和一麵蔵專門 (已結業)

第一次光顧此店,主要是給他們酷的日式裝潢,不過食物質素不太地道.前菜是一小塊腌白蘿蔔,好腍,清新.沙拉很新鮮,生菜很爽口.主菜是冷稻庭烏冬和溫泉旦,烏冬很滑,佐以芝麻,紫菜,蔥花,脆面團粒和冷面汁,頗美味.可惜製作過程看著他們拆一包包烏冬時感覺像拆即食面,有點便宜.甜品是一小個雪糕糯米糍,普普通通.他們只有一個師傅,長得頗好看,有點像江口洋介,不過身材太健碩了吧.因此他儘管很勤快,上菜也較慢.

這間店…究竟是何時開的…灣仔總是有時不知不覺地在不知名的角位開了新店…太愛吃辣拉麵的我，我沒看到拉麵是餐呢…（這客人阿呆率高企）拉麵餐$68，有前菜小碟（南瓜？）、沙律（菜和茄子）、拉麵、雪米磁（我的是香芋味）連埋餐呢個價錢ok咯我另外叫了$1x的西瓜梳打拉麵除左料外，仲可以自由揀豬骨、醬油、味噌三種湯底，同埋大中小辣呢三種係最基本既拉麵湯底我係味噌派，我朋友係豬骨派，我覺得醬油是空氣（Sogo地下那間…），可以無視=w=;;;味噌的味比較濃，今天我先試下豬骨湯我覺得拉麵個湯個辣味好正，但其他地方一般啦，有待改進不過係灣仔呢區黎講都算好架啦…唔使我走到八八八同別府咁遠路…個拉麵最大問題係…d料有d凍…湯底不算濃，拉麵感覺上跟買回家的即食拉麵差不多不過個種辣味係我追求既辣味（辣都好多種，四川麻辣個d我就唔鍾意食），雖然唔夠我想咁辣研究湯料…除左洋蔥外…原來仲有芝蔴…啊…所以湯有點香口味…這麼小小的芝蔴先生居然可以令到湯有不同的感覺…>O<這間店地方小，星期六店員只有侍應妹妹和廚師哥哥（叔叔XD）侍應一個人做這麼多東西很辛苦吧

lunch break 走入去食個飯~佢有一個優惠係外賣平$20, 但因和朋友打算坐底傾下，所以都選擇堂食。於是叫左一個一口炸豚咖哩飯等....等.....等....等了50分鐘都還未出來一個lunch break只有一小時，做一個豚肉咖哩飯要用50 分鐘嗎?難道豚肉還在五風行未運到?難道稻米青黃不接未能收成?難道薯仔紅蘿蔔要日本進口?難道咖哩要在印度淆制而成?別說堂食，如果買了你們外賣的都餓死了。由於根本食唔切關係，結果把堂食轉了外賣...回到公司一打開....咪又係普通咖哩豬....固力果咖哩磚級數、普通紅蘿蔔、薯仔、一般圓身日本米......即食級數，成個lunch 時間做..好野 / _ \ 真係十個叻

拉麵湯底正﹗(糖心蛋真係一定要食﹗)料一D都無求奇﹗好好食﹗枝豆唔駛講啦﹐好食﹐天婦羅一樣落足料﹗豆腐唔係求求奇奇﹐有水準﹗﹗環境好好﹐好舒服﹐去洗手間方便(乾淨)﹐STAFF 好NICE﹐老闆好有HEART﹗﹗會好尊重每一位客人﹐包括叫外賣的客人﹐很多選擇﹐日本不同地方的配料好好﹐再配拉麵﹐有創意﹐湯底有得選擇﹐豬骨湯底味道夠濃﹗坐得好舒服﹐冷氣夠﹐好有風味

今日我同呀媽去左呢間野到食~個女侍應黑口黑面咁......我地叫左個黑豚肉手打拉麵(28蚊)配芬達橙汁支裝(+5蚊)同茄子天婦羅(18蚊)黑豚肉手打拉麵d黑豚肉得好小拉麵同湯都唔錯茄子天婦羅唔夠粉

我記得好耐之前佢岩岩開既時候我見到佢,, 但後來都冇機會去試..今次想食平鳥冬,,, 唔想去咁遠就揀左佢喇...一去到既時候,,, 入面冇人,, 心已經諗,,, 唔通好難食...有D驚,,, 不過都尼到,,, 咪入去食囉...款式都算多... 我叫左黑豚肉讚岐烏冬... 黑豚肉讚岐烏冬 $48本來個烏冬係跟烏冬湯底...雖然唔知烏冬湯底究竟係咩,, 不過反正我想要豬骨湯底,, 就問佢可唔可以轉,,, 就要左豬骨湯底...其實都等左好耐先有得食... 不過有朋友傾計冇所謂啦,, 都冇所謂既...烏冬既配菜唔少,,,, 係相到會見到有咩...都幾好味,, 豚肉唔係想像中既厚切豚肉,,, 而係薄片豬肉,, 但係又唔夠薄,,, 而且唔夠肥,,, 有幾舊都冇食到,,, 因為太硬咬唔到...烏冬,,, 比平常既硬身,,, 有冇咁粗,,, 食落覺得好硬,,, 一D都冇吸收到湯底既味,, 好似冇味既烏冬咁,,, 雖然唔係話差到食唔落,, 不過我唔會再食第二次囉..湯底::::: 超咸,,, 基本上就係冇豬骨味,,, 就只有咸味我下次就唔會再尼架喇,,,只係為左食飽既話,,, 可以既...雖然唔係話真係

老實説句,當它初開業時已來試過,水準是合格,但就認為價位是偏高,而且,左鄰右里不是粥店快餐,就是茶餐廳,二三十圓便一個午飯,但來吃個拉麵便要最少四至八十大圓,是有些拒人了。好吖,現在它有賣下午茶,二十八圓就有碗义燒豬骨湯拉麵,試多次亦無妨。付帳時女孩子很有禮貌,然後找個位坐著等外賣,另一位女孩也禮貌地奉上熱茶,再看師傅將湯做好放一碗,麵滾好放另一碗,交到我手中,這個價錢這樣認真,坻讚!吃罷認為湯不夠是它的弱點,湯哧合格($28),麵質不彈牙易腍,义燒就較乾(三片),但這不能怪它,因為在日本當地吃到的也不一定有水準!其他配角,海帶春蔥粟米粒筍片都足,正價不化算、下午茶抵吃!!

四月下旬‧晴新店我總有興趣試，來這裡，當然一心想吃日式拉麵。就在一個下午來到，這裡是一間開在摺角位的日式麵店，舖面不大。一個人來，當然是坐在吧檯位，看到裡面熱氣騰騰的，正想要碗都來吃之際，但從手機上網，看到這裡的食評，那裡「一評食家」的撇開不計，但見「苦男人」兄及「蝗蟲同學」都給這裡的拉麵一個「淒涼面」，那就很有指引性，當然立即轉軑，要了個吉列一口豚的咖哩飯。先來的味噌湯，用一個飯碗來盛的，比起正宗的大了很多。還送來一個吃湯麵的羹，說不出的港式地道！湯反而還不錯，不過鹹，也有點鮮味。只簡單的下了豆腐粒及海帶，清清的。看這裡的餐紙，說食物也不下味精的，看來所言非虛。飯是大大碟的，咖哩多，飯也多，很夠份量。吃咖哩飯，我最重視的就是飯。這裡的飯，是珍珠米，算是軟熟，硬身一點的，和上了咖哩，都好吃。所以就算份量是多了一點，但我也是吃清的。吉列豚肉炸得不錯，吃起來鬆脆，豚肉雖然不算很鬆化，但也可口的。一向不喜歡日式咖哩，但這裡的又是不錯。不知道是否用上咖哩磚，但也另下了紅蘿蔔及薯仔去同煮，前者煮得不太稔，但吃起來甜美。後者煮得稔，跟咖哩吃起來，幾好味。這碟咖哩飯，我是收貨的，唯獨是送來的又是一隻

這裹我算是一個老顧客,因為LUNCH HOURS 通常過來吃,朱骨湯首選!!我一定選擇牛肉拉麵,有位waitress 一定記得幫我轉湯底....,哈,因本人喜愛這豚骨湯,lunch hours 一定全場爆滿,我每次來都見到這場面!!厲害吧!!但最近不見了這位女writress la,而是另一位,不過應該新手,控制不了場面...而我轉湯也忘掉了,算失察吧....以前那一位writress一定記得,還很有禮貌,有笑容的,就算多客也能弄好!也可以記低客人口味!!~這裏細細的場,令客人有歸屬感!!值得一試!!!希望下一次光臨,見到的是好員工,好環境!!那位女writress會在吧!有朋友也說每次來都見到她才安心!

自己本身好鍾意食日本嘢，前晚同個Friend見到呢間日本拉麵店， 好似幾靓於是走入去試吓。我哋兩個都係叫厨師精選推介，我叫咗個煱燒鰻魚飯(滑蛋鰻魚飯)$58，我個Friend就叫咗個吉列黑豚豬扒定食$48。我果個好快來，係煱上，味道唔錯! 我個Friend見我食到一半，已經等得好唔耐煩，不過店員都察覺到，亦好禮貌錦say sorry，終於等到豬扒定食出場，果塊豬扒真係大到嚇死人！ 我覺得好鬼唔抵(我個煱細 好多)，我哋急不及待試塊豬扒，真係抵等佢，好鬆 化！之後我哋仲叫咗個吉列廣島蠔$88，同樣無失望，炸得幾好，隻蠔好熱！啲食物就好值得推介，唯一就係等得耐啲。一定會再來，因為仲有好多嘢未試，好飽，下次再試！

已經想試呢間餐廳好耐,因為lunch time好多人,果日放工經過終於入去叫咗碗义燒玉子拉麵,豬骨湯底,嘩,超正! 個湯超好味,仲有佢個溫泉蛋凍豆腐都好好食! 間餐廳雖則細細,但水準好高,真係估佢唔到 (有D似高級日本餐廳)! 一定會再去,因為實在太好食!

果日行街見到間鋪頭幾靚，就諗住入去同媽媽慶祝生日，入到去裝修係幾靚，幾似日本既餐廳，之後個待應叫我試下個炸魚仔，我見佢sell得我咁開心，未試下囉。之後叫左個冷烏冬+溫泉蛋同炒野菌。冷烏冬同溫泉蛋最先黎，我覺得個冷烏冬個汁好怪…個味好淡，個色又好淺色，唔講都唔知呢一兜野叫做冷烏冬，個溫泉蛋就麻麻啦，普普通通，但比個裝修呃左入去囉，以為真係可以做到日本最原裝正版既溫泉蛋，點知唔係心目中既野…失望一次。之後黎左個炸魚仔，我媽食左兩條之後唔想食，佢話個味有d怪…最後吐返晒出黎，又俾個待應仔呃左，價錢已經唔係問題，仲要比埋d咁既野食…最後個野菌仲火！落左order成半個中都無得食！唔知係個侍應無幫我落單定個廚師做得慢啦，得兩張台，仲要我等！等到個野菌黎，又超鹹！鹹到叫個侍應拎返入去！果刻勁想唔要！勁想擺低三百蚊就走人！叫佢唔洗找！但媽話唔好搞事，所以未算囉。但始終唔忿氣，走上黎勸大家一句，就算去食，都唔好試呢幾樣野，我個人試過，知道唔得，但其他未試過就唔知啦…

因為夠晒貴，差唔多去到中環交易廣場既價錢，就係一碗拉麵，我就係因為睇左呢個價錢，覺得﹕「咁鬼僻都夠膽開呢個價，一定有料到﹗」就衝左入去。咁味道點呢﹖嘿，好既就唔會有呢條題啦，成碗麵最得既就係溏心蛋，夠流亦有蛋味，係蛋白實左少少，不過唔緊要，因為如果我知碗麵係咁既話，我就會留起隻蛋，最後先食。湯底，唔得，稀而無味，奇就奇在幾油下喎，咁點解會無味既﹖麵條用既係靚料，不過唔夠煙韌，真係用日本貨﹖塊叉燒真係唔好食，瘦到一滴油水都無，乾哽瘦肉咁，點食呀﹗至於服務，我反而無失望，望到班妹妹弟弟，都唔會有乜野希望啦講真。有d野，真係要去日本食先得。

18-12-2009朋友又要開夜, dinner 只可繼續喺灣仔搞掂. 嚟到後街, 本來我想食過橋米線的, 但為免朋友無啖好食, 又見呢度有拉麵供應, 凍到甩鼻整碗應該不錯, 試試吧. 一人各食了一碗拉麵, 另加了一人一客溏心蛋, 再 share 一客小食.先嚟溏心蛋 (好似 $12 each), 做得夠晒溏心 (但中間 d 蔥花搞乜咁畫蛇添足?), 食落帶點「流心」, 不過無乜味道, 唔怪得要配「味咐」紫菜同吃 @_@" 蛋白就異常實淨嚡口, 而且 serve 時竟然係冰凍的, 煮定一大堆放入雪櫃? 主食揀了醬油湯底的豚角煮玉子拉麵 ($68)... 先呷啖湯, 味道淡淡的, 又有點怪怪哋, 佢 d 咩「醬油」來的? 麵條無鹼水味, 幾爽口煙韌, 還 ok;「豚角煮」係腩肉, 賣相「立立令」, 十足日式西餐廳 display 內的 wax 模型 , 食落瘦唔得鬆化肥咬落又似橡皮, 味道又唔覺得「煮」過, 唔得喎 隻蛋就叫最好, 質素同單點的一樣, 不過呢個浸了熱湯食比之前的好; 配料仲有大量昆布, 雪藏雜菜, 及聞落幾臭的筍條, 當然唔會食.朋友食味噌湯底的叉燒玉子拉

晚上八時路過呢間新開既拉麵，客人不多。店舖標榜沒味精及新鮮食材，拉麵價錢由$68~108不等, 比起其他地方的拉麵價錢較高。1. 玉子叉燒麵豉拉麵($68): 麵豉湯底味道清淡可口，4片叉燒味道不俗，半隻玉子可惜不是流心的，整體合格有餘。2. 黑豚肉稻庭真打烏冬($68): 木魚昆布湯底清甜，烏東亦彈牙，很好味，但吉烈黑豚肉少少過火，肉質有點干。