64
9
6
港鐵灣仔站 A1 出口, 步行約7分鐘
繼續閱讀
開飯介紹
一間氣派十足的中菜館，環境寬敞，燈光十足，提供上海菜、大閘蟹和點心，菜式精緻，例如，一枝獨秀，慈禧豌豆黃等菜式。
繼續閱讀
營業時間
星期一至日
11:00 - 15:00
18:00 - 22:00
公眾假期
11:00 - 15:00
18:00 - 22:00
公眾假期前夕
11:00 - 15:00
18:00 - 22:00
以上資料只供參考, 請與餐廳確認詳情
食家推介
朋友話想試灣仔會展入面嘅一間中菜，我都未試過，見做緊優惠，片皮鴨做緊折扣，緊係去食下，個人超鐘意食四個人淨係叫左片皮鴨同炒年糕都食唔晒！佢個片皮鴨都燒得好脆，皮都片得好薄，亦都唔會太大塊，肥瘦均勻，皮都俾左兩籠，最緊要啲皮夠薄。特別嘅係呢到唔係配青瓜同京蔥，反而係配左哈蜜瓜同醃蘿蔔，同出面食嘅有唔同，味道都幾新穎。本來以為夾哈蜜瓜會好怪，點知好fresh，食完唔膩，仲帶少少甜味，令片皮鴨個味多一個層次環境黎講都幾唔錯，坐得舒服，不過太多人叫片皮鴨嘅關係等得有啲耐
繼續閱讀
每年大閘蟹季節都要大拆一餐，今年揀咗呢間位於灣仔嘅大都淮揚，餐廳裝潢高雅有格調，環境寬敞，枱與枱之間間距寬闊，能夠保持社交距離之餘亦為食客留有一點私隱度。今日揀咗大閘蟹饗餐$498（另加服務費、茶芥）。套餐包括2皇1后，一共有3隻大閘蟹，侍應介紹蟹種選用鮮活 黃毛金爪，貨源有保證，今日呢隻蟹皇有成5両重，蟹后乸都有3両半，隻隻都爆曬膏，鮮黃色蟹膏味道濃厚香醇，細味齒頰留香，屬高質靚蟹。以呢個價錢食到咁高質嘅大閘蟹性價比相當高。雖然今日嘅主角係大閘蟹，但各款淮揚美食一啲都冇被比下去。其中呢味燈影魚片、冰宮肴肉，擺盤細緻，魚片絲薄透光，香脆美味，肴肉晶瑩光滑，肥而不膩。豆腐羹非常香滑，蟹粉小籠包皮薄餡靚，咬開湯湧出，鮮味四溢。原隻鮑魚蔥油拌麵，鮑魚非常入味，肉質充滿彈性。雪裏紅手剝蝦，蝦肉爽口彈牙，鮮度十足。薏米湯圓，薏米夠腍，湯圓柔軟香甜。仲有任飲陳年彫皇！呢餐夠曬豐富。今日埋單用左云閃付銀聯二維碼俾，消費淨額夠$500就送50蚊現金券，下次再嚟就可以了用啦。
繼續閱讀
食物有水準但服務真的有很大改善空間😂😂所有“叫上”嘅食物，未叫巳上食蟹……最忌比人吹😒1公1乸先上，未食完巳上第三隻😑😑第3隻蟹食到1半，就上埋蝦同涼拌麵😔😔叫住唔好上湯圓，都係你有你叫，佢有佢上😨😨埋單掛住傾計，唔記得check單返屋企先發現比佢收左＄30唔知乜嘢“生果”😤😤
繼續閱讀
一年一度令人期待既大閘蟹🦀🦀時節又到啦，每年都好想好想食好多大閘蟹😻 今年第一食梗係要簡間正野作為好開始，聽聞高級中菜廳 🌟 #大都淮陽中菜 推出左大閘蟹饗宴，一於即刻訂位滿足下先😚 餐廳環境高貴優雅，座位寬敞感覺好舒適。依家只要消費淨額$500或以上，用云閃付銀聯二維碼付款，仲送$50現金券俾你下次用添👍👍·🦀🦀🦀大閘蟹 我要進來了！·♡大閘蟹饗宴 (HKD$498/位，兩位起，另加一服務費及茶芥)******************************特色冷盤2款，包括 燈影魚片🐟 & 冰宮肴肉，聽到個名已經好吸引🤩 燈影魚片係炸到紙咁薄既魚片，面頭加左糖霜🍯 晶瑩剔透甜絲絲☺ 冰宮肴肉表面嗰層啫喱好Q彈，口感好似食緊冰凍啫喱咁，好得意🐽·雪燕菊花豆腐羹🌼哩款絕對係巧手功夫菜💓 豆腐一絲絲像花球般綻放，顯出師資既心靈手巧😍 湯裡加入雪燕及蒸蛋白，為味道較淡既豆腐提升鮮味。·蟹粉小籠湯包🥠先咬開一小孔喝下湯汁🤤外皮帶點小小厚度唔會一篤就穿，呷少許醋更能提昇蟹黃既鮮味~·清蒸大閘蟹🦀(2皇1后，一共3隻)終於到主角出場所😍😍 2皇1后👉金爪黃毛，蟹公約重5両，蟹乸則重約3両。會先上1皇1后，以免因放涼而無咁美味，好貼心呢❤ 開動時有手套剪刀，食起上來更加方便衛生👍 識食梗係先食Annie最愛既蟹公😻😻一打開見到蟹膏迫爆🙀 即時心心眼左，蟹膏係青白色半透明狀，質感類似果凍咁🤤 較為粘口且咬落有點口感，延密軟綿香氣四溢💓 成個口腔就好似被蟹膏香氣溶化一樣，好好好幸福呀❤而蟹乸既蟹黃係一粒粒顏色呈橘紅、口感較厚實的顆粒狀，質感有少少起沙既感覺☺ 味道同樣鮮香味美😋 更多了一份實在口感。食完3隻大閘蟹仲會端上一杯薑茶🥃 哩杯薑茶我超級喜歡🤩 薑味超濃但唔會好辣，用來驅寒真的一流👍·原隻鮑魚蔥油拌麵🐚蔥油拌麵配上鮑魚即時矜貴左👑 淋上蔥油及微甜醬油，拌勻來吃好惹味呢😋·雪裡紅手剝鮮蝦🦐鮮蝦口感爽滑彈牙🤤 雪裡紅有點像紫菜片，實則它是雪菜未醃前的狀態，混入蝦中都幾特別~·洋薏米湯圓🥣一餐豐富既美餒當然要以糖水作結才完滿☺ 微甜既洋薏米甜湯，搭配香甜濃厚既芝麻湯圓，甜在心💓·佳餚又點唔可以配美酒🍷哩度既陳年雕皇係任飲ga🤩 微溫既熱度令酒香更加醇厚，吃大閘蟹時呷一口酒更加錦上添花💐 不亦樂乎也！
繼續閱讀
又係時候食大閘蟹啦！第一回合被這間的大閘蟹套餐吸引去試試。基本上我比較喜歡食大閘蟹套餐，菜單會比較精緻，再加上大閘蟹也不適宜吃得太多，所以不會選放題之類。我覺得這個套餐也值得介紹給大家，套餐包兩皇一后的大閘蟹，三隻都很多膏，很滿足😆。菜單其他菜式也中規中矩，可以參考以下相片，環境也坐得舒適，枱與枱之間有一定距離，不過服務上我有點不滿意，上菜上得太快，我們根本跟不上，因為這樣食物都放涼了🙈。那天全場坐滿，他們可能比較忙，上漏了水果給我們，後來經提醒後後補😅。總括來說，如果大家想吃大閘蟹，不妨到這間試試。P.S.他們還有另一個叫蟹皇盛宴的套餐，包一隻七兩大閘蟹，有機會大家試完分享一下😁。
繼續閱讀