鶴咀阿蘇涼茶

營業中

休息中

入到鶴咀村的頭一間有腐竹雞蛋糖水，但如果想吃豆腐花就要行入多少少就在鶴咀村的更樓瞭望台旁邊 - 鶴咀阿蘇涼茶如果有惠顧的話也可以借洗手間。山水豆腐花 ($16/碗) ~ 有凍或者熱可選～糖水和黃糖都能按自己的喜好來加多少豆味幾重，凍吃很快就將曬完太陽的溫度降下來～但熱吃的就會滑一點。另外還點了 - 魚肉燒賣 ($16/8粒) 不會是一口麵粉那樣子，不過豉油都可以自己落就好了話說在吃時見其他客人多數都是豆腐花配咖喱魚蛋，下次有機會再試下。

品嚐了阿蘇涼茶的山水豆腐花（凍），溫度剛剛好，可以解暑，很適合步行一小段路後，作小休之用。唯一可改善的是豆腐花的口感不夠滑。另外還點了魚蛋發燒賣雙併。辣魚蛋只有輕微的辣度，燒賣還不錯的。光顧後才可使用的洗手間很乾淨。

今天與朋友到鶴咀行山欣賞風景，沿途經過位於鶴咀村內的「鶴咀阿蘇涼茶」，它位於百年更樓古蹟旁邊，雖然山間小店環境較為簡陋，都是以摺枱、膠櫈和帳篷等搭建而成，不過不失為一個讓人休憩的好地方，決定先駐足休息一下。點了「山水豆腐花」($15)、「魚蛋」和「魚肉燒賣」($15)。豆腐花夠滑溜，加上適量黃糖和糖水，清涼又甜滋滋。另外魚蛋夠彈牙，魚肉燒賣大粒有咬口，配上甜鼓油，鹹鹹香香的。行山想休息一下的時候，不妨在這裡歇一歇！

食物冇價錢牌提供，只有幾張圖/大字貼在店中。友人嘗試問價兩次，見職員忙冇覆到，我地諗住算啦照叫左先，結果就出事。我地叫左腐竹同蓮子兩款糖水，食物質素我當佢十幾蚊質素去睇，唔讚唔彈。埋單時夠贍同我地講50蚊一碗！大佬呀，知你地山區可以坐地起價，但一碗咁雞既糖水(你當一般山水豆花既份量同質素稍差)，都冇可能收個咁過份既價嘛，個人覺得比盡30，但你收50就擺明係惡意黎。我地問左兩次佢都講呢個價格，奇就奇在負責收錢既另一位員工，唔知企得遠聽唔清楚定點，最後係收我地20蚊碗。間野係睇人收費，所以員工認知價錢都唔同？利申我地算有禮貌，而樣貌就都係後生仔，唔知關唔關事嘞。因為本身打算頹食碗糖水，所以冇影相作證。唔信既人唔緊要，就當係提示幫襯時留心下價錢啦。

假日到了鶴咀行山，回程已經三時許，確是需要急急醫肚仔。😋到了小店，人流也有很多，幸好剛剛有人離開，才可以慢慢坐下來。🤭點了幾款$15食品，當中包括，馳名的豆腐花。熱豆腐花很滑，豆香很重，配上黃糖很夾，很值得推薦。😄👍🏻咖喱魚蛋和燒賣也很不錯，因為其他小店賣的魚蛋燒賣很多時都只是麵粉味，但它們真的有驚喜。魚蛋很彈牙，燒賣也有魚肉味。在戶外吃着小食，確是很有風味。😚整體來說是值得推薦的，尤其是豆腐花。😆#豆腐花 #魚蛋 #燒賣 #鶴咀

放假約好友去鶴咀郊遊，朋友未食早餐，所以去到第一個（唯一一個？）補給站，鶴嘴村有兩間店，呢間係其中一間，正正在一座古跡旁邊一間村屋外，在露天放膠櫈摺枱，食品都係啲小食！大家都無乜所謂，坐下點餐，只見到一位女店員，佢有禮斯文，同埋都有耐性，我們前後分幾次點餐，佢都從善如流魚蛋福麵（$25）即棄膠碗，麵唔係煮到好淋（我喜歡唔太淋）湯底係正常福麵嘅味粉湯，辣魚蛋夠辣（真係會辣到流鼻水嗰種）咖哩味好香好惹味！簡單好味朋友食：豆腐花：魚蛋燒賣：魚蛋腸仔福麵：食物正常，環境只是ok，加上今日好大風（係吹得走膠櫈咁大風）食物即叫即做，天氣涼食簡單熱食物已經好好郊遊加油站

去鶴咀行完出黎前入左鶴咀村食豆花. 怕認唔到路, 其實村口就可以見到招牌. 入去都係一條路. 搵到更樓附近就係啦. 座位唔多, 但好彩我地時間早, 所以還有位置.  除左豆花外, 呢度重有小食及自制涼茶. 自制涼茶係一樽樽的, 唔駛怕要一口氣飲晒. 可以留番沿路飲都可以. (朋友買左). 一場黎到梗係食豆花. $15碗, 有凍有熱選擇. 黃糖同糖漿自己落. 所以唔駛驚會無味或者太甜. 自己睇住落.問左店主佢話熱食多用黃塘. 凍食就用糖漿. 天氣凍時食番個熱豆花. 超滿足.