清真惠記

營業中

休息中

大隱隱於市，在銅鑼灣商業中心區屹立多年的清真惠記，專門售賣清真食物，同層還有同區同樣著名的九記車仔麵。在惠記必點當然是羊肉咖哩飯，也有不少人單點咖哩汁配其他碟頭飯。通常如果我和朋友一齊來，都會單點咖哩羊肉，然後另外再點餸。大家都知道羊肉必試，但如果你再加點蝦籽柚皮和少爺雞😉那就是很懂行的食客。咖哩羊肉，肉一咬脫骨，咖哩汁香濃。滷水掌翼蝦籽柚皮，不是每次去都有貨，可以試試運氣超厚身入味的柚皮，配飯吃一流蘿蔔🤌🏻

嚟到這家飯店，率先抵擋唔到嗰份香濃非常的咖喱氣息🍛！首選無疑係佢嘅招牌咖喱牛腩飯，呢個盤盤香濃嘅咖喱汁簡直係滲透到每一塊牛腩肉入面，嬲牛腩肉質嫩滑，入口即溶仲有啖啖肉咁滋味，襯以滑嫩嘅白飯，天啊🤤，真係再正不過！話說唔止牛腩，羊腩都一樣引人注目。咖喱羊腩飯嘅羊肉腍滑得嚟唔羶，滿口肉香中帶點咖喱嘅辛香，食落有層層次感，令人一啖又一啖。另外個蝦子柚皮都值得留意喎，彈牙嘅蝦子鋪滿，加埋微微苦澀嘅柚皮，令味蕾感到新鮮刺激啲。即使係嚟自熟食中心嘅快餐配搭，呢盤菜都驚喜到唔少食客，包括我！👌雖然話湯水就相對平常D，但食咗滿滿一腹嘅咖喱，有湯解解膩都幾好。仲有架，等如此食物原汁原味，真係食得滿足，價錢又合理，真係令人喊出嚟：「呢啲嘢就係香港嘅寶貴文化咁！」下次繼續襯繁華嚟一場味蕾盛宴啦！👍

去完銅鑼灣影相，諗起呢間好岀名既餐廳，所以慕名而來（不過天氣太熱，打算睇下個環境再決定食唔食）點知原來而家熟食中心係有冷氣，環境又乾淨，所以就坐低試下咖喱羊飯 $56係傳說中好好食既咖喱羊 咖喱上碟時已經好香，入口香料味濃，帶有羊味而且辣勁夠，超惹味，令人食唔停（個人中意食更辣，如果餐廳有辣度揀就更好啦。）羊肉份量唔算多，不過羊肉味好香而且肉質嫩滑，好食。本來覺得個飯份量太多，點知個汁真係太好食，輕鬆食哂（仲額外$8買多碗咖喱汁食飯）本來想試柚皮可惜賣哂，下次會再幫襯

收藏佐一年幾 今日終於搵到機會去試下 嗌佐一個鴨髀飯+一個細咖喱羊腩（特意問佐 唔可以雙拼😅可能因為我唔係熟客）一次試晒啲嘢燒鴨真係有料道‼️熱辣辣皮薄脆油潤 皮下脂肪少 所以唔膩 我覺得唔輸甘牌燒鵝 同埋鴨汁撈飯都係好香咖喱羊腩都係質素好高👍🏻 同樣都係熱辣辣 羊肉軟爛 入味 咖喱都係調味好好 香料味都適中唔會搶佐羊味 又唔會太淡 撈飯一流 我覺得咖喱要好食過新景園 個羊真係我係香港食到最有羊味嘅 真係好感動🥹好過巴依唔知幾多😑本食肉獸今日又係滿足的一天😌雖然價錢對於街市來講係有啲貴但出品質素我覺得值後悔冇早啲來😅

幾年前食過一次之後，都冇機會再試，因為好少係港島活動。今日有事要去灣仔，抽個時間嚟食午飯。咖哩羊飯（$56）咖哩好味道，辣度適中唔太過龍，香料味有但唔重手所以唔太出，啲咖哩夠撈哂碟飯嚟食。羊件（帶骨）大約有六七件，冇羊騷味，但稍為韌咗啲，因為唔肥，所以都偏嚡。

大約10年前開始光顧清真惠記。都是朋友介紹上來的。水準多年都沒有改變，維持非常穩定。中午12點上來，搵位都有困難！最後坐都在天橋的出口，由於有人出入的關係，應該是最熱的位置。也沒有辦法吧。姐姐很快的過來落單，我叫了一個咖喱牛肉。大約兩三分鐘便上，效率非常高。賣相就不值得一提啦，多年來都是這個樣子！咖喱呈現深色，但是並不是好杰的那種。味道濃烈，八角味比較重，由於冇得揀有幾辣，個人認為是中辣。說起清真咖喱牛肉，當然不能不提巴基斯坦咖哩。剛才提及過這店，八個角比較重，佐敦的那一間店，我覺得洋蔥味比較重，咖喱比較希。各有各好的吧。五十幾蚊食個午餐，OK啦

勤勤寫準備同大家推薦多啲好食嘅食物🤩今次嚟到位於銅鑼灣熟食中心入面嘅一間清真食品店🙊雖則話係清真食品，但其實佢有賣燒鴨太爺雞，今次遠到而來，就係想試吓佢嘅燒鴨🤪我哋總共叫咗一飯一面👍🏻-🍖燒鴨瀨粉 ($45)燒鴨有驚喜‼️雖然皮下脂肪唔多，但皮燒得香有趣👍🏻而且鴨肉好鮮嫩，唔會好老。今次我叫嘅奶粉餐廳比咗鴨髀位😍一碗細細足一隻髀，其實性價比幾高。湯頭清甜，但略為食完會比較口渴😟🍛咖哩牛飯 ($56)叫左個咖哩牛試試，一碟大嘅有6-7舊牛腩左右，再有少許牛根，牛腩炆得十分之腍同入味👍🏻咖哩底偏辣，送飯一流‼️但量黎計就偏少，食完都說唔夠飽啊😆-🍹飲品方面，各式汽水啤酒都有提供，今次我地2個決定去戰肥仔水無叫嚕🙊P.S.熟食中心環境嚟計都叫幾乾淨‼️怕污糟嘅朋友都唔使太擔心，另外佢哋呢一間餐廳仲有賣古法蝦子柚皮️，本身我地想叫但剛剛賣晒😟唯有下次再試

碰巧在附近工作完畢，於是便到鵝頸熟食中心的清真惠記來個午膳。我愛他們家的咖哩帶點羊肉香味，跟坊間不太一樣，惹味得很﹗男友點了一客咖哩羊腩飯，而我點了一客咖哩燒鴨飯。羊腩鬆化入味軟腍、份量多。燒鴨肥美皮脆，配上帶點羊味的咖哩汁，令風味提升、味蕾雙重感受。大家經過的話，不妨一試吧﹗

話說帶屋企人去東區醫院複診，之後指定一定要搭的士過嚟鵝頸街市搵咖喱羊腩，老竇話佢後生嗰陣時已經開始喺度食喺家族生意，而我自己咁大個人係第一次過嚟呢頭：其實2樓係街市熟食嘅地方，今日係星期一，時間已經係晏晝3:30左右，見到依然有幾台客食緊佢非常出名嘅咖喱羊腩碟頭飯，我帶着爸爸指明一定要咖喱羊腩，另外再點咗一隻鵝髀同埋蘿蔔，我老竇話呢一間嘅蘿蔔非常之林，絕對啱無牙阿公食：如果我呢一篇食評呃到你入嚟真係唔好意思，因為我係外賣帶返去我喺大西北嘅屋企，掛住食唔記得咗影相，只可以講佢嘅咖喱羊腩係有少少辣嘅，但係我呢啲唔食得辣嘅人都接受得到，一盒咖喱羊腩係$78，另外我+1隻鵝髀同埋一盒蘿蔔total $138，總括嚟講性價比非常之高，而且佢嗰盒咖喱羊腩係好多羊肉😉抵食又惹味👍

The signature dish is “Curry Mutton”, we ordered the large size but it’s served in a rather medium sized bowl, still, there were 10 pcs of lamb and a few potatoes. Flavours were spot-on, nothing fancy and not too spicy. “Roasted Duck” here is made in HK-styled, just like those you find in local barbecue stores, aromatic skin and a tender duck leg was given to us. Also tried the “Soy Sauce Chicken” - sweet and savoury skin well marinated, with a smooth chicken leg generously arranged by our serve

褒獎過譽的清真羊咖喱重陽節三傻休息，今次輪到藍毛毛、檸檬仔和小突兔出行，其實就是睡醒之後想出去走走，看看有什麼平日難得吃不到的美食，走著走著就到了鵝頸橋街市，想起許多帖都介紹的清真咖喱。清真羊咖哩 54元 (無飲品)街市的環境固然是普通，有很多假日工作的藍領一族，實在辛苦他們。你問我54元抵嗎？我覺得普通，吃完都飽，但一上桌的賣相一般，而羊肉又太少，咖哩很濃但蓋不住其羶味，加上又無飲品。除了咖喱，似乎燒鴨都很受歡迎，但胃口有限就不叫了。總結就是可以不去的餐廳，吹大左😅清真惠記銅鑼灣鵝頸橋街市#清真惠記 #清真 #銅鑼灣美食 #藍毛毛 #檸檬仔 #小突兔 #香港 #午餐 #重陽節 #夏天 #跑步 #白爛貓 #lanlancat #搞笑 #羊肉 #咖喱 #curry #lamb #世界動物日 #animals

幾年無去銅鑼灣，今日去嗰邊，又，係獨食午餐，就回顧下以前銅鑼灣工作時的平價飯堂，鵝頸橋街市的清真惠記😁。熟食市場有冷氣，算係咁。最喜歡叫燒鴨飯+咖哩汁，老闆仍在，水準保持，燒鴨好味👍。舊時見過有些人的評語介紹，話皮脆。。。坦白講，食過咁多咁多次，真係未試過皮脆🤔，不過味道真係好嘅，價錢也不貴。佢地掛鴨方向跟一般燒味店不同，係鴨頭在下屁股向上，燒味店是相反的，唔知有乜原因🧐？咖喱羊腩也很多人點的，佢地咖哩汁是很好送飯，不辣的😋。有機會要再試那街市的車仔麵，聽說是用新鮮牛什，但好多人排隊。

多年前開始幫襯 最近少咗去又係俾媒體喚醒咗記憶好似以前係唔開星期日？去之前上openrice睇一睇咩環境前幾篇食評講水準有下跌唔係掛😨冷氣熟食中心格局要長期同人搭枱樓面呀姐都勤快醒目見你行埋嚟就招呼你埋位 太耐無嚟唔記得有無加價 合理價錢燒鵝飯 呀姐會主動問你要唔要咖哩汁當然無人唔要賣相靚仔仲有劈椰菜隻鵝都幾多肉😛咖哩汁係落足料 勁惹味淨係俾咖哩汁我都可以餸成碗飯味道無失準過 一樣好味道

雖然唔係成日嚟食，但係都知道呢度有個主打係咖喱羊+鴨髀飯，食過幾次，質素都真係幾唔錯，因為性價比實在太吸引，羊+鴨髀+湯都係$62，所以我每次都淨係叫呢個。今日係附近做完嘢諗住再食多次，一坐低當然叫呢個飯啦，點知個姐姐同我講一直都冇呢個拼法，要咁樣拼就要$9X，我就覺得奇怪，明明上個月先食過一次，都係$62，點會冇喎，之後個姐姐堅持話開咗10幾年一直都冇，講咗幾句之後好似好唔耐煩就行開左。之後我就即刻上黎OpenRice睇，原來我無老人癡呆，張相仲要有埋價錢，我俾埋張相俾個姐姐睇，個姐姐都仲要死都話無，谷鬼氣最後就走人。其實我都明，而家呢個市道，咁樣拼法的確好唔合經濟效益，始終呢啲小店都要生存，你照直講其實我真係OK，都會乖乖地叫個咖喱羊飯，手頭鬆動啲都會加錢嗌雙拼，但最唔爽既都係姐姐既態度，好似食就快啲落單唔食就快啲走人咁樣，附近又唔係冇嘢好食，唔食你咪唔食你。

早排喺YouTube見到過唔知咩KOL去食羊肉飯同埋燒鵝。講到啲羊腩好食到天跌落嚟咁。落開灣仔就去試吓。同埋見到咁多正食評。滿懷高興咁去一坐低就同佢講叫咖喱羊飯，見佢寫住含骨，應該都OK啦。好啦重點，將個碗仔啲餸倒落個碟度，嘩望落去全部一粒粒細嘅好似排骨，跟住叫咗一個好似大媽咁嘅阿姐同佢講。我話你地啲樣全部都係骨，好少肉黐住！跟住佢就望咗兩眼，攞個碗仔去，俾返一件，係一件羊肉，大個手指頭比我。我都算數費事同佢嘈，食完嗱嗱聲走人。俾錢個時候有一個好似後生啲嘅我諗係老闆娘，都算有禮貌講句多謝。我都冇再同佢投訴，但一定以後唔會再幫襯。羊肉飯，咖喱普通，係咪啲YouTuber講到咁好食咁誇張我話俾你哋聽唔係！附上碟飯嘅圖片，可能我影得唔係太好，其實全部都好似排骨一粒一粒咁，係完全冇肉咁滯。