾好食嘅。所以之後我都會去覆我單既麵鋪。

中午時分的聯和墟總是水洩不通，尤其天氣轉冷又下着毛毛細雨，很不容易才停下車。疫情下多數市民都選擇外賣，欽記門口亦有不少人等候。輪到我時，一時忘記自己想吃什麼，年輕的店主熱情的招待我進店看看再下單。其實舊墟未清拆時已認識欽記，又怎會忘記他們最美味的牛肚牛蒡呢！只不過是「為食」⋯⋯今次叫了牛肚牛腩麵和牛蒡豬什麵。付款後告訴店主不用分湯，因回車上便吃，他體貼的提議減少些湯，亦介紹了他們的奶茶，真的很不錯呢！

廿多年前已經成日去欽記食嘢，十幾年前嫁出九龍，間唔中都會掛住欽記嘅牛肚墨丸河同超正嘅店家自製辣椒油，有時在家直頭會不期然聞到欽記辣椒油嘅香味，就好似呼喚我一樣，提醒我係時候要返去止癮了。今日同老公返去叫咗一個我最愛嘅牛肚河，一個牛丸魚片河，一個淨墨丸同一碟蠔油芥蘭， 臨走嘅時候仲買多咗一碗牛肚墨丸河做晚餐。咁多碗加埋埋單先二百有找，超級抵食。另外好想多謝老闆仔送我一杯神秘小禮物，真係好多謝你要守住家業不容易，請你加油，我會多D返嚟支持欽記㗎啦，期待下次再食我最愛嘅牛肚墨丸河

其實新界區最好食嘅牛雜粉麵一定係欽記。但問心嗰句餐廳嘅環境真係坐得唔舒服，好大陣蒸氣同埋牛肉味，而且侍應阿姐非常冇禮貌，聽人講侍應阿姐係老闆嘅親戚，所以態度特別串，如果坐低食一碗麵但係冇叫其他嘢，阿姐落單時有點兒黑面。但講食物質素佢嘅牛肚牛筋牛腩係完全唔會輸嘅。不過好似越來越少客人，希望呢間店舖可以改善一下態度。佢煮出嚟嘅牛肚非常林，牛筋亦都好林，湯底好食，鹼水味唔會好重，反而元朗有間食牛丸好出名嗰間鹼水味非常重，個人覺得佢win 元朗果間🤣

諗住食完就返工就揀咗呢一間潮州粉麵食啦，可惜唔知係咪太耐冇食佢啲食物質素差咗我覺得真係麻麻哋，我上次就叫咗一碗牛雜麵，唔知點解啲牛雜好難食，再連埋佢碗麵啲牛味都冇呀好難食我真係唔推介大家去食呢一間係咁多完

N年前晚晚嚟幫襯食兩碗,食物質素都算尚可!可惜現在差過以前?真係唔知係我食嘢要求高咗或者佢嘅質素差咗呢？😩 香味唔夠香！味道一般!胡椒味重咗少少！ 我相信以後都唔會再食佢啦

呢間舖頭的牛雜係聯和墟都幾有名氣，我都食過n次，事實又真係幾好食既！但價錢不是十分便宜，可能近年食材、人工、舖租都有升幅，所以我都見證住佢地加價幾次！同事放大假去左旅行，今日lunch又要食自己，就近近地外賣左大碗牛肚米($42)返公司！一打開碗蓋，香味就充斥成間公司，牛肚份量都唔算少，而且滷得好入味又彈牙；除左牛雜好味外，自家製辣椒油都好有口啤，辣椒油好香但不太辣，公司清潔姐姐非常喜歡，每次我用唔晒既辣椒油都被佢收起放入雪櫃，留待下次使用！

聽說聯和墟好多好嘢食，過開嚟就尋寶啦，見到有間面門普通嘅麵店，不時有人入去，行近啲都多人，就入去試吓。入口左邊係廚部又算係收銀，呢個廚部冇掛起牛雜牛腩，透過3面玻璃一眼看清店裡店外。其他位置放咗大大小小嘅枱，細枱全滿，於是搭枱。麵嘅選擇算多，連不常見嘅伊麵都有。叫了牛雜伊加腐乳通菜。可能人多，見廚部2人都做到無停，等待時我就發現到店內有塊深色告示(有關肺癆)，估計係殖民地時期的，好有特色。牛雜味偏濃，腸超肥，見啲肥膏滿佈腸內，實在驚驚，唯有留佢喺店內吧!其他都不過不失，只是肺得一件少咗啲。伊麵夠爽彈。通菜鮮嫩。

夜深時分，聯和墟好多鋪頭都關左，「欽記麵家」仲開緊，都冇乜其他選擇啦。睇得出呢間野係做街坊生意。🤔 —藍妹淨係食左個菜，都唔錯既，唔會好老有渣。個麵飲左啖湯，湯頭幾好味，加左腩汁😉—野食中規中矩，只係臨食完出現意想不到既驚嚇。😰藍妹坐近雜物果邊，背向雜物，果到有啲膠袋。男朋友食到最後，藍妹忽然聽到後尾傳黎膠袋郁既聲，藍妹果刻都心知不妙。心諗：唔係咁好彩啊嘛，千祈唔好啊！😭忍住唔向後望，點知佢再傳出膠袋既磨擦聲，都係忍唔住向後望，見到有隻爪係膠袋上面好快閃過，然後膠袋後面藏住灰色既物體。藍妹好辛苦先忍住唔叫，但依然即刻彈起身，拍男朋友叫佢食完快啲閃。😖比錢之際，伙記可能見到我面色唔對路，係咁望果個位，問咩事。輕聲同佢講左咩事，佢都匆忙道歉。藍妹真係走夾唔抖，一碗麵換黎咁既驚嚇，真係頂唔順。😱😱

好唔掂！忍不住寫幾句食評環境衛生麻麻，好多烏蠅！叫左個牛腩河，未食過咁韌嘅牛腩，我都唔係老，但咬極都咬唔入⋯牛腩冇牛腩味，顏色橙橙地好怪⋯ 收費仲貴過人，想點⋯ 冇下次！

近日喺 Facebook 粉嶺人 group 見到有人話呢間係食新鮮牛雜 (唔係冰鮮) 所以約埋友人慕名黎試一試。呢碗就係個主角，牛雜撈伊~~ 坦白講我覺得係好食嘅，不過因為我平時唔多食牛雜所以我真係食唔出新鮮同冰鮮嘅分別。佢個汁唔算係太濃所以都食到啲牛雜本身嘅味道。順帶一提，呢度嘅伊麵好食，唔會太硬又唔會話有陣油益味。友人點嘅貢丸雲吞水餃河，貢丸就係普通交貨貨色。雲吞同水餃應該係佢地自己包的，都幾好食。我見佢有得買生雲吞、水餃，應該係比人買返屋企打邊爐吧?淨牛腩一碗，佢個汁好濃，有啲 lim 口，牛根位好好食，但係牛腩部份就一係太瘦一係就成舊肥膏，個人麻麻地。菜心新鮮無渣配腩汁一流，好食呀~兩丁人叫四樣嘢真係多得滯，大家要留意啊~

粉嶺聯和墟雖然係一個小區，但區內美食絕對唔惹少。今日選擇到欽記食下午茶，欽記係聯和墟小有名氣，招牌牛筋牛腩香軟可口，腩汁香濃。點左大碗雙拼魚蛋牛肚米粉，份量幾多，喜歡魚蛋夠彈牙，牛肚爽口不黐牙，配上濃濃帶甜味既牛腩汁，簡單卻味美。不得不提欽記秘製辣椒油，加左蒜頭，唔算好辣但係好香，食得辣不防試試，令成碗面味道更加豐富，係一個重要既小配角。天氣炎熱，嗌多左杯凍豆漿消暑，普普通通。最後埋單面37蚊加7蚊豆漿，飽晒，細食既朋友可以點細碗30蚊。

工作到晚上10點多都未食飯，太夜大家都無乜胃口，所以搵間麵店，但呢個時間大多都收了！搵到呢間未收，大家入到去，一間好普通嘅麵店，地方幾大，桌椅唔迫，大家坐低落單，店員姨姨好爽，已報告無晒河粉、雲吞同水餃，菜都淨番生菜！食物好快到！牛腩牛筋米粉：黑色膠碗，份量幾大，牛腩連啲肥肉，瘦嗰部分纖細粗，不過唔痴牙，柱候炆得入味，牛筋彈牙稔口，炆得入味！米粉幾滑！湯底濃味！柱侯味香濃！好味！腩汁的生菜：生菜爽脆，腩汁比蠔油清爽，唔會搶咗生菜味道！好味！同事食：牛腩牛筋麵：牛丸米粉：紫菜牛肚粗麵：原來我哋入座時已差幾分鐘收舖，姨姨都無出聲，好爽咁招呼埋我哋，仲話，收0130係好多個月前！我哋食埋佢哋就收舖！謝謝姨姨！

20170305--是日下午茶吃泰菜，飽至晩上八時還未有食慾，陪家人吃晩餐，想吃簡簡單單的粉麵，想到味道應該有點水準的欽記。星期二休息，難怪前幾天吃閉門羹。晩上八時多，店內有位，發現價錢比食評內的相片提升了，2017價錢，$30單拼粉麵一碗。食店看似牛雜專家，家人點了:牛腩麵($30)--賣相吸引，牛腩份量多，牛腩入味炆得淋身不會硬，麵身爽口，湯底味濃，牛腩肥瘦適中，家人滿意味道。牛筋河($30)--牛筋份量不算多，炆得入味，但未夠火喉，有點硬，河粉份量適中不算多，湯底味濃，沒有味精。魚蛋河粉($30)--魚蛋爽口彈牙有魚味，送上幾棵菜心，河粉不算軟滑，湯底清淡沒有味道。沒有胃口，味道也不怎麼樣，加點祖傳辣椒醬和醋，希望可提升食慾，最後還是草草了事吃清光。早知道只有魚蛋好吃，點淨魚蛋好了。埋單:$90--以前也到此吃過粉麵，並沒留下較深印象，是日沒胃口，吃不知其味，小朋友也不太喜歡牛筋河，是次家人對牛腩狀甚滿意，二票對一票，OK評語一個。往後我還是到別處尋找美食，沒有一試難忘的驚喜，也未有想一吃再吃的意慾。